الموضوع: يا شباب الضغط عندي وصل وش الحل

مساء الخير يا شباب

الضط وصل الـ1000ـف والله اني اكتب هالموضوع ويدي ترجف من القهر

بعد انتظار شهر ونص اخترها جاني قبول من جامعه ما اعرف اقى حتى اسمها بالعربي
ويقول المكتب الي جاب لي القبول ان هذي الجامعه من افضل الجامعات ... وقليل الي يروح لها من العرب !! بصراحه اول مره اسمع فيها . وبعد ما شفت موقعها بالخريطه .. حاس ان الولايه ناااااار . يعني غاليه .. .

جامعه اف دي يو ... Fairleigh Dickinson University بمدينه TEANECK بولايه نيووو جيرسييييي


عاد حلووهاا ....؟؟ وشسالفه هالجامعه ..؟؟ سألت امركي .. يقول اول مره يسمع بهالجامعه .. قام يضحك علي ههههههههههههههه

المشكله مو بالجامعه ...ما يهمني موقع الجامعه ....اقدر اغير بعد كم سمستر ....المشكله :

اني كنت طالب قبول هندسه كميائيه ....... والمكتب العزيز جاب لي قبول .. ماده الكيمياااااااااااااء

والمشكله الثانيه /
المشكله الاعوووووص من كذا.. اني رحت موقع الجامعه .. وبحثت ومالقيت هندسه كميائيه من بين التخصصات ابدااا ...

وخاطري اترفس في بطنه ...... الوزاره راح تفتح بعد اسبوع ..وموعدي بالسفاره قرب . وش اسوي ؟؟

ياشباب اقدر اغير التخصص من هناك اذا وصلت ؟؟؟؟؟؟؟؟؟؟؟؟؟؟

مواضيع عشوائيه ممكن تكون تعجبك اخترناها لك:

• جدول مكافآت المبتعثين الجديد
• كم تكلفة الدراسه في معهد
• لمن يعرفون الرد الاكيد أرجو الافادة
• بدي مسااعدتكم شباب وصبايا
• مساعدة في دراستي فس شيكاغو
• الاخ سف وسياحة واي احد عندي علم
• أخبرني ماذا تعرف عن تكساس
• اكمال الدراسة الجامعية عن طريق الانترنت في اشهر الجامعات الانجليزية والامريكية
• ارجو المساعدة من اهل الخير اريد الدراسة ببورمت
• مساعدة ماجستير في امريكا
• معلومات جديدة
• خطأ خطأ موضوع خطير
• دراسة اللغه في بريطانيا
• تكفون انصحوني
• الفزعة يا أخوان لإستفسارات دراسة اللغة لمدة شهور
• طلب مساعده من اصحاب الخبرة
• استفسار حول تعلم اللغه في ويمبلدون
• هل معاهد معترف بها؟ حتى لو ما كانت تابعه لجامعه؟
• الراغبين من الاستفسار من المصدر للبعثات الدراسية لبريطانيا
• وفـــاة أمــير الدموع في بدايــة عيد ميلادة

أنا أقولك تبي رايي غير تخصصك من عندك قبل لاتسافر إذا قدرت عشان ماتنحاس في تغير قبول وتغير تخصص يعني حاول تغيره قد ماتقدر بس إذا ماقدرت يعني انشاء الله تغيره من هناك طبعاَ فيه أوراق تقدمها للملحقيه تعبي ابلكيشن بتغيير التخصص يعني إذا غيرتها من أمريكا راح اتطول معاك الشغله شوي..

والله يعينك..

وعلى العموم ترا نيوجرسي أغلب المدن اللي فيها حلوه بس انا اتوقع انك في مدينه صغيره يعني مدينه جامعية..

تــــحـــيــــاتــــي..،،،

غيره من المكتب وانت شارط عليه قبول هندسه كيميائيه خلاص من حقك وهو غلاطان

وقبول ترا يجي بسبوعين بكثير يعني يمديك تقدم بعد فتحت الوزاره بسبوع لاخفت الزحمه

Las Vegas انا توقعتك من أسمك ما تحتاج مكاتب قبول
عموما بسيطة جدا إن شاء الله

الجامعة هذه الوزارة بنفسها قدمت لي عليها بس ما راجعت عنها واتوقع فيها عرب لا وسعوديين

شوف لك جامعة بسرعة وخليه يساعدك في الكتابة فقط وانت أرسل كل شيء عن طريق فيدكس واستعجل الجامعة بالمراسلة عن طريق البريد الإلكتروني وان شاء الله كلها أسبوع أو 2 بالكثير ويكون قبولك جاهز

تحياتي لك

اخوي هل المكتب وفر لك الضمان المالي ولا انت وفرته ؟

المشاركة الأصلية كتبت بواسطة ابن السعودية


Las Vegas انا توقعتك من أسمك ما تحتاج مكاتب قبول
عموما بسيطة جدا إن شاء الله
الجامعة هذه الوزارة بنفسها قدمت لي عليها بس ما راجعت عنها واتوقع فيها عرب لا وسعوديين
شوف لك جامعة بسرعة وخليه يساعدك في الكتابة فقط وانت أرسل كل شيء عن طريق فيدكس واستعجل الجامعة بالمراسلة عن طريق البريد الإلكتروني وان شاء الله كلها أسبوع أو 2 بالكثير ويكون قبولك جاهز
تحياتي لك



والله يخوي ... انااقدر اجيب القبول بنفسي ..ومن اي جامعه ابغا ,,, وجبته لاكثر من شخص ...

كله طباعه ابليكيشن من النت . وتعبيه وترسله بالطلبات .. وكم قرشين معها ... مو بهم....

المشكله ان ماعندي
ضماااااااااان مالي عشان اراسل فيه الجامعات بنفسي

. ( اخوك يحاول يستخدم الباااااي بااااااص .. اكيد فهمت علي


عشان كذا .. انحديييييييييييت على مكتب .. يجيب قبول على ضمانه المالي الخاص بمبلغ وقدره .......

بس ماهي مشكله .... تهون انشاءالله ... هي اول مره اواجه مشاكل .. باقي على موعدي بالسفاره شهرين ....بس ابي القبول يجي الحين تحسبا للامور الطارئه .احيانا ياخذ 45 يوم.. . الله يستر... ...

الجامعه سيئه


الأهم في الموضوع هي موقع الجامعه، حيث أنها تقع في نيوجيرزي والمشكله التي ستواجهك ان قررت استمرار في الجامعه:

صعوبة ايجاد سكن ( يعني ممكن تنتظربالأشهر لحين توفر سكن جيد "انا اتكلم هنا خارج الجامعه")
الغلاء الفاحش
كآبة المنطقه - اللهم الا قربها من نيويورك -
لا يوجد الا القلييييييييييييييييل جدا من الطلبه السعوديين

المدينه تعتبر مقر سكن لكثير ممن يعمل في نيويورك

انصحك بتغيير الجامعه

يالغالي ممكن تسال لي المكتب اذا ممكن انا احدد لهم جامعة بعينها انا محددها وابيها ,, يجيبون لي قبول بضمانهم المالي طبعاً مع عمولتهم

هل هذا ممكن ولا هم من نفسهم يدورون لي ويختارون ؟

ومشكور وما تقصر

اسمع أخوي las vegas لازم تغير الجامعة لان التخصص الا انت طالبه مو موجود فيها
اختر اي جامعه من الجامعات الا معروفه أحسن لك
تري منت قادر تغير الجامعة الا بواسطة وقلق لذالك دورلك على جامعه من ألحين
اما تخصص كيمياء ترى معبي جامعتنا هنا
آسف على التحطيم

يالغالي ما جاوبت على سؤالي







المشاركة الأصلية كتبت بواسطة خالد191


يالغالي ممكن تسال لي المكتب اذا ممكن انا احدد لهم جامعة بعينها انا محددها وابيها ,, يجيبون لي قبول بضمانهم المالي طبعاً مع عمولتهم
هل هذا ممكن ولا هم من نفسهم يدورون لي ويختارون ؟
ومشكور وما تقصر



واذا ما عندك وقت ممكن ترسل لي رقم المكتب على الخاص ,, الخاصية مفتوحة عندي

واسف على ازعاجك