الموضوع: سفرة عائلية الرجاء المساعدة

السلام عليكم ورحمة الله وبركاته


اخواني الله يسلمكم انا مسافر ويا الاهل باذن الله لمدة 10 ايام ( 9 ليالي ) الى ماليزيا


ممكن تكون المدة قصيرة نوعا ما لكن ظروف العمل واجازات الاهل كانت السبب



في البداية اشكر الاخ خليلها على جدول الاماكن السياحية

انا طبعته وراويته الاهل وكانت اغلب الاختيارات في كوالامبور ولنكاوي

ما ادري ليش جدول بينانج ما عجبهم نهائيا



من الاختيارات قلت احدد توزيع الايام ( كثرة الخيارات بالتالي ايام اكثر )


المهم استقريت على

4 ايام كوالامبور ( 3 ايام في البداية و يوم قبل العودة )
2 يومين بينانج
3 ايام لنكاوي

او

5 ايام كوالامبور ( 3 في البداية و 2 قبل العودة )
3 ايام لنكاوي
ويبقى يوم لين الحين مو عارف وين احطه




مشكلة الجدول الاول اني لين الحين مو عارف وين نروح في بينانج ,, يعني نبي شي مو مكرر ومو موجود في كوالامبور ( حدائق واسواق ) او لنكاوي ( شاطي ورحلات بحرية )


مشكلة الجدول الثاني ان فيه يوم زيادة ومو عارف وين نروح فيه ( ملاحظة : جنتنج انا مدخلها في جدول كوالالمبور )


ان شاء الله بعد المساعدة على التوزيع للايام ,, نتكلم عن الفنادق والشقق

مواضيع عشوائيه ممكن تكون تعجبك اخترناها لك:

• استفسار عن في ماليزيا
• هل من الممكن الحجز ذهابا على خطوط والعودة تكون بخطوط مختلفة
• برنامج سفرتي
• ندااء هام لاهل الخبرة مطاعم ماليزيا
• ياريت احد يفيدني بفندق في لنكاوي خمس نجوم مافيه حشرات ووزغ
• برنامج سياحي لشهر العسل 5 نجوم لـ13 يوم
• عندي استفسار بخصوص مرتفعات جينتنغ
• الفزعة يالنشامى صدعت من كثر ماقرأت في الكم الهائل من المعلومات
• أرجو الدخول لمعرفة طريقة احتساب الأطفال عند اختيار غرفة مع الافطار لشخصين
• الجوووووو بماليزيا
• الطقس في ماليزيا
• السفر مباشرة الى لنكاوي
• الى ماليزياء وجهتيوهذي استفساراتي
• مسافر أول مره مشورتكم
• طلب مساعدة لبرنامج سياحي
• متى افضل وقت للوصول الي لانكاوي
• مساعدة تكفون مرتفعات الكاميرون
• طلب مشوره وتوصيات قبل السفر
• ارجو المساااعده
• الخبير وافي ولايهون بقية الخبراء

مرحبا اخوي

خذ جدولي و قولي رأيك

ليلتين في سيلانجور
ثلاث ليالي بينانج او لنكاوي واحد منهم
اربع ليالي كوالالمبور يتخللها يوم جنتنق

حياك الله أخي

اقترح تكون كوالا في الاخير عشان المشتريات والهدايا

اقترح يكون جدولك

2 جنتنغ وممكن تكون بدالها سيلانجور

الي راح تستعدبها من جنتنغ او سيلانجور خصص لها يوم من كوالا

3 لنكاوي

4 كوالا

بعد الاعتماد للجدول راح نتكلم في الفنادق

تحياتي لك
ابو عبد الرحمن

سيلانجور احذفوها نهائيا .. اخوكم ما يعرف يسبح حتى خخخخ

والمسافة بين سيلانجور وكوالا لمبور مش كبير

فننزل على كوالا لمبور مباشرة دام المسافة مو اكثر من ساعة


يعني تقولون نحذف بينانج ؟؟

خلي كوالا في الاخير احسن

سيلانجور جدا متعه مالها صلاح في السباحة

اذا ما تبغا سيلانجور خليها جنتنق من المطار على طول تاخذ تكسي لجنتنق ليلتين و بعدين بينانج او لنكاوي ثلاث ليالي و اخر اربع ليالي في كوالا و خذ نص يوم روح فيه الالعاب المائيه في سيلانجور

طيب الحين يصير الجدول فيه ( بدون تحديد )


4 ايام كوالامبور
2 جنتنج
3 ايام لنكاوي


لكن في البداية صعب يكون جنتنج مباشرة ,, لان الطيران متعب الى ماليزيا واول يوم الواحد صعب يروح يتمشى ويتحرك كثير بالتالي راح يروح علينا اول يوم عالفاضي


الحين المشكلة مو في الجدول

خل نقول الجدول 4 كوالامبور - 2 جنتنج - 3 لنكاوي بغض النظر عن توزيع الايام ( بنرجع له بعدين )

الحين المشكلة في الفنادق .. انا ميزانيتي 5000 رنجنت لل 9 ليالي ويمكن نزيدها 1000 كحد اقصى

ودنا في فنادق ( غرفتين متلاصقتين ) او شقق فندقية .. اهم شي فيها النظافة والراحة

يعني ما يكون حولها سكارى ولا اماكن مشبوهه .. ونظيفة من داخل


ومشكور اخوي محمد ومجهول تعبتكم وياي

هل ينفع الجدول بهالشكل


كوالامبور لنكاوي جنتنج

بحيث من جنتنغ للمطار مباشرة

هز الميزانيه شويه انت تقول غرفتين في كل فندق او شقه فندقيه

في كوالا فندق تايمز سكوير عندهم اجنحه بروكلين الجميع يمدحها من الخبارء و شقق البرنس كوالا و هناك شقق في السويس قاردن


في جنتنق فندق الفيرست وورلد خذ غرفتين جمب بعض

الهز صعب شوي خخخخ

نحن 4 اشخاص ,, يعني يا غرفتين في فندق او شقة فندقية وحدة


دخلت موقع فندق تايمز سكوير بس ما حصلت فيه ذكر ل بروكلين سويت .. اذا عندك رابط له بتسوي فيني خير

انا محتار حاليا في كوالامبور بين فوراما و سويس قاردن ( شقق ) .. مين ترشحون ؟؟ خاصة في موضوع النظافة



وهل الجدول الاخير مناسب ؟؟

4 او 5 ليالي كوالامبور
3 لنكاوي
1 او 2 جنتنج

شوف يا الغالي خلي الايام كما هي 2-3-4---------


بالنسبه لجناح بروكلين شوف هذا الرابط احد استفساراتي للاخوان الخبراء وماقصرو معاي


http://www.arabtravelersforum.com/travel761707/

للاسف مافي حجوزات في تاريخ السفر على هالفندق


سؤال : نحن عائلة طلعاتنا واكلنا كله مع بعض .. تقريبا كم يكون متوسط الصرف اليومي للعائلة بشكل عام ؟؟


يعني مع الحدائق والالعاب والتكاسي .... بدون هدايا

نسيت اقول ان عددنا 4

ما شاء الله .. العدد الهائل من مواضيع الاستفسارات تخلي الموضوع ينزل للصفحة الثانية في يوم واحد بس


الله يعينكم والله



استفسار وان شاء الله يكون الاخير

انا ان شاء الله رايح من كوالامبور الى لنكاوي و في العودة راح انتقل على طول من المطار الى جنتنج


في رأيكم .. شو التوقيت المناسب لرحلة الذهاب والعودة بحيث نلحق في لنكاوي على تمشية خفيفة وفي العودة على العاب جنتنج ؟؟


والتواجد في المطار يكون قبل كم ساعة من الرحلة ؟؟

يا اخوان عااااااااااااااااااااااااااااااااااااجل


حصلت حجز في الطيران الماليزي بسعر 600 رنجت لاربع اشخاص

ارخص من طيران آسيا ( اكثر من 800 رنجت )


بس الاوقات المتوفرة

رحلة الذهاب

1- 13:10
2- 18:00
3- 20:15



رحلة العودة

1- 10:00
2- 14:35
3- 19:35
4- 21:40



اي وقت تنصحوني مع الاخذ بالاعتبار وقت كافي لتمشية خفيفة في رحلة الذهاب وفترة كافية في العودة للذهاب الى جنتنج وتجربة الالعاب