مرحبا اعضاء وعضوات منتدى العرب المسافرون وبالاخص ارحب في زوار بوابه السفر للاردن
:11ight:
بصراحه هذي اول مره اكتب تقرير عن السفر ومدعم بالصور !! من جذي سامحوني اذا التقرير كان اي شي !!
لان في الغالب لما ارد من السفر مااكتب .. لكن اسولف عن السفر :109: بس هالمره لان وعدتكم وانا عند وعدي
والظاهر راح اتعود عالتقارير وبفتش بسفراتي القديمه واسوي التقارير :114:
المهم طولت عليكم بهالمقدمه الطويله العريضه وبدش بالموضوع على طول بدون لف ودوران :106:
من مده كان ودنا نسافر للاردن بس الظروف ماسنحت لنا .. ويت لنا الفرصه هالمره من خلال اجازه راس السنه وغير جذي كانت لنا زياره لعياده احد الدكاتره بعمان :101: الهدف الرئيسي من الزياره ظهر وبان الحين !
قلنا خل نخطط للرحله عدل بس للاسف ماعندنا معلومات كافيه عن الاردن ! واهني واجهتنا المشاكل ! شلون مالون ! قلت مالي الا منتدى العرب المسافرون وماراح يقصرون وبالفعل ماقصرتو معاي باي شي واستفدت حيل منكم
كانت الرحله بتاريخ 31 ديسمبر 2008 والعوده بتاريخ 4 يناير 2009 ( المده جدا قصيره بالنسبه لزياره بلد مثل الاردن ولاول مره )
اول الترتيبات كانت حجز الطيران وكانت على الملكيه الاردنيه وكلفتنا لشخصين مايقارب 150 دينار كويتي شوي اكثر شوي اقل ماذكر بالتحديد وكان الحجز عن طريق الانترنت وحتى حجزنا المقاعد :24:
والخطوه الثانيه حجز الفندق بالبدايه حجزنا فندق الماريوت بعدها كنسلناه وحجزنا في الرويال قلنا نبي فندق افخم خصوصا ان المده قصيره جدا وحجزنا الفندق عن طريق الانترنت وكان السعر اجمالي 531 دينار اردني لاربع ليالي
الا ان يوم السفر تفاجانا بوصول ايميل يطلبون منا الحجز عن طريق التلفون .. لان الحجز تكنسل !! وكان السعر 216 اردني لليله الواحده يعني 864 دينار اردني لاربع ليالي :108: ومن غير افطار ! ووافقنا لان مالنا اي خيار ثاني
توكلنا على الله وجهزنا اغراضنا ورحنا المطار وكان زحممممممممممممه بسبب عطله راس السنه :112: .. ركبنا الطياره الساعه 5:35 بتوقيت الكويت ووصلنا الى عمان الساعه 6:55بتوقيت عمان .. مده الرحله ساعتين وربع وكانت سهله والحمدلله والخدمات جيده بس كنا شبعانين لان تغدينا بمكدونالدز :115:
اخذنا اول تاكسي شفناه بويهنا بالمطار وكانت الاجراءات ميسره جدا وقلناله عالرويال بجم رد ب20 دينار وتوجهنا للرويال حول نص ساعه او اكثر شوي وصلنا الفندق وعجبتني فخامته الانتريه واللوبي واحلى شي الاكواريوم الصغير اللي فيه الشارك !! اينن .. وبصراحه عذروني ماصورت لاني انحرجت ليله راس السنه وناس طالعه وداشه :36_1_7: شكلنا تعبان وفشله نصور .. ماحبيت بس صورت مواقع ثانيه من الفندق
وراح اعرضها لكم بعدين وهاذي بدايه التقرير وان شاءالله تكون بدايه موفقه على اني راح اكمل لكم باجي التقرير على حلقات :109: قصدي على دفعاتمواضيع عشوائيه ممكن تكون تعجبك اخترناها لك:
- الشريعة ستاسرك بجاملها
- طبيعة الأردن الساحره والأيام الماطره فبراير م
- سوقطرة ؟
- مراكز تدريب
- برنامج سياحي مقترح لأجازة في الأردن
- الطيران الأردني إلى بودابست
- استفسار
- الانتر او الماريوت؟
- بجاية حينما يكون للجمال معنى آخر
- جديد الدليل الشامل للفنادق العالمية باليمن لعيونكم
- كم تبعد الصويفية عن وسط البلد بعمان
- البحث عن دكتور عظام
- خاص بالسعوديين السفر إلى تونس بالبطـــافة الشخصية
- صنعاءصورة قلمية
- محتاج لمعلومات على صفاقس بسرعه ارجوكم
- ارجو المساعدة من دبي الى الاردن برا
- رحلتي إلى إب صور
- طلب من الاخوة أبو مالك و إبن إب الخضراء
- اصحاب الخبرة في عمان
- عين الدّاموس من ولاية بنزرت ركن جميل و مجهول يستحق الزيارة
المفضلات