الموضوع: استفسار عن برشلونة والمدن الجنوبية

السـلام عليكم ..

مقررين نسافر إسبانيا فاجازة الربيع ..


وبالتحديد برشلونة ومدن الجنوب اشبيلة ، ملقا ، قرطبة


الفترة بتكون 12 يوم .. برآيكم شلون اوزع الأيام ؟


فبرشلونة بغيت نصايحكم بخصوص فنادق تكون فشارع الرامبلا ، على مستوى مع ريوق-افطار- والليلة بحدود 500 - 600 ريال


بغيت اسامي اهم الأماكن السياحية فبرشلونة ، وشلون اوصل لها ؟


من برشلونة لـ ملقا .. طيآرة ولا قطار احسن؟


فالجنوب ابي اسكن فمنطقة وحده ومنها اتنقل للمدن اللي حولها ، وين احسن منطقة اسكن فيها وتكون قريبة من اغلب الأماكن .. وشنو احسن المواصلات فالجنوب


واهم الأماكن السياحية فالجنوب واهم شي الآثار الإسلامية [ قصر الحمرا ، مسيد قرطبة ] ومآبي شي يفوتني


^السموحة على كثرة الأسأله ، اتمنى تفيدوني

مواضيع عشوائيه ممكن تكون تعجبك اخترناها لك:

• أرجوا المشوره حيث ارغب بالسفر الي برشلونه
• ابيكم تفيدوني
• أرجو المساعد والافاده لمخططتي للسفر لاروبا
• احتاج جواب من خبراء اسبانيا؟؟
• من المغرب الي ملقا وقرطبة وإشبيلية وغرناطة احتاج المساعدة
• لحد يبخل علي يا اعضاء بالمعلومات
• خطتي للشهر العسل اراءكم تكفون
• ساعدوني في برنامجي المقترح مدريد وبرشلونه
• احتاج نصايحكم بليز
• استفسارين عن برشلونه و ملاحظه
• خبراء برشلونه الانترنت للموبايل
• افيدوني افادكم الله عن هذا الفندق
• فنادق ينصح بالحجز وأماكن تستحق الزيارة في شهر العسل في برشلونه، ملقا، ماربيا، غرناطة
• استفسارات
• تخطيط رحلتي الى اسبانيا وبارس
• استفسار عن شقق في برشلونة
• المساعدة في مطار برشلونة
• استفسار عن برشلونه
• ايهما افضل صباحا او مساء في برشلونا
• استفسار عاجل

يا ليت تعطينا تاريخ السفر بالضبط وعدد المسافرين
هل حجزت التذاكر ؟ ولو كان نعم ممكن تزودنا بخط السير
قضية السكن في ملقا والتنقل أنا ضدها 100 % ( بيضيع عليك الوقت في الباص أو القطار وبتكون مكلفة وما راح تستفيد من وقتك بعد العودة لأنك بتكون تعبان )
فالأفضل تقسيم الوقت بين المدن

تاريخ السفر 12-2 الى 24-2 .. ولحين ماحجزنا التذاكر ،عدد المسافرين 4 -عائلة-


زين برآيك شنو الأحسن ؟

أنصحك بحجز التذاكر من الحين الذهاب لبرشلونة والعودة من مدريد
عندك في خطتك 12 يوم والوقت شتاء ( ماربيا ما أنصح فيها أبدا ها الوقت )
ممكن تقسم رحلتك بين برشلونة ومدريد ومدن الآثار ( قرطبة وغرناطة وأشبيلية )
وطبعا أنا أنصح باستئجار سيارة

مرحبا

فنادق في برشلونة:
عندك Royal ramblas , Silken rambla اسعارها بين 500 و600 ريال + الافطار..

الاماكن في برشلونة:
-الباص السياحي , من ساحة كاتالونيا..
-شارع الرامبلا , يتفرع من ساحة كاتالونيا , ونهايته ميناء برشلونة El port تطلع منه رحلات بحرية + مجمع Maremagnum + الحديقة المائية Aquarium + شاطئ برشلونة La playa..
-الحي القوطي Barrio gotico , جنب شارع الرامبلا..
-جبل التبيدابو + الملاهي Tibidabo hill , من ساحة كاتالونيا تركب قطار رقم L7 وبعدها ترام يطلعك الى اعلى الجبل..
-منطقة قوس النصر والحديقة اللي جنبه اسمها سيوتاذيه وداخلها حديقة الحيوانات , المترو الاحمر L1 واسم المحطة Arc de triomf..
-التلفريك الى جبل المنجويك , من نهاية شارع الرامبلا ع اليسار (جنب فندق مارينا)..
-القرية القديمة Poble espanyol village , المترو الاحمر L1 او المترو الاخضر L3 واسم المحطة Espanya..
-عروض النوافير الموسيقية , المترو الاحمر L1 او المترو الاخضر L3 واسم المحطة Espanya..
-شارع Passeig de gracia , يتفرع من ساحة كاتالونيا..(من احلى الشوارع في برشلونة وحلو للتسوق)..
-شارع Rambla de catalunya , يتفرع من ساحة كاتالونيا..(كافيهات ومطاعم حلوة)..
-مجمع L'illa , في شارع Av.Diagonal..

من برشلونة الى ملقا , بالطيران الداخلي:
طيران Veuling , الحجز من هنا http://www.vueling.com
طيران ryanair , الحجز من هنا http://www.ryanair.com

*معلومة مهمة عن طيران ryanair : اذا وصلك ايميل بتأكيد الحجز , لازم تطبع check-in وتاخذه معك للمطار والا بتدفع 40 يورو..

يوفقك ربي ان شاء الله