السلام عليكم
هذا اول تقرير لي بحياتي اكتبه لذا لاتدققون واجد وبالنسبه للصور هي كثيره لكن رددوا ياليل ما اطولك لين اعرف كيف انزلها من الكاميرا للكمبيوتر ورددوا مره ثانيه ياليل ما اطولك لين اعرف انزلها من الكمبيوتر للمنتدى..لكن اسمحوا لي اكتب انطباعي ومشاهداتي حتى ما انساها
السفر كان في يوم 14 جولاي على الخطوط السعوديه من عرعر الى الرياض ومن الرياض الى البحرين..من البحرين الى ابو ظبي عن طريق طيران الاتحاد..وعن طريقه سافرت من ابو ظبي الى شيكاغو..تعب وعذاب
كانت التذكره ب6890 ريال من البحرين الى شيكاغو والعكس.
طيران الاتحاد جميل جدا وذبحونا بالاكل..كل خمس دقائق جايبين لنا الاكل..رئيسها شكله من احفاد حاتم الطائي
بعد وصولي لشيكاغو بحفظ الله ورعياته وقفونا تقريبا ساعتين عند الجمارك والتفتيش..واعجبتني ثقتهم في المسافر..تخيلوا يقول معك كذا وتقول له لا..ويكتفي بكلمة لا !!!
المهم شيكاغو جلست فيها اربع ايام ولا اروع..في فندق فور سيزون الليله ب560 دولار اكسيقتف سويت..
اعجبني جدا متشيقن افينيوا ومترته تمتير واللي يبي يعرف كم بلاطه في الرصيف من تشيز كيك فاكتوري او هنكوك بلدنق او ووتر تاور الين تقول سلام ياسيفورا يبشر بعزه
للأسف مازرت النيفي بير وراح ازوره في المره الجايه ان كتب الله لنا عمر..رحت لكيدزي ستريت شارع العرب وما اعجبني بالمره..سوبر ماركت الخيام ومطعم نسيت اسمه لكن للأسف ما اعجبني الشارع..فيه مطعم يسمونه الحمرا بالاس..كثير مدحوه لي من سواقين التكاسي العرب والمترجمين العرب ولكن مارحت لأنهم يقولون انه اقرب لملهى ليلي منه الى مطعم..فأترك الحكم للي راحوا..
بعد اربع ايام رحت لسان فرانسسكوا..تفاجأت بدرجة الحراره البارده الرايقه..
اعجبتني جدا..اليونيون سكوير والباركنق اللي في النص مابين ميسيز وساكس فيفث افينيو طقيت ميانه فيه مع السيكورتي حقينهم..يعني فلوسي كلها راحت للموقف هذا..اكتشفت بعد اسبوع انو لو اجي في القطار ما ادفع الا 3 دولار
المهم الوناسه..كذلك الشباب اللي يعمولن في تشيز كيك فاكتورياللي في ميسيز طقوا الميانه معي..وتفاجأت ان الواسطه تمشي معاهم..يعني بعد ماعرفوني البيجر حقهم يدق ب5 دقايق بدل 35 دقيقه
سان فرانسسكوا اعجبتني جدا..السكن كان عند اخوي هناك..والسياره لأني ظعيف نسبيا بالانجليزي حاولت احجز جيب ولكن طلعت لي كومارو
بعد 3 اسابيع رجعت للسعوديه بنفس مراحل الذهاب..وياحلوك يالسعوديه
كل الشكر للزميله والاخت المتألقه بنت الصقور على دعمها لي وصبرها على اسألتي اللي مالنصفها داعي
..الامن في امريكا يتجاوز الامن في كل مكان ولم تحصل معي اي مشكله ولله الحمد..
انتظروا الصور..قريبا بأذن الله..مواضيع عشوائيه ممكن تكون تعجبك اخترناها لك:
- السياحة العائلية في امريكا ،
- خبراء اورلاندوا تكفووووووووون لاهنتوا
- بخصوص السكن لو سمحتوا
- سؤال عن تذاكر ديزني لاند ويونفرسال اورلاندو
- أسبوعين أبي مسـآعدتكم تكفون
- الى الاخ امباكت و الاعضاء بخصوص اون لاين تكت و الجواز
- الفيزا تحتاج إلى إجراءات إداريّة، ما المقصد؟
- أسئله حول فيزا الخطيب
- ا يش رايكم بهالشركة
- اه يالقهر
- استشاره اهل الخبره
- أرجو المساعدة لإيجاد سكن في أو
- ياجماعة ابي مساعدتكم ضروري فيزا من السفارة الامريكية بالكويت
- ياخوان أرجو المساعدة
- ما فائدة الجواز الامريكي وفي ماذا ممكن استفيد منة
- عندي رحلة من نيويورك الى شارلوت ترانزيت راح اقعد بس دقيقة تكفي اخاف تروح رحلتي
- فيزا هجرة عن طريق زوجتي
- أي كروز أحسن الكاريبي وإلا ألاسكا
- إش أرخص خطوط جوية للتنقل بين مدن أمريكا؟؟
- استفسار عن جهاز
رد مع اقتباس
)
المشاركة الأصلية كتبت بواسطة abo hia
المفضلات