السلام عليكم جميعا
اليوم حابه اعرض عليكم مشكله متعبتني نفسيا ومجننتني يمكن احصل عند حد فيكم حل
ياناس انا مدمنه سفر تعبت نفسيا تفكيري صار كله في السفر ماعاد افكر في اي شي غير اني ابي اسافر احاول اشغل نفسي في امر ثاني مقدر احس السفر هو متعتي الوحيده في هاذي الدنيا واحلى لذه في الحياه
في الدوام انا وصديقتي نفس حالتي تخيلوا من نصبح الصبح واحنا سوالف عن اوروبا وعن السفر وودنا نروح وحدنا متعذبات واحنا نتكلم احس زهقنا البنات اللي معانا خخخخخ
اقول حق زوجي اذا تبي تهديني شي يفرح قلبي اهديني تذكره
زوجي يقولي عاد لازم نفكر في المستقبل ونجمع بس من اقوله واجيب طاري السفر قالي قدااااااام حتى هو خربته وصار نفسي
وش الحل لادمان السفر ومن نفس حالتي ؟ احس محد مثلي تخيلوا اذا جاء الشتاء في اوروبا اعد الايام علشان تمر بسرعه ويجي الربيع واقدر اروح حاله غريبه ومتعبه.. لي سنين اعاني منها.. قلبي تعلق فيج يااوربا
مع ان الود ودي اروح في الشتاء وبعدين في الربيع وبعدين في الخريف بس مابي الصيف لانه حر .. سفره وحده في السنه ماتشبعني ابد ابد .. بصرااحه انا احس في اوروبا نقدر تستانس نطلع نمشي نشم هوا اماكن كثيره نقدر نروح لها عكس بلادنا اللي كل مشاويرنا بالسياره وغير الجو مايساعد
تخيلو توني جايه من اسبوع بس وقبل 4 شهور بعد كنت في اوروبا وقبلها بفتره بسيطه بعد كنت هناك ماشبع كلش كلش كلش والحين ابي اسافر
انا عرضت عليكم مشكلتي وبما ان هذا الموقع حق سفر وانا بكل صراحه احسه بيتي الثاني اتوقع فيه اكيد نفس حالتي لو شي بسيط خلونا نشتكي ونفض فض لبعض لعل وعسى اذا فضفضنا نرتاح شوي
انتظر تعليقكم على جنوووني وخلوني اشوف اذا في حد عنده نفس الجنون وحب السفر والمغامرات
اختكم بنت اوروبامواضيع عشوائيه ممكن تكون تعجبك اخترناها لك:
- كـفـى الخيرية تدخل خدمة رسائل الجوال المجانية لعلاج المدخنين
- قصة المحتال و زوجته
- ارجو مساعدتي ابغى اسافر تركيا لاول مرة
- خارج نطاق الذاكره
- °•♥•° قليله أحبك °•♥•°
- ” لو قدرت لك الحياة ، فلابد أن تتذكر أنني أحبك ”
- لـيـش حــاطــيــن بــاب لـلـحـمــــام
- في ذمتك ماهز قلبك غيابي ؟
- اوراق رائعه و جميلة
- اغرب الصور في العالم
- القمر تسبب في غرق تيتانيك
- بيع الورقة التي أسست شركة أبل بـ مبلغ ١٦ مليون دولار
- لكل داء دواء يستطب به إلا الحماقة أعيت من يداويها
- عودة من بعد انقطاع بدي ترحيب иман سابقاً
- خمس نصائح للمحافظة على الأصدقاء
- قالو ؟؟؟
- الصلاة السريعة تؤدي الى الموت
- خلي بالك من دمــــــــــــــــــــــــــــــــاغكـــــــــــ
- أمانة، فوتوا، بس ، لاتسبوني ههههههههه؟؟؟
- سلسلة الابداع والالفية الخامسة
المفضلات