الموضوع: سفرتي بكره ورأيكم بالزحمة اللي مسويها؟؟؟

وينكم ياخبراء ومشرفين واعضاء ترا سفرتي الليله رأيكم يهمني !!!! من الموبايل

جدولك حلو
ولي ملاحظة
خامس وسادس وسابع يوم زياراتك في هذي الايام
لاماكن كلها قريبة من لوزيرن او اقرب للوزيرن فلو تقدر تغير حجزك للوزيرن يكون افضل

رابع يوم اذا كان ذهابك الى جلاسير 3000 للزحليقة فأعتقد انها مغلقة للصيانة
وجدولك في هذا اليوم ممتلئ فمن رأيي تلغي زيارة جلاسير وتكمل على باقي الجدول
وخصوصا انك بتزور تتلس بعدها بيوم وهي تغنيك عن زيارة جلاسير

واتمنى لك رحلة سعيدة

اخوي بيتر ..الله يهديك ..توك منزل الموضوع ؟؟..ما شاء الله عليك كنت معانا في الردود في قسم الاستفسارات ..كان نزلته من بدري شوي..
وللعلم..ترى اليوم 18 ..وليس 19 .
يا غالي تأكد واللي يرحم والديك .


=======
ولي عودة بترتيب الانشطة.

يعطيكم العافية اخوي مقدام واخوي ميدو للمعلومية السكن في قرية iseltwald وهي شقة حاجزها 7 ليالي وما اقدر استرجعها وبرجع لك اخوي ميدو بخصوص الاستفسارات اى صح ينفع اطلع سويس هاف فير لمخططي ولا لا وشكرا من الموبايل

الله يسلمك اخوي بيتر..
بالنسبة للسويس هاف فير...لو كنت حاط في المخطط قمة اوروبا (قيمتها 170 فرنك سويسري) + عدد ايامك في سويسرا فوق 10 ايام== اقولك إيه طلعها .
هي تعطيك خصم 50% على الانشطة..وقيمتها 110 فرنك...ولو كانت الانشطة اللي راح تسويها ..اللي يكون فيها تنقل بالقطار او بالتلفريك او بالعربات او بالباخرة ...فوق 220 فرنك (من غير تخفيض) ..فإنت حللت البطاقة .


==============
لو تشوف البحيرة اللي في طرفها الايسر جنيف..تلقى ايفيان وايفواغ تحت البحيرة ..يعني جنوب.
وانت نازل من الشمال ..فكيف راح تمر عليها قبل جنيف؟




على العموم ..شوف مواقعها على خريطة قوقل ..وشوف المسارات ايضا .


وبالتوفيق.

يعطيك العافية وماقصرت اخوي ميدو والله لايحرمك الاجر وراح امشي على مخططك احسن لي والشكر موصول ايضا لكل القائمين على المنتدى وماقصرتوا من الموبايل

اخواني قدر الله ماشاء فعل والحمد لله على كل حال اقلعت الطائرة امس وحضرنا متأخرين والحمدلله على كل حال وعدلت التذكره بالف ريال وخليت حجزي الوصول تاريخ 21 والعودة تاريخ 2 نفس عدد ايام الرحلة اللي قبل وحجزي بانترلاكن راح على اول ليلتين وصارت خمس ليال اللحين اخواني انا بعدل من جدول شوي اليومين الثانيات بقضيهم بلوزيرن او قريب من لوزيرن ياليت ترشحون لي فندق لشخصين حلو وسعرهم مناسب في انقلبيرق او لوزيرن او ستانس تاريخ 26 الى 28 ولكم مني جزيل الشكر ومن ضمن مخططي السابق في يومين فعالياتهم بالقرب من لوزيرن راح استفيد منهم هناك واسف على الاطالة اخوكم بيتر من الموبايل

معوض خير أخوي بيتر..قدر الله وما شاء فعل..الحمد لله ..خيرة في ما اختاره الله لك..باذن الله دفعة بلا..


بالنسبة للفنادق..سويت لك بحث بسيط في تواريخك ..الغالب فوق الالف ريال لليلة..في وسط لوزيرن .
الضواحي ممكن 900 ريال.


انصحك تدخل البوكنج وتشوف اللي يناسبك يا غالي. .


وباالتوفيق

الله يسلمك ميدو توني راجع من السفره امس وان شاء الله اجهز التقرير وابشرك السفره عدت على خير صار فيها افلام ودعمات ومرض بس تسهلت خخخخخخخخخ