احذروا من فندق مارين منشن او مارينا منشن بمنطقة بتايا حي العرب

السلام عليكم اخواني جميعا،،،

اخواني سافرت لتايلند بتايا في نص شهر 10 وسكنت في فندق مارين منشن ب750 بات الليلة ، الفندق زفت بمعنى الكلمة الاثاث قديم جدا جدا وازعاج البارات بالليل ل الصبح ، من غير هذا صار لي موقف من طاقم العمل في اول يوم لي بالفندق ، حجزت الغرفة ودخلت ورتبت اغراضي المهم قلت بأطلع من الفندق وروح محل صرافة اصرف من الدرهم للبات وللاسف تركت بالغرفة 5000 درهم اماراتي تقريبا 42500 بات ، المهم رجعت للفندق عقب نص ساعة فقط إلا وادور الفلوس ما لقيتها ، نزلت لهم تحت وبلغتهم وما سووالي اي شي ، الحلو فالموضوع انه كان فيه كاميرات عند الغرفة قلت لهم ابي اشوف فيديو كاميرات المراقبة بس الصدمة من لحظة خروجي الى لحظة دخولي ما في احد دخل الغرفة فعلا كانت صدمة ، والاكبر من هذا لما دخلت الحمام اكرمكم الله لقيت غبرة عالبلاط ولاحظت فالسقف فتحة والله ثم الله دخلت في هالفتحة وبسهولة قدرت امر لحمام الغرفة الثانية وهكذا تقدر تمر بين الغرف فقتنعت اني انسرقت بالهطريقة من هالفندق الزفت ، وبنفس اليوم سويت شك اوت

والله العظيم هذا اللي صار لي وحبيت احذركم