السلام عليكم جميعا
اليوم حابه اعرض عليكم مشكله متعبتني نفسيا ومجننتني يمكن احصل عند حد فيكم حل
ياناس انا مدمنه سفر تعبت نفسيا تفكيري صار كله في السفر ماعاد افكر في اي شي غير اني ابي اسافر احاول اشغل نفسي في امر ثاني مقدر احس السفر هو متعتي الوحيده في هاذي الدنيا واحلى لذه في الحياه
في الدوام انا وصديقتي نفس حالتي تخيلوا من نصبح الصبح واحنا سوالف عن اوروبا وعن السفر وودنا نروح وحدنا متعذبات واحنا نتكلم احس زهقنا البنات اللي معانا خخخخخ
اقول حق زوجي اذا تبي تهديني شي يفرح قلبي اهديني تذكره
زوجي يقولي عاد لازم نفكر في المستقبل ونجمع بس من اقوله واجيب طاري السفر قالي قدااااااام حتى هو خربته وصار نفسي
وش الحل لادمان السفر ومن نفس حالتي ؟ احس محد مثلي تخيلوا اذا جاء الشتاء في اوروبا اعد الايام علشان تمر بسرعه ويجي الربيع واقدر اروح حاله غريبه ومتعبه.. لي سنين اعاني منها.. قلبي تعلق فيج يااوربا
مع ان الود ودي اروح في الشتاء وبعدين في الربيع وبعدين في الخريف بس مابي الصيف لانه حر .. سفره وحده في السنه ماتشبعني ابد ابد .. بصرااحه انا احس في اوروبا نقدر تستانس نطلع نمشي نشم هوا اماكن كثيره نقدر نروح لها عكس بلادنا اللي كل مشاويرنا بالسياره وغير الجو مايساعد
تخيلو توني جايه من اسبوع بس وقبل 4 شهور بعد كنت في اوروبا وقبلها بفتره بسيطه بعد كنت هناك ماشبع كلش كلش كلش والحين ابي اسافر
انا عرضت عليكم مشكلتي وبما ان هذا الموقع حق سفر وانا بكل صراحه احسه بيتي الثاني اتوقع فيه اكيد نفس حالتي لو شي بسيط خلونا نشتكي ونفض فض لبعض لعل وعسى اذا فضفضنا نرتاح شوي
انتظر تعليقكم على جنوووني وخلوني اشوف اذا في حد عنده نفس الجنون وحب السفر والمغامرات
اختكم بنت اوروبامواضيع عشوائيه ممكن تكون تعجبك اخترناها لك:
- من آيفوني
- هل رأيت فوائد مرضك ؟؟
- مقولة من أعظم المقولات فى التاريخ
- ماهو افضل موسم لزيارة شرم الشيخ والغردقة ومصر بصورة عامة
- ×برج يعمل كمحطة كهربآء في النهآر ويتحول في الليل لشلآل ميآه×
- صور
- سبحان الله حتى بالقرآن الكريم أرقام
- الزبيب
- مضحك نشرة أخبار د وجدي غنيم
- أسوأ توقعات كاذبة بنهاية العالم
- ╝◄ ♥♥ موقع رائــع إهـداء مني لكم ♥♥►╚
- ليبيا ۔ رحلةٌ الى الحرية
- وش سويــتي في الولـــد يا حصـــة
- للنساء فقط
- سـحـابـة الـقـوس
- سيدتي حواء العربية
- المضخات تؤجل افتتاح نفق دوار السفن
- التوأم
- انالله وانا اليه راجعون
- قصة جميلة إقرئها للآخر
المفضلات