السلام عليكم ورحمة الله وبركاته
من 3 ايام ردينا من دبي ولله الحمد
كانت الرحلة ممتعة في كل شيء
الإ الفندق السيء الي اخترته للسكن
إبتداءا وصلنا للفندق يوم السبت ساعة 2 الظهر
وهذا التوقيت الرسمي لإستلام الغرف في الفندق
شنو صار؟
غرفتي إلي انا حاجزها مو جاهزه
ساكنها ألماني لا يتكلم الإنجليزي
وبسلامته يبي يمكل اقامته بالفندق!!
شنو كانت الحلول البايخة
نعطيك استديو + إفطار
أو
نحولك لفندق آخر
كان ردي
لا ابي استديو ولا افطار
ولا ابي فندق ثاني
ولا اي شي
الي ابيه فقط حجزي
غرفة + صالة
المراد بعد شد وجذب وصراخ مني
قرروا يعطوني استديو لغاية ما يقنعون الي قاعد بالشقة يطلع منها!!
استلمت الاستديو وكان عبارة عن غرفة 4 في 4 + مطبخ
اي كلام الصراحة
من التعب نمنا وقعدنا على الساعة 7 بالليل
نزلت اللوبي اشوف شنو صار
وانا طالع من الغرفة ولة اشوف الغرفة الي يمي فاضية
جان انزل للاستقبال اسألهم عنهم
جان يقولون انها محجوزة حق عميل ياي قبلي!!
قلت حق الموظفة: شلون جاي قبلي ويحق له يحجز قبلي!!
مو انتوا حاطين هاللوحة واشرت عليها ومكتوب فيها
الدخول ساعة 2
والخروج ساعة 12
المراد
عطوني عطوني الشقة ومع وعد من مدير الاستقبال بالتعويض يوم الخروج
بتأخير الشيك أوت
واستلمنا الشقة
شنو الي صار
ادري طولت عليكم بس تحملوني:
1- النظافة الله بالخير.
2- التكييف ليلتين خربان وما تصلح الا بعد ما اتصلت على دائرة السياحة بدبي واشتكيت على الفندق.
3- الشراشف والاغطية ما بدلوها الا بعد ما تطلب منهم!!
4- السرير اصغر مما هو معلن عنه في مواقع الحجز.
5- الشقة الي استلمتها اقل من الي انا حاجزها ودافع فلوسها.
6- الطامة الكبرى الفندق يسمح بدخول بنات الليل والدعارة!! والله العظيم أنه جدام عيني 3 خليجيين دخلوا بنات روسيات للفندق وكل الي صار طلبوا بطاقاتهم وخلوهم يدشون مع انه معلن عنه انه فندق عوائل!!
7- الوعد بخروج متاخر ما هو الا جذبة منهم الشيك اوت ساعة 2 الظهر حالهم حال اي فندق ثاني!!
8- الحمام ما في اهتمام في تنظيفه والبانيو حدث ولا حرج كله بقع صفرة.
9- سرير الاطفال فرشه قذز.
10- مفتاح الباب لك كرت واحد ومرجع والكرت حده مولي من تكرار الاستخدام.
تبون تعرفون اسم هذا الفندق
اسمه يا طوليين العمر
شقق ونشستر ديلوكس - Winchester Hotel Apartments
عنوانه: بر دبي - شارع الكويت
سؤال ممكن يخطر على بالكم:
ليش تقعد في مثل هالفندق دام كل هالملاحظات عليه؟
الجواب: دبي في الاسبوع الي رحت فيه الشقق فل والمتوفر اسعارها ناررررررررر
للعلم الشقة الي سكنتها كانت رقم 416
وشي ثاني
يمكن يكون هذا تقرير مبسط
وخالي من الصور
والسبب
انه ما يستاهل انشر له صورة
وآسف على الإطالة
هنا توصيه من الادارة بأفضل فنادق دبي 2021
https://www.otlaat.com/best/dubai-hotels/
اللهم هل بلغت اللهم فأشهدمواضيع عشوائيه ممكن تكون تعجبك اخترناها لك:
- ملايين نزيل في منشآت دبي الفندقية
- خدمةسكن سريعة
- وشلون ادخل برج العرب ؟؟؟
- امانه ساعدوني ولاول مره دبي
- ابلٍ مغاتيــــر ويبــــرى لها ســود سوق العين للجمال
- افتتاح نادي مونتي كارلو الشاطئي السعديات في
- مسافر لوحدي الي الامارات
- عيدكم مباركالسفر برا استفسار
- ابحث عن فندف في شارع خالد بن الوليد
- في حفلات بدبي في هالوقت ؟
- بروح دبي اسبوع الياي وودي احد يساعدني
- بطاقة صراف سامبا الزرقاء هل ممكن السحب منها في دبي
- باندورا تفتتح متجراً جديداً في ديرة سيتي سنتر
- راح اوصل دبي بكره ومحتاجة مساعدة
- ستيك إسكيب الان في باي أفينيو دبي
- لخبراء الحجز من موقع
- محل انصح به في ابوظبي
- استفسارات
- زيادة دبي لمدة يومين ارجو التفاعل
- الفزعه يالبى قلوبكم
المفضلات