الموضوع: اللي قدم على بعثة امريكا بوزارة التعليم العالي يدخل

اخوي فهد انا لي 4 ايام كاتبين المستندات المطلوبة كاملة
الله يوفق الجميع

ابو داحم .. وليف الروح .. صدقوني ماراح تخسرون شي اذا جربتو جربو وبالتوفيق ان شالله

بشكل عام ياشباب بالنسبه للـ حاله اللي تطلعلك بالموقع
شوفي اذا قدمت اورقاك للوزارة بيطلعلك بالموقع تم استلام الطلب
اذا راجعو الاوراق وشافوها كامله بيكتبون (تم مراجعة طلبك و ينطبق عليك شروط الابتعاث)
بعد ايام ممكن مايعتمد طلبك ممكن يعتمد طلبك اذا كتب لك (لم يتم اعتماد طلبك) رح لهم الوزارة واسال عن السبب اذا طلع لك (تم اعتماد طلبك) لازم تصبر شوي ومايطول الخطوه اللي بعدها وهي بيقولك
(تم إعتماد طلبك من الوزارة) برضو اذا شفت هالكلام انتظر شوي لان شبه اكيد انت مقبول
القبول النهائي تعرفه اذا طلع لك (تم إصدار الضمان المالي) بعدها تستلم الضمان

باختصار اذا انت مقبول بيكتب لك الموقع انك مقبول واذا موب مقبول بيقولك غير مقبول او الاوراق ناقصه او لم يعتمد طلبك لسبب ما ..

بالنسبه للوقت صدقوني يختلف من شخص لشخص وهم ياخذونها على اولوية الدرجات والنسب
يعني مايطلع الضمان المالي باقل من اسبوع على الاقل يبيله اسبوع كامل عشان يطلع وناس يقولون 10 ايام وناس ماطلع لهم الا بعد شهر

يعني عليهم بالصبررر ...

تحياتي المستلج

لابد من الجواز أخي ابو داحم

لازم تحاول تقدم أوراقك بقدر المستطاع كاملة
تفاديا لأي تعطيل لأن الوزارة تحاول تتلكأ وتعدل المتعطلين
بس على كل حال قدم أوراقك...
وحاول أنك تتابع موضوعك باستمرار وتلح عليهم... عشان ما ينسون
ومسالة الجواز بسطية ممكن تطلع بسرعة

راشد... حاول تتصل بالوزارة وتتابع طلبك بنفسك
لأني صار معي نفس الشيء تعطل الموضوع، حتى راجعته واتصلت فيهم...
اتصل فيهم مرة ثانية

طيب ياليت من الاخوان كيف الطريقه التقديم



وش ارسلهم بالضبط


يعني شهاده ثانويه وحسن سيره وسلوك وش بعد ؟
هل ممكن ارسله على البريد؟ ووش عنوان بريدهم ؟

وكيف اخذ الرقم لمتابعه الطلب ؟

ومتى راح تنتهي فترة التقديم ؟



ياليت تجاوبوني عليها

راجع موقع الوزارة
http://www.mohe.gov.sa/usa/index.aspx

واطلع على شروط التقديم

وبالتوفيق للجميع

اخوي ابو داحم

ادخل على موقع الوزارة وتحصل كل شي واضح

أدخل على موقع الوزارة... وأملي الاستمارة الموجودة في الموقع... طبع أكتب بريدك الالكتروني في الاستمارة
لأنه من خلاله راح يراسلونك...
بالنسبة لي مليت الاستمارة الموجودة بالنت، بعد ما تملها، راح يعطونك رقم طلبك، وباسورد، وهذا الرقم من خلاله تقدر تتفقد طلبك بين فترة والثانية، وتقدر من خلاله تتصل بالوزارة وتسأل عن معاملتك.
وبعد كذا راح تطلع لك نافذة اللي فيها الباسورد ورقم الطلب، وكيفية إرسال بقية مستنداتك لأنها مهمة هنا وضرورية، بالنسبة لي راسلتهم عن طريق الفاكس.... أفضل واسهل...
وبعد كذا تأكد أنهم استلموا الطلب.... وراجعهم باستمرار حتى تتاكد من حالة طلبك لوين وصلت.

بالنسبة لمرحلة البكالوريوس
الاوراق المطلوبة صورة الشهادة الثانوية
شهادة حسن سيرة وسلوك
وجواز سفر، وبطاقة الاحوال

ونفس الشيء بالنسبة للماجستير....

حسب علمي ما في فترة محددة.. ربما لحد ما يكتفون بالعدد...
والافضل أنك تباشر بالتقديم....
أفضل.

والله يوفقك

[align=center]السلام عليكم شباب..

أنصح أي واحد ناوي يقدم طلب في البعثه أنه يتبع الأشياء هذه.. بكل دقه علشان ينفذوله طلبه بسرعه

أولا: تسجل في موقعهم وتأكد بأن جميع البيانات المطلوبه صحيحه ... لأن أي خطأ سيرفظ طلبك

ثانياً: بعد ما تسجل بالموقع وبعد عملية الإرسال بيعطيك موقعهم رساله فيها رقم النموذج وكلمة المرور .. إطبع هذه الورقه ..

ثالثاً: بعد ما تطبع الورقه حاول أن تقدم أوراقك بنفسك بالوزارة قد المستطاع.

رابعاً: تأكد قبل ما تروح الوزارة بأن أوراقك كامله وهي كأتي:

1- صورة من شهادة الثانوية العامه
2- صورة من شهادة القدرات.
3- صورة من حسن السيرة و السلوك
4- صوره من الجواز.
5- الورقة المكتوب عليها رقم الطلب و كلمة المرور

وأي شيء ناقص من الأوراق المذكوره سيؤدي إلى عدم قبول طلبك..

بعد ما تروج الوزارة و تقدم أوراقك .. إنتظر على النت و تابع حالة طلبك ..

أنا قدمت طلبي وإتبعت الأمور المذكوره فوق و خلال 9 أيام أصدروا الظمان لي.

تحياتي للجميع[/align]

ياشباب دعواتكم
السـ9ــاعة في الليل شيكت عليهم بس نفس الحالة
هالحين دخلت لقيتهم كاتبين الطلب قيد الدراسة ولديك بعض النواقص
وش قصدهم كع اني مرسلهم الوثيقة + جواز السفر + بطاقة الاحوال
ياليت تردون علي لاني ابسنتر على النت لين احد يجاوبني
بس لاتحرموني من دعاكم
اخوكم راشد

8
8
8

دام قالولك لديك نواقص اجل انقز وكمل اوراقك وبشكل عام الاوراق المطلوبه هي

شهادة الثنوية العامة
شهادة حسن السيرة والسلوك
شهادة اختبار القدرات ويجب ان تكون اعلى من 70
صورة من الجواز
صورة من بطاقة الاحوال

السلام عليكم بالنسبة للجواز


عندي ولد خالتي من مواليد 1406 وانا اليوم سجلتله طلب بموقع وزارة التعليم .. وبكره ان شاء الله بمر بيتهم وارسل اوراقه بالفاكس ..


طبعا ما عنده جواز ..


هل مسموح له استخراج جواز او لا 1406 ؟


واذا كان لا ماهي الحلول ..

اخوي ابو فيصل

لازم الجواز

الحين الجواز يطلعه بظرف نص ساعه

يمديه يطلع جواز اذا وافق ولي أمره

شاكر لكم دكتور فادي ..... فهد الصالح ...


بس المشكله كيف ومن وين اجيب موافقه ولي الامر .. ولده الله يحفظه كبير بالسن ومقعد ؟


تحياتي لكم

زي ماقالو الاخوان ترا جواز السفر جدا جدا مهم عشان تكتمل باقي الاجرائات اذا جاك قبول وقرار الابتعاث باذن الله

صدقوني الدعوه واسطات ,,,


معك واسطه بتاخذ بعثه لو نسبتك 70%


ولو ما معك واسطه وجايب 99% بتجلس تزرع فجل

يا أخوان أبغى استفسر أنا قدمت طلبي وكل شى كامل وجميع الشروط تنطبق علي بعدين قالوا تم اعتماد الطلب وبعدين قالوا لم يتم اعتماد طلبك من الوزارة مع أن القياس والثانوية حلوة بقوة بس خريج العام مهو هذة السنة

أنا رتبت أموري... بدون واسطات والحمدلله ربي وفقتني...
بس مو معنى كذا أن الأمور بسرعة تمشي، بالعكس انتظرتك كثير لكن الحمدلله

الله يوفقك الجميع

المشاركة الأصلية كتبت بواسطة راشد2004


ياشباب دعواتكم
السـ9ــاعة في الليل شيكت عليهم بس نفس الحالة
هالحين دخلت لقيتهم كاتبين الطلب قيد الدراسة ولديك بعض النواقص
وش قصدهم كع اني مرسلهم الوثيقة + جواز السفر + بطاقة الاحوال
ياليت تردون علي لاني ابسنتر على النت لين احد يجاوبني
بس لاتحرموني من دعاكم
اخوكم راشد



ياشباب تكفون انا اوراقي اللي مرسلها كاملة
هقوتكم ان فيه امل مادام انهم كاتبين قيد الدراسة لانهم لو ماواوفقوا كان كتبوا لاتنطيق عليك الشروط
وش رايكم؟؟؟؟؟ والله اني على اعصابي

ولا تــحــرمــونــي مــــن دعـــــاكــــــــــــــــم

اخوكم راشد

المشاركة الأصلية كتبت بواسطة al-rdadi


يا أخوان أبغى استفسر أنا قدمت طلبي وكل شى كامل وجميع الشروط تنطبق علي بعدين قالوا تم اعتماد الطلب وبعدين قالوا لم يتم اعتماد طلبك من الوزارة مع أن القياس والثانوية حلوة بقوة بس خريج العام مهو هذة السنة




راجع الوزارة من الساعه 5 العصر الى الساعه 10 الليل اسأل عن مدير البعثات ينقاله صالح ال شيخ وراح يعطيك السبب

وبالتوفيق

اخوي فهد الصالح هل لما قالولك تم اعتماد طلبك هو بنفس اليوم حق تم مراجعة طلبك و ينطبق عليك شروط الابتعاث
تحياتي لكم والله يوفق الجميع

المشاركة الأصلية كتبت بواسطة راشد2004


ياشباب تكفون انا اوراقي اللي مرسلها كاملة
هقوتكم ان فيه امل مادام انهم كاتبين قيد الدراسة لانهم لو ماواوفقوا كان كتبوا لاتنطيق عليك الشروط
وش رايكم؟؟؟؟؟ والله اني على اعصابي

ولا تــحــرمــونــي مــــن دعـــــاكــــــــــــــــم

اخوكم راشد





ولا تــحــرمــونــي مــــن دعـــــاكــــــــــــــــم

اخوكم راشد

أخوي وليف الروح

ايه نعم نفس اليوم :

تم إستلام الطلب
1426/05/07
14/06/2005
المستنمدات المطلوبة كاملة
1426/05/28
05/07/2005
تم مراجعة طلبك و ينطبق عليك شروط الابتعاث
1426/06/08
14/07/2005
تم إعتماد طلبك
1426/06/08
14/07/2005
تم إعتماد طلبك من الوزارة
1426/06/09
15/07/2005
تم إصدار الضمان المالي
1426/06/09
15/07/2005

ياشباب ان جيتو للواقع ترا اغلب هالدنيا ماشيه بالواسطات حتى لو اتبه الشغلات

لكن في موضوع البعثه اللي عن طريق وزارة التعليم العالي فيه كذا وفيه كذا

ناس كثييير جاهم القبول بدون وااسطه فليش مقفلين السالفه وان المساله فقط للواسطات

انت جرب وقدم اوراقك شرط انها كاااامله وان شالله ربي يسهل امورك وتلقا القبول

واللي يقوله الموقع لم يتم اعتماد طلبك له الحق انه يعرف السبب وزي ماقالو الاخون الاخ صالح ال الشيخ

موجود تراه انسان متعاااون وخلوق جدا وبيفيدكم ان شالله

والمساله مسالة صبر فقط ..

ملاحظه : انا طلعلي تم اعتماد طلبك و تم اعتماد طلبك من الوزارة بيوم واحد وبعدها بيوم طلعلي تم اصدار الضمان المالي يعني التغيير يجي مره وحده او ينقطع فتره فعليكم بالصبر

وابي من اللي راسل جامعات ولقا قبول ورجع للوزارة يفيدنا ويقولنا وش الخطوات اللي مر فيها عشان الكل يستفيد
تحياتي المستلج

اخوي فهد انا الي جاني تم إستلام الطلب
1426/05/25
02/07/2005
المستنمدات المطلوبة كاملة
1426/06/06
12/07/2005
تم مراجعة طلبك و ينطبق عليك شروط الابتعاث
1426/06/13
19/07/2005
يمكن بكرة يجيني تم اعتماد طلبك من الوزارة

ان شاء الله احتمال كبير يجيك بكرة الاعتماد .... اذا احتجت شئ راسلني على البريد الخاص

وبالتوفيق اخوي

اللحمد لله اخوي فهد جاني
تم اعتماد طلبك وتم اعتماد
طلبك من الوزارة

8
8
8

خلاص يوم يومين بيطلعلك تم اصدار ضمانك المالي ان شالله

ان شاء الله والله يوفق الجميع

باركولي شباب

تم إستلام الطلب
1426/04/30
07/06/2005


المستنمدات المطلوبة كاملة
1426/06/05
11/07/2005


تم مراجعة طلبك و ينطبق عليك شروط الابتعاث
1426/06/11
17/07/2005


تم إعتماد طلبك
1426/06/14
20/07/2005


تم إعتماد طلبك من الوزارة
1426/06/14
20/07/2005


اقسم بالله اللذ لا اله الا هو انه مادخل بالموضوع اي واسطه

والله العظيم يا شباب انه كل اعتماد على الدعاء والصلاة في الليل

من ترجى الله ما خاب

يااخوان والله انا مساكين

نطامر ورا الواسطات وننسى رب العباد

نصيحة عليكم بالدعاء وابشروا بالخير :107:
ويكفي الواحد منا ان يكون ربه معه على ان تكون واسطات العالم كلها معه



موفقين ان شاء الله :101:

المشاركة الأصلية كتبت بواسطة Dr.FADI


باركولي شباب




اقسم بالله اللذ لا اله الا هو انه مادخل بالموضوع اي واسطه

والله العظيم يا شباب انه كل اعتماد على الدعاء والصلاة في الليل

من ترجى الله ما خاب




مبروك اخوي فادي

ممكن تقولنا كم نسبتك باثانوية والقدرات اذا مافي احراج ؟


وبالتوفيق لك في دراستك :101:

يا جماعه ... المسأله ما تحتاج واسطه

أنت قدم أوراقك كامله وإن شاء الله تتوفق

بالنسبه لي ... أنا قدمت أوراقي وخلال 9 أيام جاني الضمان من دون واسطات

إتكلوا على الله أولاً ...

تحياتي

السلام عليكم
انا خلصت اوراقي مع الوزارة لكن بدون ضمان مالي - ياليت اي واحد منكم طلع الضمان المالي يعلمني من وين اطلعه وش الاوراق المطلوبة للضمان.
وشكرا

اخوي ابو داحم

نسبتي الثانويه 91

والقدرات 73

وخريج سنة 1423

كلام جمبل. والكل لازم يتكل على الله اولا

ياشباب بشرى ساره للي جايبين بالقدرات اقل من 70
لو تلاحطون في هذا الموقع
http://www.mohe.gov.sa/usa/Application.aspx

كاتبين الآتي ..

( يمكن تجاوز معدل أختبار القدرات العامة لمن يتحصل على قبول صريح أو مشروط في إحدي التخصصات المعلن عنها في الجامعات الموصى بها ).

طيب وطلبة الماجستير مدري وش صار معهم

اللي قدم على الماجستير ولهالحين ماجله رد يعني خلاص

المشاركة الأصلية كتبت بواسطة Dr.FADI


اخوي ابو داحم

نسبتي الثانويه 91

والقدرات 73

وخريج سنة 1423




اخوي دكتور فهد بالنسبة للي في الجامعة وقدم على البعثة ياخذون بالمعدل الجامعي ؟ لأتي خريج 1424 ونسبتي أعلى شي بسيط من نسبتك لكن المعدل الجامعي لك عليه وهم اعتمدوا طلبي في البداية لكن قالوا لم يتم اعتماد طلبك من الوزارة
اذاعندك خلفية أو أي أحد لايبخل علينا......

اللي ما جا له رد مدري وشلون وضعه
هل فيه زمن محدد للتقديم
ياليت اللي يعرف يرد علينا

بعد ما تسلم ملفك لهم

تنتظر تقريبا 10 ايام الى 12 يوم كحد اقصى

لكل اللي تسهلت امورهم واخذو ضمان مالي ؟؟ محد فيكم راسل جامعات بامريكا ولا شي ؟؟

ياليت تخبرونا عشان نفيد بعض لاني راسلت جامعه وانتظر ردهم خلال الايام القليله القادمه

تحياتي المستلج

ياشباب :اريد التنبيه الى أمور:
1-ترى شغلت الضمان ماهي إلى خطوة بسيطة في موضوع الابتعاث وهي حق للجميع الكلام على القبول والفيزا وان تكون في الوقت المناسب (يعني ما تتأخر)لا تكبرون الموضوع ترا الضمان مايعني اي شي إلا من عنده نقص في المعدل أو بقية الشروط فهذا بيصير له شغله....وغير ما يحتاج واسطة ولا هم.
2-حاول تتابع معاملتك أول بأول بحضورك شخصيا ...ترا قابلت أكثر من شخص ضاعت ملفاتهم بالكامل مع أنه صادر لهم ضمان ومقدمين بدري....وتأخروا كثير ببسبب الضياع
.3-لا تاخذون موضوع القبول بالسهولة تراه أصعب شي ولا يجيك قبل شهر بأي حال بل شهر ونصف أو شهرين على أحسن حال والجامعة الي بتعطيك قبل كذا تأكد هل هي معتمدة(ترى قالوا لي ناس أن القبول في اسبوعين الى ثلاثة وهذا كلام مو صحيح)
4-الي بيقدم على ماجستير ترىا لشغلة يبي لها تزكيات علمية وشغلات ...حطوه في بالكم

8
8
8

اخوي كلامك صحيح فكرة الضمان المالي ماهي الا خطوه بسيطه وترا من غير هالضمان ماتقدر تلقا قبول بالجامعات بسهوله بس انا اختلف معك بمدة القبول اخوي اعرف اشخاص كثير حصلو على قبول خلال اسبوع واسبوعين ومن جامعات معتمده وموصى بها عن طريق الوزارة ولا الوزارة نفسها هي اللي جايبه لهم هالقبول وصدقني لو تعرف اي شخص هناك بامريكا او تكلم الملحق الثقافي ويصير تعاملك معاهم مباشره بتتسهل امورك اكثر واكثر
السبب الملحق الثقافي هناك ياما جابو قبول لطلاب كثااار وعارفين وش الجامعات تطلب ووش ماتطلب وبعدين لما الجامعه تتعامل مع الملحق يصير فيه ثقه اكثر مع انهاا تتعامل معك انت شخصيا

تحياتي المستلج

طيب أخي المستلج:ممكن تعطيني أحد هذه الجامعات لأن المعلومات الي ذكرتها جدا مثيرة أو على الأقل طريقة التواصل مع الملحق....شاكر ومقدر

الاخوة الاعزاء

السلام عليكم ورحمة الله وبركاته ....

بخصوص ابتعاث وزارة التعليم العالي ...

انا قدمت عليهم من زمان تقريبا من اول شهر جمادى اول ...

وبعدها باسبوع او اسبوعين تقريبا ماني متذكر

جتني منهم الرسالة التالية ...
-----------------------------------------------------------------------------------------------------
السلام عليكم و رحمة الله و بركاته ..
عزيزي المتقدم لطلب الابتعاث إلى الولايات المتحدة الأمريكية نرجو منك الدخول على الرابط التالي لإختيار التخصص الدقيق من واقع التخصصات الموصى بها
http://www.mohe.gov.sa/usa/StudentLogin.aspx
رقم الطلب: *******
:كلمة السر: *******
و ذلك للأهمية و شكراً
للإستفسار الاتصال على 4415555 تحويلة صفر
-----------------------------------------------------------------------------------------------------

ولما دخل لمتابعة الطلب ...

لقيت مكتوب ..... تم استلام الطلب ......فقط

علما بانني مسجل التخصص الدقيق من يوم التقديم --- وموجود في الاستمارة .

فــ وش المعنى ......

======
ولكم خالص التحية والتقدير

أضغط تعديل الطلب وبعدين حدد التخصص والجامعة مرة ثانية

وهذي الرسالة جت لكثير من الطلاب .. واستعجل ترى الوقت تأخر كثير

اخي فهد

بارك الله فيك ...

سويت اللي قلت لي عليه ...

وعسى الله يكتب لنا اللي فيه خير لنا ولامتنا الاسلامية ...

----------

مشكور.

آمين حنا جاهزين باللي نقدر عليه ودعواتك لنا

المشاركة الأصلية كتبت بواسطة yaser123


طيب أخي المستلج:ممكن تعطيني أحد هذه الجامعات لأن المعلومات الي ذكرتها جدا مثيرة أو على الأقل طريقة التواصل مع الملحق....شاكر ومقدر



http://www.sacm.org/newweb/Popularforms.htm

تفضل اخوي هذا الرابط .. وفيه طرق الحصول على قبول عن طؤيق الملحقيه
ومكتوب بالموقع الاوراق المطلوب ارسالها وارقام تلفوناتهم وفاكساتهم وكل شي
وخلك على اتصال معهم اول باول عشان تعرف وش صار على طلبك..

او انك تروح لمقر الوزارة بالرياض وتسال عن مكتب المساعده للحصول على قبول
وتقولهم الجامعه المطلوبه وهم يدخلون على موقعهم من الوزارة ويقولون وش المطلوب

والله يوفق ...

طيب يااخوان اللي قدم على الماجستير ولايقدر يجيب تزكية علمية وش الحل معه
لان معدله طايح في البكالوريوس هل فيه امل يجيله قبول

السلام عليكم

يوم الجمعه الماضي ارسلت اوراقي على البريد الممتاز ...

دخلت اليوم على الموقع


حصلت


الحالة:

تم إستلام الطلب
1426/06/13
19/07/2005




الطلب قيد الدراسة و لديك بعض النواقص
1426/06/20
26/07/2005






وش السالفه ؟؟

اخوي معناها ناقصه اوراقك لازم تراجع اوراقك من الوزاره

اخواني عندي طلب الي حصل على قبول من الجامعه يكتب في الموقع واي جامعه وعن طريق من واي جامعه حتى يستفيدون الطلبه انا قدمت على الدكتور حاتم والى الان لم تصل ويقولون يبي لها شهر هل هذا صحيح ارجو الرد في اقرب وقت

soara66

انت قصدك الملحقيه؟

المشاركة الأصلية كتبت بواسطة المستلج


http://www.sacm.org/newweb/Popularforms.htm

تفضل اخوي هذا الرابط .. وفيه طرق الحصول على قبول عن طؤيق الملحقيه
ومكتوب بالموقع الاوراق المطلوب ارسالها وارقام تلفوناتهم وفاكساتهم وكل شي
وخلك على اتصال معهم اول باول عشان تعرف وش صار على طلبك..

او انك تروح لمقر الوزارة بالرياض وتسال عن مكتب المساعده للحصول على قبول
وتقولهم الجامعه المطلوبه وهم يدخلون على موقعهم من الوزارة ويقولون وش المطلوب

والله يوفق ...



تسلم أخوي المستلج....لكن الملف ما فتح عندي....والصفحة ليس فيها رقم فاكس أو هاتف وإنما عنوان وأنا أحتاج هاتف حتى أشوف هل بيخاطبون الجامعة حشان أرسل الوثائق بdhl أو لا ؟؟؟؟مع العلم أني مقدم على دراسات عليا كما هو مطلوب في الموقع الي أرسلت إلي.....تحياتي

المشاركة الأصلية كتبت بواسطة yaser123


تسلم أخوي المستلج....لكن الملف ما فتح عندي....والصفحة ليس فيها رقم فاكس أو هاتف وإنما عنوان وأنا أحتاج هاتف حتى أشوف هل بيخاطبون الجامعة حشان أرسل الوثائق بdhl أو لا ؟؟؟؟مع العلم أني مقدم على دراسات عليا كما هو مطلوب في الموقع الي أرسلت إلي.....تحياتي



الا اخوي بالموقع فيه اسماء الموظفين للمراسله وفيه عناوينهم وارقامهم وفاكساتهم واللي تبي
حتى كاتبين لك الاوراق المطلوب ارسالها سواء للبكالريوس او الماجستير
ولا تنسى الـ 500 كلمه عن نفسك تراها جدا مهمه

ارسال الاوراق بالـ فيديكس اسهل واسرع وبيكلفك تقريبا 300 ريال

تحياتي