احتاج مساعدة لقضاء شهر العسل في إيطاليا

**ahmed1** · 01-24-2015, 01:55 AM

السلام عليكم و رحمة الله وبركاته
اشكركم على هذا المنتدى الرائع و اشكر اخوي "خليلها" على نصحه لي على هذا المنتدا.
يا اخوان نا محتاج منكم تعلموني الاماكن التي ينصح بزيارتها لقضاء شهر العسل . و احتاج الفنادق التي ينصح بالسكن فيها.
مدة الفترةالتي اريد قضائها هي اسبوعين او اقل.
و ان امكن اريد الذهاب الى فرنسا لزيارة ديزني لاند لمدة يومين او انصحوني بالمدة الممتازه.

اعذروني ع الاطاله
اخوكم ابو محمد.

مواضيع عشوائيه ممكن تكون تعجبك اخترناها لك:

**ahmed1** · 01-24-2015, 01:55 AM

هلا بك أخوي

الف مبروك يارب

بعطيك جدول وأنت قلي أذا أوكي ولا لا

روما 3 أيام تمشيه حلوه معالمها كثيرة ونوافيرها أكثر والجلسة هناك قمة في الرومنسية
فلورنس يومين حلوة تزورها وتشوف سانتا ماريا وتروح لبيزا وتشوف برج بيزا المائل
فينيس يومين مدينة الرومنسية تقضي فيها هاليومين كأنك في حلم وأنت طالع منها لسيرموني تمر فيرونا مدينة روميو وجولييت تقعد فيها كم ساعة
سيرموني يومين مدينة هااااادئة جدا تقع على بحيرة قارادا جدا شاعرية وتقدر منها تروح لقاردا لاند الملاهي الرائعة
ميلان يومين يوم ميلان ويوم تمر كومو ولوقانو
وتاخذ طيارة الى باريس
باريس 3 أيام يوم ديزني ويومين تتمشى في باريس نفسها

انصحك بأستأجار سيارة عشان تفكك من القطارات وتسحيب الشنط
وأشتر لك قارمن من السعودية وأحفظ كل المواقع المهمه والي بتروح لها

السيارة سهله جدا ولا فيها خوف

أنت أصمل وأبشر
راح أعطيك الفنادق وموقع الطيران لباريس بسعر رائع جدا وبعطيك موقع أستأجار السيارة

تحياتي لك والف مبروك يارب
هذا رأيي وأنت عطني رايك

تحياتي لك

**ahmed2** · 01-24-2015, 01:55 AM

جزاك الله خير يا اخوي llvlloto على هذا الخطه الحلوه
عجبتني الخطه.
انا انشاء الله بيكون سفري بتاريخ 13 سبتمبر 2011 هذي السنة في شوال
اذا قدرت اخوي تقول لي تقريبا التكلفه السكن و تكلفه الرحلاة الطيران و تكلفة التمشيه و المقاضي
طبعا تقريبا
و يكون احسن بالريال السعودي
و كم سعر اليورو

معليش كثرت الاساله

شكرا

**ahmedgaper** · 01-24-2015, 01:56 AM

هلا بك أخوي
أولا أنا حصلت لك على الخطوط السعودية الرياض روما والعودة باريس الرياض ب6500 ريال لو حجزت الحين أنت وزوجتك ذهاب وعودة بس من 15 سبتمبر الى 29 سبتمبر

ثانيا السكن أتوقع من 13 الى 16 ألف ريال

ثالثا المصروف اليومي مع اني ما أقدر احسبه لان السفره شهر عسل فما أدري كيف وضعك ولا ادري كيف صرفك
هذا شي أنت تحدده بس 150 يورو اتوقع تكفيك وزيادة لك انت وزوجتك واذا تبي تعيش جوك كل واحد فيكم 100 يورو يعني 200 يورو يوميا يعني 1100 ريال يوميا واذا تبي 100 يورو لك انت وياها بتكون يوميتك ب550 ريال

رابعا السيارة + المواقف + البنزين+ ضرائب الطرق راح تكلفك اذا أستأجرت في أخر يوم لك في روما واستلمتها من محطة التيرميني بروما وسلمتها في مطار مالبينسا في ميلان بعد ماترجع من كومو يعني بيكون اجارك ل9 أيام
راح يكلفك تقريبا
السيارة فيات بينتو مع تأمينها ب2000 ريال +1000 ريال بنزين أو ديزل +500 ريال مواقف + 500 ريال أجرة الطريق
والمجموع 4000 ريال يمكن تنقص أو تزيد بس هذا التقريب

خامسا الهدايا وهذي عاد ما احد يقدر يحسبها حتى انت ماتقدر

سادسا طيران أيزي جت ياخذ منك أنت والمدام 500 ريال الى 600 ريال من ميلان مالبينسا الى تشارلز ديغول باريس

مجموع الرحلة يطلع عليك تقريبا
6500+16000+10000+4000+500=28000 ريال تقريبا ممكن تقص أو تزيد لكن أن شالله ما تتعدى ال30 ألف ريال

أذا صملت رح وأدخل أحجز الطيران وخلني أعطيك الفنادق تحجزها من موقع البوكينق وبالنسبة للسيارة وطيران الأيزي جيت نخليها بعدين عشان تروق عليها

أنتظر درك

تحياتي لك

**ahmedali** · 01-24-2015, 01:56 AM

السلام عليكم ورحمة الله ... الأخ العزيز avalanche_ams .. انا من وجهة نظري المتواضعه انك ما تكثر جلسه في ايطاليا .. لأنها بلد اثار إذا لك حب في الاثار هذا شي ثاني .. لكن لعلك تفكر في انك تاخذها جوله ايطاليا - سويسرا - فرنسا .. بتكون لك أفضل وأحلى ..

من وجهة نظري الشخصية وبناء على زيارتين لها آخرها قبل اسبوعين .. بأنها لا تستحق أن تكون وجهة لرحلة شهر عسل ..

وعلى العموم انت صاحب الشان وبارك الله لك وعليك وجمع بينكما على خير ..فكر في ماليزيا تراها شيء ( خاصة ) للمتزوجين الجدد اسال مجرب ..

وتقبل تحياتي وتبريكاتي ،،،

**ahmed1** · 01-24-2015, 01:56 AM

السلام عليكم
يعطيك العافيه اخوي سهم مبارك ع فكرتك
بس يا اخوي يمكن تعلمني ايش فيها سويسرا؟

**alifun** · 01-24-2015, 01:56 AM

السلام عاليكم
اخوي llvlloto اشكرك على المساعده
انا خاطري الخطه تكون كالتالي:
1.روما يفضل توكون يومين
2.فلورنس زي ما قلت يومين
3.فنيسيا زي ما قلت 3 ايام
4.سيرموني ما ادري كيف صحيح اني ابغا مدينة الاعلاب بس ابي اوفرها حق ديزني لاند في باريس فيمكن يومين تكفي
5.ميلانو ما ادري احس انها ملها داعي ما ابي اروح لها الا اذا اقنعتني يمكن
6.باريس 3 ايام و ابغا اسكن في فنادق ديزني لاند لو يوم

7. سويسرا ما اعرف عنها شي الباقي بقضي باقي ايامي فيها

يصير باقي 3 ايام لسويسرا

اذا قدرت يا اخوي تعلمني اسما الفنادق من كل مدينه ابي الفنادق المتوسطه
و ابي ع الاقل مدينه واحده اسكن على البحر زي الشاليه

يمكن تطلع لي اساله بعدين
اذا تسمح لي اذا كثرت الاساله

شكرا