**جزيرة النخله
فيها فندق اتلانتس .... وفيه الأكوافنشر (الحديقة المائيه) + الأكويريم (حوض الأسماك)
**دبي مول النافوره الراقصه الاكواريوم سوق البحار.. هل يكفيها يوم واحد واريد معلومات عن سوق البحار
يكفيه يوم واحد ، وبمجرد خروجك عند النافوره .. يوجد جسر يربط بين دبي مول وسوق البحار.
**دبي مول فيه:
-كدزينيا جداً ممتع للأطفال ويحتاج 4-6 ساعات ويمكن أكثر (تعليمي- ترفيهي) الصور فالرابط أسفل
-أيضاً في دبي مول ملاهي سيجا جنب كدزينيا .
-قاعة تزلج
-الإكوريوم(حوض الأسماك) تقدرون تشاهدونه من برا، أو اذا تحب تدخل النفق سعر الشخص 25درهم.
وتدخل مركز الإستكشاف بالظبط فوق الإكويريوم ، فالدور الثاني سعر الشخص 25درهم.
مركز الإستكشاف يغني عن دخول النفق.
-النافورة الراقصة -وجنبها برج دبي ...... ممتعه تبتدي من الساعه 6مساءً لغاية ال10مساءً
وعدة مطاعم خارجية اطل عالنافورة.
-كل مول وسنتر فيه قسم للوجبات السريعه - وقسم للمطاعم العالميه
وكل شخص يشوف ايش إلي يناسبه.
**خور دبي وشارع الرقه هل من المناسب زيارتها في هذا الوقت لانه ما فيه مهرجان هالوقت
شارع الرقه مافيه فعاليات في هاذي الفتره
**مطعم صدف الايراني وين موقعه بالضبط........؟
شارع الشيخ زايد ... وشارع المكتوم
وإذا تفضل الأكل الإيراني توجد عدة مطاعم إيرانيه آخرى فالمولات مثل مطعم بارس في الإمارات مول+ دبي مول.
ومطعم حاتم ....في دبي مول + ابن بطوطة مول + برجمان سنتر .
**الباص البرمائي وين يودي وهل يقف عند الوصول ينتظر ووين موقعه بالضبط...؟ وكم يكفيه من الوقت..؟
موقعه في مركز برجمان
يأخذك بجولة في دبي ثم ينزل جولة فالبحر .
التفاصيل فالرابط.
**سوق الجميرا ..وشارع الجميرا بيتش...وسمعت ان فيه قارب تسوق سؤالي موقع السوق هل هو قريب من شارع الممشى..او هل هم مكان واحد.....؟وهل الجميرا هذي داخل دبي.....؟ارجو المعذره على تساؤلي فاول مره ازور دبي.....؟
افا عليك اخوي خذ راحتك ......
نعم جميرا في وسط دبي .... مجرد ماتشوف برج العرب ، هاذي جميرا
وسوق جميرا .... يختلف عن شارع جميرا بيتش ريزيدنس، وكلهم قريبيين من بعض.
وكل واحد له ستايل مختلف.
سوق جميرا .... تابع ل3 فنادق ، وهو عباره عن منتجع يضم 3 فنادق وسوق ومطاعم .... المكان رائع ، ويوجد مدخل خاص للسوق ، وفيه عدة مطاعم اطل عالقناه المائيه ، وتقدر تاخذ جولة بالعبره (القارب) حول الفنادق والسوق الجولة ب50درهم لغير نزلاء الفندق.
الموقع: قريب جداً من برج العرب.
جميرا بيتش ريزيدنس....الممشى the walk
حلو للغداء او العشاء ، عبارة عن عدة مطاعم وكوفيات، المكان يعيشك في أجواء أوروبيه
لتوضيح أكثر بالتفصيل الممل 
ولاتحاتي دبي مليااااااااااانه لوحات إرشاديه ، إن شاء الله ماتوه، وتقدر ايضاً توصل لجميرا من شارع الشيخ زايد.
وكلهم على شارع واحد .
-إذا وصلت جميرا ، على يمينك الوايلد وادي + برج العرب
-بعدهم بالظبط على يمينك مدخل سوق جميرا
*اذا عديت الإشاره وكملت سيده (جميرا -الصفوح)
-تكمل سيده بتجييك إشارات مبنى مدينة الإعلام اذا دخلت يسار تقدر توصل لمطاعم مرسى دبي(المارينا)
وتقدر تاخذ العصر جولة بحريه.
(أيضاً تقدر توصل للمرسى من شارع الشيخ زايد تقريباً مقابل الإمارات مول، الوحات الإرشاديه واضحه)
-إذا مادخلت يسار وكملت سيده ، بيجيك على يمينك مدخل جزيرة النخلة (اتلانتس)
-ايضاً إذا كلملت سيدة بتوصل لجميرا بيتش ريزيدنس(the walk-الممشى)
**حديقة الخور.....وين مكانها وهل ندفع لها تذاكر وهل تفتح بالليل وهل فيها مطاعم..............؟؟؟؟؟؟؟؟؟؟؟؟؟
حديقة الخور ، جنب جسر القرهود ، وفندق جراند حياة وحديقة وندر لاند
فيها تلفريك + مدينة الطفل العاب تعليميه ترفيهية.
**سوق ابن بطوطه ....كم يكفيه وقت للتمشي
ابن بطوطه + الإمارات مول + الكافية الثلجي كلهم على شارع واحد - شارع الشيخ زايد - رحمة الله عليه
ودبي مول قريب منهم بس يعتبر بداية الشارع .
الإمارات مول
-فيه سكي دبي (الحديقة الثلجية) ممتعه للكبار والأطفال (التفاصيل فالرابط)
-وأيضاً مدينة العاب فالمول
معلومات أكثر للأماكن السياحية فالرابط:
http://www.arabtravelersforum.com/travel365756/
http://www.arabtravelersforum.com/travel279407/
اي سؤال ثاني نحن حاظرين
رحلة موفقة بإذن الله
رد مع اقتباس
المشاركة الأصلية كتبت بواسطة القلب الغائب
المفضلات