الموضوع: بزور الكويت الغالية اول مرة ومحتاج لكم

السلام عليكم ورحمة الله وبركاتة
ابزور الكويت لمدة 4 ايام انا والعائلة سوالي اهم شي عن التاكسي هل هو متوفر وكم سعرة وهل اجد سائق تاكسي اتفق معه باليوم وبحدود كم يوديني اسواق ومطاعم وحدائق وذا كان احد يعرف ارقام سائقين طيبين الله لا يهينة يقولي ولة الشكر وجزاة الله خير

الشي الثاني ابي منتجع او فندق حلو علي البحر فية مسابح ومطاعم ومقاهي وسوق او محلات تجارية بنفس الفندق يعني مثل برج المملكة ولا الفيصلية باالرياض ويكون شرح وحلو يعني لو ماتطلع منه ماتمل

ولكم مني الشكر والعرفان علي خدمتكم لي ...اخوكم بندر

مواضيع عشوائيه ممكن تكون تعجبك اخترناها لك:

• مشروعي السكك الحديدية ومترو الانفاق قريبا فى الكويت
• ندااااااااااااااااااااااااااااااااااااااااااااء الى اهل الكويت الغالين
• للأسف يافندق النخيل
• مطعم فش ماركت
• مصر للطيران و الكويتية
• سأزور الكويت في هلا فبراير ما هيا الشقق الجديدة التي ينصح بها
• سوق السالمية المفتوح سوق السالمية إستفسارات
• سفريات الكويت
• بخصوص الاحداثيات الكويتيه
• وين ملابس الاطفال
• استفسار عاااجل عن تامين السيارة
• موقع مسجد مشاري العفاسي؟
• استفسار
• بسرعة بحجز بكرة ان شاء الله ومحتارة بين فنادق
• مواعيد الدخول
• ×°`´°× زيارتي لـ مركز كوزمو للبولينج ×°`´°×
• بخور أهل الكويت
• الشرقيه
• مقتطفات من رحلتي إلى الكويت نوفمبر
• صورة الأمير تجوب سماء البلاد في العيد الوطني المقبل هديه من أخوانا بالأمارات

هلا فيك بين اخوانك و خواتك

بالنسبة للسؤال الاول الحين ماشاء الله التكاسي عندنا تلقاها بكل مكان وبكل حزه

وممكن تتفق مع تاكسي باليوم يسمونه تاكسي الاجره

والفندق صراحه انصحك بفندق المارينا مكان ممتاز

على البحر ويمه مطاعم و كافيهات و يرتبط بجسر مع المارينا مول

يعني حتى ما تحتاج تاكسي يوديك

وحياك الله مرة ثانيه

تسلملي والله يا Friends ماقصرت واشكرك علي المعلومات الي رايح تفيدني انشاالله

حياك الله في الكويت وان شاء الله تستانس ويستانسون الاهل وماتكون زيارتكم الاخيره


الافضل ان تاخذ سياره اجار من المطار عن طريق بيت التمويل او احدى الشركات المعروفه لان الجو مايسمح انك توقف تنطر تيكسي ولان راح تحتاج تتنقل اكثر من مره باليوم وراح يطلعلك اوفر بالنهاية والنافيقيتر اخذه معاك او اطلب سياره فيها نافيقيتر وترى الكويت صغيره ماتضيع حتى لو تمشي على اللوحات في الشارع

زياره موفقه

أضم صوتي لصوت كويتية 82

بصراحة أستأجر سيارة 70 أو 100 ريال من المطار أوفرلك

لأنه أقل مشوار رايح جاي من الفندق بيكلف 40 إلى 50 ريال

والعائلة وخاصة الحريم يحبون يفرون كل مكان ويوقفون في كل محل( يعني ريح حالك) وأستأجر


ونصيحتي بالنسبة للسكن (مجرب) شقق بودل الفندقية زي الي بالرياض

ولا يفوتك سوق المباركية والعشاء في فريج صويلح

أهلا فيك أخوي وحياك الله في ديرتك الثانيه الكويت. أإذا على الفنادق على حسب طلبك فأنا أنصحك بفندق المرينا على البحر وملاصق لمجمع المرينا التجاري وملاصق للقهاوي والمطاعم المطله على البحر.

الفندق من الخارج





صورة الغرف المطله على البحر





الحمام أعزكم الله



موقع الفندق:

http://www.marinahotel.com/

اهلين اخوي ..


انصحك بفندق مارينا .. خياااااااالي جداً .. فخامه و موقع و كل شي .. شوفه في تقرير انا سكنته اسبوع كامل من شهرين ..

بالنسبه للتكاسي موجوده في كل مكان .. و فيه تاكسي الاجره اخذ رقمهم من الريسبشن و اتفق معهم باليوم .. الساعه 50 ريال ..

والله ماقصرتو واشكركم علي ردودكم وافادتي

انا اضم صوتي للأخوان انك تاجر سيارة من المطار او مكاتب التاجير

وفندق المرينا احسن اختيار

في فندق المنشر روتانا بالفحيحيل فندق حلو ملاصق لمجمع الكوت بس بعيد عن مناطق الترفيه