بسم الله الرحمن الرحيم
حبايبي
السلام عليكم ورحمة الله وبركاته
انا اخوكم علوان باشا (ما تخافوش) من البوابة المصرية
دي حاجة بسيطة كنت عاوز اخدم بيها البوابة الأردنية وتستاهلو كل خير
ولي صحاب كتير هنا منهم مشرفين واعضاء زي الفل
ورحلتي لأرض الشام الأردن بتاريخ 15/3/2011
يعني فعز البرد
وكان الهدف منها انجاز بعض الأعمال في الجامعة الأردنية الهاشمية بوسط عمان والهدف التاني الفرجة ياعمو الفرجة والتقاط بعض الصور لجرش وعجلون واربد وام قيس وااااااه من ام قيس
وشراء الزعتر والزاتون والدّقه وبعض من طينة البحر الميت وزيارة الحبيبة أم قيس مالكمش بالطويلة
الرحلة كانت عبر الخطوط السعودية ذهابا وايابا الذهاب كان صباحا عبر مطار الملك خالد بالرياض ودي بعض الصور(الصورة أولاً ثم تعليقها تحت منها مباشرة)
معلش انا حطيت توقيعي عالصور منعاً للّطش وحفضاً للحقوق
انا عارف بكرة تلاقي تقريري في موقع تاني وباسم واحد تاني
(ابو سلمان)
على فكرة كل الصور الي هنا وعليها التوقيع شغل العبد لله الباشا
الا في البداية فيه صور من النت عشان شكل الكمرا بس
طب صلوا عالحبيب
اولا اعرفكم على حببتي الي معايا طول الرحلة ماسبتهاش
دي اسمها كانون SX 200 زي مانتو شايفين الميقا بيكل 12
والزوم 12 والديجتال 48
وادلع يامعلم
نخش بئا
ماتسمّعونا الصلاة عالحبيب
مطار الملك خالد في الرياض صباحاً الساعة مش عارف بس صباحاً
وادي الطيارة الي حتشيلنا كلنا للأردن بسم الله ماشاء الله بصّوا عالدعاء للباشاالف شكر للجميع هاه
طبعاً فترة الاقلاع الباشا مش قادر يصور اي حاجة لان لا مؤاخذة الباشا معاه فوبيا من الطيران والحركات القرعة بتاعت الطيران باحس لغبطة وخوف ماعرفش ليهفلما هديت نفسيا قدرت اخطف كام صورة علوية ومنها ديشوفو انعكاس ضل السحاب عالأرض وشوفوا جمال الصحرا سبحانك يارب
حلاوتك ياكبير
مش عارف ايه موضوع الجناحات دا الي كل سفرة بلاقي نفسي فوقيها حسبنا الله ونعم الوكيل
معلش اصل الشباك وسخان حبتين معلش معلش
وفجأة وإزا ب
طيارة تانية معانا رايحه هي الأخرى لعمان نقرب شوية
سبحان الله العظيم اي دا معقولة كدا ؟؟!!!
ؤولو ماشاءالله عالكمرا
الحمدلله وصلنا لمطار الملكة علياء الدولي الساعة 2 أو 3وتختيم وتخليص اوراق طبعا الحمدلله شنطتي صغيرة فمش محتاجة شحن فكانت معايا على طول الرحلة
وكان في بالي ان حفاصل مع التكاسي برا وفهمت منهم ان فيه سعر موحد 19 دنار تدفعه وتطلع مع الريّس ويوصلك بيتك
فطلعت مع سواق زي العسل اسمه ابولارا بيسموهم اسم محترم (شوفير) عيون زرق وشعر اشقر فقلت سبحان الله دانا الي مفروض شوفير عند الراجل . يالله الحمدلله
ودي بعض الصور من الطريق لعمان
شوفوا المناضر الي تشرح الصدر ياناس الدنيا نضيفة ومخضرة سبحانك يارب
انا مبهور جدا من لون الأرض زراعية 100% والشجر زي الفل بسم الله ماشاء الله
ياخوانا شوفوا الشجر عالجبل دي غابات فعلاً يابني مش اي كلام
اي الجمال دا اي الحلاوة دي ياعمان الله اكبر
طبعا انا أبيض جداً في الأردن ماعرفش اي حاجة لا شوارع ولا فنادق فجزاه الله خير ابولارا وداني فندق محترم ونضيف اسمه سميراميس سعره 30 دينار ومطل على شارع القاردينز (وصفي التل)قريب من الجامعة الهاشمية تقريباً مع انو لازم شغل التكوسة
والمشكلة وسائل النقل الصغيرة زي الميني باص والمكروباص مافيش او ماشفتهاش لاحسن يطلعلي واحد يخش فعيني
تقريبا احنا دلوئتي على شارع الفندق بس ندور ونرجع تاني ودا الدوار اسمه (دوار الواحة)
وصلت الفندق عالعصر وكان جداً محترم وادي بعض الصور اهه
لاحضوا ان البلكونتين زي الفل مطل عالشارع يفتح النفس فعلاً تشم شويتين هوا يردو الروح واللهطبعا ماخدتش معايا ملابس تقيلة ماحسبتش حساب البرد بس أحمدالله اني كنت واخد جاكيت جلد اهوه قدامكم عالسرير يعني دانا حبيتو حب دا الجكيت
على فكرة التقرير دا مافهوش اكل لو متخيل الباشا يضيع وقته في المطاعم يبقى اخلع من هنا ياحبيبي
المهم انا مستعجل على مشوار الجامعة لازم استفيد من كل لحضة وماضيعهاش في المطاعم
ايه هو انا جاي ابلع ولا اكمل البحث بتاعي
اخدت دش عالسريع لزوم المنضرة ونزلت جري عالجامعة طبعا اليوم هو الأربعاء وانا معايا اجازة لغاية السبت اصل السبت لطشتوا لطش. والأحد دوام فالرجوع يكون متى ياحلوين ؟؟ اكيد السبتنزلت واخدت تاكسي لغاية جامعة الملك عبدالله الهاشمية طبعا حكومية وفيها تقريبا ابحاث الدراسات العليا الي حاستفيد منها ان شاء الله في البحث بتاعي في الرياض جامعة الملك سعود
معلش ممكن طلب خد نفس عميق وعبي صدرك بالهوا الطبيعي المنعش والجو فيه لسعة برد ساااحرة تدغدغالله على عمانطبعا الصورة دي قريبة على الجامعة
طبعا حصل موقف محرج لم يسمح لاخوكم الباشا بالدخول من قبل الحراسات الأمنية عند باب الجامعة لان مامعهوش كارنيه يدخل بيهفاضطر اسفا الى ان يلعب لعبته ويسيب الحراس وهم من الشرطة حتى زادت الزحمة حواليهم فرحت معدي
بس للأسف ندهلي واحد منهم واعتذر بان مامعيش كارنيه ومافيش دالوقتي محاضرات عالعصر فما طولتش معاه وطلعت
كنت عاوز اعيط معقولة مش قادر اخش الجامعة اااااااااااه لو يعرف انا جاي من فين ؟؟!!
بس ما يئستش
رحت داخل عليهم في الغرفه الي بيفتشوا فيها وعملت حالي ماعرفش النضام ايه واني جاي من السعودية عشان المكتبة فاعتذر مرة تانيه وانا باقول في نفسي طبعا ( دانتا غلس غلاسة يا اخي )
فرحت طالع من عندهم بس الفكرة ان بدل ماطلع يسار للشارع رحت راجع يمين وعديت بئا والحمدللهفكنت مستني حد ينده عليه بس مشي الحال الف حمد والف شكر مش عارف مزنقين العملية كدا ليه وكأنك حتدخل قوانتنامو في اي ياعم ماتصلي عالنبي
وادي بعض الصور من الداخل
الله الله الله مش ممكن شغل البشوات دا اي الجمال دا اي الحلاوة دي
وادي صورة بعد صلاة المغرب قريب من مسجد جوا الجامعة بس بعيد حبتين والحمدلله انه طلع جوا الجامعة لاني مش عايز امر من قدام الراجل الغتت اصلو حيكرشني عارفبس كان الجو برد بشكل
وادي صورة للمكتبة من برا في الحديقة الخارجية بس برضو الجو برد برد بردفرحت جايب قهوة تركية زي الفل ادفي نفسي بيها
ودخلت جوا المكتبة الهدف المنتضر للباشا
دا من جوا المكتبة الخدمات الالكترونيةمعلش بئا انتو ملاحضين ان الشبابيك مفتوحة صح ؟؟تخيل الهدوء والروقان والنسمة الباردة المنعشة تخش عليك وتعمل جو زي الفل ياااااااااااااااااه مش قادر اوصف مشاعري والراحة النفسية هنا
طبعا كان فيه ابحاث بالهبل بس المشكلة ان البحث المسموح تنزيلة على الفلاش لازم يكون تاريخه اقل من 2005 وسعره 5 دينار وانا اصلا مامعيش فلاش فرحت بسرعة جايب فلاش من برا ومش حاحكيلكو عملت ايه مع الغلس الي برا نزلت بعض الأبحاث وهرب الوقت مني الساعة 11 مساءً والمكتبة حتقفل
فطلعت على أمل ان أعود بمشيئة الله غدا
واكملكم بقية التقرير ولا الرحلة ولا المغامرة المهم نكمل بعد يومين ان شاء الله
مع تحياتالباشا علوانمواضيع عشوائيه ممكن تكون تعجبك اخترناها لك:
- معلومات عن جمهورية إيران الإسلاميــة
- سوري خارج سوريا
- وين اهل اليمن؟
- فيــــــــــــزا سياحة إلى الجزائر
- الدخول الى الاردن هل بفيزا ؟
- الى الشمالي الغربي المحترم
- تونس اليوم
- الصيف قرب والسفر حان طاريه
- أسبوع واحد برايكم وين أروح فيه بتونس؟تكفون لا تتركوني برايكم
- تكفون يا اهل الاردن
- اريد معلومات عن العقبة
- لا تخيبوا ظــــــــــــــــــــــــــني فيكم
- سينزيس أسرار ولع بجمال اليمن وطبيعته الساحرة
- الملكية الأردنية تعتزم إعادة تشغيل الخط الجوي إلى برلين
- رحلتي مع الاعراس الى حصن حب صور متميزه
- افتتاح مطعم الطازج
- محتاجة معلومات عن تونس الفنادق والاماكن والتسوق
- اعلان المطار والمولات والمطاعم السياحية اماكن خالية من التدخين ؟
- الأردنية للسياحة الوافدة تشارك في معرض أيميت السياحي إسطنبول
- ليبيا تؤكد انفتاحها أمام السائحين
المفضلات