المشاركة الأصلية كتبت بواسطة سائح بلا أجنحة
http://www.arabtravelersforum.com/tr...8/#post1422158
ونعم بأهل الكويت ولكن لاننس الكثير من السلبيات وهي:
1- الزحام الرهيب عندالمارينا مول الأربعاء والخميس والجمعة والتجمعات الشبابية والتسكع بالقمصان والبنطولانات الزاهية الألوان وكل واحد يتوقع هذه البنت أو تلك صيد ثمين. وين الهيئة عنكم !
2- اللوحات ومسميات الطرق والمحافظات فيها من الأرباك والتوهان لأي زائر (( أنت في الطريق الدائري الخامس وتريد طريق خادم الحرمين ((الملك فهد)) باتجاه النويصيب اللوحات الموضوعة مربكة لأي سائق غريب فهناك لوحات مخصصة لمستخدمي طريق الخدمة وأخرى للطريق الرئيس الدائري وفجأة تجدك أتجهت إلى طريق آخر في حلقة من التوهان بلا نهاية.
3- ظاهرة التفحيط والاستهتار من بعض الشباب.
في الختام وكلمة حق تقال عند أهل الكويت أشياء رائعة مثل:
1- احترامهم للمشاة عند عبور الطريق وعندنا ممكن يدهسك بالسيارة.
2- الأكل عندهم غاية اللذة والمتعة وعندنا تلوع كبدك في كثير من المطاعم.
آمل عدم الزعل ياأهل الكويت ونتمنى للجميع التوفبق
لأن الموضوع انا الي طرحته فأستأذن الأخوه بالرد على نقطتين فقط لأن
اللوحات ماانتبهت لها عشان كذا ما أقدر اعلق عليها
بخصوص الزحمه الي عند المارينا والمطاعم أيام الويك اند !!!
صراحه جبتها !! فعلا هذه من سلبيات الكويت الي ماتغتفر !!!
وشلون الحين سوق فخم وسينما ومقاهي رايقه
ومطاعم وجلسات روعه ويصير فيها زحمه بالويك اند :109:
لازم تصير فاضيه او على الأقل يقسمون انفسهم (نص بالليل
ونص بالنهار) معقوله كل هالعالم تروح بالليل !!!
معك حق ...ما يصير المفروض انهم يشوفون صرفه لها الزحمه !!
وبخصوص الشباب الي يتسكعون ويلبسون القمصان والبناطيل على قولتك
رغم اني والله ما شفت منهم الا كل خير .... بس عندي حل لهم !!
اول شيء يمنعون بيع القمصان والبناطيل !! ويعاملون اي واحد يهرب
من برى قميص او بنطلون معاملة الي يهرب خمر :11ight:
ثم يقومون الله يسلمك على هالشباب ويصيدونهم واحد واحد ..
ثم يجمعونهم في كونتينرات ويرسلونهم لجمهورية غينيا الأستوائيه لمدة
سنتين عشان يصيرون زي مانبي :109:
أما بخصوص التفحيط ....
صراحه طحت من الضحك ...لأن في الوقت الي قاعد اقرى ردك
صوت التفحيط مزعجنا له حوالي ساعتين (( بوسط حي سكني))
على الأقل يمكن التفحيط عندهم في أماكن محدوده !!
أما عندنا ( الله يصلح شبابنا ) فالتفحيط في كل مكان...عند المدرسه,
عند المستشفى , في شارع رئيسي , شارع فرعي , وسط الحاره ..
...وصدقوني اني يوم من الأيام ماراح استغرب لو سمعت التفحيط في
سطح بيتنا :109:
- أخيرا تقبل دعابتي بصدر رحب ( عشانك من ربعنا وأمون عليك :109: )
المفضلات