تقرير موظف لشهرالعسل في بلاد العجائب

اقدم لكم اليوم تقريري حول رحلة شهر العسل \
لااخفي عليكم سفرتي اتت بعد نصيحت اخ عزيز لي من خارج المنتدى وبعض موضيع هذا المنتدى المبارك اخذت معلومات جيده فالى كل القائمين والمنتسبين بهذا المنتدى الغالي شكري وتقديري واحترامي لهم على ماقاموا به من تقارير وإيضاحات ومعلومات مفيده لكل مسافر جديد وقديم الى مدينة العجائب …..

اسف على التاخير بالتقرير وبالنسبة لتقرير حبيت انها يكون سرد مره واحده لان اشوف اللي يجي مقطع يشتت ذهن الشخص وسويت جهدي بحيث اني انزله مثل ماهو والشي الثاني ان شاء الله انه يكون مفيد واقدر افيد هالمنتدى بشي مثل ماانا استفدت والتصوير لكم عليه ……

اما خطوط الطيرآن المقترح فكان طيرآن الاتحاد الاقلاع من الرياض أبوظبي بانكوك والعكس الذهاب كان بتاريخ 13/8/ يوم الاثنين الساعه 4.30 صباحاً والعوده كانت بتاريخ 28/8 وسعر التذكرتين 5180 ريال وبخصوص الفنادق كان الحجز عن طريق الانترنت وكان بمساعدة صديق عزيز على قلبي وهو نفس الشخص اللي كان ينصحني بالسفر الى تايلند وسوف اذكر لكم اسماء الفنادق في التقرير

تم الوصول الى مطار ابو ظبي الساعه 7.15 وتم الانتظار بمطار ابو ظبي الى ان تم الاعلان عن رحلة بانكوك الساعه التاسعه وتم الوصول الى مطار بانكوك الساعه 6 مساء تم تخليص الجوازت وبعدها استلام العفش الساعة 8.30 تعرفون اول مره نجي هالديره وبعدها تم اخذ تكسي الى فندق Baiyoke Sky Hotel طبعاً وصلت الفندق منعمي ادور الفراش من التعب وصراحة ماصورت اول ماوصلت الفندق قمنا الصباح بدري افطرنا وسويت تشك اوت للفندق الساعه 10.30 كانت عندي رحلة لشنغ ماي الساعه 12 وهذي بعض الصور تم التقاطه من مطعم الفندق في الدور 69

شنغ ماي كانت الرحلة على طيران Nok Air نوك اير

تم الوصول الى شنغ ماي وكان السكن في فندق Royal Princess وتم الخروج من الفندق الساعة 7 مساء من الفندق وصراحة اللي اعجبني في هالفندق انك اول ماتطلع من الباب السوق الليلي امامك وتم التجول في السوق وخلال التجول حصلت لي مكتب لشخص مسلم اسمه وليد خان والمكتب اسمه مكتب الأجمل صراحة معاملتهم مره حلوه وبعدين ارتحت للمكتب حجزت عندهم رحلة لركوب الفيلة
كانت الرحلة في اليوم الثاني وهي مشاهدة عروض الفيلة وبعدها ركوب الجواميس تكرمون والعودة على ظهور الفيلة وبعدها تغدينا وبعدها تم ركوب القوارب وهذي بعض الصور للرحلة

ومن ثم اتجهنا لعروض القردة ومزرعة ذو الرقاب الطويلة ومن المضحك بعد ماطلعنا من عرض القردة سئلني السوق قالي تبون تروحون رقبة طويل قلنا يالله توكلنا وطول الطريق وانا والمدام على بالنا انه يقصد الزرافة وهذي بعض الصور طبعاً البرنامج كان من الساعة 9 صباح الى 3.30 مساء وكانت الرحلة في سيارة سفيك موديل 2007 وكان سعرها 2000 بات شامله الغداء

في اليوم الثالث تم الحجز عند نفس المكتب طبعاً في سيارة خاصة الى قمة الجبل والشلالات وكانت الرحلة من الساعة 9 صباح الى 4 مساء بس كان مناظر الشلالات شي جميل وهذ بعض الصور للرحلة وكانت الرحلة 2000بات لشخصين

في اليوم الرابع تم الذهاب الساعة 9 صباح الى النهر لركوب القارب لمدة ساعتين ومن ضمن الجولة زيارة اتوقع انه متحف بعد مانزلنا فيه قام يشرح سواق القارب عن بعض النبات المزروع فيه وبعض الاشياء القديمة وبعدها قدوم لنا وجبة فواكه وعصير كما هو بالصور

وهذا صحن الفواكه اللي قدموه لنا

وهذي صوره اعجبتني

وهذي صوره وحنا بالقارب

وبعد النهر اتجهنا الى مصنع الحرف وتجهنا بعدها الى المعروضات ومثل ماانتم عارفين ممنوع التصور
وبعدها اتجهنا الى مصنع النسيج وعدنا الى الفندق الساعة 2 مساء

وهذي بعض الصور لمصنع النسيج

تعتبر شنغ ماي احلى مدينة زرتها وهي اللي سبحان الله ارتحت فيها اكثر ..

طبعاً كل حجوزاتي سويتها من الرياض الا رحلة شنغ ماي بوكيت سويتها من مطار بانكوك وكانت غلطه وخذيت منها درس كانت الرحلة على طيران Nok Air نوك اير كان مسار الرحلة وقت الاقلاع من شتغ ماي الساعة 10.40 صباح والوصول الى بانكوك الساعة 11.40 ووقت اقلاع رحلة بوكيت الساعة 4.35 مساء واللي زاد الطين بله انهم مايستقبلون العفش الا قبل الرحلة بثلاث ساعات

وصلنا بوكيت الساعة 5.50 اول ماوصلنا بوكيت كانت الاجواء خياليه امطار

تم الوصول الى فندق Graceland وهذي بعض الصور للفندق

وهذي من بلكونة الغرفه

مسبح الفندق

في اليوم الاول في بوكيت اتجهنا الى الشاطى وكان قريب للفندق وضيعنا يومنا بالتجول في الباتونق
وحجزنا رحلة جمس بوند

رحلة جمس بوند كانت من الساعة 8 الى 5 وكان سعر الرحلة 1700 بات للشخص وتم الحجز عن طريق مكتب بالفندق
تم التوجه الساعة 8 الى مزرعة فيها ركبنا الفيلة وفيها استراحة صغيره واتجهنا في الباص الى الشاطى الساعه 11 ركبنا القارب واتجهنا الى قرية المسلمين تغدينا بالقرية وبعدها تجولنا بالقرية لمدة 20 دقيقة كما بالصور

وهذي وحده داخل القرية لقيتها تخبز

وبعد ماخلصنا غداء اتجهنا

ركبنا القارب واتجهنا الى القوارب المطاطية وصراحة ركوب القوارب كانت ممتعة بما تعنيه الكلمة كان سواق القارب مسلم وهذي بعض الصور

وبعدها اتجهنا إلى الباص وكانت أمطار شديدة والحمد الله أن المطر ما اشتد إلى بعد ماركبنا باصنا وبعد ماركبنا الباص اتجهنا إلى منطقة اللي فهمته من المرشدة أنها منطقة قرود بس مقدرنا ننزل من شدة الإمطار وبعدها اتجهنا إلى محل اسمه على مااعتقد cashewy

ومن ضمن الجولات في الباتونق دخلنا مجمع جديد والظاهر انه توه فاتح ماله وقت طويل وكان فيه عرض وهذي بعض الصور للعرض

فنتازيا وما ألوم اخوي القانون لما نصحني مرتين أني ازور هالمكان صراحة عندهم عرض خرافي مايحتاج والله أني منقهر أنهم مايخلون الواحد يدخل بالكاميرا لكن التقطه بعض الصور

في أخر يومين تم الانتقال من فتدق قريس لأند الى موفنبيك قصدي منتجع موفنبيك صراحة منتجع حلوة وحق أن الواحد مايطلع منه كنت حاجز فيه فيلا بمسبح وهذي صور شامله للفيلا
صور الفيلا

بعدها تم التوجه إلى بانكوك على طيران Bangkok كان موعد الإقلاع الساعة 2 مساء وهذي صور للمطار والطيارة

صور من الأجواء

]

وهذي وجبة مسلم لما قصيت البوردنق سئلتني الموظفة طبعا ماتذكرة أصورها إلا بعد ماخلصت أكل

وتم الاتجاه من المطار الى الفندق وكان السكن في فندق جديد له تقريباً اقل من تسع شهور على ذمة مديرة الفندق
اسم الفندق S 15 Sukhumvit وفيه أكثر من ميزه مو بعيد عن منطقة العرب تقريباً عشر دقايق مشي وكان هدية الزواج مساج لشخصين لمدة ساعة وبعدين الانترنت عندها مجانا عكس الفنادق الثانية اللي سكنتها ولكم بعض الصور للغرفة والفندق

]

أن شاء الله أني قدمت شي يبيض الوجه

لكم مني خالص التحية

أخوكم / مــوظــف شــركـه