التقرير راح يكون دفعه وحده يعني منتب مضطرين تشيكون كذا مره عشان تشوفون رد ومع صور جديده
وطبعا الصور راح تطول ماتطلع فيبلكم عاد تطولون بالكم وتتنظرون الين ماتكتمل
رحلتي لموريشوس كانت مدتها 8 ايام قسمتها على منتجعين كل واحد فيهم لمدة 4 ايام..
الاول الـماراديفا ونزلت تقرير عنها وقضينا منها
والثاني الأوبروي بمنطقه بوينت أو بيمنتس موقعها شمال غرب جزيرة موريشوس.
المنتجع صراحه اكثر من رائع وخاصة الفله اللي اخذتها مواصفاتها كانت هي الاعلى من بين كل فلل المنتجع فيه
الفلل 3 مستويات فله مع حديقه
وفله مع حديقه ومسبح خاص (اللي اخذتها)
والفله الثالث البريزيدنتال لكن سعرها نار ياحبيبي يانار
المنتجع عباره عن فلل ومطعم واحد كبير مقسم خارجي وداخلي
وبار ومسبح عام ومطعم بجوار المسبح فاتح فقط للغداء
وسبا ونادي رياضي
اللي يميز الاوبوروي عن باقي كل المنتجعات هو التصميم والديكور
واكثر شي يميزه هو كثرة التماثيل والاصنام
بالغرفه بالممرات بالمطعم لازم تشوف لك صنم وتمثال
لدرجه اني حسيت اني قاعد بديار قريش
ماناقص الا يجيبون ابولهب وابو جهل وأميه ويحطونهم بالبار وتكتمل ديار قريش لاراحت ولا جت
وراح تلاحظون هالشي بالصور
طبعا الاكل والوجبات هناك جدا جدا لذيذه والذ اطباق اكلتها الهنديه المسالا والكاري واكلات هنديه وطبق مره سووه لحم غزال لونه بني وقاسي لذيذ لكن دسم كان
وزي ماقلت لكم نظام الوجبات عندهم بالمطعم وقت الغداء والعشاء هو الـ a la Carte
استقبالهم وترحيبهم لنا كان مفاجيء عارفين الاسم وعارفين من وين كنت جاي وجابوا الموخيتو والمناديل ثمن عاد جا المدير السويسري بكبره وجلاله قدره مارك دينتون رحب فيني وعزمني بالكوكتيل بار وقبلت عزيمته عالمغرب وجيت وكان معنا برضو ناس جايين بنفس اليوم
وهذي صورته
قبله هناك مناطحني وانا طالع وانا داخل دايم اشوفه هلو مستر تامر هاو ار يو تودي
اللحين اترككم مع الصور
-الرد الاول اللي هو هذا صور عامه لكل المنتجع مع شوية صور لقطتها للمطعم الصباح
-الرد الثاني صور الفله كامله
-الرد الثالث المسبح والشاطيء
هنا واقف بنص المنتجع
الممرات المؤديه للغرف
بوفيه خفيف افطار
حتى الضواطير معمول لها مجسمات
جلسات المطعم الرئيسي
البار كوكتيل (جلستنا مع مارك كانت بالنص )
مواضيع عشوائيه ممكن تكون تعجبك اخترناها لك:
- استفسار عن الميزانية في المالديف
- سؤال لفتى الشرقية
- سوال
- تم الجحز الى موريشيوس ابوعزيز مانستغني عن رايك في العرض
- جزيرة تينيريف جنة هادئة في الأطلسي الهائج
- استفسار ؟ واتمنى الاجابة وافية
- الطائرة المائية أم السبيد بوت
- يالــيت أحـــد يفيدني
- زياره لأول مره للمالديف مع طفل احتاج مساعدتكم ياخبراء
- لا اعرف لماذا وكيف ولكن اغرمت بالمالديف بعد قراءة التقارير
- جزيرة بينتان
- ساعدوني في المقارنة بين موريشيوس والمالديف
- باركوا لي حجزت ولا استغني عن توجيهاتكم
- محتاااااااااره والمكتب ينتظر الرد
- يال عيال مساعدتكم رحلة العودة الساعه عشره صباحا
- نداء الى اهل الخبره فى المالديف
- مطار موريشوس
- استفسار عن حجز الفنادق في مريشيوس
- ممكن خدمة بسيطه ودي اسافر ؟؟ هاااام جدا
- عاجل ،،،،،،،عاجل،،،،،،،
المفضلات