الموضوع: ضريبه رسوم الخدمه والضريبه المدنيه

اهلين ..

ياجماعه الخير انا حابه استفسر ..
الحين ناويه اسافر لدبي .. وانزل في فندق المنزل ..
اخترت من موقع بوكينج .. غرفه سبيشل كونديشين لمده 5 ايام بسعر 2912 درهم لكنها
غير شامله ضريبه الخدمه وضريبه المدنيه ..

ماذا تعني هذه الضريبه ..
وكم تكون ..؟؟
ومتى ادفعها ..

ساعدوني لاني ناويه احجز ..
واتخيلوا قبل ما اكتب الموضوع كان السعر 2895 الان اصبح 2912

ارجو الرد بسرعه .. قبل ان يرتقع السعر

مواضيع عشوائيه ممكن تكون تعجبك اخترناها لك:

• تحالف أجنبي ضد «طيران الإمارات» و«الاتحاد»
• ابو ظبي تستاهل؟
• استفسار بسيط
• ممكم مساعدة بخصوص هلشقق
• مساعده عاجله
• طلبت فزعـتــڪمـ يــآعــيآل زآيـــد♥ ♥
• المنشورات السياحية
• دبي
• راديسون بلو أو كراون بلازا فيستيفال
• مينك مارينا للشقق الفندقية
• ممكن اسعار الشقق فى دبي والشارقه حاليا
• رايكم في فندق تماني في المارينا
• وشلون ادخل برج العرب ؟؟؟
• البوابه الإلكترونيه مطاري دبي وأبو ظبي
• قادمون لكي يادبي دار السياحة
• سؤال بسيط دبي مول هل فيها كارفور ؟
• رجاء افيدوني بخصوص شقق جيلاني
• ممكن المسااعدة في فنادق المارينا و جي بي أر
• دبي ، حقها كم يوم ؟؟؟؟؟
• الي عبر لينك

هلا علبة الوان
راح تدفعين 20 % زياده اذا وصلتي الاوتيل
يعني راح تدفعين 600 درهم زياده علي هذا المبلغ
يعني اذا وصلتي الاوتيل راح تدفعين 3500 تقريبا" لان بوكنج يحجز المبلغ فقط ولا يخصمه من حسابك
يكون الحساب بالكامل عند الاوتيل قيمة الاقامه 2912 + 600 (الضريبه) = 3512 درهم

طيب اخوي الفارس ..

برايك اي افضل فندق المنزل او فندق قمر الدين ..؟؟

واذا فيك شده تراني مليانه اسئله

تفضلي اختي
اكتبي كل الاسئله اللي عندك واذا طلعت من النت راح اجوابها لك كلها بكره
هم في نفس المستوي
خوذي اللغرفه اللي لقيتيها في بوكنق في المنزل
واى سوائل حياك

الحين انا اخترت المنزل .. لانه قريب من دبي مول .. ومن سوث البحار ..

بس مااعرف هل هو قريب .. من الممشى ..
وهذا الممشى كيف نوصله ..؟؟

لو ابي اروح للامارات مول .. راح اخد المترو .. ؟؟ صح ..؟؟
لو ابي اروح للفسيتفال .. لازم سياره .. تاكسي .. ؟؟ صح ؟؟ كم يكون سعر التاكسي لان اغلب النصابات تصير علي من التاكاسي ..
والجميرا بيتش .. هم بعد اشلون اوصلها ..؟؟
ووايلد وادي .. النساء بس يوم الخميس .. ما ينفع يكون مختلط لان قي ماليزيا .. البس لبس اسلامي واتسبح ..


هذا كل مالدي لليوم . اكون شاكره لو جاوبتوني ..
ولو ما جاوبتوني .. هم بعد شاكره ..
هههههههه

وتراه باقي بعد اسئله ..؟؟

مرحبابج عزيزتي
المنزل وقمر الدين نفس لستايل وقريبين من بعض

بس أنا ارشح المنزل لأنه تحته بعض المحلات والمطاعم .


-الممشى جميرا بيتش ريزيدنس ، the walk
بعيد شوي عن دبي مول مسافة 15دقيقة بالسياره.
يعني من الفندق تطلعين على شارع زايد، تدخلين على جميرا

بالترتيب :
اذا وصلتي جميرا متجهه إلى الصفوح :
على يمينك الوايلد وادي
بالظبط جنبه برج العرب
ثم أيضاً على يمينك سوق مدينة جميرا .... فيه مطاعم وجلسات حلوه.
ثم تكملين سيده تتجهين إلى الصفوح
بتجي ثاني إشارة على ايدك اليسار جنب مدينة الإعلام ....إذا دخلتي من الإشارات يسار ثم يمين بتوصلين لمطاعم مرسى دبي المارينا.
أما إذا كملتي من الإشارات سيده بيجي على يمينج مدخل جزيرة النخله (فندق اتلانتس)
اذا مادخلتي يمين وكملتي سيده بيجي أيضاً على يمينج مدخل الممشى thewalk جميرا بيتش ريزيدنس
يعني كلهم على سيد واحد جميرا-الصفوح ... ابتداءً من برج العرب.


-الوايلد وادي الأفضل يوم النساء (الخميس) من الساعه 9-12 مساءً ، تاخذين راحتج فالألعاب.

a5ty el manzil o qamereldeen nafs el shay o nfs el style ana tawni raj3 gabel yomeen men qmmereldeen o saknt gabel fee el manzil bs el manzil a7sen bansba 10%

علبة الوان
ما قصرت مشرفتنا الفاضله بنوتة الامارات وفت وكفت

مشكورين ما قصرتوا ..
الفارس وابو اسماعيل ..
وست البنات بنوته الامارات ..
اوكي الحين فهمت شوي عن الحميرا بيتش والممشى .. والوايلد وادي ..
بس اسمع ان الجي بي ار .. ويش يطلع ..؟؟
وكيف استخدم المترو .. ؟؟ لو ابي اروح للامارت مول ..؟؟

وبما انه معانا بنوته من الامارات ..
ابي اسال عن افضل محلات لبيع العبايات ..

وكمان للحين .. باي بس يمكن ارجع بكومه اسئله

وماذا عن الفسيتقال سيتي ..؟؟
يستاهل نورح.. ولا عادي ..؟؟

جي بي ارهو اختصار جميره بيتش ريزدنس و هو نفسه الممشى و
شارع عليه مقاهي ومطاعم مره مرتب وجميله الجلسه فيه باليل وهو من اروع الشوارع في دبي

المترو شوفى هالرابط
http://www.arabtravelersforum.com/travel359498/

محلات العبايات
حناين - المتحجبه راح تلقينهم في اغلب المولات
الفسيتفال سيتى مول كبير مره حلو يستاهل الزياره

فيه مركز ابو هيل كله عبايات .. فيه محلات حلوه نوعا ما واسعارها معقوله..
واذا تبين شي فخم وراقي احسن شي بوتيكات المواطنات ..
عبايات m& a
عبايات لباسه
عبايات ميسون كولكشن
ميثاء العبار
نوره الهاشمي (ميس ايليقانت)

انا انصحك بفندق رمادا القريب من فندق المنزل


تحياتي سلطان