السلام عليكمخويي سافر قبل كم شهر سافر لكندا ويقول قبل ينزل لكندا استجوبته وحده قبل يسمحولهم بالدخول لكندا
طبعاً انا كتبت كلمة استجوبته لأنه حسب كلامه لي يقول لو تشوفها وهي تسألني تحسّ إنها في داخلها تقول
بالحرام ما تدخل كندا لو على قطع رقبتي هههههه
اسألتها زي بتروح عند مين ومن بيجيك طبعاً اخوه كان يدرس هناك فيقول لها ان اخوي بيستقبلنا
طيب وش اسم المعهد اللي اخوك يدرس فيه .. تحس الشغل تطفيش بسس وتدوّر عليك الزلّة
السؤال
هل في بريطانيا بأواجه هالشي ؟ أو يكتفون بالأبلكيشن اللي هو نموذج كرت الدخول للندن ؟
سؤال آخر .. أنا لغتي الانجليزيه على قدّي وحالياً شادّ حيلي في موضوع المحادثات اللي بالمطار
من اليوتيوب وكم منتدى فهل هالأشياء قادره إنها تخارجني في هالمواقف وبالأخص في المطار ؟!
بخصوص اويستر
شفت كذا مقطع في اليوتيوب عن طريقة استخدام البطاقة وشفت في المقاطع انك اول ما تدخل المحطّه تمرّر البطاقة
على الجهاز بعدين اذا وصلت للمحطة الثانية بعد تمرّر البطاقة على الجهاز
فهل الطريقة صح ؟!
بمعنى
اذا كنت ابي اروح من الهايد بارك للندن اي .. عن طريق الاندرقراوند اكيد انّك بتوصل لمحطّة وبتغير الطريق حقّك لين توصل للندن اي يعني مو طريقها واحد هذا اللي اقصده
فهل في كل تغيير للطريق لازم امرّر البطاقه على الجهاز ؟! أو اوّل ما ادخل المحطه .. واخر محطّه اوصل لها اللي فيها المكان اللي ابيه بسس ؟
خط تلفون ايفون
ابي نت واتصال بحيث تكفيني اسبوع 7 أيام .. وش الشركه الأفضل ؟ + وين ألاقيها ؟!
أنا ناوي اشتري هدايا للأهل من لندن واخاف يطلع الحجم كبير فكيف اتصرف في حال زاد الوزن هل يدفّعوني
مبلغ على هالزياده ؟ وكم هو ؟ وهل انا كسعودي وبأشتري شي من عندهم على سبيل المثال ايفون هل ياخذون عليّ ضريبة ؟ وهل التاكس فري ذا اللي اقرا عنه اخذه من كل محل اشتري ؟
يعني اشتريت ايفون من متجر ابل .. اخليه يعطيني مع الفاتورة التاكس فري ذا ؟
واسف على كثرة الاسئله والله يجزاكم ألف خير مقدماً
تروني ما قد طلعت برا السعودية وذي اول مرّه وشايل هم الاكشن اللي بيصير هناك![]()
مواضيع عشوائيه ممكن تكون تعجبك اخترناها لك:
- طلب رأيكم بالفنادق
- محطة
- تكفون تكفون تورطت
- استفسار بسيط بخصوص الفيزة
- أسئلة بحاجة للإجابة
- ترتيب رحله
- ابحث عن سكن في لندن وفي ويندرمير
- سوال يخص المطار
- سؤال بخصوص الأماكن السياحيه التي تستحق الزياره بلندن
- ريان إير الايرلندية تذاكر درجة رجال الأعمال بـ دولار
- خلصت التقديم ودفعت للفيزا باقي الاوراق المطلوبه عندي مشكلة فيها
- حجزت ودفعت وخلصنا أغلب الإجراءات ألغي السفره او لا ؟؟
- ممكن الابلكيشن للفيزا البريطانية ؟
- استفسارات حول مدينة
- اي مدينه افضل منها في اسكتلندا
- ارغب الهجرة
- السلام عليكم
- كيفية الذهاب من مطار هيثرو الى منطقة البحيرات
- استفسار
- المبلغ المسموح بدخول في مطار لندن
المفضلات