الله لا يمسيكم الا بالخير
ويعطيكم العافية
ترى ما جيتكم الا بعد ما افتر راسي من كثر ما قراءة في ذا المنتدى ما شاء الله
لي يمكن شهر وانا اقراء عشان اختار بلد اسافر لها انا ومدامي
وبعد ما يعجبني تقرير من تقارير الاخوان اقول خلاص هذي المقصد وفيها كل الي احبه
واشوي واحصل واحد ثاني يحذر من السفر لذا المكان طبعاً يذكر بعض المشاكل في البلد الي حاط عيني عليه
يعني يقول لا تطلع بعد المغرب ، ولا يقول ابتعد عن السنتر سكارى وبنات لليل اللهم ياكافي
والله اني محتار ودي بسفره طيبة بدون مشاكل لني طالع انبسط ما ابي اخسر والا ادفع دراهمي عشان اتوهق
وانا بصراحة اعجبني في ذا المنتدى الحميمية في تقارير كل الاخوان وسجلت اليوم وقلت مالي الا الله ثم انتم
ابي الشور الطيب والنصيحة والله يجزاكم خير
انا عمري ما سافرت براء السعودية وهذي مهمه لني بصراحة خايف
ميزانيتي عشرة الالف غير التذاكر يعني اقامة ومواصلات وترفيه وبدون تسوق التسوق له ميزانية لوحده عند المدام
وسفري ابغى اضبطه في شهر شعبان هذي السنة ان شاء الله ما عندنا اجازة الا في ذا الوقت
وما ادري واين الله مودين بخصوص الحجوزات والفيزاء ولو اني قراءة عنها كثير لكن الغشيم غشيم
طبعاً انا ميت على اورباء خبركم عيال النعمة الله يديمها على الجميع
والمدام نفسها في شرق اسياء عشان الاسواق
انا ابغى اجواء رومنسية ورفاهية ابغى ادلع المدام وادلع نفسي من يوم عرفت خشتي ما سافرت
والعوض على الله واهم شي عندي الامان والهدوء والراحة
انتظر ردودكم
تكفون لا تبخلون علي
عساني ما اعدمكم
تحياتي للجميعمواضيع عشوائيه ممكن تكون تعجبك اخترناها لك:
- هل فكرت بزيارة سويسرا ، السويد ، النرويج ، الدنمارك ، جرّب فقد يصبح الحلم حقيقة .
- معلومة بخصوص موقع بوكينج دوت كوم
- حذاري من الفلسفة قبل السفرللعبرة
- سقوط جزء من محرك الايرباص
- من يرشدنا في شهر العسل
- نلت شرف اخذ عضوية في المنتدى للتواجد بينكم
- دعوه في الحرم من القلب ان شاء الله للي يساعدني في الاختيار احترت ساعدووووني تكفووون
- ابي اسافر طفشــــــانه
- محتاره بين
- تملك شقتك الفاخره في ايكون سيتى
- اريدبرنامج سياحي
- الخطوط السعودية تطوّر موقعها وتقدّم يوماً في التاريخ الميلادي
- افضل طريقة دفع للفندق ساعدوني تكفون
- نصائح لمنع حشرة بق الفراش اثناء السفر
- استفسـار لـ من لديـه الخبـره بالـ مكاتب السياحيـه
- تذكرة الى جدة او المكلا اليمن
- تحديد افضل وجهة لي لقضاء أسبوعين شهر العسل اخر فبراير
- آستفسار عن عضوية الماريوت
- المسافة بين هونج كونج وكوانزو والمسافة بين كوانزو وونزو وطريقة الذهاب
- تمتع بمشاهدة غرفة القيادة للايرباص
المفضلات