ميزانية للبخشيش

مساكم الله بالخير اخواني الاعضاء المحترمين اليوم بقولكم سالفه حصلتلي امس –وضعت مفتاح غرفتي في الرسبشن وطلعت عقب ساعتين رديت مالقيته -دوروا مالقوه المهم فتحولي الغرفه ودخلت ثاني يوم شغلو الكاميرا للتأكد من اني وضعت المفتاح في البوكس يس طلبو مني تحديد الوقت للاسف ماكنت عارف بالضبط وقت خروجي لأن في بتايا مايهمك وقت ولا تاريخ ماابي اطول عليكم قعدنا نشوف التسجيل وما طلعت صورتي وانا اضع المفتاح قمنا غيرنا القفل ودفعت الغرامه 1000 بات هذا الضهر ——نفس اليوم بالليل جيت من الخارج ومعاي مفتاحي بجيبي دخلت على الرسبشن وطلبت مفتاحي فوجدته عندهم للاسف ان الذي حصل ان احد الشباب اخذه بدون علم الرسبشن وهكذا غرمني 1000 بات بدون قصد طوفناها لموضفه الرسبشن –ولكن موضوعنا هو البخشيش انا صار لي حوالي 25 يوم ياجماعه حسبت حسابي لقيت نفسي وايد دافع بخاشيش ولما دققت اصابني ذهول من المبالغ اللي عطيتها بدون معنى بذمتكم ماهي ميزانيه ؟؟؟؟؟؟