الموضوع: ترتيب جدول للبوسنه

انا بعد اسبوع ان شا الله بروح للبوسنه لمده 10 ايام وبعدها لتركيا اذا سالت الشركات السياحيه هناك عن المناطق خارج سرايفو يقولون روحوا بس يوم وارجعوا يعني مافيه مبيت شرايكم ؟ انا معاي طفلين والسياره بناخذها لازم سواق ممكن لو ابيت برا سرايفو يحسب على السواق المده الي هناك واتحمل تكاليف سكنه وهوليوود لازم نسكن خمسه ايام هناك وبعدين عادي ممكن اخذ فندق ثاني ياليت تعطوني جدول ومايكون متعب وانا ابي اذا فيه قوارب اوحاجه ثانيه غير الرافتينج شكله يخوف ماينفع لعائله ابي شي امن جزاكم الله خيرا

مواضيع عشوائيه ممكن تكون تعجبك اخترناها لك:

• لا تفوتــكـم صــــور روعـــه من روســــــــيـــــا
• اي استفسار عن البوسنه انا حاضر
• اريد السفر الي رومانيا للدراسة ماذا افعل
• كيف زرت فنلندا ب ريالاً فقط
• أفضل 10 وجهات سياحية أوروبية لقضاء إجازة عائلية
• الى خبراء رومانيا أرجو المساعده
• محتاج مساعده ظروري فنادق أمستردام
• استفسارات عن هولندا
• استفسار عن الشيشان
• العربية للطيران تسير رحلاتها إلى كييف في أكتوبر القادم
• سؤالين الى عشاق هولندا؟
• بلجيكا قلب السياحة الأوروبية النابض
• تكفون يا ناس بسافر وابي تنظيم منكم يالخبراء
• استفسار عن فاوتشر الفنادق بالبوسنة
• منع التدخين في الأماكن السياحية
• اسئلة واجوبة عن جمهورية التشيك
• لشبونة في البرتغال من يفيدني عنها
• بـــــلــجـــيــــكــــــا
• صور من سفرتي للشيك
• كوسوفو بلد إسلامي في قلب أوروبا من غير فيزا لأي جواز لدولة إسلامية أو عربية

خمسة أيام في فندق هوليوود خربت برنامجك .. يعني انت مرتبط معاهم

عموما حصل خير .. ما لك إلا تلغي بيهاتش نهائيا
اليوم الأول تشيك إن وترييحة من عناء السفر والتجول في الاليجا
اليوم الثاني .. النهار كله في فريلو بوسنة .. من اول الليل حتى العشاء في السنتر
في اليوم الثالث من وصولك لسراييفو .. انت مرتبط بفندق هوليوود

اطلع من الصباح باكر يعني الساعة ٨ وانت مفطر ومجهز حالك لزيارة يايتس وشلالها وبحيرتها والمطاحن والتنزه على بحيرتها .. لأقصى ما تستطيع
في الرجعة لسراييفو .. تمرّ ترافنيك وتجلس عند النبع الأزرق ومطاعمها .. ورتب وجباتك .. وتقدر تزور ترافنيك والقلعة بالنهار .. وترجع للأليجا
رحلة يوم كامل من دون مبيت قيمتها ١٠٠ يورو
أنا اعرف انه مرهق .. لكن على فكرة هذه طريقة كثير من اخواننا الكويتيين
اليوم الرابع .. راحة من عناء رحلة اليوم السابق .. تقدر تروح للسنتر ومطعم الأمراء وفيه شلال قريب من العاصمة ١٢ كلم اسمه Skakavac
اليوم الخامس .. روح فونيسيا وشلالاتها وبحيراتها fojnica
http://www.fojnica.ba/
اليوم السادس تشيك أوت .. وحجز في كونيتس وخذ عن نفسك ٣ ليالي فيها .. تسكن امام النهر وتزور موستار والنبع والشلال وتشوف لك رحلة صغيرة مع مرشد سياحي يرتب لك قوارب وغداء وغيره
الليلتين الاخيرة في السنتر بسراييفو

طيب اخوي كونيتس فيه فندق او مكان كويس تنصحني اسكن فيه وبالنسبه للسائق يكون معاي اليوم الاول اللي يوصلني فيه طيب اليومين االباقيه هل ممكن القي سائق في نفس المنطقه ؟ معليش كثرت اسئله اتمنى تفيدني

نعم .. يوجد في كونيتس فندق رائع ومميز
http://www.gardencity.ba/en/

وللزيادة خذ هذا الموضوع .. فيه معلومات مهمة

http://www.arabtravelersforum.com/travel832337/

أما السؤال الثاني .. افضل حل تستأجر سيارة وتقودها بنفسك
بالنسبة لكونيتس .. اتفق مع أي سائق يوصلك لها وهي ٤٥ كلم .. يعني مو ذلك السعر .. واذا وصلت ما تحتاجه يعني اتفاقك معاه فقط توصيل
اليوم الثاني عندك شلال والنبع وموستار إما تتفق مع اي مكتب سياحي يأتيك للفندق لرحلة لمدة يوم كامل .. وعادي كونتيس ساعة من سراييفو مو مشكلة يأتيك وتتفق معه فقط من دون مبيت أو الفندق يكتب بصفحته أنه يتكفل بروّاده أن يذهب بهم نحو موستار والشلال والنبع فتستطيع تراسله على موقعهم الذي وضعته لك
اليوم الثالث .. نفس الشيء .. النت مليان عن مكاتب سياحية تعمل لك رحلة في الطبيعة ويختاروها قريبة من كونيتس .. تكون فيها قارب وطبيعة وشلالات وغداء وغيره على حسب رغبتك او اتفاقه معك وعروضهم .
اليوم الأخير .. تشيك أوت وأي تاكسي او الفندق او بالباص تعود للعاصمة والمسافة ٤٥ كلم ما هي شيء .

شوف يا أخي .. هوليوود عقّدها عليك والواجب من البداية ما تقبل لانه ربطك بالمبيت بالعاصمة ولمدة ٥ ليالي
فلهذا ينبغي تغامر وتتواصل بكثرة وتسأل كل أحد وتحاول تتفق مع كذا مكتب .. هذا يضبط لك رحلة لمكان واخر لمكان ثاني وهكذا او تسوق بنفسك في كونيتس .. وتخلي المكتب يوصلك لترافنيك ويايتس .. ومكتب ثاني فونيسيا او شلالات واماكن قريبة من سراييفو اثناء ارتباطك بالمبيت بفندق هوليوود .

الله يعينك .. واهم شيء خذ اللي تستطيعه وانبسط لأقصى درجة

مو مشكلة .. بإذن الله ارتب لك برنامج ما يخرش ميه ومجنون ورائع بس اعطيني كم ليلة مدة مكوثك في البوسنة ومتى بتروح .. والليلة ان شاء الله اضبطه لك

الله يجزاك الجنة

ما قصر خبير خبراء البوسنة ابوجود ( د.خيال )

شرح كافى و مفصل على آخر موديل

بس اللى مخرب السالفة فندق هيوليود !!!

لو تفك منهم يومين كان اضبط لك او تتفق معهم بانك راح تجلس 5 ايام بس مفصفصة !!!

يعنى 3 ايام الاولى عندهم و تلف البوسنة و ضواحيها و مدنها و ترجع آخر الرحلة باقي لك 2 يومين رصيد عندهم العدد ( 5 ايام ) اشرايك ؟؟؟

بهذه الطريقة حفظت فلوسك و متعت نفسك باللف على البوسنة !!!

كم عددكم ؟

تأكد يكون حجزك غرفة سبيريور راح تكون مناسبة لك و لعائلتك ( غرفة ستاندر صغيرة ) !!!

رحلة موفقة

حلوه فكرتك يا أبو عبد الله .. ممكن يكلموهم اذا وصلوا .. ممكن يوافقوا بعد اصرار

يا aaaa صندوق الرسائل عندك ممتليء حاولت ارسل ما استطعت .. لازم تحذفي منها الكثير

وانا راح انتظرك ساعة .. وبعدها مسافو ان شاء الله

وارسلك اللي طلبتيه يا من تركيا او من سراييفو .. اول فرصة ارسل لك .. بس اهم شيء حذف الرسائل من الصندوق

وربي ييسر امركم

تروح و ترد بالسلامة يا ابوجود

لا تنسانا من صالح دعائكم ( اخوك محتاج له )

فى أمان الله