مرحبا اعضاء وعضوات منتدى العرب المسافرون وبالاخص ارحب في زوار بوابه السفر للاردن
:11ight:
بصراحه هذي اول مره اكتب تقرير عن السفر ومدعم بالصور !! من جذي سامحوني اذا التقرير كان اي شي !!
لان في الغالب لما ارد من السفر مااكتب .. لكن اسولف عن السفر :109: بس هالمره لان وعدتكم وانا عند وعدي
والظاهر راح اتعود عالتقارير وبفتش بسفراتي القديمه واسوي التقارير :114:
المهم طولت عليكم بهالمقدمه الطويله العريضه وبدش بالموضوع على طول بدون لف ودوران :106:
من مده كان ودنا نسافر للاردن بس الظروف ماسنحت لنا .. ويت لنا الفرصه هالمره من خلال اجازه راس السنه وغير جذي كانت لنا زياره لعياده احد الدكاتره بعمان :101: الهدف الرئيسي من الزياره ظهر وبان الحين !
قلنا خل نخطط للرحله عدل بس للاسف ماعندنا معلومات كافيه عن الاردن ! واهني واجهتنا المشاكل ! شلون مالون ! قلت مالي الا منتدى العرب المسافرون وماراح يقصرون وبالفعل ماقصرتو معاي باي شي واستفدت حيل منكم
كانت الرحله بتاريخ 31 ديسمبر 2008 والعوده بتاريخ 4 يناير 2009 ( المده جدا قصيره بالنسبه لزياره بلد مثل الاردن ولاول مره )
اول الترتيبات كانت حجز الطيران وكانت على الملكيه الاردنيه وكلفتنا لشخصين مايقارب 150 دينار كويتي شوي اكثر شوي اقل ماذكر بالتحديد وكان الحجز عن طريق الانترنت وحتى حجزنا المقاعد :24:
والخطوه الثانيه حجز الفندق بالبدايه حجزنا فندق الماريوت بعدها كنسلناه وحجزنا في الرويال قلنا نبي فندق افخم خصوصا ان المده قصيره جدا وحجزنا الفندق عن طريق الانترنت وكان السعر اجمالي 531 دينار اردني لاربع ليالي
الا ان يوم السفر تفاجانا بوصول ايميل يطلبون منا الحجز عن طريق التلفون .. لان الحجز تكنسل !! وكان السعر 216 اردني لليله الواحده يعني 864 دينار اردني لاربع ليالي :108: ومن غير افطار ! ووافقنا لان مالنا اي خيار ثاني
توكلنا على الله وجهزنا اغراضنا ورحنا المطار وكان زحممممممممممممه بسبب عطله راس السنه :112: .. ركبنا الطياره الساعه 5:35 بتوقيت الكويت ووصلنا الى عمان الساعه 6:55بتوقيت عمان .. مده الرحله ساعتين وربع وكانت سهله والحمدلله والخدمات جيده بس كنا شبعانين لان تغدينا بمكدونالدز :115:
اخذنا اول تاكسي شفناه بويهنا بالمطار وكانت الاجراءات ميسره جدا وقلناله عالرويال بجم رد ب20 دينار وتوجهنا للرويال حول نص ساعه او اكثر شوي وصلنا الفندق وعجبتني فخامته الانتريه واللوبي واحلى شي الاكواريوم الصغير اللي فيه الشارك !! اينن .. وبصراحه عذروني ماصورت لاني انحرجت ليله راس السنه وناس طالعه وداشه :36_1_7: شكلنا تعبان وفشله نصور .. ماحبيت بس صورت مواقع ثانيه من الفندق
وراح اعرضها لكم بعدين وهاذي بدايه التقرير وان شاءالله تكون بدايه موفقه على اني راح اكمل لكم باجي التقرير على حلقات :109: قصدي على دفعاتمواضيع عشوائيه ممكن تكون تعجبك اخترناها لك:
- تـــونس الخضـــراء بعيون عراقيـــــة من الأردن رحلة صيف
- الخطوط السعودية تفتح الحجوزات على رحلاتها بين الدمام وعمان من الآن
- صور من قرية الوديان اجمل ارياف تونس جنة الله في الارض
- استفسار عاااجل عدن
- مباشرة من عمان
- فنادق صنعاء واب الخضراء
- أول رحلة لي الى تونس بالصور
- استفسار عاجل عن ساحل العاج
- رحلتي الى تونس الخضراء صيف م
- السفر الى تركيا
- اخر رسالة من خوكم تونسي
- وتم لقاءنا الأول في إب والخلوص بالتوصيات التالية ،،،
- ما أكثر الأخوان حين تعدهم ولكنهم في النائبات قليل أين زوار الأردن ؟
- افضل مستشفى بالاردن
- بعض الصور من سفرتي الأخيرة لعمان الحبيبة
- حقيقة تونسلاتشيلو هم
- عااااااجل تكفوووووون
- سؤاال عن تأشيرة رحلة سياحية
- سفر الخدامه
- عقاب من يخالف السرعة القانونية في الاردن
المفضلات