المشاركة الأصلية كتبت بواسطة mo7al_55
http://www.arabtravelersforum.com/tr...6/#post1109676
السلام عليكم
اخواني واخواتي انا مخطط ان شاء الله اروح مع زوجتي لدولة الكويت الاربعاء القادم ان شاء الله الى يوم الجمعه (تاريخ 28 فبراير الى 2 مارس) وبنسافر من المنطقه الشرقيه عن طريق البر
ابغى تساعدوني في التالي:
1- وش افضل طريق يمكن اني اسلكه من الدمام الى الكويت؟
2- وش فيه فندق او شقه مناسبه لنا احنا الاثنين ؟
3- وش افضل الاسواق اللي ممكن نزورها؟
4- وش افضل المطاعم؟
5- لو بغينا نحضر مسرحيه, كيف نحجز؟ هل فيه مسرحيات لطارق العلي او عبدالناصر درويش تعرض حاليا؟
6- ياليت احد الخبراء يسوي لي برنامج عام علشان يساعدني لان الرحله قصيره جدا وماابغى الوقت يروح في تضييع الشوارع لاني مااعرف شي في الكويت؟؟
شاكر لكم تعاونكم وجزاكم الله خير
هلا اخوي محال الله يحييك بين اهلك واخوانك
افضل طريق الدمام الى الجبيل الخط الداخلي مو بو حدريه لانه مكسر ليمن توصل الجبيل يطلعك الشارع على اخر شي في خط بوحدريه وبعدين طريق الخفجي وتوصل الكويت بالسلامه
تاخذ الطريق من اول الحدود على شارع الملك فهد (خادم الحرمين الشريفين ) رحمه الله عليه الى ان ياتيك طريق الامير مساعد تاخذه على اليمين طبعا كله خط سريع وسايدين والطريق فيه اناره وفيه استراحات جميله ومطاعم وكافي وسوبر ماركت اذا اخذت طريق الامير عبدالرحمن بن مساعد اعتقد هذا اسمه تروح طوالي الى المسيله وبعدين تلف يمين على السالميه ومن الحدود الى السالميه تقريبا ساعه اذا كنت تمشي بحدود 120 كيلو لان في كاميرات للسرعه خلك صاحي
افضل فندق او شقق مفروشه انصحك فيها هي ريتز السالميه وهي مقابل سوق السالميه وهي جميله جدا ومناسبه لكم وسعرها بحدود 30 الى 50 دينار للشقه الكبيره طبعا
بالنسبه للاسواق سوق المباركيه هو الافضل لرخصه وهو من الاسواق القديمه والمميزه في الكويت
وعندك المجمعات اولا المارينا مو ل مجمع الفنار مجمع سوق شرق مجمع الكوت في الفحيحيل
المسرحيات في مسرحيه حق طارق العلي تقدر تحجز على طول وهي في ميدان حولي
المطاعم كثيه منها اللبناني الشهي مثل ميس الغانم وهو مقابل ابراج الكويت وبرج الحمام على شارع الخليج او الكورنيش وعندك المطاعم العالميه جميعها على شارع الخليج
اتمنى اني ما نسيت شي وانصحك اذا في احد من ربعك عنده جهاز الجارمن او الستيريت بايلوت لانك راح ترتاح له في العناوين وبسرعه يوديك للمكان الي تبيه بدون لف او دوران وكل المجمعات والمطاعم مخزنه فيه
المفضلات