السلام عليكم ورحمة الله وبركاته
كيفكم ان شاءالله الجميع بخير وصحه وعافيه يارب ...
انا بعد اللت والعجن والتفكير العميق وين اقضي عيد زواجنا
استقريت اخيرا على فرنسا _ باريس
وبعد اربع شهور ان شاءالله راح تكون الرحله ^_^
وحبيت افاجأ زوجي بها السفره لاني ودي اسويها له مفاجأه
وبصراحه اول مره بنروح على باريس فعندي استفسارت كثيييييره حابه اسألكم عليها
اول شي :
الميزانيه مالازم تكون اقل من كم ؟؟؟
للمعلوميه انا من المنطقه الشرقيه و انا و زوجي بس الي راح نسافر ان شاءالله
ثاني شي :
ابي اسماء فنادق او شقق يكون سعرها معقووول يعني رخيصه لانه شفت فنادق اسعارها نار صراحه وانا ميزانتي محدوده جداااا
ثالث شي :
ياليت الفنادق او الشقق تكون قريبه من الشانزليزيه او من برج ايفل لانه ودي ننزل نمشي
هو بس الشقه راح نحتاجها وقت النوم يعني ماله داعي احط مبلغ وقدره في شقه بس للنوم ! لانه طول الوقت ابي اكون برا اتمشى ماارجع الا وحيلي مهدود من الفرفره
فعشان كذا ابي شقق سعرها حلو ومعقول واهم شي نظيفه
رابع شي :
ابي اماكن للتسوق واقدر اشتري منها مابي شي تكون الاسعار فيه خياليه ونار
خامس شي :
ابي جدول يضم اهم الاماكن في فرنسا _ باريس
من ديزني وشارع الشانزليزيه والبرج والمتاحف والقصور ابي اروح اتفرج وألعب وانطنط هههه
كل شي مهم ياليت تكتبونه لي لاني مااعرف شي صراحه هناك واخاف اتوهق فياليت تفيدوني بأهم الاماكن
وللمعلوميه : ترا انا ماراح اطول هناك تقريبا اربع ايام او خمس بالكثير
ياليت تختصرون لي بها الاربع الايام او الخمس اهم الاماكن الي اقدر ازورها واهم شي تكون ممتعه
اهم شي عندي ديزني لاند كم يوم يكفيني عشان افرفر فيها
ياليت تفيدوني بارك الله فيكم بكل شي من مطاعم وكوفي وكل شي مهم
انتظررررركم بارك الله فيكم
مواضيع عشوائيه ممكن تكون تعجبك اخترناها لك:
- استفسار بخصوص السياره والتامين
- مساعده في ترتيب جدولي السياحي أرجو الدخول لكل من لديه خبره
- تقرير رحلتي لباريس مع شكري لكم
- ساعدوني في رحلتي الى باريس
- عائلة كبيرة محتاجة لنصائحكم وللإجابة عن بعض الاستفسارات ، ولكم دعواتي
- ماهو الحل
- رحله لاول مره الى باريس وجنيف واخيرا ميلان افيدوني
- استفسار بخصوص الشنط وين أحطها ؟؟؟؟
- استفسار بخصوص النقاب في باريس
- محتارة بين فندقين في ديزني
- شطاف المسافر استفسار ضروري من فضلكم
- اخر مهلة شوركم وهداية الله
- الطريق من باريس الى كان
- جوله في ايطاليا النمسا سويسرا فرنسا بالتفصيل صور
- الـ و الأوتيلات في فرنسا مساعدة
- أحتاج مساعدة بالأماكن السياحية الموصى بها
- عاجل
- ترتيب ايام في باريس هيلب مي
- ترتيب جدول لمدة في عيد الاضحى
- استفسارين فقط لاجمل مسافرين لباريس الجميلهفهل تجيبونني؟؟
المفضلات