السلام عليكم
بقولكم اليوم شصار معاي بخصوص تقديمي للفيزه السياحيه بالسفاره الأمريكيه بالقاهره ،، طبعا بتقولون النك نيم مكتوب بنت الكويت وألحين جايه تقول انها بتقدم من القاهره اممممم ليش :114:
السالفه ومافيها إني كويتيه بس أدرس بالقاهره :smartass: وناويه أسافر مع صديقت عمري لأمريكا بالصيف فقلت إني ماراح أخلص امتحاناتي وأرجع لبلدي إلا بنص شهر 6 يعني ماراح يمديني أقدم .. فخل أقدم من مصر آسرع لي ..
أول شي قعدت شهر أرتب الأبليكيشنات لي ولصاحبتي إلي بتسافر معاي غير الأوراق والإثباتات إلي تثبت رجوعي للبلاد وكشف الحساب .. إلخ .
وبفضل المنتدى عملت ترتيب لخطة سير الرحله بالكامل مع الفنادق إلي بنسكن فيها وطبعتها على ورقه خارجيه ..
وقلت ألحين السفاره أول ما تشوف ورقي والترتيب إلي عاملته بتعطيني فيزه مؤبده وهي مغمضه ..
المهم يا اليوم الموعود ورحنا السفاره من الساعه 7 الصبح شيكو عالأوراق ودخلنا وعطونا رقم وخذو بصماتنا وكان المكان مزدحم آغلب الناس كانو بيقدمون على فيزه دراسيه و هجره
طن طن .. رن الجرس ونادو برقم صاحبتي الأول رحت معاها لاكنهم ردوني وقالولي ان كل وحده مقابلتها بروح ،، صاحبتي لغتها مو قويه وإلي مقابلها واحد امريكي ويوم طلبت منه مترجم قالها إن ماكو مترجم وإن يفهم شوي عربي وكانت المقابله لمدة دقييقتين وبعد الدقيقتين طلعتلي رفيجتي وجوازها معاها وقالتلي
(( انرفضت :36_1_44:))
والسبب : من غير سبب لاكن كان ببرر رفضه وقالها إن انتي غير مؤهله للحصول على الفيزه ..
تضايقت وكان بعدها دوري أنا دشيت عليه وأنا كارهته :36_1_17: كنت جامده معاه أجاوب على قد السؤال طل بأوراقي وسأني اذا كنت مسافره لدول أوربيه من قبل قتله لأ انا بس سافرت للمكسيك لما كان عمري 12 سنه (( وطبعا هالسفره كانت مع المركز العلمي الكويتي للمشاركه بالملتقى العلمي العالمي )) ولما قتله ماعرفت أوصله الفكره عدل وقالي يعني سافرتي مع المدرسه رديت عليه وقتله لأ مع Scince Club وشكله ماصدق قالي معقوله كنتي بعمر 12 سنه وسافرتي بروحج ومو مع أهلج ولا مع المدرسه ،، سألني وين بتروحون بأمريكا طبعا حددتله المدن وإلي إهي بالترتيب ( سان فرانسيسكو - لوس انجلس - لاس فيجاس - أورلاندو - نيويورك ) وقالي ليش بس كاتبه سان فرانسيسكو بالأبلكيشن طبعا انا كنت كاتبه مكان السكن بأمريكا اسم أول فندق بنسكن فيه وإلي بكون بسان فرانسيسكو ،، ورديت عليه وقتله لأن هذا أول مكان بنروحله وقتله إني عامله تخطيط منفصل للرحله وللأماكن إلي بنروحلها تبي تشوفهم لاكن ما طل فيه حتى
وآخر شي بعد ما قلب بورقي قالي
فيزتك مرفوضه
:55654:
سألته عالسبب قالي انك ماعندك مكان تسكنين فيه .. شلون يعني ماعندي مكان اسكن فيه وأنا محدده اسم الفندق يعني مايصير أحجز الفندق قبل لا آخذ الفيزه وطلعت من السفاره وأنا مأيسه :5: بس قلت لنفسي إنها كانت تجربه حلوه وخلتني أتعرف على امريكا وبصراحه من تقارير الإخوان ومن خرايط Google Map أحس نفسي إني زرتها ولو تبون أدليكم بأمريكا أنا حاضره :109:
وهاليومين قاعد افكر إني أقدم مره ثانيه بس هالره فيزة دراسه لأن قلت خل أروح بالصيف أدرس لغه أفيدلي وبخاطري ادرس بأورلاندو لأن بنفس الوقت فيها اماكن ومدن ألعاب وايد وأنا غرامي الرولر كوستر ،، طيب ألحين لو بقدم ماراح يشكون إن توني مقدمه سياحه وألحين دراسه :114: ،، ولو يبتلهم I-20 هل فيه إحتمال بعد يرفضوني ولا الفيزه تكون مضمون !!
مواضيع عشوائيه ممكن تكون تعجبك اخترناها لك:
- نيويورررررك
- الرجاء تزويدي بالمعلومات
- هل يحتاج تصريح سفر مع الفيزا لمن تحت سنة
- ساعدوني في تعبئة نموذج الفيزا صفحة الاتصال
- لاس فيقااس عاجل
- نيويورك
- زوجي المسؤول عن نفقات دراستنا وحسابه صفر لثلاث شهور مالعمل ؟؟
- عريس جديد في امريكا
- من معي بالخطوط القطرية رياض قطر واشنطن
- اليوم كانت مقابلتي في السفارة وقصتي مع الخادمه
- استفسار عن الفيزا السياحية الي امريكا نيويوك لاس فيجس لوس انجلس
- هل السفر لامريكا ممنوع هذه الايام في مصر ؟
- الى كل من يتنظر الاجراءات الادارية هذه تجربتى
- هام وارجو المساعدة
- الاماراتية ام الامريكية
- استفسار عن البهاماس
- السفر بالادوية
- سؤال في ابليكيشن
- بخصوص آجار السيارات
- مساعده في تنظيم خط سير رحله
رد مع اقتباس
المشاركة الأصلية كتبت بواسطة **Abu Faisal**
المفضلات