الله لا يمسيكم الا بالخير
ويعطيكم العافية
ترى ما جيتكم الا بعد ما افتر راسي من كثر ما قراءة في ذا المنتدى ما شاء الله
لي يمكن شهر وانا اقراء عشان اختار بلد اسافر لها انا ومدامي
وبعد ما يعجبني تقرير من تقارير الاخوان اقول خلاص هذي المقصد وفيها كل الي احبه
واشوي واحصل واحد ثاني يحذر من السفر لذا المكان طبعاً يذكر بعض المشاكل في البلد الي حاط عيني عليه
يعني يقول لا تطلع بعد المغرب ، ولا يقول ابتعد عن السنتر سكارى وبنات لليل اللهم ياكافي
والله اني محتار ودي بسفره طيبة بدون مشاكل لني طالع انبسط ما ابي اخسر والا ادفع دراهمي عشان اتوهق
وانا بصراحة اعجبني في ذا المنتدى الحميمية في تقارير كل الاخوان وسجلت اليوم وقلت مالي الا الله ثم انتم
ابي الشور الطيب والنصيحة والله يجزاكم خير
انا عمري ما سافرت براء السعودية وهذي مهمه لني بصراحة خايف
ميزانيتي عشرة الالف غير التذاكر يعني اقامة ومواصلات وترفيه وبدون تسوق التسوق له ميزانية لوحده عند المدام
وسفري ابغى اضبطه في شهر شعبان هذي السنة ان شاء الله ما عندنا اجازة الا في ذا الوقت
وما ادري واين الله مودين بخصوص الحجوزات والفيزاء ولو اني قراءة عنها كثير لكن الغشيم غشيم
طبعاً انا ميت على اورباء خبركم عيال النعمة الله يديمها على الجميع
والمدام نفسها في شرق اسياء عشان الاسواق
انا ابغى اجواء رومنسية ورفاهية ابغى ادلع المدام وادلع نفسي من يوم عرفت خشتي ما سافرت
والعوض على الله واهم شي عندي الامان والهدوء والراحة
انتظر ردودكم
تكفون لا تبخلون علي
عساني ما اعدمكم
تحياتي للجميعمواضيع عشوائيه ممكن تكون تعجبك اخترناها لك:
- معلومات للسائح في اسطنبول المعالم وأماكنها ارشادات كلمات للتواصل خارطة المترو
- اهل الخبره اوروباااا يعطيكم العافيه
- قضاء ايام في اسطنبول ارجو ترتيب لي جدول
- محتااااااااااااره
- اريد ان اسافر الى اين تنصحوني ؟
- وش الأفضل بشهر مارس القادم إيطاليا أم أسبانيا
- تــــــــــرانــــــزيـــــــــت وهـــــــــــــمــــــــــــي ؟؟؟؟؟
- استفسار عاجل بخصوص جواز السفر
- استفسار شهر عسل اي البلدان اقضيها
- محتاج مساعده في مخطط سفرتي لأوروبا الصيف القادم
- أرجو المساعدة
- ҈҉Ҳ‾ˉ−ـ‗ عروض وتخفيضات الفنادق حول العالم ‗ـ−ˉ‾Ҳ҉҈
- مشكلة مع مكتب سياحي لاستخراج الفيزا
- فوبيا الطيران العلاج والنصيحة من جانب آخر ارجوكم
- في احد منكم حجز عن طريق هذا الموقع
- هل جربت السفر للخارج في شهر رمضان ؟
- الحجز عبر موقع
- طيران نـاس
- الحذر ثم الحذر من الشركات السياحية وعروضها الاحتيالية
- استفسار
المفضلات