الموضوع: استفسارات لزوار اليونان

السلام عليكم

بعض الاستفسارات لزوار و مرتادي اليونان - اثينا

كم سؤال عن البلد اولا ً ؟

شلون الديره و جوها من حيث طبيعه البشر اللي فيها ناس ودودين ولا العكس ؟

شلون الطقس بهالفتره الحاليه شهر 6 ؟ طبيعتها مثل اي ديره تقريبا ً ؟

من حيث السكن :

الاماكن المفضله او الفنادق الاكثر ارتدادا ً لك و لابد من توافر خدمة عاليه و انترنت اهم شي : )

الاسعار هل هي بلد غاليه ام عاديه ؟ ماهي الاماكن المفترض زيارتها في اليونان ؟؟

سواء في اثينا او خارجها مع ملاحظه ان مده الاقامه لا تزيد عن اسبوع واحد فقط

المطاعم او المعالم او الاماكن السياحيه الواجب زيارتها هي ؟؟؟؟

ماهي وسائل النقل المتاحه و المفضله للتنقل فيها هناك ؟؟؟

اي نصيحة او اضافه تحب تفيدني و تفيد الاخوه اللي بيزورون اليونان ؟؟؟؟


الف شكر لكم و بارك الله فيكم على ما تقدمونه من معلومات تساعدني و تياعد غيري

و هذا الموضوع بيكون متواجد كبقيه المواضيع اللي ممكن الرجوع له و اتمنى انه

يكون شبه شامل بنظره عن اهم المعطيات لزوار اليونان



تحياتي

مواضيع عشوائيه ممكن تكون تعجبك اخترناها لك:

• استفسار عن روســـــــيا للاهميه وعاجل
• سؤال عن داركوف
• مستوى الدراسة فى روسيا
• حجز الفنادق والشقق في جورجيا
• سؤالي الاخير فتلندا او النرويج
• ما هى متطلبات السفر من مصر الى كرواتيا ؟
• لمن سافرو إلى جورجيا سابقا ؟ ؟
• عاااجل اخواني
• كـــــــــرواتـــــــيـــــــا
• سؤال عن جورجيا
• فندق هولندا
• موقع سياحي لدول شرق اوروبا
• معلومات عن بلغاريا
• خبراء لاهاي
• فيزتي من الهولندية تأخرت - عادي؟
• دوله اوروبيه بهذه المواصفات
• سكن قريب من مصحة داركوف ؟ عاجل
• هل هناك رحلات من بروكسل صباحا الى مطار شارل ديغول بباريس
• بلجيكا فين اروح ؟؟؟
• شلون الجو في براغ في شهر

ما شاء الله على هالعدد من زوار الموضوع

ولا شخص كلف على نسفه يكتب اي تعليق !

اتمنى الاقي ردود لو اجابه واحده فقط قبل السفر

وكلي امل بالمنتدى و اعضاءه و هذا اول موضوع لي صراحة

كنت اظن اول ما احط الموضوع الناس تتسابق على الرد و التعاون

ان شاء الله خير و الف شكر لكم

وعليكم السلام ورحمة الله وبركاته ..

أتمنى أن يفيدك الرابط التالي ..

http://www.arabtravelersforum.com/travel200143/

الف شكر اختي على هذه المساهمه الفعالة

كما اشكرج على الجهد الواضح في هذا الموضوع اعلاه

والذي يعد كمرجع عام لكل الدول الاوروبيه

الله يعطيج العافيه على هذا العمل و ايجاز هذه الروابط و المعلومات بموضوع واحد


اتمنى لكل من قام بزياره اليونان و من لديه الخبره ان يعطي وجهة نظرة

و نستفيد من خبرته و تجربته من خلال زيارته لاثينا و ذلك بالرد على الاستفسارات

و المعلومات المتواجده بأي مكان بالانترنت فهي تتم معلومات عامه

سبب سؤالي و مشاركتي في هذا المنتدى بالذات هي للتعرف على اصحاب الخبره

و اخذ النصائح منهم و الاستفاده و اضافه اللمسات العربيه فارائنا تختلف عن آراء الاجانب

في التقييم لذلك اتمنى من قام بالسفر لتلك الدوله ان يقوم بالمساهمه لو بالمعلومات القليله

على نحو هذا الموضوع و الف شكر لكم

تصدق اني كنت ناوي اكتب نفس الموضوع لاني ناوي اطلع في شهر 6

ياخوك شوف انا صارلي شكثر مسجل بالمنتدى بس احب اقرا

و اشوف الرحلات الحلوه للاخوان و الاخوات و اول مره احس فعليا

اني محتاج ردود لبعض اسألتي و كنت اظن قبل ما اطق انتر بلاقي الردود

الله كريم و الحمدلله النت و البحث تقريبا عرفت وايد امور عن الديره

ولكن ما نستغنى عن اراء الاخوه و الاخوات العرب و الخليجيين لانا

تقريبا نعرف لبعض و ندري شنو الامور اللي نستانس عليها بينما اراء الاجانب

كلش غير يعني قرأت كثير اراء عن فندق معين ولكن مو ثقه رايهم عندي

بعكس راي اخواني الموجودين هني بالمنتدى و ان شاء الله الاقي ردود قبل ما امشي

اخوي انا سعيد بتواصلك معنا وصدقني راح يجي احد ويجيب عن كل اسالتكم

وانا اتمنى انه يجيب على اسالتكم هنا علشان يكون هالموضوع مرجع لاليونان

تحياتي

كفو الله يابو خالد

جزاك الله خير وياليت تفاعل الاعضاء بعد ومانستغني عن معلومات بو خالد قبل ولعد الزياره

ما عليك زود يالغالي الف شكر لك على المتابعة

و بانتظار اصحاب الخبرة ان شاء الله قبل السفر

تحياتي

الله يعطيك العافية على المعلومات لاكن نبغى تقرير مصور

الله يعافيك و ان شاء الله التقرير بيكون اثناء او بعد السفر بعد ايام

شكرا على تثبيت الموضوع

أخي العزيزانا متابع معكم عسانا نحصل اجابات لأسألتكم من أخواننا الأعزا ء أعضاء منتدانا الغالي ومن سبق لهم السفر

هناك بارك الله في الجميع وعندي إضافة للأسأله :كيف الوصول لها من تركيا لأني مسافر من السعوديه

بالسياره وهل هي مناسبه للعوائل وهل لبس النقاب عادي عندهم بمعنى آخر مافيه مضايقات

وكم سعر البنزين عندهم

تروح وترجع باالسلامة على اي خطوط حجزت وايش اسم الفندق الله يعطيك العافية

انا ودي اطلع من تركيا على اليونان وش رايكم ..

اجلس 10 ايام في تركيا واسبوع في اليونان ...((نظرا لقرب المسافة بينهم ))

ايش رايكم ؟؟؟؟؟؟

وكم اسعار التذاكر لليونان ؟؟؟

المشاركة الأصلية كتبت بواسطة alazi11612
http://www.arabtravelersforum.com/tr...9/#post2989269

أخي العزيزانا متابع معكم عسانا نحصل اجابات لأسألتكم من أخواننا الأعزا ء أعضاء منتدانا الغالي ومن سبق لهم السفر

هناك بارك الله في الجميع وعندي إضافة للأسأله :كيف الوصول لها من تركيا لأني مسافر من السعوديه

بالسياره وهل هي مناسبه للعوائل وهل لبس النقاب عادي عندهم بمعنى آخر مافيه مضايقات

وكم سعر البنزين عندهم




اسمحولي على التاخير اعزائي نظرا ً لبعض الظروف

لتأخير الرحلة و انا حاليا في اثينا اللي ان شاء الله احاول

اعرف قدر المستطاع عن الامور اللي استفسرت عنها مسبقا ً و انقلها لكم

بالنسبة للنقاب ليما الحين ما شفت لاني اساسا ماشفت عرب الا قله و الحريم فيهم كانوا محجبات

و الوضع عادي ان شاء الله اما النقاب ما شفت ولا اقدر افتي بهالمسأله وان شاء الله خير

بالنسبه للوقود " البانزين" ماعندي اي فكره لحد الان و ان شاء الله ستقوم بتأجير سيارة

و نعرف تقديريا ً الاسعار اذا معقوله او غاليه و طبعا اذا السياره اقتصاديه افضل بكثير

الديره السياحه فيها محدوده الى حد ما اغلب التركيز على الاثار و المتاحف نظرا ً لوضعها

و قدم تاريخها هذا اللي ليما الين توصلت له و اذا عرفت شي اوافيككم فيه ان شاء الله

و اضيف المعلومه اللي عرفتها انه اغلب السياحه تكمن في الجزر اليونانية

الجو العام كأنك في مصر بس طبعا مصر احلى

اما الشعب محد له شغل بالثاني " البعض" فيه نحاسه الاجانب من الانجليز اذا خابرين نحاستهم

المباني اللي شفته ليما الحين منها القديم و العادي الحديث اغلبه فنادق و مجمعات نسبيا ً

اثينا يكثر التركيز فيها على المقاهي " كافيهات " لكثره التجمعات او القروبات

و المطاعم العالميه و في مطاعم لبنانيه و سوالف ارجيله و غيره من هالامور نظرا لقرب المسافة

بينها و بين تركيا اللي قد اثرت عليها منن هذه الناحيه بالاضافه الى بعض المهاجرين العرب

من الجنسيات المختلفه



يتبع ،،،،،،،،

المشاركة الأصلية كتبت بواسطة المسافر عربي
http://www.arabtravelersforum.com/tr...1/#post2996841

تروح وترجع باالسلامة على اي خطوط حجزت وايش اسم الفندق الله يعطيك العافية



الله يسلمك يالغالي

بالنسبه للخطوط طلعت من الكويت طال عمرك على الاماراتيه

طبعا ترانزيت في دبي و منها لاثينا و كانت رحله شاقه لانه الترانزيت 4 ساعات

قزرناها بطار دبي الجديد حلو و لكن للاسف كان في عطل ببعض اجهزه التكييف

و قلنا نأجر غرفه بفندق المطار نريح فيها علما ايي وقت طيارتنا ايضا للاسف حظنا

كان مو معانا و كان في مشكله بالماي عندهم بالفندق !

صراحه اول مره اطب مطار دبي الجديد حلو وايد و شغل راقي بس مشكله التدخين

عندهم مسببه قلق بالموضوع و اللي يبي يدخن لازم بمقهى او بار و لازم يطلب اقل شي

بما قيمه 30 درهم على العموم قزرناها على هالحال و طرنا ليما اثينا المطار عندهم

احسه اقل من عادي بالنسبه لمطاراتنا ،،،

الفندق اللي قعدنا فيه اسمه بريزيدانت فندق نظيف و سعره معقول يقدم وجبه الافطار مع

حساب الغرفه و لكن ما انصح تاكلون منه زحمه كل السكان ناطرين البوفيه كأنهم مفاجيع

حتى اللي مو جوعان يبي يقعد على بو محسوب عليه الريوق و الاكل الله يديم النعمه

اكتفيت بعصير و قهوه و طلعت استكشف الاماكن

تبي فنادق حلوه تلاقي وكل شي بسعره طبعا في منطقه بالكا حيويه و فيها فنادق قمه صراحة

تقدر تجيك على المواقع اللي كنت ضايفها انا فوق تكتب الديره و العاصمه و تختار النجوم

و تشوف الصور و الاسعار و الخدمات اللي يقمها لك الفندق احلى شي بفندقنا هذا انه الانترنت

سريع و لكن مو فري طبعا بفلوس تشتري كرت من الاستقبال 24 ساعه ب 15 يورو

بما يعادل 6 دنانير نقول يعني زين الاسعار معقوله كديره اوروبيه مو غاليه مثل غلاء لندن !!!

ما انصح فيها بهالوقت لانه الاجواء حاره و الناس على شورتات نظام تايلاند

هذا بالنهار اما الليل الهواء فيه براد حلو و الطلعه عجيبه بالليل في اماكن وايد بعد

كل شي بوقته و ان شاء الله اكون معاكم على تواصل

،،،،،،،،،،،،،،،،،،

المشاركة الأصلية كتبت بواسطة bin_hassan
http://www.arabtravelersforum.com/tr...4/#post3021604

انا ودي اطلع من تركيا على اليونان وش رايكم ..

اجلس 10 ايام في تركيا واسبوع في اليونان ...((نظرا لقرب المسافة بينهم ))

ايش رايكم ؟؟؟؟؟؟

وكم اسعار التذاكر لليونان ؟؟؟



يالغالي اذا عايله انصحك تكمل بتركيا لانه اليونان مافيها مجمعات و انت تدري الحريم يدورون
السوق كأنه ماعندهم سوق الديره اثار و متاحف أو جزر و بحر انا ما اقدر اقول مو زينه
ولكن حسب المامي البسيط للي عرفته ليما الحين اما اذا اماكن يمكن انا ما وصلت لها بعد
اذا ودك مرها بس 10 ايام اعتقد كثيره عليها الا اذا ودك تاجر سياره و تلف فيها كل مكان
هذا موضوع اخر و بالتوفيق

الموضوع الحلو سالفه خط التليفون فودافون تحصله عند اي كشك

و موضوع الاكشاش صراحه انا استانس عليه كل كشك يميز نفيه و يتفنتق

و يضبط كشكه بطريقته عموما تشتريه ب 10 يورو يقولك اختار الرقم اللي تبيه

من الموجود عنده و اذا تبي تشتري بعدين كروت شحن داخل الديره المكالمات رخيصه

و يقزرك و المسجات لي بره الديره ارخص من اذا تراسل من خطك الكويتي التجوال

تدرون يعني الشركات الكويتية ما ترحم و محد يحاجيهم

الامور سهالات ما كأنك مسافر بعض دول اذا طبيتها تحس انك مسافر اما ليما الحين

احس الامور عاديه و ان شاء الله نستكشف اكثر لما نستاجر السياره

لانها بالنهار التكاسي كلها فل محمله ركاب و الباصات زحمه الشوارع لويه

من المطار اجر لك سياره و فك عمرك و وقت اللي ترد فندقك اصفطها باي مكان

لو شوي بعيد مو مشكله ولا تقعد تدور لك على تاكسي

بالنسبه للصور و المواضيع اللي اشوفها دايم ماشاء الله شي مو طبيعي بهالمنتدى

كنت مفكر اسوي هالطريقه انزل صور وايد و شرح و لكني مالقيت شي اصوره بعد !!

مادري كل الامور احسها حيل طبيعيه يعني مو شي يديد او غريب مع اني هاوي تصوير

و الكاميرا قبلي وقت السفر و لكن هالمره ما استخدمتها نهائيا ً ليش والله مادري

اكتفيت ببعض اللقطات من كاميرا الموبايل ان شاء الله انزلها

و تقريبا باجي كم يوم ان شاء الله نلاقي سوالف و امور تستحق و نصور

و ننزلها بموضوع




شنو بعد ما قلته والله قاعد احاول اتذكر الساعه صارت 4 و ربع ما حسيت بالوقت !

باجر وراي قعده خل اقوم اصلي وانام و نعين والله خير على امل ان نلتقي معاكم

لاحقا ً و اي استفسار او سؤال عشان اركز فيه و احاول اجمع بعض المعلومات عن الاجابه


صج ترى كهربة الديره ( راس بو اثنين ) لا احد اييب بو 3 و يتوهق يروح عليه اليوم يدور

له وصله





سلام عليكم

السلام عليكم مجددا ً

بالنسبه للاخ اللي سأل عن البانزين تقريبا سعر اللتر يورو و شوي بما يعادل نصف دينار كويتي
يعني البانزين غالي مو رخيص بس اذا مثل ما قلت السياره مو امريكية ان شاء الله توفر
و هذه صوره لقيمه البانزين في احدى المحطات






سبق و قلت انه الديره مافيها اسواق صحيح الاسواء تعتبر عاديه حيل ولكن البارحه رحنا مجمع
اسمه ذا مول و هو يعد اكبر مجمع تجاري بالمنطقــــة و هذه بعض الصور من النت





يتكون المجمع من 4 ادوار مواقف السيارات بالسرداب الدور الارضي محلات ماركات عالميه
الاول ايضا نفس الشي الثاني محلات ايضا و الثالث مطاعم وداخل و ايضا قعدات
خارجيه في الهواء الطلق على اطلاله جمليه لاثينا كما توجد العاب و صالات بلياردو و بولنج
و يوجد دور اعلى فقط فيه مقاهي على شرفة مطله على المجمع من الداخل


الى اللقاء ،،،

جزاك الله خير يا بوخالد

وما قصرت على المعلومات اللي ذكرتها

ومن كلامك حسيت ان البلد مو ذاك الزود

واندور على غيرها احسن

تقبل شكري وتقديري لك

وياك خير ان شاء الله بارك الله فيك

والله ياخوي يمكن اكون ظالم الديره و تدري الناس اذواق

في مناطق حلوه بس بره العاصمه عندي لهم صور و متكيسل ارفعهم صراحة

اللي يحب الاثار تيوز له الديره بس انا سامع انه التشيك وايد احلى منها والله اعلم

و انا حاضر لاي استفسار

تحياتي

بصراحة يا ابو خالد ما قصرت والله يعطيك العافية علي هذا المعلومات
انا زرت اليونان وسكنت بنفس الفندق ووافقك علي رآيك تماما بالنسبة للفندق
اما بالنسبة الي جزر سمعت عنها كلام طيب ولكن لم اذهب اليها
اما إثينا ودك تسمع عنها ولكن لا تزورها بلد كئيبة لاتوجد فيها أماكن سياحية
تستغرب إنك في بلد أوروبي أصلا
إلا إذا احنا ما عرفنها

المشاركة الأصلية كتبت بواسطة مراقب 2006
http://www.arabtravelersforum.com/tr...4/#post3287664

بصراحة يا ابو خالد ما قصرت والله يعطيك العافية علي هذا المعلومات
انا زرت اليونان وسكنت بنفس الفندق ووافقك علي رآيك تماما بالنسبة للفندق
اما بالنسبة الي جزر سمعت عنها كلام طيب ولكن لم اذهب اليها
اما إثينا ودك تسمع عنها ولكن لا تزورها بلد كئيبة لاتوجد فيها أماكن سياحية
تستغرب إنك في بلد أوروبي أصلا
إلا إذا احنا ما عرفنها




الله يعافيك يالغالي
بالنسبه للجزر ماشاء الله وايد كل جزيره لها طابعها الخاص
صحيح اثينا ما كأنك ببلد اوروبي فيها شبه من مصر (بعض الاماكن)
و اكرر انه مصر وايد احلى طبعا
احتمال ما عرفناها عدل ولكن اعتقد هذه طبيعة اثينا الا اذا طلعت بره
اثينا ففي اماكن حلوه كطبيعة و مناظر خلابه

و ياليت اللي يعرف اي معلومات عن السكن او اذا في شقق فندقيه نظيفه يدلنا عليها

و بارك الله فيكم