الموضوع: عشاق تايلند ساعدوني بليز شهر العسل ؟

السلام عليكم ورحمة الله وبركاته


شخباركم اخواني وخواتي الاعضاء


حبيت اخذ رايكم واستفيد من خبرتكم بخصوص تايلند وتفاصيلها واتمنى منكم تساعدوني بإلي تقدرون عليه من معلومات


بعد 3 اشهر ونص بإذن الله راح نسافر انا وزوجي لشهر العسل في تايلند .. طبعا انا مو متحمسة للبلد كلش ومن كثر ما سمعت عن الجو والرطوبة والقذارة الي فيه كرهته وايد .. بس زوجي مصر انه نروح تايلند ويحاول يقنعني اغير فكرتي عنها ..

الي ابي اعرفه بما اني بستسلم وبرضى بالأمر الواقع ... شنهي الاماكن المحترمة والحلوة والعائلية الي نقدر نروحها خصوصا ان احنا رايحين شهر عسل يعني ندور الهدوء والرومانسية مو الازعاج والاجواء الغير مناسبة شنو البرامج الي ممكن نستمتع فيها ؟

ومتى المفروض نحجز لان احنا للحين ما بدينا بترتيبات السفر مجرد تخطيط بسيط ومشاريع مبدئية ولكن للحين ما حجزنا .. والمفروض ان رحلتنا مدتها 10 ايام الى اسبوعين .

و وايد ناس نصحوني اذا بروح تايلند اروح بوكيت وشنغماي اعتقد مو متأكدة من الاسم .


وابي رايكم بأمانه .. تجوفون ان تايلند تصلح حق شهر عسل خاصة ان بيكون موسم الصيف ؟؟؟


ومشكورين ويزاكم الله كل الخير

بإنتظار آرائكم

مواضيع عشوائيه ممكن تكون تعجبك اخترناها لك:

• استفسار عن فنادق Patong Bay Garden Resort
• طالع تايلند الاربعاء ارجوكم الفزعة
• جدول لتايلند
• للي عندة معلومات عن الشقق في بوكيت
• شينغاماى تكفون
• منع السفر الى تايلند
• لي محبين التسوق في
• استفسار عن هذا الفندق ببوكت
• بخصوص اجواء سوريا
• مكتب سفر في تايلند
• مكتب بوم للسياحة في بوكيت
• بانتظار الرد السريع
• خبر الغاء التربتك على الحدود غير صحيح
• الرجاء افادتي عن تايلاند للعرسان
• حبيت اعرف الجو في تايلاند شهر
• شهر العسل في
• دفاتر المرور السعودية ستكون مقبولة في سوريا
• لاهل الخبره
• الفزعــــة يا خبراء تايـ
• الذيب الشمالي

سؤال اخير

جم الميزانية المطلوبه المتوقعه للسفره ومصاريفها اذا المدة المقررة اسبوعين ؟؟؟
؟؟؟

أختي الكريمة كل دول العالم فيها القذارة والروايح الكريهه ولي يقولج غير خليه يعطني اسم الدوله حتى النمسا الي العرب خلتها جنه الدنيا فيها الاوساخ وبعيوني شايفنها

وبندخل بالموضوع على طول انتي قلتي ما تحبين البحر وبوكت كلها بحر لكن تستطيعي زياره اماكن كثيره في بوكت

اول شي دام انكم شهر عسل عندج منتجع ماليسا فيلا بمسبح خاص سعره تقريبا 7800 بات ما يعادل 1100 درهم قمه في الرومنسية موقعه على شاطي كاتا ويبعد قرابة 15 دقيقة عن شاطي الباتونج بالسياره تقريبا ام لو كنتي تبحثين عن فندق باقل الاسعار وراقي فعندج فندق the kee في شاطي البانونج سعر الغرفه الديلوكس شوفي اسعار الفندق على هذا الرابط

http://www.agoda.ae/asia/thailand/ph...esort_spa.html

ويجد الكثير من الفنادق المحترمه وكلما ابتعدتي عن الباتونج وجدتي فنادق انظف وافخم

ام شنغماي من تجربتي الشخصية عندج منتجع بانفيمان غرفة بمسبح وموقعه فوق الجبال ويبعد عن المدينه مسافة 20 دقيقة

وكذلك فندق شانجريلا قريب من النايت بزار والمطاعم العربية واهم من ذلك كله قرب افخم مطعم في شنغماي مطعم الريم الاماراتي

الميزانية وهذا الشي يعتمد عليكم انتم من يحددها وليس الاعضاء مثل نوع الفنادق عدد الرحلات المشتريات المطاعم

لكن لن تزيد عن 15000 درهم

بالعكس تايلاند حلوة وتصلح شهر عسل
بس اهم شئ ابعدي عن بانكوك
بوكت جدا رائعة ومناسبة جداً نظيفة ورمنسية

مبروك مقدماً

طال عمرج اختي الكريمة اعقليها وتوكلي على تايلند
لازم ترتبين برامجج من الحين ,, ما تاجلين عمل اليوم الى الغد
اسبوعين في تايلند حلوة وايد طال عمرج ..
اعطيج برنامجج بس انتي وريلج مشكلة متناقضين انتي ما تحبين البحر احد ما يحب البحر (والله مشكلة) خخخخخخخخ
وريلج ما يحب الألعاب ( في واحد مايحب الالعاب ) مشكلة .. خخخخ ..
المهم اختي الفاضلة ..
المصاريف التذكرة الرئيسية مع التذاكر الداخلية للشخصين 550 دينار تذاكر رئيسية + دينار 150روحة ورجعة الى بوكت (كوساموي لماي بيتش) + 60 دينار (روحة الى شانغماي من بوكت ورجعة الى بانكوك) = 760 دينار التذاكر لشخصين .
الفنادق في حدود خلنا نقول 50 دينار قي اقل طبعا وفي ازيد = 50 * 14 =700
الحين طال عمرج اختي التذاكر مع السكن اللي اهمه اهم شي طلع عليكم = 1460 تقريبا
باقي المصروفات انتو وصرفكم اعتقد = 700 دينار تكفي وتزيد ..
----
هذي ترتيب بسيط حق السفر ومقترح بسيط
تروحون على طيران الخليج دايركت ..
تروحون اول 3 ايام كوساموي شوانج بيتش .. ريلاكس وعندهم منتجعات حلوة ..
عقب تطيرون طيران داخلي من كوساموي الى شانغماي تيلسون 3 ايام وعقب من شانغماي الى بوكت 6 ايام أخر 3 ايام بانكوك

وشهر عسل حلو ان شاء الله .. تحياتي ..

مبروك مقدماً ...

والله الاعضاء ماقصروا وخصوصاً اخونا محرقاوي عطاج زبدة الموضوع وشنو اللي عليكم وشنو الي نقدر نفيدكم فيه ...

بس انا بزيد جم شي اهوه ذكر المناطق وكم ليله تقعدون فيها وانا حبيت اضيف هالمناطق مع الفندق المقترح .. وانتوا بعد دخلوا النت وشوفوا الصور وهالحركات وقوقل ما يقصر ..

طبعاً اذا رحتوا على طيران الخليج راح تكون الرحله دايركت الى بانكوك ..

المهم راح تكون (( البحرين - بانكوك البحرين )) بتكون يوم روحه ويوم رده ( عدد 2 ايام )

اول ما توصلون بانكوك تأخذون طيران داخلي من بانكوك الى شنغماي ( 3 ايام ) فندق D2 hotel Chiang Mai او فندق Holiday Inn Chiangmai

بعدها من شغماي الى ساموي وبالضبط شاطئ شواينغ بيج ( 3 ايام ) فندق Nora Buri Resort & Spa او Nora Beach Resort & Spa (( ترى الفندقين مختلفين ))

وبعدها من ساموي الى بوكيت ( 6 ايام ) اقترح 4 ايام في فندق Holiday Inn او فندق burasari hotel ///// واخر يومين في malisa villa حق الاسترخاء بما انكم شهل عسل

واذا رحتوا ساموي اول ما تنزل الطياره وتشوفون المطار راح تقولون احنا رايحين العاب ولا مطار (( مطارهم عجيب وخفيف وشي غريب حده حده عجبني ))

وبالنسبه لرحلاتكم السياحية وطلعاتكم ووناستكم مادري شلون بتروحون تايلند واحد مايحب البحر والثاني مايحب الالعاب (( ههههههههههههه ))
انا بقولكم شي ترى بحرهم غير عن بحرنا ونشطاتهم احلى وافضل وارقى من نشطاتنه البحريه التعبانه هههههههههههههه
يعني مثلا رحلة بي بي ايلاند ... الرافتنغ ... وفي رحلة اسمها similan island هذي تطلعون لها من بوكيت بالقارب السريع او الفيري ( الي يكون بو طابقين )
انا للاسف ما رحت لها من قبل بس رحلتي اليايه محطوطه من ضمن المخطط .. جربوا حطو الاسم بقوقل وتمتعوا ..

واتمنى اني قدرت افيدكم ... ورحله موفقه ..