بانكوك …. بوكت… موضوع جميل بالمختصر المفيد

حبيت أنقل لكم هذا الموضوع الجميل وإن شاء الله يعجبكم

1 ـ سافر وانت متطمن …

2 ـ يعني ما فية شي ابد ولا (( يس )) ولا (( نو )) اكيد فية …
مافي مشكلة راح تسير امورك لو با الأشارة ههههههههه ..

3 ـ انا مسافر ومعي بنتي عمرها سنتين ونص ولم اواجه اي مشكلة
بس انها اشغلتني شوي بالطائرات والأسواق والشارع … بس معي الشوكولاتة
أي صيحة أي طلعة غلط كلها قطعة (كيت كات) على اسمك … وتنتهي المشكلة .
نجي الان للأستفسارات !!!!!!!!!!!!!!!

1 ـ انت ذكرت أفضل المناطق في بانكوك بالنسبة للمدة كالتالي :
فوكيت : 7 ايام … شيانج ماي : 4 ايام او ثلاثة … بانكوك : 3 او 4 ايام في نهاية الرحلة
(فوكت) جزيرة تتميز برحلاتها البحرية .. واللألعاب المائية … ولا تنسى (( فنتازيا )) عرض روووووعة
وكذلك ( صن ست ) افضل غروب في العالم .. بس خسارة انا رحت وماطلعت الشمس ذاك اليوم غيووووم
كذلك اعلى نقطة في فوكت … واشياء كثيرة في فوكت …

(شيانج ماي) مدينة الزهور … والطبيعة .. تتميز بشلالاتها وبعض الرحلات الممتعة مثل ( الفنت فارم )
اللي هي مزرعة الفيلة حيث تبدأ في عرض للفيلة ثم ركوب الفيلة مرورا بالمرتفعات ثم عبور النهر
على الألواح الخشبية ثم ركوب عربات تجرها الثيران ثم بعد ذلك وجبة الغداء ( بوفية معقول نوعا ما )
ثم المرور على عرض القرود ثم حديقة الورود ….
ايضا هناك رحلة تمر بأكثر من معلم سياحي وتشاهد القرويات (( ام ارقاب طويلة )) على الطريق
وبها بعض المعابد … بس انا ما رحت للمعابد لأني لا احبها …

2 ـ التذاكر الدولية الكبار 2700 ريال والصغار 2000 ريال (( طيران الخليج ))
التذاكر الداخلية انا اخذتها من الرياض ثلاثتنا بسعر 3000 ريال شاملة كل التذاكر
وهذي غلطة … الرحلات الداخلية عندهم كثيرة بالهبل ورخيصة مرة يعني من المطار
تقطع التذكرة وعلى الطيارة على طول … ( عنده اربع شركات طيران )
الفنادق تتراوح مابين 100 الى 150 دولار لليلة … ( طبعا الغرفة المزدوجة )
مع الأفطار ..

المصروف اليومي التقريبي 500 ريال (( مرفة جدا جدا )) وجدااااا بعد .. ههههه
انا ما حسبتها بس هذا مبلغ كبير على اليوم الواحد ويوم عن يوم يختلف …

3 ـ سعر صرف الدولار الى عملتهم : الـ 100 دولار = 3750 بات تقريبا

4 ـ التأشيرة زي ما تبي من السفارة او المطار الشخص 100 ريال
انا اخذتها من الرياض لمدة شهرين .. بس من عندهم من المطار يعطونك لمدة 15 يوم بنفس السعر
وأي يوم زيادة 50 ريال للشخص .. يعني خذها من السفارة احسن لك …

5 ـ الفنادق برشحلك الآتي : (( مجربة .. سكنت فيها ))
* ـ بانكوك عندك فندق (( اماري بوليفارد )) حلوووو مرة للعوائل
فية فندق اسمة (( لاند مارك )) يقولون حلووو بس ما جربتة

* ـ فوكيت عندك فندق (( اماري كورال بيتش )) فندق روووعة وعلى البحر مباشرة
في شاطئ الباتونج ( اللي هو شاطئ الوناسة والحياة والحركة )
ـ فية فندق (( مريديان )) حلووو بس ماهو بالباتونج … يبعد عن الباتونج 10 دقائق
وتبي رأيي اسكن في (( اماري كورال بيتش ))

* ـ شيانج ماي عندك فندق (( الشيراتون )) حلووو وممتاز يقع على ضفاف النهر
وقريب من البازار نايت ( السوق الليلي )
ـ فية فندق ثاني اسمة (( رويال برنسس )) يقع في وسط البازار نايت
ـ ايضا هناك فندق حلو اسمة (( شيانج ماي بلازا ))
واذا تبي رأيي اسكن في (( الشيراتون ))

* ـ بالنسبة للحجز اذا تبي تكون في السليم احجز من هنا خصوصا ان لغتك صفر على قولتك
ولو بغيت تحجز من هناك مافية مشكلة يوجد مكاتب بالمطارات لحجز الفنادق بس لا تنسى
تفاصلهم بالسعر ….

6 ـ الرحلات الداخلية ما فية مشكلة خذها مناك احسن لك (( ارخص ))
وطياراتهم على قفا من يشيل بالهبل خصوصا من الصباح الى العصر
وحدة ورا الثانية مافية اي مشكلة بالحجز …. واللغة لا تشيل هم بتمشي نفسك …
مدة الرحلات لا تتجاوز الساعة في كل رحلة … بس بقولك شي مافية
رحلات دايركت بين فوكت وشيانج ماي … لابد من مرور بانكوك …
المواصلات من المطار الى الفندق بالتاكسي تاخذة من المطار بسعر لايتعدى 60 ريال

7 ـ من ناحيت الأمن تطمن الوضع آمن ولا فية مشكلة بالمرة … ماغير اناقز انا وبنيتي بها الشوارع
ولا حولك احد … (( بس دائما في الخارج خلك بالسليم … اظمن لك … شكلي خوفتك بها الكلمة الأخيرة
عموما لا تخاف الوضع مطمئن لدرجة الوناسة … ))

بالنسبة للأوقات بقولك شي بعد 12 بالليل خلك بالفندق أحسن لك … لأنك بعد ها الوقت راح تشوف مناظر
ما تعجبك انت والعائلة … يعني 12 وانت بالفندق …

8 ـ مواقف النصب الحمد للة ماتعرضت لها ابد … بس خلك مركز خصوصا بالأسعار ( خلك ذيب )

9 ـ اسعار التكاسي : ما راح تحتاج للتكسي كثير لأنك راح تحجز لرحلاتك السياحية من المكاتب
السياحية المنتشرة بالشوارع ( هج عن المكاتب اللي فيها عرب ) وراح يجيك الباص بالفندق الصباح
وياخذك للرحلة وبنهاية الرحلة يرجعك للفندق …
والمشاوير القريبة عندك ( التوك توك ) ارخص من التكاسي .. بعدين وناسة وسيلة جديدة علينا …

انا احيانا آخذ التاكسي بـ 150 بات بالساعة يعني 15 ريال .. عموما ما تحتاج للتاكسي ..
نصيحة : في بانكوك زحمة مرة حاول تستخدم السكاي ترين ( القطار ) …

10 ـ الاسواق :
التسوق غالبا في بانكوك خلة للثلاث ايام الأخيرة …
اهم المراكز التجارية في بانكوك هي :
ابداها بـ سيام باراجون ثم سيام سنتر ثم سيام ديسكفري ( وهذي كلها ماركات وغالية)
كلها جنب بعض تطلع من واحد تدخل على الثاني …
اذا طلعت من سيام ديسكفري أعبر الشاعر من خلال جسر المشاة الى
المركز النابض والحلو والروعة والرخيص نوعا ما اللي هو (( M B K ))
وملاصق لة ( طوكيو سنتر ) …
واذا تبي نصيحتي خليك على ام بي كي وطوكيو سنتر احسن لك …

نصيحة : لابد من المفاصل بالسعر يعني اللي يقولون لك بـ 1000 بات قلهم بـ 200 بات
وراح يوافقون لك …

* ـ فية عندهم اكشاك بالشارع وبسطات رخيصة مرة …
محلات الماركات المقلدة تلقاها في ( نانا ) منطقة العرب .. وهي كثيرة
احسنها محلات ( فريدة علي ) ومحلات امينة …. وغيرها …

(((استفساااااااارك الأخير )))
الأماكن السياحية :

اولا بانكوك :

1 ـ سفاري بارك ( عروض حلوووة لأسود البحر وعروووض الدلافين وعرض الكاوبوي
والعرض الأروع على الأطلاق جيمس بوند …. لا تفوووووووتك …. )

2 ـ دريم وورلد ( ملاهي حلوووووووة )

3 ـ السوق العائم ( تتجول على قارب وتشاهد قوارب الفواكة حولك … يبيعونك بالغصب هههههه
كذلك تشاهد محلات التحف والهدايا … تتسوق وانت بالقارب ما تنزل … حلووو مرة .. لايفوتك )

4 ـ المعابد ( انا ما احبها ما رحت لها )

5 ـ بعض الرحلات السياحية داخل وخارج بانكوك .

ثانيا : فوكيت

1 ـ فوكيت فنتازيا ( عروض حلوووة ثم العرض الأروع على الأطلاق مدة ساعة ونصف
يبدا الساعة التاسعة مساء .. يعني رح الساعة 7 شاهد العروض اللي قبلة …
وفية عندهم صالة طعام كبيرة وبوفية حلوووو .. يوجد قسم للأكل الأسلامي )

2 ـ الرحلات البحرية ( رحلة الى جزيرة بي بي + رحلة الى جزيرة جيمس بوند)
وحدة منهم تغني عن الثانية …

3 ـ ركوب الفيلة والمرور بين اشجار المطاط والمرتفعات …

4 ـ الألعاب المائية بالشواطئ …

5 ـ اعلى نقطة في فوكيت …

6 ـ ( صن ست ) افضل غروب في العالم (( اذا انت رومانسي رح لة … هههههه ))
بس على الله تطلع الشمس ذاك اليوم .. انا على بالي رومانسي اخذت المدام ورحت
بس ما طلعت الشمس كان الجو غيووووووووم …

7 ـ بعض الرحلات لصيد السمك …

8 ـ المعابد بس ما احبها …

ثالثا : شيانج ماي
زي ما قلت لك بالبداية ( الفنت فارم ) مزرعة الفيلة … قلت لك وش فيها بالبداية …
الشلالات وبعض الاماكن اللي ذكرتها لك في البداية …..

للأمانه الموضوع منقول …. بس عجبني مره وقلت لازم يستفيد منه الأعضاء في هذا المنتدى الجميل