الموضوع: الأكل في موريشوس

الأخوة والأخوات أعضاء المنتدى واصحاب الخبرة

السلام عليكم ورحمة الله

بإذن الله تعالى حجزي في موريشوس في أغسطس لمدة 7 ليال

4 ليال في الهيلتون وثلاث في البيل مارج. وحجزي هالف بورد (يعني الفطور والعشاء مشمول)

السؤال يتعلق بالأكل؟؟هل هو مقبوووول؟؟

هل أختار أي مطعم في الهوتيل وأتعشى فيه؟ ما هو مستوى المطاعم في الفندقين المذكورين

هل هنالك مطاعم عربية أو هندية مقبووولة؟؟

والأهم أنها تقدم الأكل الحلاال؟؟

ياليت من الخبراء انهم يفيدوني لأني عريس ومتوهق؟؟!!!!

مواضيع عشوائيه ممكن تكون تعجبك اخترناها لك:

• ––––•• ••––––
• شاطيء بوراكي
• وموريشوس فندق خبرتكم
• ابؤ عبدالعزيز سوال
• عرض خصومات من الخطوط السيريلانكيه للفتره من سبتمبر الى نوفمبر ولمدة ايام فقط
• ما ابى احد
• أستفسار عن موريشيوس؟؟
• نحن شباباين نذهبماليزيامالديفمورسيش
• سؤال عن جزر الكناري الرجاء الاجابة
• المالديف البحر الصافي والشاطئ النظيف
• محتاااااااار أرجو المساعده
• لا يطيحوا الاحباب في اللي طحنا فيه
• ابغي مساعدتكم في ترتيب رحــــــــــله بحريه
• الفزعة يالربع
• ياجماعة احترنا مع هذي الشركة؟
• أرجو من الجميع المساعدة شهر عسل
• موريشوس ولا المالديف ؟
• استفسار وارجوا منكم الرد
• يا جماعة وش رايكم بهالعرض
• رجعت بالسلامة وانتظرو تقريري

حياك الله اخوي
انا سكنت بنفس الفندقين
الاكل بالاوتيلين بوفيه مو مقبول وبس الا يهبل
الهيلتون بالنسبه لي فطوره احلى وبيل مار عشاه احلى
فيه كورنر بالبيل مار حق باستا تختار اي نوع وهو يطبخها لك قدامك(يممممي)
بعدين مو انت تختار المطعم لا
فيه مطعم مخصص للفطور والعشا هو نفسه اللي تاكل فيه كل يوم
وهم لما تسوي التشيك ان يعلمونك مكانه
وكلهم فيهم اكل حلال بس مو كل شي طبعا لأنك بتلقى ورقه صغيره بجنب كل طبق حاطين اسم الاكله
وطبعا اذا كان فيها خنزير بيصيرون كاتبين
وعموما لو زوجتك محجبه فالعاملين هم اللي بينبهونا للاكل اللي فيه خنزير او خمور
لأنه هذا اللي صار معاي عشاني محجبه
وبعدين الجلسات حلوه ورومانسيه يعني تصلح للعرسان بس اختاروا مكان بعيد يعني عالاطراف
عموما الاكل متعه بموريشوس والله

تروح وترجع بالسلالالالالالالالامة

حنا نفس الشي خذينا الباكج من الامارات للعطلات
بس قاللهم زوجي انه هني مون يعني مافي زياده فلوس ولا شي
بس عطهم خبر وتأكد انهم كاتبين كذا بالفوتشرات اللي يعطونك اياها وتأكد انهم معلمين الاوتيلات
وراح يسوون لك حركات رومانسيه ومره حلوه
مثلا ترحيب فيكم بالغرفه بكروت مثلا
ويحطون لكم بتلات ورد بالحمام الله يكرمك
ويسوون لك واحد من الاوتيلات عشاء رومانسي على ضوء الشموع يكون بمكان سبيشل مثلا جنب المسبح
ايه وبالطياره يجيبون لكم كيكه مكتوب عليها مبروك
حنا لخبطوا وجابوا لنا كيكه مكتوب عليها هابي بيرثداي
بس نصيحه لاااااازم تاخذ الهني مون باكج مرررررررره رايق

المشاركة الأصلية كتبت بواسطة KSA_Riyadh
http://www.arabtravelersforum.com/tr...9/#post1429159

يعطيك العافية

أنا إن شاء الله بمر طيران الامارات وبأكد هليهم يحطووون هالأشياء

سؤال: وش تنصحين فيه.. هل أروح مع قرووب سياحي في التنقلات ولا أستأجر سيارة خاصة.

أيضاً وش أفضل الأنشطة الممتعة وإلي تنصحين فيها ؟ أحس ان بعض النشاطات صعب اني أمارسها أنا وزوجتي مثل الغوص أو الدبابات أو السباحة (لعدم وجود الخصوصية) ... فإيش الأشياء الي تنصحين اني ما أفوتها..

معليش طولت عليك في الأسئلة.. وعقبال ما أخدمكم في المستقبل..

تحياتي....




لا بالعكس خذ راحتك وأسأل كل اللي في بالك

لا مااتوقع له داعي تروح مع قروب سياحي لأنك بتلقى برى الاوتيلات تكاسي اشكال والوان خذ لك واحد وخله يوديك للمكان اللي تبيه والسواقين هناك خلوقين ومتعاونين جدا يعني تحسه متحمس لك يبي يوريك كل شي حلو:115:
بس كاسر فيهم شوي
بالنسبه للنشاطات اللي انا شخصيا انبسطت فيها:

1-الهيلكويتر بالبيل مار كانت تجربه حلوه مره

2-الكواد بايكينق بمحميه ايتلوا كانت من احلى الايام بحياتي وهو عباره عن دباب كبير تركبه انت وزوجتك مع قروب
وتلطعون جبال وتوقفون بأماكن روووعه وطبعا السواقه لحالها تحدي لأنك تطلع وفيه مطر احيانا والارض تزلق يعني مغااامره:11ight:
حنا بالطلعه انا اللي كنت اسوق وبالنزله زوجي هو اللي كان يسوق

3-بالنسبه للغواصه انا مااعجبتني كثير بس زوجي مررررررررره اعجبته وعموما لازم تجربها لأنها حاجه جديده

4-وانت بالهيلتون خذ تاكسي وخله يوديك للشلالات والارض اللي بسبع الوان والبركان الخامد وعده اماكن بجنب بعض وهالنشاطات راح تاخذ تقريبا يوم كامل من الصبح للعصر

5-حدايق بامبليوس(الظاهر كذا اسمها) تجنن بس كبيييييره وتشوف فيها مناظر خضراء تشرح النفس

6- طبعا السباحه ماراح تقدر تسبح زوجتك وحتى انت لأنه برد
بس فيه بكل اوتيل نشاطات بحريه كثيره اختار منها اللي تبي:surf

7-فيه جزيره اسمها لو سيرف مافيها ذاك الزود لكن فيها العاب عالبحر حلوه مره
ومن ضمنها لعبه تركب زي القارب صغير مره وحتى مو قارب ماادري وش اسمه ويكون مربوط بقارب يمشي بسرعه مره وهو يجركم وراه طبعا انواع الترطيش والصراخ بس ممتع متعه:24:
واذا بتجربونها عطوا كميرتكم للرجال اللي بالقارب عشان يصوركم

وبالتوفيق يارب:106:
واذا عندك اي سؤال لا يردك الا كيبوردك:109:

يعطيكم العافيه

تروح وترجع بالسلامة

حمستوني وايد


متخوف إني أروح

زواجي بشهر 4/2008

ومحتار بين ماليزيا وفينا وموريشس

وعجبتني فعاليات موريشس


بس عزيزي خالد بحاول اضيفك عندي أبي تفاصيل أكثر إذا رجعت بالسلامه

وخصوصا المصرف هههههه

وشرايكم أبي اقعد اسبوعين فيها بحكم اني بسكن مع اهلي ابي شوية برايفت بالسفر

تحياتي لكم

واعذروني على عفويتي بالطرح

المشاركة الأصلية كتبت بواسطة bandar8
http://www.arabtravelersforum.com/tr...4/#post1464374

يعطيكم العافيه

تروح وترجع بالسلامة

حمستوني وايد


متخوف إني أروح

زواجي بشهر 4/2008

ومحتار بين ماليزيا وفينا وموريشس

وعجبتني فعاليات موريشس


س عزيزي خالد بحاول اضيفك عندي أبي تفاصيل أكثر إذا رجعت بالسلامه

وخصوصا المصرف هههههه

وشرايكم أبي اقعد اسبوعين فيها بحكم اني بسكن مع اهلي ابي شوية برايفت بالسفر

تحياتي لكم

واعذروني على عفويتي بالطرح

عزيزي اسبوعين مره كثيره على موريشوس
هذا رأيي الشخصي طبعا
انا قعدت 10 ايام واخر يومين بديت اطفش رغم انها اعجبتني كثير
لكنها هاديه بزياده ومافيها ذيك الاكتيفتيز الكثيره
لذلك رحنا دبي 5ايام بعدها
وبذلك حققنا الموازنه:هدوء+رومانسيه+حميميه بموريشوس
وسوق+سينما+زحمه بدبي

وبالنسبه لفيينا او النمسا بشكل عام ففيها اماكن خياليه من ناحيه الطبيعه وكل اللي راحولها بشهر العسل كيفوا عليها

اما ماليزيا فبالنسبه لي مااعجبتني كثير للزوجين لحالهم احسها تصلح لعائله واطفال وبعدين طول السنه مليانه خليجين يعني ماراح تاخذون راحتكم كثير:112:

بالتوفيق

الا على طاري الأكل (في العنوان بس)


ما عندهم أكلات شعبيه ... وش يطبخون وياكلون ... ههههههه



على ان نفسي شينه في الأكل ... الا اني أحب اذوق أكل الدوله اللي أروح لها ... طبعا اذا كان حلال

هلا عيون حبيبتي
فيه يوم بواحد من الاوتيلات اللي كنا فيها(مااتذكر اي واحد)
كان البوفيه موريشسي على ماقالوا
وحسيته اغلبه هندي وشرق اسيوي
يعني رز وانواع الايدامات
اذا كنتي تحبين الهندي زي حالاتي بيعجبك مره

والله محتار لأن ماودي اروح لدبي أكرها لأنها مزعجه

بس الشكوه لله شكلي بنجبر عليها


بس عندي واحد من ربعي راح لموريشس اسبوعين يقولي فله

بس بعد كلامكم بقلبها براسي وباخذ راي المره وبشوف

الكلمه الأولى والأخيره لها ولا كلامي مو عدل هههه