الموضوع: استفسارات كثيره عن الفيزا والماستر كارد

السلام عليكم ورحمة الله وبركاته


اخواني الكرام


سبق وشاركت في هالمنتدى بغير هالاسم لكن نسيت الرقم السري تبع الاميل اللي ارسل له

وعساها خيره .....


عندي تساؤل بسيط ...


انا بستأجر سياره من ميونيخ لكن عندي مشكله بالنسبه للفيزا ابي علم صافي وواضح

الفيز والماستركارد كثر التراب واشكال وانواع وبنفس الوقت ابي اقرب شئ للحلال يعني مابي ربا وماربا

فيه الفيزا والماستر كارد اللي يحسبون عليك فوائد وخلافه لكن سمعت عن فيز الشحن اللي اشحنها بمبلغ
معين وخلاص لكن يوم سألت قالو لي انه مكاتب اجار السيارات ماتقبلها لانه مو مضمون المبلغ اللي فيها

الامر الاخر فكرت بالفيزا تبع الراجحي حقت التسوق وقالو لي كثيرين من اللي سافروا اوربا انهم انضربوا فيها
لانه ارقامها مو محفوره ارقامها تجي مطبوعه لذلك ماتقبل عندهم والله اني محتار وابي اطلع الفيزا لان موعد
سفرتي قرب وش الدبره والحل ....

انا سألتكم هنا لاني ما اثق في موظفين البنوك كل واحد يبي يسوق بضاعته وخلصنا وبيعطيني علم مو مضمون
ومابي اتورط هناك لاني مقرر استاجر من هنا لكن ابي الفيزا او الماستر كارد على اساس ادفع لهم التأمين حق
السياره اللي مايقبلونه كاش نهائيا يعني لابد بطاقة ائئتمانيه ....


الله يجعلني واياكم من عتقائه من النار عطوني الاجابه بالتفصيل

من ناحية وش الافضل ماستر كارد والا فيزا

واي بنك تنصحوني


واي بطاقه بالضبط اطلعها ...

انا مابيها الا بالامور الضروريه سواء حجوزات او تامين سياره لكن الشراء وخلافه معاي كاش بيكون

ويهمني جدااا اللي يتكلم من واقع تجربه خصوصا في مسألة اجار
السياره نوعية الفيزا اللي قبلوها منه مكتب سكست بميونيخ

والله الله تحروا لي اقرب فيزه او ماستر كارد حلال

مواضيع عشوائيه ممكن تكون تعجبك اخترناها لك:

• ايش افضل وسيلة نقل للمخطط التالى
• السياره السياره فزعتكم الله يخليكم
• تفتيش ال في مطارات اوروبا
• ساعدوني في تعبئة الابلكيشن
• فرايبورع ولا بادن بادن ولا ميونخ ؟
• من بروكسل الى هامبورغ من فضلكم
• اريد ترتيب المدن والدول
• مممكن مساااعدده
• كل شيء عن ميــــــــونخ مهم
• فزعتكم ياخبراء المانيه
• تقرير سفرتي القصيرة إلى فرانكفورت
• الي في المانيا لا تبخلون علينا
• عاجل استفسار بخصوص الترانزيت
• قرطاسيه بالمانيا
• بالنسبة للسيارة والتاشيرة ضروري جدا
• افضل الامكان في ميونخ قارمش الفنادق
• عاجل موعد سفرنا قرب
• ت ر ش ع فينا زلا لوس ميونيخ
• حجز السيارة لو سمحتوا يالاجاويد؟؟
• البطاقة الإئتمانية وحجز الفنادق

للرفع

لاني حتى انا عندي نفس سؤالك اخوي
سهم سهم
ولكن انا طلعت بطاقة ماستر كارد مسبقة الدفع من البنك الاهلي ياريت احد يوضح لنا عن هذي البطاقه من ناحية تأمين السيارة في اوروبا


ننتظر ردود الخبراء

وين اهل الخبره ؟؟؟؟؟؟

معقوله كل اللي دخلو مابعمرهم استعملو الفيزا في اوربا

أنا أستخدمت الفيزا من بنك ساب للمدفوعات و المشتريات و تأتيني رسالة جوّال عند كل عمليّة ..

واستخدمت أيضاً بطاقة ماستر كارد المسبوقة الدفع لحجوزات الفنادق عبر الأنترنت و السحب الكاش من الصرّافات الآلية

هناك ..

ولم أواجه أي مشكلة مطلقاً ..

أمّا مسألة حجز السيّارة فلم أخض التجربة للأسف ..

وعلى فكرة بطاقة الماستر كارد المسبوقة الدفع من الأهلي مثلها مثل أي بطاقة ائتمانية أخرى يعني أرقام محفورة و بارزة

و رقم ثلاثي خلفي و رقم سرّي و حدّها الأتماني 25000 ريال ولا أعتقد أن شركة تأجير السيارات تستطيع التفرقة بينها

وبين البطاقات الأئتمانية الأخرى لعدم وجود ما يدلّ على ذلك ..

الأهمّ هو أن تعلم كم يريدوا بالضبط و تشحن البطاقة بالمبلغ كاملاً لأنّهم أحياناً يحدّدوا المبلغ بــ 1000 يورو بما فيه التأمين

ولكنهم يحتجزوا مبلغ 1000يورو أخرى بالخطأ كما حصل للعديد من الأخوة هنا ثم يُرجعونها بعد مراسلتهم وعندما لا تكون

هذه الألف الأخرى موجودة يجدونها فرصة لإلغاء الحجز بحجّة أن رصيد البطاقة لا يغطي ..

تسلم اخوي ماجد على التوضيح ولكن يقال من بعض الاشخاص ان بطاقة ماستر كارد مسبقة الدفع لا تقبل عند اجار السيارات من ناحية التأمين ارجو توضيح هذا من الذين جربو وتحياتي للجميع

[font="comic sans ms"]سهم إيذا نقصك شي علمني والا فية شي ماتوضحلك ترا بالخدمة
تحياتي [/font]

بقولك ياعزيزي أنت لمن تروح لبنك اللذي تتعامل معة تبي تقدم على بطاقة الائتمانية ياخي العزيز عندك عدت خيارات وفيه منها الرباء لاكن إيذا كنت تبي تبتعد عن الرباء أطلب منهم يكون سداد البطاقة 100%100
بدون أي شكوك مثال : لو شريت ب2000 دولار راح ياخذونها منك في أخر الشهر 2000 دولار ولا ريال راح يزود ولا ينقص
على حسب سعر الصرف فقط
أما الرباء لو طلبت السداد مجزاء مو مستقطع 100 %100 يعني كل شهر ياخذون نصف المبلغ كذا رااح تدخل بالرباء

هلا اخوي ماقصرت على الايضاح بس اني مو فاهم طريقة السداد 100 %100 يعني الزم البنك على هذي الطريقة او كيف ارجو التوضيح لاني انا اخذت ماستر كارد الاهلي مسبقة الدفع وسوف اسافر واحجر السياره من المانيا بس انت خوفتني من ناحية التأمين وعندي استفسار بعد عن طريقة وقولي هل هي صحيحه ولا لا اني اخذ فيزا من البنك الي اتعامل معه بمبلغ معين وانا اضيف مبلغ من عندي على الفيزا على شان استخدمها في التأمين السياره والسكن فقط والباقي استخدم الكاش في جميع اموري وبكذا اطلع من سالفة نقص شي من الفيزا ولا شرايك انتظر ردك بفارق الصبر وتسلم اخوي

المشاركة الأصلية كتبت بواسطة almufadi.a
http://www.arabtravelersforum.com/tr...1/#post4162261

[font="comic sans ms"]سهم إيذا نقصك شي علمني والا فية شي ماتوضحلك ترا بالخدمة [/font]
[font="comic sans ms[color="darkred"]تحياتي [/font]

الله يجزاك خير على التوضيح بالتفصيل ويشكر سعيك يا امير انت

لكن انا بروح بكره البنك الاهلي واشاروا علي اطلعها من البنك الاهلي لان بنك الراجحي بطاقاته مضروبه
وسالت بنك الراجحي قالو لي لو بتطلع الفيزا من الفروع راح تجيك الفيزا مو ارقام محفوره لكن ان طلعتها من المقر الرئيسي راح تجيك محفوره ....هذي نقطه

النقطه الاخرى بطاقات الائئتمان اسمائها كثير وانواعها واشكالها كثير فيه مسبوقة الدفع وفيه مدري وش اسمها الثانيه

انا ابي بس لو رحت البنك ابي بطاقه فيزا صالحه للاسئجار عن طريق النت وصالحه ايضا لأجار السياره في المانيا

يعني لارحت البنك وش اقوله اي بطاقه ائئتمان وخلاص والا اركز على نقطه معينه

لانه حصلت بطاقات كثيره اسماء واشكال وانواع وهذا بس ببنك واحد اللي هو الاهلي فما بالك البنوك الثانيه انا كل اللي يهمني ادفع تامين السياره لاني حاجز السياره من الرياض لكن باقي مبلغ التامين ما يرضون بالكاش

ويهمني احجز عن طريق موقع بوكينق للفنادق فقط ....

المشاركة الأصلية كتبت بواسطة ahmq
http://www.arabtravelersforum.com/tr...8/#post4164018

بقولك ياعزيزي أنت لمن تروح لبنك اللذي تتعامل معة تبي تقدم على بطاقة الائتمانية ياخي العزيز عندك عدت خيارات وفيه منها الرباء لاكن إيذا كنت تبي تبتعد عن الرباء أطلب منهم يكون سداد البطاقة 100%100
بدون أي شكوك مثال : لو شريت ب2000 دولار راح ياخذونها منك في أخر الشهر 2000 دولار ولا ريال راح يزود ولا ينقص
على حسب سعر الصرف فقط
أما الرباء لو طلبت السداد مجزاء مو مستقطع 100 %100 يعني كل شهر ياخذون نصف المبلغ كذا رااح تدخل بالرباء

هلا اخوي ماقصرت على الايضاح بس اني مو فاهم طريقة السداد 100 %100 يعني الزم البنك على هذي الطريقة او كيف ارجو التوضيح لاني انا اخذت ماستر كارد الاهلي مسبقة الدفع وسوف اسافر واحجر السياره من المانيا بس انت خوفتني من ناحية التأمين وعندي استفسار بعد عن طريقة وقولي هل هي صحيحه ولا لا اني اخذ فيزا من البنك الي اتعامل معه بمبلغ معين وانا اضيف مبلغ من عندي على الفيزا على شان استخدمها في التأمين السياره والسكن فقط والباقي استخدم الكاش في جميع اموري وبكذا اطلع من سالفة نقص شي من الفيزا ولا شرايك انتظر ردك بفارق الصبر وتسلم اخوي



أخي الكريم أسعد الله صباحك ورمضان كريم
أية نعم تلزم البنك أنة يكون سدادك 100%100 يعني كل أخر الشهر ينخصم من حسابك الجاري العمليات الى سويتها بالبطاقة بدون فوائد أرجو اني وضحتها
وبالنسبة للبطاقة الأهلي مسبقة الدفع ترا فيها عيبو وراح أذكرها لك
أولاً مكاتب تاجير السيارات مايستقبلونها وأنا مجرب الشي هذا ماقولك عن كلام احد
ثانياًٌُ كل يوم من الساعة 12 ونص صبحاًٌُ لين الساعة 5 ونص صباحاًٌُ البطاقة ماتشتغل لأنة وقت تحديث هذا أكبر عيب فيها يعني لو كنت خارج المملكة راح تحسب فارق التوقيت في أنصحك تخليها للفنادق عن طريق النت بس بس وعلى فكرة ترا لاحجزت عن طريق النت ترا تقدر تسدد كاش او ببطاقة ثانية المهم انهم يشوفون البطاقة بس
وبالنسبة للي ذكرتة للمبالغ كما ذاكرت للأخ سهم مهب أنت على حسب راتبك والى رصيدك وأنت ذكرت انو تضيف مبلغ معين لا ماتضيف أنت تسدد المبلغ ويرجعلك الرصيد زي اول مثال لو يعطونك هم بطاقة فيها 12000 وأنت أستخدمت منها 5000 راح يبقى في البطاقة 7000 ريال وأنت أحتجت مبلغ 10000 ريال مالك الأ ترفع سماعة على الهاتف المصرفي أو عن طريق النت وتطلب تسديد بطاقة الأئتمانية وتسدد المبلغ الى إستخدمتة الى هو 5000 وترجع بطاقتك فيها 12000 ريال
أتمنى أني وضحتلك لو بالقليل
وأنا مستعد لأي إستفسارات وأسف على الرد المتأخر
في رعاية الله
تحياتي ...

طيب انا بخبركم عن حاجة زوجي معاه بطاقة فيزا الرياض وماستركارد سامبا واحده محفوره الارقام والاخرى مكتوبه كتابة وطبعا كلاهم غير شحن او مسبوقة الدفع

وصراجه جربناهم في فرنسا وعدة اماكن والحمدلله ماوجهتنا اي مشكله؟؟؟ فأيش رايكم في هاتين البطاقتين في المانيا

أختي الكريمة
بنك الرياض أثبت جدارتة بالبطاقات لأنة يستخرج بطاقات فيها شريحة حديثة يعني
ومن ناحيت الأرقام محفورة والا مو محفرة ماتفرق أهم شي أنها صالحة وفيها رصيد والباقي مايهم
تحياتي وأتمنالكم سفرة سعيدة للجميع
تحياتي ....

لكن أنا عندي نقطه واحده ودي أشارك فيها

أنا ذهبت لأحد الشركات التي تقوم بتأجير السيارات ولها فروع في المانيا وقال لي لانستلم اي مبلغ من هنا وليس لدينا أي صلاحية بذلك

سوف نعطيك ورقه فيها نوع السيارة والمواصفات التي تريدها فقط ولانضمن لك ذلك

والدفع كامل في الفرع الذي سوف تستلم السياره فيه لذلك ياأخي انتبه تدفع هنا ثم اذا وصلت هناك قالوا لك ليس لنا علاقة بالفرع الذي في بلدك ويجبرونك تدفع مره ثانيه من جديد


وللعلم نفس القصه حدثت لأحد الشباب في المنتدى

تسلم اخوي المفيدي على التوضيح وماقصرت يعني رائيك اني استخدم ماستر كارد الاهلي مسبقة الدفع في حجز الفنادق من بوكنق على النت واطلع فيزا العاديه من اجل التأمين في المانيا واذا رجعت ارجع الفيزا والغيها صح كلامي ولا لا ارجو الرد

المشاركة الأصلية كتبت بواسطة ahmq
http://www.arabtravelersforum.com/tr...9/#post4167119

تسلم اخوي المفيدي على التوضيح وماقصرت يعني رائيك اني استخدم ماستر كارد الاهلي مسبقة الدفع في حجز الفنادق من بوكنق على النت واطلع فيزا العاديه من اجل التأمين في المانيا واذا رجعت ارجع الفيزا والغيها صح كلامي ولا لا ارجو الرد



صحيح أخوي بارك الله فيك
نعم أفضل شي تستخدم بطاقة الأهلي لو كانت عندك تخلي فيها مبلغ بسيط عشان لو لاقدر الله تعرضت لصرقة أو أحتيال
بس تأكد أنو الفندق الى تحجز منة مايطلب إنك تدفع المبلغ كامل قبل وصولك
يعني بس يبي يضمن بطاقة انو أنت راح تجي للفندق ولا وصلت عاد على كيفك تسدد بالبطاقة كاش او بطاقة ثانية الى يريحك

وبخصوص الفيزا والله ياأخي الكريم إيذا تبي نصيحتي طلعها وخلها معك تكون إحتياط في أي ظرف لا قدر الله يكون فية شي يفك أزمتك
وأنا أنصح بالفيزا لا تستخدمها الا لتأمين الفنادق ومكاتب السيارات و التسوق ( للمبالغ الكبيرة ) 1000 دولار وطالع عشان ماتقعد تشيل ورق معك واجد وتبلش فية
وعض عليها عض ترا لو ضاعت منك يقدر أي شخص يشتري فيها يعني لازم تكون تحت نظرك
والله يوفقك وإيذا نقصك شي أنا تحت خدمتك
موفق خير أخوي تحياتي ...

اخي الكريم انا ريحت راسي من الفوائد والشروط حقة فيزاء وماسترد كارد

والحل انك تستخرج بطاقة ماسترد كاردمن البنك الاهلي التجاري مسبقة الدفع يعني فيها رصيد يسحبون منك واذا مافيها رصيد
ماتقدر تستخدمها ويمكن شحنها من الرصيد في اي وقت تحب والسحب داخل المملكة وخارجها من دون رسوم ما عداء فرق العمله واذا تبي معلومات اكثر اتصل علي البنك الاهلي التجاري وتجد الاجابة (للمعلومية البنك الوحيد الذي لديه بطاقة مسبقة الدفع)
ارجو لك التوفيق اخي الكريم

المفيدي ........الحين متأكد انني لااستطيع استخدامها في دفع المشتريات وايجار السيارات في الخارج
هل جربة ذلك لان موظف البنك اكد لي انني استطيع استخدامها في اي بلد مثل اي بطاقة ائتمانيه

تسلم اخوي المفيدي على التوضيح وبيض الله وجهك

تحياتي

أخي الكريم SA SA
أنت شبكت الأمور ببعضها
بطاقة الأهلي الماستر كارد ( المسبقة الدفع ) ليسة الوحيدة في المملكة بنك الراجحي يصدرها بعد
وأنا ماقلت ماتسحب تسحب ياعزيزي وتقدر تشتري فيها بس ( بعد الساعة 12 اليل لين الساعة 5 الصباح ) بتوقيت السعودية البطاقة تكون معطلة لأنة فترت تحديث يعني لو تحتد للبطاقة بهالوقت راح تنكب فهمتني ياخالي
وبخصوص أنك تقول ماعليها نسبة من السحب بمكاين الصرف A T M هذاك سابق لاكن اللحين لا
وبخصوص لأجار السيارات مستحيل أحد يقبلها لا ن الرصيد الى فيها غير مضمون

أتمنى ماتعتمد عليها لان أتكلم عن سابق تجربة مو عن كلام فلان والا علان والا موظف بنك التجربة خير برهان والحمد لله أني ماكنت معتمد عليها لاني كنت ماخذها عشان النت عشان لو قدر الله حصلت عمليت نصب مايكون المبلغ الى فيها كبير وعمري ماشحنتها أكثر من 10000 ريال
تحياتي لك موفق خير ..

الله المستعان

احنا قدمنا فيزا الراجحي مسبقة الدفع لاجل استئجار السيارة

وما أعتقد يمدينا نقدم من جديد

المشاركة الأصلية كتبت بواسطة قلب أمي
http://www.arabtravelersforum.com/tr...3/#post4167883

الله المستعان

احنا قدمنا فيزا الراجحي مسبقة الدفع لاجل استئجار السيارة

وما أعتقد يمدينا نقدم من جديد



الا تقدر تلحق صبح عليهم اليوم تاخذلها أسبوع البطاقة عشان تطلع
وزين إنك أنتبهت
موفقين خيير
تحياتي ...

المشاركة الأصلية كتبت بواسطة sasa1970
http://www.arabtravelersforum.com/tr...8/#post4167458

اخي الكريم انا ريحت راسي من الفوائد والشروط حقة فيزاء وماسترد كارد

والحل انك تستخرج بطاقة ماسترد كاردمن البنك الاهلي التجاري مسبقة الدفع يعني فيها رصيد يسحبون منك واذا مافيها رصيد
ماتقدر تستخدمها ويمكن شحنها من الرصيد في اي وقت تحب والسحب داخل المملكة وخارجها من دون رسوم ما عداء فرق العمله واذا تبي معلومات اكثر اتصل علي البنك الاهلي التجاري وتجد الاجابة (للمعلومية البنك الوحيد الذي لديه بطاقة مسبقة الدفع)
ارجو لك التوفيق اخي الكريم



سابقا لا تأخذ رسوم ...

الآن تأخذ رسوم مقدارها 30 ريال على كل سحبة ..

وهذا ما رأيته في كشف الحساب بنفسي ..

المشاركة الأصلية كتبت بواسطة ahmq
http://www.arabtravelersforum.com/tr...9/#post4167509

تسلم اخوي المفيدي على التوضيح وبيض الله وجهك

تحياتي

ووجهك ياخوي
وحياك الله ورحلة سعيدة وإجازة ممتعة

لاحول ولاقوة الا بالله يعني كلامهم طلع خرطي ....البنوك ماعندهم مصداقيه في شي علي قولك نخليها احتياط

بيض الله وجهك علي التوضيح وعلمك وافي ..

تحياتي

المشاركة الأصلية كتبت بواسطة قلب أمي
http://www.arabtravelersforum.com/tr...3/#post4167883

الله المستعان

احنا قدمنا فيزا الراجحي مسبقة الدفع لاجل استئجار السيارة

وما أعتقد يمدينا نقدم من جديد

انا والله رحت للبنك الاهلي وعرض علي بطاقات كثيره لكن قلت امر الراجحي لان عندي له حسابين فيه

وطلبت منهم الفيزا وخيرني بين الذهبيه وبين البلاتينيه وانا كنت اقول له انا ابيها بس باجار السياره فقط

وطلع لي البلاتينيه ...طبعا انا محرص عليها بسالفة اجار السياره ومحرص عليه انه البطاقه تكون محفوره ارقامها

فقال لي الفرع مايطلعها لك محفوره يعني لو تبيها من الفرع اطبعها لك الحين لكن اذا تبيها محفوره تعال لي بكره

الصباح واسويها لك وتروح تاخذها من مركز الفيزا تبع الراجحي اللي بالعقاريه على شارع العليا العام ...

ويوم حسبتها لقيت انه بكره خميس فاتفقت معه انه اجيه الصباح يوم السبت على اساس اروح اخذها من الاداره

قبل لا ترسلها الاداره لشركات الشحن اللي تجلس فوق الاسبوع على اساس توصل لك البطاقه يعني تستلمها

من الاداره اصرف لك ................ اما مسبقة الدفع ما ارتحت لها الا من ناحية كونها شرعيه مئة بالمئه ومضمونه

وتعيش مرتاح البال ................


الان يتبقى مشكله وحده بس الان لارحت استاجر السياره شئ طبيعي بياخذ رقم البطاقه والمعلومات اللي فيها كلها

هل تقترحون اني احدد ليمت للسحب اليومي وبعده يخطرني البنك لو زاد السحب عن الليمت اللي انا محدده

او تقترحون علي انه اي عملية سحب يخطرني البنك باتصال من الادراه ........؟

والا كيف اخفي المعلومات عن محلات ايجار السياره لابارك الله فيهم

يااخوي انت رجال حذر وملتزم ماشاء الله عليك
وجاجتك محددة ومعلومه فليش سالفة التطويش وتطويل السالفة
مر البنك واسال عن الفيزا اللي بها فتوى خذها ولاجيت سددها وكسرها
وصلى الله وبارك
ليش تعمل مشكلة من لاشيء.. ويسحبون ومايسحبون وحدي الائتماني وماحدي وشل ابوك وحط ابوك
الفتوى تبريء ذمتك 3 مشائخ من هيئة كبار العلماء مايكفونك ؟؟!!
وبعدين ياخوي انتم وهالراجحي اللي ماتقل بالدنيا بنك غيره

المشاركة الأصلية كتبت بواسطة الإعرابي 411
http://www.arabtravelersforum.com/tr...7/#post4172647

يااخوي انت رجال حذر وملتزم ماشاء الله عليك
وجاجتك محددة ومعلومه فليش سالفة التطويش وتطويل السالفة
مر البنك واسال عن الفيزا اللي بها فتوى خذها ولاجيت سددها وكسرها
وصلى الله وبارك
ليش تعمل مشكلة من لاشيء.. ويسحبون ومايسحبون وحدي الائتماني وماحدي وشل ابوك وحط ابوك
الفتوى تبريء ذمتك 3 مشائخ من هيئة كبار العلماء مايكفونك ؟؟!!
وبعدين ياخوي انتم وهالراجحي اللي ماتقل بالدنيا بنك غيره

السلام عليكم ورحمة الله وبركاته

اخوي الاعرابي انت دخلت ومو فاهم السالفه من اساسها يعني بس دخلت قريت اخر رد وشكلك رديت على اساسه

انا بالاساس كانت عندي استفهامات كثيره مو على الفيزه وبس حتى على استخداماتها يعني المسأله مو قضية

حلال وحرام وبس مع ان مسألة الحلال والحرام اهم نقطه لكن خلصنا ومنها ولقينا اللي يوافقها

استفساري كان عن كيفية استئجار السياره بالفيزا واي فيزه يقبلون مكاتب تاجير السيارات انت لو سافرت قبل كذا

واستأجرت ورفضو الفيزا لانها صادره من بنك معين او بحكم الحروف اللي فيها مو محفوره وردوك وقتها راح تكون المره

الجايه اكثر حرص واسئله والا ماجبت شئ جديد شئ معروف لارجعنا وقفناها ورميناها ولا طلبتها الا للحاجه الماسه

ومجبورين عليها الله يطول بعمرك يعني القضيه الان اللي حنا نتناقش عليها مو قضية شرعيه قضية اجرائيه

بمعنى هل الفيزا الراجحي او الاهلي مسبوقة الدفع تقبل باستئجار السياره والا ماتقبل

عموما اخوي الاعرابي هلابك وان شاء الله تستفيد من الموضوع واجابة اخواني وترى نصف الاجابه قراءة الاسئله جيدا

السلام عليكم إخواني انا انصحكم في فيزا قسط من الراجحي ممتازه جدا و الأرقام و الحروف محفوره و فيها ميزات أخرا منها ما فيه رسوم تأخير في السداد هي الحد الإتماني حقه ظعيف لاكن تقدر تشحنها بأكثر من المبلغ حق الحد و جربتها في حجزي على سيكست و إقبلوها و ما فيها مشكله ابد ولله الحمد

يا أخوان آمل الافادة

انا عامل حجز سيارة بقيمة 7000 ريال تقريباً

والليمت حق البطاقة اللي راح استخدمها 7500 ريال

السؤال هل يقبلونها او لا لاني حسب ما فهمت انهم راح يأخذون مبالغ اضافية كتأمين على السيارة .....
الزبدة هل تقبل ايجار سيارة بقيمة مساوية تقريباً لليمت حق البطاقة؟

المشاركة الأصلية كتبت بواسطة aboyas
http://www.arabtravelersforum.com/tr...6/#post4184016

يا أخوان آمل الافادة

انا عامل حجز سيارة بقيمة 7000 ريال تقريباً

والليمت حق البطاقة اللي راح استخدمها 7500 ريال

السؤال هل يقبلونها او لا لاني حسب ما فهمت انهم راح يأخذون مبالغ اضافية كتأمين على السيارة .....
الزبدة هل تقبل ايجار سيارة بقيمة مساوية تقريباً لليمت حق البطاقة؟





مااتوقع يقبلونها لانهم بيقولون مافيه رصيد لانه بياخذون تامين جامد تقريبا نفس المبلغ او اقل بشوي

المشاركة الأصلية كتبت بواسطة سهم سهم
http://www.arabtravelersforum.com/tr...7/#post4190607

مااتوقع يقبلونها لانهم بيقولون مافيه رصيد لانه بياخذون تامين جامد تقريبا نفس المبلغ او اقل بشوي





افا لا يا شيخ ضيقت صدري

اجل ما فيه حل الا اني ازود رصيدها بمبلغ 7 أو 8 الاف

في حالة لو طلب رصيد اضافي يكون متوفر