الموضوع: محتارة بالفنادق ياليت تساعدوني

السلام عليكم ورحمة الله وبركاته

الشهر عليكم مبارك جميعا وكل عام وانتم بخير

انا ان شاء الله ناوية اروح للبحرين وبحثت بالوكينق ولقيت كذا فندق بس احترت بينهم بسبب التقييمات والمواقع

واخترت فندق Elite Seef Residence بس ابي اعرف عنه كيف مستواه من ناحية النظافة وهل هو قريب من السيتي سنتر والسيف مول .؟؟

وبرضو فيه فندق سيرينا لاند مارك ريزدنس ابي اعرف موقعه هل هو قريب من المولات او لا لاني بحثت عنهم بس ماحصلت شي ..

الله لا يهينكم يا ليت تذكرون لي اسماء الفنادق الي بجنب المولات واكون لكم من الشاكرين

ويعطيكم العافية مقدما

مواضيع عشوائيه ممكن تكون تعجبك اخترناها لك:

• بالبحرين
• شارع عاجبني موت نفسي اعرف اسمه
• يا اهل النخوه فزعتكم تكفو،،
• طيران البحرين الناقلة الوطنية الثانية للمملكة
• ياجماعو متى ينتهي موسم الفورميلا بالبحرين
• لايفووووووووووووتكم هذا المطعم بالبحرين
• بحاجه لشقه فندقيه بـ٣ غرف
• زهقت ابي شقق فندقيه
• سفر من الدمام للبحرين
• استفسار
• ابي ارتاح
• بعض الاستفسارات من الاخوة الكرام
• فعاليات قلعة عراد بمملكة البحرين
• اقدر اروح البحرين ببطاقة الاحوال؟
• كم المسافة من المدينة المنورة إلى البحرين؟
• مفارش للسرير
• الحقوني
• صور قديمة لمملكة البحرين الغالية
• شقق عتاب
• حلوى الخلوود يالربع من يوصف لنا ولا احداثيات

صباح الخير

معظم الفنادق قريبة من المولات الكبيرة مثل السيف و سيتي سنتر
انصحك في السكن بالدبلومات من واقع تجربة او الشيرتون و انصح لك بالاول
ورحلة سعيدة

يا هلا والله ،، أفخم المولات وأكبرها تقع في ضاحية السيف لذلك لاتفكرون بالسكن في الجفير كذلك الدبلومات في المنطقة الدبلوماسية ليس قريب فيما فيه الكفاية للمولات ،، لذلك أجنحة السيف ردزنس اللي اخترتيها أختي موقعها مميز جداً وحواليها مقاهي فخمة ،، ومجمع السيف يبعد عنها حوالي 300 متر والستي سنتر حوالي 700 متر ، الفندق فيه خدمات ومرافق متنوعة والكل تقريبا يمدح فيه وحياكم الله

المشاركة الأصلية كتبت بواسطة Discover Bahrain
http://www.arabtravelersforum.com/tr...6/#post5967726

يا هلا والله ،، أفخم المولات وأكبرها تقع في ضاحية السيف لذلك لاتفكرون بالسكن في الجفير كذلك الدبلومات في المنطقة الدبلوماسية ليس قريب فيما فيه الكفاية للمولات ،، لذلك أجنحة السيف ردزنس اللي اخترتيها أختي موقعها مميز جداً وحواليها مقاهي فخمة ،، ومجمع السيف يبعد عنها حوالي 300 متر والستي سنتر حوالي 700 متر ، الفندق فيه خدمات ومرافق متنوعة والكل تقريبا يمدح فيه وحياكم الله

الحكومـــة ابخص

متعب يعطيك العافية اخوي ما قصرت

Discover Bahrain

شكرا اخوي ما قصرت .. بس عندي استفسار برايك وش احسن برايك في الفندقين الي ذكرتهم قبل .؟؟

ويعطيك الف عافية

الاليت فخم وروعه وقريب من السيف .. واذا تبون الافضل مافي غيره .... الريتز كارلتون قريب من منطقة السيف ... وفي شق السيف بعد حلووة

تحيااتي

فندق ايليت جراند مقابل سيتي سنتر وفندق ميركيور جراند ملاصق لمجمع العالي وفريزر سويت ملاصق لمجمع السيف وهاني سويت في ضاحيه السيف وفندق كمبنسكي جراند متصل بالستي سنتر سيفتتح قريبا

- فندق فريزر سويتس نظام الشقق مفروشة 5 نجوم وهو متصل بمجمع السيف التجاري .. وله ممر يوقدك إلى داخل مجمع السيف مباشرة .. وهو أيضاً قريب من مجمع الستي سنتر وبمسافة 3 إلى 5 دقايق بالسيارة ..

- فندق إيليت جراند وهو أربع نجوم قريب من مجمع الستي سنتر ولكن يحتاج إلى سيارة للذهاب إلى الستي سنتر لمدة دقيقتين أو مجمع السيف لمدة خمس دقائق ..

- فندق لا هوتيل فندق خمس نجوم راقي جداً وتصميم في منتهى الروعة لكن سعره غالي سويه .. وهو يقع بالقرب من مجمع السيف وايضاً يحتاج إلى سيارة للذهب إلى مجمع السيف لمدة دقيقة أو دقيقتين .. ويمكن الذهاب له مشي على الأقدام لكن الجو حر وما ينفع ..

- فندق ميركور وهو نظام الشقق ذو الخمس نجوم .. وهو قريب من مجمع العالي ومجمع السيف .. ويمكن الذهاب إلى مجمع السيف مشياً على الاقدام .. لأنه قريب جداً ..

إلا أنني أنصح بفندق فريزر سويتس لأنه متصل بمجمع السيف .. واي وقت تتمللون تقدرون تنزلون المجمع وتتمشون فيه .. وحتى وقت الفطور والسحور تستطيعون الذهاب إلى مطاعم مجمع السيف، ولكن إذا اردتكم الفخامة الاستمتاع بالديكورات العصرية أنصح بفندق لا هوتيل وله تقرير في المنتدى http://www.arabtravelersforum.com/travel342791/


والسموحه أني طولت عليكم

يعطيكم العافيةجميعا ما قصرتوا

انا كنت ادور حجز بالميركيور وفريزر بس للاسف ماحصلت حجز لموعدنا ..

شكرا للجميع

الله يعافيج يا أختي حصه ..
وبالتوفيق ان شاء الله ..
وإذا عندج اي استفسار آخر ترى حاضرين لج .. ولا تترددين في السؤال والاستفسار ..

يعطيك الف عافية اخوي بوراشد ما قصرت انت وباقي الاعضاء