السلام عليكم ..
انا اول مرة بزور باريس ان شاء الله
بروح باريس باذن الله تاريخ 20-12 لين 23-12
او يمكن امدد يوم زياده
اول شي بروح لندن بتم فيها يومين ..
بعدين بطلع من لندن بروح باريس بالقطار ..
و بتم ف باريس 3 ايام و اليوم الرابع برجع لندن
يعني بعد الغدا بطلع من باريس
و انا ما عندي خبره ف باريس ابدا
اهم شي عندي بس اني اروح برج ايفل و ديزني لاند
وين تنصحوني اسكن .. عطوني اسامي فنادق
ابغي فندق ف مكان حيوي .. جريب منه المطاعم
يعني الليله ف حدود الف درهما تقريبا او الف و 200 درهم
و يفضل لو يكون الفندق جريب من محطة المترو
عسب اطلع من الفندق و على طول اروح ديزني
ينفع اسكن ف الشانز؟
انا بوصل باريس من هالمحطه
Gare du Nord International
كيف عقب بقدر اوصل للفندق .. تكسي و لا باص .. ؟؟؟ و لا كيف
اممممممم و وين تنصحوني بعد اسير ف هال3 ايام ..
انا مقرره يوم الوصول .. تقريبا بوصل باريس ع الساعه 10 الصبح تقريبا ان شاء الله .. ابغي هاليوم اروح برج ايفل .. و عقب ماعرف وين اسير ....اقترحوا علي
و ثاني يوم بخصصه يوم كامل لدزني ..
ثالث يوم ما عندي فكرة ماعرف وين اروح ..
افكر ف متحف اللوفر .. ؟ بس بغيت اسأل هالمتحف شو فيه . يستاهل اروح له ؟
و هل الجاليري لافييت جريب منه .
انا اللي معقدني ف الموضوع طريقة التنقل .. كيف بقدر اوصل لهالاماكن اللي ابا اسير لها
سوري ع الاطاله .. آخر سؤال .. اممم بيكفينا الف درهم نصرف يوميا و لا لا .. نصرف ع الاكل و تذاكر الدخول اي مكان ..
و لا المبلغ شويه .. ؟
للعلم نحن شخصين كبار و طفل عمره سنة و نصمواضيع عشوائيه ممكن تكون تعجبك اخترناها لك:
- ابي موقع احجز طيران داخلي من باريس الى فيينا؟؟؟
- كيف السياحة في ليون في شهر سبتمبر ؟؟
- استفسار عن قصر فرساي و متحف اللوفر
- رحلة أوروبية ألمانيا، سويسرا، فرنسا
- استفسار بخصوص الفيزا السويسريه تسمح للدخول اولا لفرنسا
- ساعدوني من ديفون لسويسرا ومن روون لبلجيكا والمانيا
- احسن الايام لزيارة ديزنى
- محتار في السكن بفندقين بباريس ارشدوني جزاكم الله خير
- مسااافر ان شاء الله
- ستراسبورغ
- مسافر لباريس في أغسطس وأتمنى الاجابة عن استفساراتي
- محطة
- احترت بين الشانز واللاديفانس
- ألمساعده في رحله باريس سويسرا ايطاليا
- استفسار بخصوص مدة الإقامة في مدينة نيس وضواحيها
- تفعيل خدمة البلاك بيري في فرنسا
- تعديل المهنة
- قد تكون باريس هي الأمل في الحياة رحلة مريض متفاءل
- السفر بكرا ان شاء الله واخر استفسار
- لاول مرة إلى ديزني
المفضلات