الموضوع: سوالف بحرينية في تايلند واي استفسار حاضر للطيبين

رجعت من تايلند من 5 ايام تقريبا وومدة سفرتي كانت 24 يوم 11 يوم كوساموي و9 بوكت ويومين بتايا ويومين بانكوك واي استفسار حاضر للطيبين ..
وموضوع تقريري (سوالف بحرينية) بييكم عقب جم يوم على ما تفرغ شوي .. تحياتي لكم ..

مواضيع عشوائيه ممكن تكون تعجبك اخترناها لك:

• استفســار الافضــل بين هذين الطريقين
• التاكسي من المطارتحويل العملة
• الفيزا بالنسبة للكويتيين
• التنقل داخل سوريا
• اللي جرب اجنحة الشام او سمع عنها
• اير بانكوك
• للي جرب شقق ستي بلازا
• خبراء سوريا هام جدا
• سؤال عن هذا الفندق في شنجماي
• تايلاند في شهر مايو
• أستفساري عن الحقائب في سوريا
• استفسار بسسسسيط
• استفسارات عاجلة
• استفسار عن اماكن الطباعة على البزنس كارد والاأكياس ومعدات البزنس
• مراكز التسوق فى بانكوك
• اهل الخبره في تايلند تفضلو ابييييييييييكم
• محتااااار جدا ساعدوني و لكم الأجر
• ايش رايكم في جدول الرحله
• الدفتر المرور ملغي جملتا وتفصيلا
• انا اريد الذهاب الي سوريا

الحمد لله على السلامة
وننتظر السوالف الحلوة والاخبار الجميلة والصور

حمدلله على السلامة

ننتظر تفاصيل الرحلة ،، ونتمناها بالصور

الله يسلمك الغالي .. ان شاء الله تامر امر ..

الحلقة الاولى - سوالف بحرينية - التخطيط للسفر
بسم الله نبتدي ,,
طبعا تايلند ودك معظم الوقت تيلس فيها .. مافيها وقت ولا زمان ولا مكان.. المهم كنا اعزم في الصبيان من اربعة اشهر قبل شهر ابريل من بيروح معاي مني مناك اقولهم ترى هالسنة عيد الماااي لايفوتكم .. اتفقت مع واحد من الربع (حمادو) في موسم البر في الخيمة في الصخير (ها حمادو شلون عن تايلند شهر 4) قالي فوقو بوسعود تايلند تايلند .. وانة اعد الايام متى بنرووح وانة احن عليه يلة حمادو جاهز حق تايلند يقولي الشيخ انة جاهز وفجاة الا يقولي لا بوسعود انة ماقدر يقول بيبني ..ومادري شنهو .. اوالصبيان الباقي كل واحد يقولي شي وانة طبعا ما عندي مشكلة اروح بروحي ومرة واحدة وانة يالس في القهوة في العمدة الا (موسو) واحد من الربع يقولي ها بوسعود الا بتروح تايلند قلتله ايه شهر اربعة الا يقولي بس بوسعود وياك ويااك .. وننطر الايام ونعد الساعات والدقايق وخذت الاجازة اللي مابغت تطلع الا بطلعة الرووح واسوي تلفون حق المووووس اقوله ها الموس خذت اجازة يقولي ايه خذتها بس بقة التوقيع مال المسئول الا اسويله انزين ودلهه كيكة شكولاتة من ليلو بيوقعها بسرعة ههههههه.. المهم طلعت الاجازة وكل شي زي الفل .. الحين تعال يا بوسعود ورتب الرحلة .. وانة المدبر كل شي على راسي ...ههههه لان خبركم انة رايح التاي 5 مرات من قبل ورفيجي اول مرة لازم اباريه جنه مرتي .. ههههه .. تعال الحين ادور الطيران الانسب والافضل .. استقرينا على الطيران السيلاني ب 190 دينار للشخص وقصيت تذكرتين ب الفيزا كارد .. قصيتها من تاريخ 1 ابريل والرجوع 26 ابريل ، وهاذي اول خطوة افتكينا منه تعال الحين رتب الرحلة المهم ماطول عليكم ولا اهذر عليكم (كوساموي 11 يوم - بوكت 9 ايام- بتايا 2- بانكوك 2 - سيلان يوم واحد ترانزيت) ، قصيت تذكرتين عن طريج بانكوك اير حق كوساموي 80 دينار لشخصين من البحرين .. لان الله يسلمكم بننزل المطار وعقب اربع ساعات بنروح كوساموي.. هاذي سالفة اول تذكرتين خلصت باقي التذاكر قلت بتصرف من هناك .. باقي السكن الحين اقووووول حق الموس ها الموس شلون عن السكن وين تبي تسكن يقولي بوسعود انت فصل واحنة نلبس يعني الريال عطاني الخيط والمخيط .. ماطول عليكم حجزت فندقين من موقع بوكنج (فندق صلالة 1500 بات لليلة) لاربعة ايام (وفندق ارك بار 1600 بات لأربعة ايام الليلة) بس بتيكم في الحلقات الياية شنهو سوينة وصادنة في هالفنادق وسلبيات بوكنج .. لا تستعيلووون ولا تتمللووون من الهذرة .. نلقاكم في الحلقة الثانية من سوالف بحرينية (التجهيز للسفر والسفر في الخطوط السلانية والوصول الى كوساموي) .. انتظرووووووني..

المشاركة الأصلية كتبت بواسطة ولد_البحرين
http://www.arabtravelersforum.com/tr...7/#post6864507

حمدلله على السلامة

ننتظر تفاصيل الرحلة ،، ونتمناها بالصور



الله يخليك مشرفنا ولد ديرتي بس المشكلة طال عمرك الصور مبعثرة ووالاكثرية صوري وصور المووووس رفيجي
بس ان شاء الله اخر التقرير بحط لكم جم صورة من اروع الصور .. تحياتي واحترامي لك

انا اول مسافره معاكم في الرحله ياحيى الله بالشيخ البحريني يامرررررررحباااااا فيك يا ولد الجيران انا ابي بالفيرست كلاس بليز
مابي ولا هندي يجلس جانبيي يصدعني بريحة زيت املا
الرحله باين عليها احداث ومقالب وووهقات يالله انا بطمش جاهزه بس لا طول وييييييييييييين الصور لووووووووووووووسمحت بتقول كلها صور شخصيه وموسووو باين بالصوره ياعمي مانبي نشوفكم ندري انكم شياب نبي نوف الطبيعه اللي وراكم والبحر والصحرا وسما تاايلاند
يالله باي منتظره التقرير

الحمدلله علي السلامه
ويعطيك الف غافيه
بإنتظار تقريرك الذي باين عليه بيكون رائع كروعة صاحبه

الحمد لله على السلامة ولا اطول علينا بحاجة التقرير الاجازات على الابواب
نبي نستفيد من رحلتك وتقريرك .

الف الحمد لله على سلامة الوصول .
سجلني من المتابعين في رحلتك .
تقبل تحياتي """

لييييييييييييييييييييييش هالغيييييييييييييييييييييييبه ويييييييييييييييييييينك
ترااااااااااااااااااااااااك علقتنااااااا بوسط السماااااااااااااااء
يلله خل نكمل مسااااااااااار الرحله

المشاركة الأصلية كتبت بواسطة ليمونة حزينة
http://www.arabtravelersforum.com/tr...3/#post6870523

لييييييييييييييييييييييش هالغيييييييييييييييييييييييبه ويييييييييييييييييييينك
ترااااااااااااااااااااااااك علقتنااااااا بوسط السماااااااااااااااء
يلله خل نكمل مسااااااااااار الرحله

ان شاء الله تامرين امر ليموووووووونة ... وشرط من بدال مب انتي حزينة .. اخليج مستنانسة . تحياتي واحترامي

كاهووووو مترقبيييين ما قا درين حتى نغمض عيونا

الحمد الله على السلامه نورت نورت البحرين برجعتك .....
وانا اكيد بكون متابع (( فديت حجينا )) هههههههههههههه

المهم صديقي انا رايح 20-8 الى التاي واول محطه ساموي .. والفندق الي حجزت فيه ark bar beach من بوكنغ .. قولي شلون الوضع ؟؟

المشاركة الأصلية كتبت بواسطة الرفاع الشرقي 2
http://www.arabtravelersforum.com/tr...9/#post6878469

الحمد الله على السلامه نورت نورت البحرين برجعتك .....
وانا اكيد بكون متابع (( فديت حجينا )) هههههههههههههه

المهم صديقي انا رايح 20-8 الى التاي واول محطه ساموي .. والفندق الي حجزت فيه ark bar beach من بوكنغ .. قولي شلون الوضع ؟؟

الله يسلمك صديقي
الوضع في كوساموي عجيب وحلو جزيرة مافيها عرب ولا عوار راس تنفع حق الريلاكس
اما بخصوص ارك بار الصراحة انة ماعجبني .. حجزت فيه من بوكنج وكنسلته يوم شفته ..
شوفلك فندق اسمه khun chewang تقريبا مقابل ارك بار نظيف وحلو وزقرت تقريبا 900 بات ...
واي شي بغيت انة في الخدمة صديقي رفاعي

المشاركة الأصلية كتبت بواسطة بحريني محرقاوي
http://www.arabtravelersforum.com/tr...1/#post6881471

الله يسلمك صديقي
الوضع في كوساموي عجيب وحلو جزيرة مافيها عرب ولا عوار راس تنفع حق الريلاكس
اما بخصوص ارك بار الصراحة انة ماعجبني .. حجزت فيه من بوكنج وكنسلته يوم شفته ..
شوفلك فندق اسمه khun chewang تقريبا مقابل ارك بار نظيف وحلو وزقرت تقريبا 900 بات ...
واي شي بغيت انة في الخدمة صديقي رفاعي

غريبه صديقي انا السنه الي طافت كنت بالفندق الي يمه وصديقي كان فيه باعكس من احسن مايكون وخصوصاً بعد التجديد ... يمكن انتوا عطوكم في المبنى القديم .. لازم لا توصل هناك تقولهم ابي الجديد الي اهوه ark bar 2
اما عن الوضع ادري اكيد ريلاكس ... ^_^ (( شي يني وبينك بالنسبه للـ bb ودعته من زمان ههههههههههه ))
بس الي ابي اسألك هل رحت رحلات سياحية واذا رحت شنو افضل شي يستاهل ..
^_* نشوفك على خير يالذيب ..

المشاركة الأصلية كتبت بواسطة الرفاع الشرقي 2
http://www.arabtravelersforum.com/tr...9/#post6881889

غريبه صديقي انا السنه الي طافت كنت بالفندق الي يمه وصديقي كان فيه باعكس من احسن مايكون وخصوصاً بعد التجديد ... يمكن انتوا عطوكم في المبنى القديم .. لازم لا توصل هناك تقولهم ابي الجديد الي اهوه ark bar 2

اما عن الوضع ادري اكيد ريلاكس ... ^_^ (( شي يني وبينك بالنسبه للـ bb ودعته من زمان ههههههههههه ))
بس الي ابي اسألك هل رحت رحلات سياحية واذا رحت شنو افضل شي يستاهل ..
^_* نشوفك على خير يالذيب ..

هلا عزيزي لو رجعت الى تقريري عن كوساموي بتحصل اللي يسرك اما بخصوص الرحلات اختصرعا عليك ادري ما تحب تقرا شكلك ... خخخخخ من وجهة نظري المتواضعة :
افضلها :
snorkeling koh toa
sfari
وعندك اذا تبي تروح رحلة صيد ..

هههههه فديت اهل البحرين والله تسلم يالغالي رحت وطي هههههه
ناطرييييييييييييييييييين التقرير كلي شوق لسوالف تايلانننننننننننننننند

ما شاء الله التقرير حلو بس بصراحة بصراحة معليش من غير زعل ما كتير فهمت على الكلام حسيته صعب مدري شلون
أخي أنت تنصحني بكوسوماي موعد سفرنا بعد 15 يوم حجزنا دولي بس لسة الداخلي ما أعتمدنا زوجي حابب مكان للأسترخاء بس يمكن مع ولدين مافي رومنسية وأسترخاء صح ...وكم يوم تنصحنا فيها ..ولا يكفينا بوكيت وشنغماي وبانوك .. لأنه يمكن نستبدل شنغماي بكوسوماي ..شو رأيك ..؟
مع العلم مدة رحلتنا 21يوم من غير أيام السفر يعني المجمل 23يوم
مشكورة أخي..

يمم عليييييييييييكم بالعااااااااااافيه الرحلات وسوالفكم تهبل وعجبتني رحلة الغوص والصخر ياحرااااااااااام اشوف الماي اللي في الشاطيء خلص وراح في كرش المتين ههههه
ورحلة الصعود الى الشالال فديت الرشاقه واللياقه شلك بالمتن والعيوووووووووش والدهووووووووووووووون
يالهوي على الفقدان وضياع الصديق لو انا اموت بمكاااااااااني والف تفكييير وتفكير ياخذني
المهم اختيار موفق للرحلات والجزييييييييره اتمنى ان ارزق بنفس الرحله ولكن ليس بنفس الاحداااااااااااث
وياحلاتاللي يبحث عن الريلاكس والهدووووووء انا راح اروح لها واجلس برووووووووحي قباااااااااال البحر والشااطيء واسمع صوووت البحر والموج يتحااذف على بعضه والا اسبح والماي تاخذني وتردني يا ربي وابي الدلافين تسحب فيني وتشيل فيني وادلع معاهم ههههه
المهم موفق واستمتعنا بسواليفك يا ولد الجيران الله حي وانتظر باقي سواليفك يا البحريني لي زياره قرييييييبه لكم باذن الله

حمدا لله على سلامتكم
وسوالف رائعة
نتمنى صور من كوساموي

تابع يالغلا

المشاركة الأصلية كتبت بواسطة **شعاع الأمل**
http://www.arabtravelersforum.com/tr...1/#post6885561

ما شاء الله التقرير حلو بس بصراحة بصراحة معليش من غير زعل ما كتير فهمت على الكلام حسيته صعب مدري شلون

أخي أنت تنصحني بكوسوماي موعد سفرنا بعد 15 يوم حجزنا دولي بس لسة الداخلي ما أعتمدنا زوجي حابب مكان للأسترخاء بس يمكن مع ولدين مافي رومنسية وأسترخاء صح ...وكم يوم تنصحنا فيها ..ولا يكفينا بوكيت وشنغماي وبانوك .. لأنه يمكن نستبدل شنغماي بكوسوماي ..شو رأيك ..؟
مع العلم مدة رحلتنا 21يوم من غير أيام السفر يعني المجمل 23يوم

مشكورة أخي..

اختي شعاع الامل اللي يبارك لج ان شاء في رحلتج والله يهنيج بها
طال عمرج انة تعمدت اخلي تقريري باللهجة العامية البحرينية من باب التشويق .. ومتاسف على بعض الكلمات اللي مافهمتيه بس بحثي عنها في القوقل ... خخخخخ
المهم اختي مدة ايامكم حلوة بس للا سترخاء انصح في كوسوماي جزيرة ولا اروع اخذوه فيها 3 الى 4 ليال .. بس المشكلة عندكم ولدين .. بس ما يمنع تروحون لكوساموي وتشوفون الجزيرة .. واي شي عن كوساموي ترى حاضرين ..
لج احترامي ..

المشاركة الأصلية كتبت بواسطة ليمونة حزينة
http://www.arabtravelersforum.com/tr...1/#post6886161

يمم عليييييييييييكم بالعااااااااااافيه الرحلات وسوالفكم تهبل وعجبتني رحلة الغوص والصخر ياحرااااااااااام اشوف الماي اللي في الشاطيء خلص وراح في كرش المتين ههههه
ورحلة الصعود الى الشالال فديت الرشاقه واللياقه شلك بالمتن والعيوووووووووش والدهووووووووووووووون
يالهوي على الفقدان وضياع الصديق لو انا اموت بمكاااااااااني والف تفكييير وتفكير ياخذني
المهم اختيار موفق للرحلات والجزييييييييره اتمنى ان ارزق بنفس الرحله ولكن ليس بنفس الاحداااااااااااث
وياحلاتاللي يبحث عن الريلاكس والهدووووووء انا راح اروح لها واجلس برووووووووحي قباااااااااال البحر والشااطيء واسمع صوووت البحر والموج يتحااذف على بعضه والا اسبح والماي تاخذني وتردني يا ربي وابي الدلافين تسحب فيني وتشيل فيني وادلع معاهم ههههه
المهم موفق واستمتعنا بسواليفك يا ولد الجيران الله حي وانتظر باقي سواليفك يا البحريني لي زياره قرييييييبه لكم باذن الله

حيا الله بنت الجيران ..
الله يرزقج ان شاء الله مميزتنة وتروحين كوساموي .. ياهي جزيرة ولا اروع ولا احلى .. لا وتبين تسبحين مع الدلافين .. اشك انج تعرفين تسبحين .. هههه .. شكله يخب عليج المتن .. ههههههه
يقولج الصديق وقت الضيق بس سنهو تسوين صديقتي اذا صادج نفس حالتي .. اقولج بتعورين عووووور .. ههههه..
ترى نرحب فيج يا بنت الجيران في ديرة الحلوى والمتاااااااي اي وقت تبين تيين المكان مكانج البيت بيتج .. ونفرش حق مميزتنة ورد وياسمين وبخور تايلندي ....
لج احترامي وتقديري .. وان شاء ترقبي سالفة بوكت الياية .. لان هالايام المزاج شوي عليج ابه متعكر .. والكتابة يبيلها بارض طال عمرج ..
باااااااي بااااااااي

المشاركة الأصلية كتبت بواسطة @ الحنوووون @
http://www.arabtravelersforum.com/tr...1/#post6893031

حمدا لله على سلامتكم
وسوالف رائعة
نتمنى صور من كوساموي

تابع يالغلا



افااااااااا عليك الغاااااالي جم حنووووووووووون عندنة ..
ان شاء الله اخلص التقرير واحط مقتطفات من الصور ..
تامر امر يا الغااااااااااااالي ..

روووووووعه التقرير وخاصة انه بالرمسه العاميه

يلا نتريا مغامراتكم وسوالفكم في بوكيت ... لا تتحير علينا بارك الله فيك

الحمدلله علي السلامة
ياليت تفيدنا عن السلبيات والايجابيات
عن كل شي من كل منطقة تم زيارتها في تايلند

وااااااااااااايد استمتعيييييييت بتقرييرك ولد ديرتي
فديـــــــــــــــــــــــــــــــــــــــــــت حجيــــــــــــــــــــــــنا
بانتظاااااااااار المزيد

المشاركة الأصلية كتبت بواسطة ساس الاحساس
http://www.arabtravelersforum.com/tr...5/#post6902185

روووووووعه التقرير وخاصة انه بالرمسه العاميه

يلا نتريا مغامراتكم وسوالفكم في بوكيت ... لا تتحير علينا بارك الله فيك



هلا منك يا بنت الخليج حلوة بالرمسة ذي
ان شاء الله لا تحيرين ولا تحاتين طال عمرج ان شاء الله بكرة اذا سمح الوقت بكتب تقرير بوكت
لج احترامي ..

المشاركة الأصلية كتبت بواسطة shereen222
http://www.arabtravelersforum.com/tr...5/#post6908735

وااااااااااااايد استمتعيييييييت بتقرييرك ولد ديرتي
فديـــــــــــــــــــــــــــــــــــــــــــت حجيــــــــــــــــــــــــنا
بانتظاااااااااار المزيد




حيلة بنت الحلوى والمتااااااااااي حيلة بنت ديرتي ..
فديتنة وفديت حجينا والله ..
تريي ان شاء الله القصة الياية عن بوووووووكت ..
ولج احترامي ..

وييييييييييييييينك يالبحريني شكلك قاعد باشارع المعارض وتتجول بمحلات الحلوى تتشرى لنا حلوى ومرقدوووووووووش
مو كأنك طولت علينا هل اهو كسل وإلا تشويق لنا بمفاجأااااة وأحداااااث كثيييييييره وجميله وممتعه

المشاركة الأصلية كتبت بواسطة ليمونة حزينة
http://www.arabtravelersforum.com/tr...3/#post6915473

وييييييييييييييينك يالبحريني شكلك قاعد باشارع المعارض وتتجول بمحلات الحلوى تتشرى لنا حلوى ومرقدوووووووووش
مو كأنك طولت علينا هل اهو كسل وإلا تشويق لنا بمفاجأااااة وأحداااااث كثيييييييره وجميله وممتعه



هلا بالليموووووونة الحزينة .. بس على كثر سفراتج لتايلند صرتي حزينة شكلج .. المفرووووووض تصيرين مستانسة مب حزينة ..
والله ولا اتمشى ولا شي المشكلة اشغااااااال شالخة راسي .. انتي تدرين المفروووض التقرير يبلي مخمخة خاصة اذا اتحشى بلهجتنا .. وانة ماعندي ولا لاب توب ولا اي باااااااد ولا ام يحزنووووون اكتب التقرير وانة في الشغل .. ههههههههههههه ..
بش شكلج وايد تحبين الحلوى والمرقدووووووش .. هههههخخخخ

مسامحة طال عمركم على التاخير ان شاء في القريب العاجل سوف اوافيكم بتناتيش عن بوكت
لان طال عمركم كتبت تقرير مطول وابرز الاحداث واختفى مرة وحدة وطاااااااااااااار

تحياتي

???????????????????????????????????????????
طااااااااااااال الانتظاااااااااااااار

ابدعت يا اخوي بو سعود ..
يعطيك العافيه على هالتقرير العجيب بس لو كان مدمج مع الصور كان بيكون احلى واحلى .. بس بمواقفكم الخطيره والعجيبه هههههههههههههه حلو لعيونك ..
وسلملي على اخونا الموووس

------------------

انا في رحلتي بحاول اصور واكتب التقرير كل يوم بيومه بحيث لما ارجع من هناك بس اعدل عليه وانزله بالمنتدى .. بس المشكله هناك وين تيود كاميرا وهالسوالف تبي تستانس ماتبي تشيل في يدك شي ههههههههههه

المشاركة الأصلية كتبت بواسطة الرفاع الشرقي 2
http://www.arabtravelersforum.com/tr...3/#post6953923

ابدعت يا اخوي بو سعود ..

يعطيك العافيه على هالتقرير العجيب بس لو كان مدمج مع الصور كان بيكون احلى واحلى .. بس بمواقفكم الخطيره والعجيبه هههههههههههههه حلو لعيونك ..
وسلملي على اخونا الموووس

------------------

انا في رحلتي بحاول اصور واكتب التقرير كل يوم بيومه بحيث لما ارجع من هناك بس اعدل عليه وانزله بالمنتدى .. بس المشكله هناك وين تيود كاميرا وهالسوالف تبي تستانس ماتبي تشيل في يدك شي ههههههههههه

هلا الغالي ..
الصراحة الابداع ماايي الا بوجودكم وطلتكم
وان شاء الله السلام بيوصل حق الموس
وبخصوص الصور بحط جم صورة لين خلص التقرير عشان خاطركم
وبخصوص الكاميرا احنة ماشلنة كاميرا البي بي سوا شغله هناك
وسوااااالف التاي ماتخلص .. ههههه

ما شاء الله بصراحه روووووعه السرد والعفويه في الاسلوب .. عيشتنا الجو والذكريات الجميله
الله يعطيك العافيه

اسلوب جميل ومشوق تشكرين عليه