الموضوع: تقريري المبسط عن زيارتي السريعه للاردن

مرحبا اعضاء وعضوات منتدى العرب المسافرون وبالاخص ارحب في زوار بوابه السفر للاردن
:11ight:

بصراحه هذي اول مره اكتب تقرير عن السفر ومدعم بالصور !! من جذي سامحوني اذا التقرير كان اي شي !!
لان في الغالب لما ارد من السفر مااكتب .. لكن اسولف عن السفر :109: بس هالمره لان وعدتكم وانا عند وعدي
والظاهر راح اتعود عالتقارير وبفتش بسفراتي القديمه واسوي التقارير :114:

المهم طولت عليكم بهالمقدمه الطويله العريضه وبدش بالموضوع على طول بدون لف ودوران :106:

من مده كان ودنا نسافر للاردن بس الظروف ماسنحت لنا .. ويت لنا الفرصه هالمره من خلال اجازه راس السنه وغير جذي كانت لنا زياره لعياده احد الدكاتره بعمان :101: الهدف الرئيسي من الزياره ظهر وبان الحين !

قلنا خل نخطط للرحله عدل بس للاسف ماعندنا معلومات كافيه عن الاردن ! واهني واجهتنا المشاكل ! شلون مالون ! قلت مالي الا منتدى العرب المسافرون وماراح يقصرون وبالفعل ماقصرتو معاي باي شي واستفدت حيل منكم

كانت الرحله بتاريخ 31 ديسمبر 2008 والعوده بتاريخ 4 يناير 2009 ( المده جدا قصيره بالنسبه لزياره بلد مثل الاردن ولاول مره )
اول الترتيبات كانت حجز الطيران وكانت على الملكيه الاردنيه وكلفتنا لشخصين مايقارب 150 دينار كويتي شوي اكثر شوي اقل ماذكر بالتحديد وكان الحجز عن طريق الانترنت وحتى حجزنا المقاعد :24:

والخطوه الثانيه حجز الفندق بالبدايه حجزنا فندق الماريوت بعدها كنسلناه وحجزنا في الرويال قلنا نبي فندق افخم خصوصا ان المده قصيره جدا وحجزنا الفندق عن طريق الانترنت وكان السعر اجمالي 531 دينار اردني لاربع ليالي
الا ان يوم السفر تفاجانا بوصول ايميل يطلبون منا الحجز عن طريق التلفون .. لان الحجز تكنسل !! وكان السعر 216 اردني لليله الواحده يعني 864 دينار اردني لاربع ليالي :108: ومن غير افطار ! ووافقنا لان مالنا اي خيار ثاني

توكلنا على الله وجهزنا اغراضنا ورحنا المطار وكان زحممممممممممممه بسبب عطله راس السنه :112: .. ركبنا الطياره الساعه 5:35 بتوقيت الكويت ووصلنا الى عمان الساعه 6:55بتوقيت عمان .. مده الرحله ساعتين وربع وكانت سهله والحمدلله والخدمات جيده بس كنا شبعانين لان تغدينا بمكدونالدز :115:

اخذنا اول تاكسي شفناه بويهنا بالمطار وكانت الاجراءات ميسره جدا وقلناله عالرويال بجم رد ب20 دينار وتوجهنا للرويال حول نص ساعه او اكثر شوي وصلنا الفندق وعجبتني فخامته الانتريه واللوبي واحلى شي الاكواريوم الصغير اللي فيه الشارك !! اينن .. وبصراحه عذروني ماصورت لاني انحرجت ليله راس السنه وناس طالعه وداشه :36_1_7: شكلنا تعبان وفشله نصور .. ماحبيت بس صورت مواقع ثانيه من الفندق

وراح اعرضها لكم بعدين وهاذي بدايه التقرير وان شاءالله تكون بدايه موفقه على اني راح اكمل لكم باجي التقرير على حلقات :109: قصدي على دفعات

مواضيع عشوائيه ممكن تكون تعجبك اخترناها لك:

• مسافر جديد للاردن يرغب المساعده
• إلى خبراء تونس ،، أي فنادق سوسه و الحمامات الأفضل
• طيران الجزيرة تعزز رحلاتها الى ايران بوجهتها الثالثة شيراز ابتداءً من دك
• ناوي السفر من عمان الى سوريا
• إنتركونتيننتال تفتتح رسمياً هوليداي إن في الأردن
• مارلين فيلبس معبد اوام في مأرب اليمن الاعجوبة الثامنة في الدنيا
• سرقة سيارتي
• ساعدوني في أشهر مطاعم تعز وصنعاء للأكلات الشعبية اريد قائمة واين مواقعها بالضبط
• حجر الياقوت اليمنى
• الف الف مبروك للأخت تونسية متنقلة على الأشراف
• الاردن
• الذى يعرف يرد خصوصا الشمال الغربي
• عمان فى القلب جزء
• برجاء نحتاج معلومات عن الاردن
• مسافر جديد للاردن محتاج احد يفيدني
• صووور من رحلتي الى عجلــون متحف السيارات الملكي صيف
• أفييييييدوووووووني
• كم المسافه من مطار الجوف الى منفذ الحديثه
• انا من عمـــان
• بروح للاردن ودي تساعدوني

تقرير جميل وبداية موفقة اختي نور الدنيا

ننتظر بقية التقرير والصور ويشرفني ان اكون اول من يقرا التقرير

لك كل الشكر مقدما

اخيرا طلع تقرير الرحلة

:113::113:

سرد حلو وممتع
سجليني من المتابعين واحجزي لي بالمقاعد الأمامية بس العصير والفشار على حسابك :109:
وااااااااااااااااصلي

:114::114:

اخوي الشمالي الغربي انا اللي يشرفني انك تكون اول من يقرى التقرير
وبصراحه ماقصرت في الردود على استفساراتي وكنت دايما اول الحاضرين

تحياتي لك

رديت مع الجزء الثاني واهو تكمله لليوم الاول فقط على ان يكون اليوم الثاني والثالث والرابع والخامس في اجزاء مفصوله :24:
طبعا مثل ماوعدت ان الصور ( وهي قلييييييييييييله جدااا ) راح انزلها لكم .. وهاذي صوره الغرفه اول مادخلنا
وسامحوني ماصورت وايد لان كنا حدنا تعبانين

http://filaty.com/i/901/96352/Copy_of_DSCN1767.JPG


http://filaty.com/i/901/37570/Copy_of_DSCN1773.JPG



http://filaty.com/i/901/94732/Copy_of_DSCN1780.JPG


وكنا خلاص نبي نتعشى وننام مع انها ليله راس السنه .. بس .. مانبي الا ناكل ووننام .. فقررنا ننزل الفندق ونستكشف شنو في من مطاعم ولقينا ماشاءالله الفندق بروحه يحتوي على عده مطاعم واخترنا بلميرا الشرقي وكان ممتاز :x1:
بوفيه شرقي متنوع اصناف كثيره من السلطه والشوربه كانت لذيذه اما المين دش فكانت اصنافه محدوده بس لذيذه جدا والحلويات كانت اكثر من رائعه وام علي بالذات يمي يمي والاهم من هذا الجلسه راقيه ورائعه وتطل على لوبي صغير مسوين فيه مجسمات لاعياد الميلاد بابا نويل وربعه وصورت هذي الصوره

http://filaty.com/i/901/15309/Copy_of_DSCN1802.JPG



عقب ما اكلنا بصراحه حسينا بالنوم وقاومنا وقلنا لازم نتمشى بالفندق واكتشفنا سينما داخل او الفندق يم المطعم بس اغلب الافلام المعروضه افلام عربيه او افلام اطفال وبصراحه عجبتني الفكره لانها راح تكون امنه للي عنده اطفال يتركهم يشوفون الفليم ويروح يتعشى مثلا عشاء هادي رومانسي :109:
وشفنا ان فيه جم محل ساعات ومجوهرات وملابس وارامكس ميني ماركت وبصراحه تصميم الاوتيل جدا راقي من داخله وحتى من بره

صعدنا الغرفه الساعه 11 وربع وماقدرنا ننتظر الساعه توصل 12 ونبتدي سنه يديده وبجذي اليوم الاول في زيارتنا للاردن ينتهي وتبتدي سنه يديده

انتهى الجزء الثاني وغدا مع الجزء الثالث واليوم الثاني

امبييييييه الصور حدها صغيره لان صغرتهم ماقدرت احملهم واهم كبار !
مايخالف الصور اليايه راح اراعي هالموضوع واحطهم كبار مثل ما اهم !

نور الدنيا يعطيج العافيه و أتمنى إنج تخلصين التقرير قبل ما أسافر بلييييييييييييييييييز:110:

المشاركة الأصلية كتبت بواسطة نور الدنيا 123
http://www.arabtravelersforum.com/tr...2/#post2592253


والخطوه الثانيه حجز الفندق بالبدايه حجزنا فندق الماريوت بعدها كنسلناه وحجزنا في الرويال قلنا نبي فندق افخم خصوصا ان المده قصيره جدا وحجزنا الفندق عن طريق الانترنت وكان السعر اجمالي 531 دينار اردني لاربع ليالي
الا ان يوم السفر تفاجانا بوصول ايميل يطلبون منا الحجز عن طريق التلفون .. لان الحجز تكنسل !! وكان السعر 216 اردني لليله الواحده يعني 864 دينار اردني لاربع ليالي :108: ومن غير افطار ! ووافقنا لان مالنا اي خيار ثاني





أولاً .. الحمدلله عالسلامة
ثانياً ..
هذي نصبة عيني عينك
كاني فهمت الكلام مزبوط !!
هل حجزتم الفندق من موقع الفندق ؟ أم من موقع حجوزات ؟
وغريبة حكاية طلب الحجز بالتلفون؟
أجل طالما انكم تبون الناس تحجز بالتلفون ليه منزلين امكانية الحجز بالانترنت؟
وبعدين ليه ما عندك خيار ثاني؟
فنادق عمان اكثر من بيوتها
والنصبة هذي ماهيب سهلة = 333 دينار اردني يعني ما يقارب 1764 ريال سعودي

متابعين باقي التقرير وخصوصا عن المطاعم والتمشيات في عمان

بالنسبة للصور انصحك بموقع العملاق وتختارين كود المنتديات

لك كل الشكر والتقدير على المجهود بالتقرير .

تقرير رائع


متابع بكل شغف

نور الدنيا تقريرك حلو بس للأسف الصور ما تظهر عندي
ياليت تفيديننا كيف الجو خلال تلك الفترة وشكرا

المشاركة الأصلية كتبت بواسطة كروكو
http://www.arabtravelersforum.com/tr...8/#post2593298

نور الدنيا يعطيج العافيه و أتمنى إنج تخلصين التقرير قبل ما أسافر بلييييييييييييييييييز:110:

اختي الغاليه كروكو الله يعافيج من كل شر وان شاءالله تقرين باجي التقرير بالاسفل وسامحيني عالتاخير واي سؤال تبين انا حاظره

شاكرتلج مرورج وتفاعلج ومتابعتج

المشاركة الأصلية كتبت بواسطة الذيب الشمالي
http://www.arabtravelersforum.com/tr...0/#post2593570

فعلا الصور صغيرة بس ما عليه
وااااااااااااااااصلي

:114::114:



ان شاءالله باجي التقرير بتكون الاصور افضل من ناحيه الحجم
شاكرتلك مرورك وتفاعلك ومتابعتك للموضوع

المشاركة الأصلية كتبت بواسطة مسافر في عيونك
http://www.arabtravelersforum.com/tr...7/#post2594387

أولاً .. الحمدلله عالسلامة
ثانياً ..
هذي نصبة عيني عينك
كاني فهمت الكلام مزبوط !!
هل حجزتم الفندق من موقع الفندق ؟ أم من موقع حجوزات ؟
وغريبة حكاية طلب الحجز بالتلفون؟
أجل طالما انكم تبون الناس تحجز بالتلفون ليه منزلين امكانية الحجز بالانترنت؟
وبعدين ليه ما عندك خيار ثاني؟
فنادق عمان اكثر من بيوتها
والنصبة هذي ماهيب سهلة = 333 دينار اردني يعني ما يقارب 1764 ريال سعودي



اخوي مسافر الله يسلمك من كل شر
مادري بصراحه ليش صار معانا هالموضوع يمكن من الموقع ؟ ماعتقد الفندق له دخل ؟ والله مادري !
حجزنا من موقع مختص بالحجوزات .. وهاذا اللي انا استغربت منه
ماكان عندنا خيار ثاني لان يوم السفر واحنا بصراحه مانحب نروح مو حاجزين وخصوصا راس السنه ونقعد نلف ويمكن نحصل ويمكن مانحصل
الله يعوض شنسوي بعد بس اهم شي ان ارتحنا

شاكرتلك مرورك ومتابعتك

المشاركة الأصلية كتبت بواسطة yaser ksa
http://www.arabtravelersforum.com/tr...5/#post2610665

تقرير رائع


متابع بكل شغف



تسلم اخوي
اشعدني مرورك وتفاعلك وتواصلك مع التقرير

المشاركة الأصلية كتبت بواسطة adhm
http://www.arabtravelersforum.com/tr...3/#post2611033

نور الدنيا تقريرك حلو بس للأسف الصور ما تظهر عندي
ياليت تفيديننا كيف الجو خلال تلك الفترة وشكرا



تسلم اخوي عالمرور والتواصل اللي اسعدني وايد
وبصراحه مادري ليش الصور مو ظاهره بس ان شاءالله الحين راح تظهر لك
الجو كان بصراحه بارد جدا ويحتاج ملابس شتويه ثقيله

بعد مارتحنا شوي وصلينا واستعدينا لجرش بالكاميرا والملابس .. بصراحه يومها برد وايد ولازم نثقل ملابسنا !
نزلنا وركبنا التاكسي وابتدى المشوار استمتعنا بمناظر الطريق الجبال الخضرا والبرتقال والافندي والمشاتل والطبيعه الجميله وصاعدين جبال نازلين جبال .. وزوجي الحبيب غط في نوم عميق !

وانا تبادلت احاديث عامه مع السايق علشان مايغط اهو الثاني في النوم العميق ! بصراحه الحذر واجب بعد !
وصلنا جرش وشرينا التذاكر ودخلنا هاذا المكان الروماني الساحر الجميل .. واااااااو بصراحه انصحكم

لاتطوفكم جرش بس احتاطو بالملابس لان برد برد برد وصعده جبل ومشي مشي مشي يبيلهم اثيليت فوت! :109:

جرش فيها اول مادخلنا البازارات الجميله ( متعتي وبعدها مطعم او كافتيريا اللي اكلنا منها سندويش عالسريع وكان جيد ( يمكن من شده اليوع!! ) وها1ي صوره الكافتيريا

http://filaty.com/i/901/11341/DSCN1825.JPG

وصلنا البوابه ومن ثم مضمار سباق الخيول وماشاءالله كان حلو نفس الافلام وشفنا مرابض الخيول
ثم مشينا مسافه ومافي غير الاعمده حتى وصلنا الى ساحه الاعدامات اعوذ بالله ومنها مشينا الى المسرح الروماني وقاعه الاجتماعات وشفنا ممرات الاعمده وتعبنا وردينا بعد ما استمتعنا وشفنا المدينه الرومانيه كامله من فوق وكانت قمه في الروعه خصوصا وقت الغروب واتركم مع بعض الصور الجميله ( انتظرو شوي على مايصير داونلود للصور ) 

http://filaty.com/i/901/63624/DSCN1808.JPG

http://filaty.com/i/901/34532/DSCN1810.JPG

http://filaty.com/i/901/50560/DSCN1811.JPG

http://filaty.com/i/901/42038/DSCN1818.JPG

http://filaty.com/i/901/1.218/DSCN1819.JPG

http://filaty.com/i/901/1.117/DSCN1820.JPG

http://filaty.com/i/901/37308/DSCN1822.JPG

http://filaty.com/i/901/78102/DSCN1824.JPG

http://filaty.com/i/901/11361/DSCN1827.JPG
http://filaty.com/i/901/81740/DSCN1831.JPG

http://filaty.com/i/901/91617/DSCN1832.JPG

http://filaty.com/i/901/49159/DSCN1833.JPG


http://filaty.com/i/901/34739/DSCN1834.JPG

http://filaty.com/i/901/43372/DSCN1836.JPG

http://filaty.com/i/901/27450/DSCN1837.JPG

http://filaty.com/i/901/29507/DSCN1838.JPG

http://filaty.com/i/901/27942/DSCN1842.JPG

http://filaty.com/i/901/28551/DSCN1846.JPG

http://filaty.com/i/901/1.220/DSCN1848.JPG

http://filaty.com/i/901/30737/DSCN1858.JPG

http://filaty.com/i/901/10187/DSCN1864.JPG

http://filaty.com/i/901/41617/DSCN1865.JPG

http://filaty.com/i/901/79495/DSCN1867.JPG

http://filaty.com/i/901/10655/DSCN1868.JPG

http://filaty.com/i/901/10996/DSCN1870.JPG

http://filaty.com/i/901/67688/DSCN1872.JPG

http://filaty.com/i/901/11479/DSCN1873.JPG

http://filaty.com/i/901/11731/DSCN1874.JPG

http://filaty.com/i/901/27662/DSCN1879.JPG


http://filaty.com/i/901/36364/DSCN1887.JPG


http://filaty.com/i/901/21643/DSCN1888.JPG

http://filaty.com/i/901/58506/DSCN1890.JPG

http://filaty.com/i/901/36750/DSCN1895.JPG

http://filaty.com/i/901/28490/DSCN1896.JPG

http://filaty.com/i/901/57768/DSCN1897.JPG

http://filaty.com/i/901/14819/DSCN1901.JPG

http://filaty.com/i/901/95361/DSCN1904.JPG

خفنا لاتظلم الدنيا علينا وبصراحه استبردنا :105: وقلنا نرد دام الدرب طويل ( حول 45 دقيقه لي الفندق )
واحنا رادين طبعا لازم ناخذ تذكارات من البازارات الموجوده وقلت احسن شي الرمل الملون واكتب عليه الاسم والمكان والسنه واخذتلي منها وخذت صوايغ للاهل والاصدقاء كتذكار مني لهم :24:

طبعا كان البعض منهم يعطينا سعر على اساس ان احنا سياح بس يكلمهم سايق التاكسي ويكاسر السعر يوصل الى اقل من النص ! :105:

ردينا وبصراحه هالمره انا اللي كنت دايخه وكل شوي اغفي وانام :106: والدنيا ظلمت تقريبا وماكو شي اشوفه !

يوم وصلنا الفندق وبعد ما اخذنا شاور وريحنا شوي حسينا ان خلاص بنموت من التعب واليوع ونبي ناكل اكل عدل وسنع :110: فقررنا نروح نتعشى وكان الوقت مبجر عالعشا 7ونص ..

وركبا التاكسي وقلنا له مطعم الجبري قال هذا اللي يمنا صغير اعتقد تبون الكبير ومادري شنو قال المهم سالته اهو مطعم عراقي عدل ؟
قال لا اردني بس في اكل عراقي اذا تبون مطعم عراقي فخم وراقي زاد الخير .. ترددت لان مو باللسته عندي بس قلت اوكي نتوكل على الله ونروح

رحنا والا فعلا راقي حيل مو شويه كمكان وكديكور وحتى الناس اللي فيه وطلبنا الاكل وخفنا مايكون لذيذ واحنا يواعى حدنا .. طلبنا مقبلات ورق عنب و حمص ومتبل وبطاطا حره وروب بالثوم ومسقعه باذنجان او مادري المهم شي في باذنجان مقطع وكان لذيذ والاطباق الرئيسيه كانت كباب عراقي و شيش طاووق وعصير ليمون بالنعنع

اول ماقعدنا وعقب الطلب قدمو ماعون جزر وماعون خيار وماعون لوز طري كمشهيات بعدها يابو السلطات وطبعا الخبز والمخللات اللذيييذه والخضروات الطازجه ( يعني باختصار ضيافتهم حلوه )
:113:

وكان بصراحه الاكل كل طبق احلى والذ من الثاني يعني تاكلون وانتو متطمنين واخر شي بعد ماشالو الاطباق ونظفو المكان بالدست ماشين ! ياسلام عليهم ..
قدمو لنا المهلبيه اللذيذه مع العسل الابيض .. وماعون حلويات زلابيه ومادري شنو مبرومه بالقشطه بس مو كنافه اكيد حلو عراقي ومع الشاي اللذيذ
وهاذي كلها ضيافه وكيفنا عالقعده وكانت ممتعه لي درجه ان قعدنا لما الساعه 10 ونص فيه والفاتوره كانت بس 39 دينار !
يعني رخيص بالنسبه للي شفناه واكلناه وانصحكم فيه :115:

بعدين اخذنا تاكسي وردينا الفندق قعدنا باللوبي شوي ( عندنا هوايه دايما بالسفر نحب نقعد باللوبي ) وصعدنا ننام

اول ماصعدنا يانا اتصال من احد اصدقاء العايله ( اردني ) ولزم يعزمنا يوم عرف ان قادمين عالاردن وقلنا عندنا موعد بس مافيه ..:101:
قال ايي ياخذنا باجر الساعه 2 الظهر ( يوم الجمعه يعني ) ..
غطينا بنوم عميييييييييييق استعداد ليوم حافل

قمنا من الصباح البااااااااكر ( زوجي ماشاءالله عليه يحن من الفير ) :105::105:

:105:تريقنا هالمره بمطعم الفندق والحمدلله ان ماخترنا الاقامه مع الريوق وارتبطنا معاه لان عادي .. نظيف .. واكله جيد .. لكن ! اصنافه محدوده جدا .. ! :108:

يعني الترويئه لو اروحله كل يوم لمده اسبوعين ما امل ! اقدر اغير الاكل لان المنيو متنوع وايد اما هاذا ..

المكان لو وراقي والاكل نظيف وطعم اوكي بس من ثاني يوم راح امل ! لان بوفيه محدود الاصناف !!

المهم نزلنا وكان بانتظارنا صديق العايله بيودينا العياده ورحنا وكاااااان برررررررد جداااا :110:

وصلنا وقعدنا والعياده صارت زحمه وماكو احد بالرسبشن ! ( الكاونتر يفتح الساعه 9ونص !) واحنا واصلين العياده الساعه 7ونص!! :112:

المهم باختصار من الموضوع ان خلصنا من كل الموضوع الساعه 12 الا ربع قلنا نروح الفندق نريح شوي ونطلع عالبحر الميت معقول مانشوفه ! :114:

رحنا وريحنا وانتظرنا ياذن الظهر وصلينا جمع تقديم وانتظرنا باللوبي صديقنا .. ووصل .. وانطلقنا الساعه 1 تقريبا للبحر الميت قال اول شي لازم يوكلنا الغدا ..

وودانا على مطعم سندويشات شاورما صاج عجيييييييييييبه مع ان انا قلت لا وين هاذا بداعوس ! بس المطعم شكله نظيف وعليه زحمه وفعلا كانت طيبه وايد من منطقه اسمها صويلح بس اسم المطعم مو حاظرني نواعير الشام ؟؟ او شي جذي ! لما اتذكر بقولكم :109:

اكلنا بالطريج ورحنا مرج الحمام قال اهناك الزعتر الطيب وشرينا زعتر صوايغ لنا ولحبايبنا وكان فعلا طيب وعرفت معلومه ان الزعتر الاصلي املح واللون الاخضر لون مضاف ! :106:

تمشينا بالسياره صاعدين جبال نازلين جبال ! كان نوع من التمشيه ! :101:

ونزلنا على مزارع افندي وليمون وزيتون ورمان بس الرمان كان مخلص موسمه ومزارع موز ولما وصلنا الى قريب الحدود!!

بعد شفنا جبال ياسبحان الله تجري من تحتها الانهار وبيوت بعد تحتها يصب ماي! :114:

ومراعي اغنام مرينا عليها وماشاءالله اماكن جميله وممتعه وتستحق النظر ..

طفنا بالاغوار بعد واهي سهول زراعيه تمتد الى سوريا وفلسطين ..

والله اللي يعيش هناك مايصير فيه مرض من كثر ما الزرع منقي الجو والحياه الطبيعيه وبعيد عن التلوث.. يازين الطبيعه ..

خلال ساعتين او ثلاث قلبي نشرح ورئتي اخذت اكبر قدر من الاوكسجين شلون لو عشت هناك ؟ :114:

شوفي جزء بسيط منها !:115: وانتظرو الصور تصير داونلود

http://filaty.com/i/901/40330/DSCN1941.JPG

http://filaty.com/i/901/40431/DSCN1942.JPG

http://filaty.com/i/901/46945/DSCN1943.JPG

http://filaty.com/i/901/12237/DSCN1944.JPG

http://filaty.com/i/901/73969/DSCN1945.JPG

http://filaty.com/i/901/16749/DSCN1947.JPG

http://filaty.com/i/901/34815/DSCN1948.JPG


http://filaty.com/i/901/39275/DSCN1951.JPG


http://filaty.com/i/901/69019/DSCN1953.JPG


http://filaty.com/i/901/93991/DSCN1960.JPG

http://filaty.com/i/901/34753/DSCN1962.JPG

http://filaty.com/i/901/69698/DSCN1972.JPG

http://filaty.com/i/901/26548/DSCN1965.JPG

http://filaty.com/i/901/62348/DSCN1975.JPG

نزلنا بطريق البحر الميت وانحدرنا وايد وايد وايد :105: لما وصلنا!

كان فعلا بحر ميت !! وصلنا الى احد الشواطي العامه فيه وكان مكان جيد ونظيف بس ماكنا مستعدين للسباحه مجرد التمشى وماتوقعنا ان الجو حار يساعد عالسباحه ..

ياسبحان الله من شوي كنا بنتثلج من البرد وبنفس الديره صار حر !! :114:

نزلنا من السياره وتمشينا وصاحبنا قال ان بيقعد بالسياره .. قعدنا نتمشى وحسينا برهبه المكان خصوصا لما نتذكر قصته وان قد يكون مكان مدينه قوم لوط والعقاب اللي حل عليهم ..

كان صج بحر ميت صاااااااااااامت جدا ومافيه حركه ولا حياه .. وكان يشوق للسباحه وفعلا نزلو ناس وسبحو فيه ( المرات القادمه ان شاءالله بجرب ) :surf

بس مشيت فيه حطيت قدمي فيه وشفت طين البحر واخذت منه شوي ولمسته واستمتعنا بوقتنا لمده تزيد عن الساعه وقررنا نرد قبل لا تظلم الدنيا خصوصا انها بدت تغرب ...

واتركم مع الصور البسيطه :115:

http://filaty.com/i/901/87244/DSCN1988.JPG

http://filaty.com/i/901/30315/DSCN2003.JPG

http://filaty.com/i/901/88228/DSCN2005.JPG

http://filaty.com/i/901/92961/DSCN1991.JPG

http://filaty.com/i/901/84300/DSCN1992.JPG

http://filaty.com/i/901/98524/DSCN1995.JPG

http://filaty.com/i/901/22661/DSCN2010.JPG


http://filaty.com/i/901/43503/DSCN2011.JPG

http://filaty.com/i/901/86157/DSCN2012.JPG


http://filaty.com/i/901/11271/DSCN2013.JPG

http://filaty.com/i/901/11638/DSCN2015.JPG

http://filaty.com/i/901/21480/DSCN2016.JPG

http://filaty.com/i/901/11796/DSCN2017.JPG


ردينا وكنا نتبادل الاحاديث مع صديق العايله واستمتعنا بالرحله جدا .. :113:

وودعناه عند باب الفندق وقال ان راح ايينا الصبح علشان يودينا المطار

بعد ماريحنا قلنا نروح سيتي مول ناخذ النظاره لاننساها !! :105:

ورحنا واخذناها وتمشينا شوي وكانت الزحمه معقوله هالمره .. دشنا كارفور واخذنا منه قصص وكتب وشوي اغراض وانتبهت على محل مقابل كارفور اسمه ساجده فيه جلابيات وشيلات

دخلت كان محل حلو اذا لفيتو فيه عدل ودورتو تطلع منه دراريع حلوه وخذت منهم صوايغ ولقيت لي دراعه مع عباي فلاحي حلوه عنده واخذتها واسعاره معقوله ولقيت عنده امطات (قبعات) حرير اعجبتني اخذت منهم جم وحده وتحسفت ليش ما اخذت اكثر :110: لانهم اكثر من روعه

اخر شي زوجي كان خلااااااااااااص يوعان مايقدر وانا بعد .. :110: من الرويق والشاورما ما اكلنا شي!

قلنا نروح مطعم معتبر وزوجي رفض نرد الفندق وفشلت في اقناعه فشله ندخل أي مطعم وبايدنا الاجياس ولكن اصر! :112:

خذنا تاكسي ووصيناه نروح اول شي بدربنا زلاطيمو طبعا عارفين ليش لوووووول ..:109:

بعدين حسيت بالاحراج الاغراض كثرت واهني صار عناد وقال زوجي ماني راد الفندق وبنروح بالاجياس !

امرنا لله وقلنا للتاكسي اخذنا لمطعم عراقي نبي مسقوف قال تبونه راقي ولا شعبي قلنا راقي قال بس اوديكم الملح والزاد ( انا سمعتها جذي وحتى زوجي ) :101:

ووصلنا الا !!! زاد الخير !! :114: قلنا مو قلت الملح والزاد ؟ قال لا ابدا انا قلت زاد الخير واهو راقي و و و !

قلنا أي بس احنا اكلنا فيها من قبل ! ونبي نغير ! ومع هالكلام وايي الرسبشن اللي بره ويرحب فينا ويفتح باب التاكسي لنا ! فاضطرينا ننزل وانحرجنا وامرنا لله ..

مو عن شي عاجبنا المطعم و10 على 10 بس جربناه ونبي نغير ! :105:

المهم دشينا وهالمره نوعا ما مزدحم ( على حظي ) جياس وحالتنا حاله وزحمه ! فششششششله ! بس يالله طاف :106:

طلبنا مسقوف وقلنا بنروح نشوفه واهم يصيدونه واحنا نختار .. قالو يطول ساعه وربع :105:

كان متاخر 10 ونص فكرنا ان اذا بيخلص 12 الا ربع وعلى ماناكل ونحلى الا الساعه 1 او 1 ونص !! متى نرد الفندق ؟؟

يعني ورانا نحط اغراضنا وباجر سفر ! فاستغنينا عن المسقوف وطلب زوجي العزيز باجه موصليه ( ياحبه لها !) وانا تنرفزت ماحب شكلها والجرسون استغرب وقاله هاذي ترى جذي وجذي لوووووووووول ( مو متوقع زوجي ياكلها ) وزوجي يقول ادري أي انا ابيها ! :101:

انصدمت ماكو مسقوف فطلبت برياني دياي على الطريقه العراقيه! قلت اجرب وطبعا طلبنا مقبلات الورق عنب اهم شي لان موطبيعي مالهم والتبوله وهالسوالف ويوم وصل طبق زوجي ضحكنا وكان لابد من تصويره بس انحرجت المطعم بروحه زحمه ويمنا اغراضنا ! ونصور ! لوووول :109:

الماعون كبير كبير بدرجه موطبيعيه ! اول مره اشوف احد يقدم طبق بمطعم بماعون هالكبر !

بس كانت الباجه حسب كلام زوجي لذيييييييييذه جدا ومضبوطه ( خبير باجه زوجي ) ! :109:

واستمتع باللسان والكراعين وانا اقول بقلبي استغفرالله والله يزيد النعمه بس ! واشوف طبقي واقول خل استمتع فيه احسن لي :115:

وكان طبقي جدا لذيذ وبصراحه مادري ليش اسمه برياني ! مافيه من البرياني شي ! بس يقول ان عالطريقه العراقيه ! يجوز !

المهم لذيييييييييييذ وبس وهم استمتعنا بالقعده وخذانا الوقت وطلعنا 12 وشوي ! والصدمه مالقينا تاكسي ! :110:

والله يا الفشله ! نطرنا ونطرنا وماكو والناس بلشت تطلع واحنا ناطرين ! لما تبرع واحد من الموظفين يوصلنا ( مادري كسرنا خاطره واحنا شايلين الاغراض وناطرين ؟ ) :106:

جزاه الله خير بس قال بوصلكم ولا نشوف تاكسي وركبنا ووصلنا الفندق بسلام وهالمره ماقعدنا باللوبي لان الوقت كان متاخر وورانا تجهيز الاغراض والتجهز للسفر .

قمنا مبجر وتاملت الشباك :110: اودع اخر لحظات بعمان
وصورت جم صوره ومنهم هالصور

http://filaty.com/i/901/61983/DSCN1918.JPG

http://filaty.com/i/901/64957/DSCN1919.JPG

http://filaty.com/i/901/10946/DSCN1920.JPG

http://filaty.com/i/901/11729/DSCN1922.JPG

http://filaty.com/i/901/20344/DSCN1938.JPG

http://filaty.com/i/901/83252/DSCN1939.JPG


بعدها قمت احن على زوجي يوديني الترويئه .. الله يخليك .. ويقول اوكي بس بسرعه تاكلين !
والله حاله ! حلوه بسرعه تاكلين ! :114:

وافق نروح الترويئه وكان مبجر وايد بس ماشاءالله المكان عامر بالناس وبصراحه انا وايد دش مزاجي المكان حسيت اني حبيته ! :106:

المهم طلبنا هالمره جبن حلوم مقلي ولبنه بالثوم وبيض بالجبنه بالفخاره ( ما استغني عنه )
و بيض بالزبده وطلب زوجي كبده وانا ما اكلها وشاي نعنع ويابو الخضار والخبز وكان الاكل جدا شهي مع ان مافي فول وربعه :115: بسبب السفر واكلنا بسرعه !

واقول بقلبي وادعي اللهم بارك لنا في وقتنا ! :109:
شسوي بعد ! من اول مادخلنا المطعم زوجي يقول عندج ساعه وحده بس تطلبين وتاكلين فيها !
اشوى ان الخدمه سريعه وان ماطولو !

توجهنا للفندق وسوينا جيك اوت وقعدنا باللوبي عند صديقنا الشارك اخر يوم نودعهم :110:

وننتظر صاحبنا .. ودايما نستغل اخر جم دقيقه :109: فدشينا ارامكس واهي ميني ماركت باللوبي وشرينا منتجات طين البحر الميت وجم كتاب طبخ عجبنا وجم تذكار وهيك شغلات يعني

وانتظرنا وانتظرنا لما وصل صاحبنا وكان متاخر شوي لان يايب لنا مفاجاه !:115:
كنافه حبيبه ( شافنا حبيناها ) مسكين ماقصر يايب لنا ناخذها بيدنا حق الكويت وهم يايب لنا ناكل منها واهي حاره بماعون بروحه !

احرجنا بكرمه وضيافته ومباشرته لنا .. :106:

وقبل لا نروح المطار قال على ماتاكلون الكنافه امشيكم بشوارع عمان (وتبادلو سوالف رياييل ماتهمني ) هالارض سعرها جذي .. والارض مادري شنو .. واهني هالمنطقه ... :108:

وانا قاعده ورى بالسياره ومستمتعه باكل الكنافه :24:
وصورت جم صوره تذكاريه ومنها هذي الصوره لمبنى عليه ملوك الاردن

http://filaty.com/i/901/75771/DSCN2025.JPG


اتجهنا للمطار ونزلنا وودعنا عمان على امل نرد لها في القريب العاجل :101:

بصراحه كان عندنا اكثر من ثلاث ساعات بالمطار !
قعدنا فيهم نتجول ونتمشى بالسوق الحره الصغيرون
وقعدنا بستاربكس
وودعنا عمان بدخولنا الطياره وكنا اول ناس ندش الطياره !:113:
وهالشي اول مره يصيرلنا صراحه طول عمرنا اخر ناس لوووووووول بس يمكن مشتاقين لديرتنا ..
او متضايقين من ان السفره سريعه وخلصت بسرعه ..

المهم ان كانت الطياره اللي ردينا فيها غير عن اللي يينا فيها كانت رائعه جدا ومريحه وكبيره وجديده واعجبتني خدماتهم وبشاشتهم :115:

وصلنا لمطار الكويت الدولي بالسلامه وكلنا شوق وحنين لزياره عمان مره ثانيه ..



اعتذر ان الصور قليله جدا لان ماصورت وايد في الغالب الصور نكون فيها او ان انسى التصوير واستمتع بالمناظر وبوقتي او بعض الصور طلعت رديئه نوعا ما وغير واضحه :106:

اعتذر على ان الصور المعروضه حجمها صغير ولعرضها بحجمها الطبيعي اضغط عليها وتنعرض بصفحه بروحها بحجمها الطبيعي

اعتذر جدا اني تاخرت في اعداد التقرير .. اول الايام كنت متعبه من السفر .. وبعدين انفلونزا حاده صادتني مده اسبوعين !!
والحمدلله راحت وافتكيت منها وبالاخير صارتلي مناسبه اشغلتني جم يوم بس والله مانسيتكم !

اشكركم كلكم لان لولا ارشاداتكم وتعليماتكم ومساعداتكم وتقاريركم وردودكم ماكنت اعرف وين اروح ووين ايي !

بدايه من حجز الفندق وحتى الاسواق وحتى المطاعم والاماكن وغيره .. استفدت وايد بان اخذت اللي يسناسبني واللي تنصحوني فيه وشلت من بالي الغير مناسب واللي تحذروني منه وحتى زوجي استغرب من ان صارت لي خبره من غير ما ازور الاردن من قبل ! :109:

اتمنى تقريري كان جيد لان ادري ان مو ممتاز .. بس عالاقل اتمنى ان يكون مقبول والاهم ان في احد استفاد لو بشي بسيط منه ..

واي استفسار انا حاظره .. وان شاءالله ما اتاخر .. بالخدمه .. اعين واعاون .. و سلامتكم

أولاً , الحمدلله على السلامه (سلامة الأسفار)
وثانياً , تعبتينا بالصور الصغيرة , لكن مايخالف (براءة)
ماشاء الله عليج أخت نور , سفرتكم أقل من أسبوع , بس قدرتي تحللين هالفترة القصيرة عدل , ضحكتيني بمروركم المتكرر على الصديق شارك :109:.
الف الحمدلله على السلامه مرة ثانية ومشكورة أختي على التقرير الحلو .

الله يسلمك من كل شر اخوي عيد
الصور الصغيره .. انا قلت لكم مادري شنو الحل معاها !
بس ظغطو عليها وتطلع كبيره ! وينتهي الموضوع

عاد صج اول مره احلل الفتره عدل لووووووول
عاده اسافر فترات اطول واتفرفر وحصيله طلعاتي شوي
بس هالمره سفرتي كانت بتخطيط سليم والفضل يعود للمنتدى

لاتذكروني بالشارك

تحياتي لك .. وشاكره لك مرورك ..

الظاهر ان التقرير مو حلو ابدا الي محد مر عليه وشجعني

مشكوووووه نور على التقرير لرائع
باين إنه الرحله كتير حلوه واختيارك للأماكن كتير موفق

حبيبتي دانه مشكوره عالمرور وحياج الله عضوه يديده بينا
واسعدني تفاعلج مع الموضوع
بالفعل كان اختيار موفق جدا لو ان اطول يومين كان احلى وكنت اضفت البترا
والمرات اليايه ان شاءالله


تحياتي لج

تقرير رائع جدا
بس الفندق غالي وكان بامكانكم تسكنو بفندق اقل واجمال
وعمان مليانع ومزدحمه بالفنادق

رحله موفقه

:24:

الله يعطيكي العافيه
رحله ممتعه وجميله جدا
موفقين

السلام عليكم

الحمد لله على السلامة

تقرير اكثر من رايع لكن الفندق سعره غالى دائما اجد مكاتب سياحية في جرائد الاردن عندها اسعار مناسبة

بالعكس مره حلو تقريرك واسلوبك شدني مرا مسلي
ثانكس



ام نوافي

مشكورة اختي على التقرير المميز والمفصل

الله يعطيك العافية على المجهود الكبير في كتابة التقرير

وباقي شيئ واحد لنا عندك ؟

ألف شكر ع التقرير الرائع أختي وإن كان الشكر متأخر جداً إلا أنني أمس فقط كنت أفكر مع زوجتي بوجهة جديدة للصيف وخطرت على بالنا الأردن ودلني أخي على هذا الموقع وسجلت فيه وتفاجأت حقيقة بكمية المعلومات وسألت نفسي كم كنت راح أخسر لو ما عرفت عن هذا المنتدى الرائع .. ؟

واكتشفت أيضاً كم خسرت سابقاً بسبب عدم معرفتي بهذا المنتدى من خلال تجارب عديدة وطويلة مع السفر ..

الشكر أيضاً للأخ الذيب الشمالي وفعلاً أن صدره أوسع من الكون ما شاء الله تبارك الله (عجبني البيت اللي في التوقيع .. !) وأيضاً الأخ الشمالي الغربي ولا يهون باقي الأخوان استفدت من الجميع بصراحة ..

أعددت برنامج متكامل لزيارة الأردن في شهر يوليو القادم بإذن الله لمدة أسبوعين صح بدري لكن التخطيط السليم والمبكر من وجهة نظري مهم جداً ..

مرحبا بك عزيزتي نور الدنيا اولا الحمدالله على السلامه .. رحله موفقه وتقرير اجمل من انأمل جميله بس لي ملاحظه بسيطه عن التاكسي بعمان ترى استغلال لوحظت انك تطلعي من الفندق الى المطعم ياخذ 5 دينار هذا استغلال عارفه كم حق المشوار يعني دينار او ونص اذ مره 2 دينار احترامي وتقديري لك

يعطيك العافيه على تقرير روعه