الموضوع: استفسار عن طريقه اخذ الفلوس معاي

السلام عليكم
انا ان شاءالله رايح امريكا
بس ابي شلون اخذ معاي الفلوس
شنو الطريقه الافضل والاوفر

انا حاط مبالغ السكن والطيارن الداخلي وايجار السياره في فيزا بروحهم
ومبلغ المصروف اليومي في ماستر كارد

ازين اذا ابي اسحب انا اعرف السحب من الفيزا او الماستر كارد ياخوذ فايده وفرق العمله

واخذ معاي كاش شكثر غير الفيزا والماستر كارد
ابي طريقه زينه تكون لي اذا استعمل الفيزا او السحب الكاش

مواضيع عشوائيه ممكن تكون تعجبك اخترناها لك:

• الله يسعدكم ساعدوني
• بخصوص اوراق المقابله
• بغيت اعرف ياجماعه الخير معلومات عن كلرادو
• استفسار عن كيفية تسجيل طلب فيزا سياحية
• بطااااااااااااااااااااااااقة صررررررررررراف
• فورم الجواز الاميركي
• قطارات الموت الخمس الأكثر إثارة ، في الولايات المتحدة
• الاجراءات في مطار شيكاغو
• ماهي أفضل الأسواق في شيكاغـو ؟
• طلب عااااجل جدا واستفسار بخصوص مدينة ديترويت
• كيف أوصل لهالموقع في ماساتشويستس
• سؤال بخصوص فيزة امريكا السياحية
• استفسار بخصوص تاشيره ااوربية و بريطانية من امريكا
• سؤال عن قبول الجامعه والاي تونتي
• موقع
• ارجو المساعدة انا من الاردن
• هل فيه فلل صغيره في لوس انجلوس
• أخواني هل هو صحيح أم لا ؟؟؟ أرجوكم
• سائق بلوس انجلوس
• استفسر بسيط عن مطار شيكاغو لو سمحتوا

من المهم تاخذ معك كاش تصرفة بالتبس ( البخشيش ) ولشراء الاغراض قليلة التكلفة وغيرها , ومقدار المبلغ يعتمد على مدة جلوسك هناك , واذا مدفوع مدة السكن للفندق والسيارة , بقي مبلغ البنزين , وتناول الوجبات والمشتريات ( يعتمد على عدد افراد الاسرة ) , بالتوفيق , , ,

اخوي,
اخذ معك كاش 1000 دولار (يكون افضل اذا كانو ابو 20 دولار الورقه, لأن ورقة الميه دولار صعب تنصرف بالمحلات والمطاعم الصغيره"
وبعدين اذا وصلت على خير, استعمل بطاقة الصراف الآلي atm , تقدر تسحب من اي مكينه, بس لا تسحب مبلغ صغير كل يوم والثاني, اسحب مبلغ يكفيك عدة ايام "مثلا 500 دولار". المكينه تطلع دولارات من ابو 20 الورقه, وبعض المكاين حدهم الأقصى 200 او 250 دولار, بس في بعضهم يعطون لحد 800 دولار, هذا من خبرتي الشخصيه. ولا تدقق على قضية المبلغ البسيط اللي ياخذه البنك مع كل سحبه. انت مسافر, والمسافر يبي اموره تكون سهله ولا تدقق بشغلات بسيطه. اهم شي راحتك وتسهيل امورك بالسفر وانا اخوك.
وبالنسبه للفنادق واجار السياره ومشتريات من المولات, فمثل ماقلت انت, اعتمد على الفيزا والماستر كارد.
وبالسلامه

اخوي انا ما فهمت ايش يعني " كي نت"
انت الحين عندك بطاقة الصراف الألي من البنك حقك, صح؟ استخدمها في خارج البلد مثل ما تستخدمها داخل البلد.
الكاش تحتاجه حق المشتريات الصغيره, من البقالات, السوبرماركت, البنزين, مطاعم سريعه وغيرها من هذي الأمور.
لازم يكون معك كاش دائما.

عزيزي

من رأيي تاخذ معك ثلث ميزانية الصرف كاش !!

للصرف على الاشايء البسيطة والبغشيش والتسالي !!

الصراف الالي يسحب من هناك بس لا تستخدمه مثل بلدك اسحب مبلغ كبير اذا حاب مرة واحدة وخله يكفيك اسبوع مثلاً

لانه بيسحبوا عليك رسوم في كل عملية وتعتمد على البنك وسعر الصرف !!

اتمنى لك التوفيق

اخوي
انا راح اخذ غير السكن 18 الف دولار وراح احطهم في الماستر كارد هذا للصرف غير السكن
والسكن مع الطيران الداخلي وايجار السياره 9 الاف دولا راح اخليهم في فيزا
وراح يكون معاي كاش الف دولار
هذا النقسيم احس فيها غلط او اخلي جزء من 18 الف دولار في حساب البنك العادي عشان السحب بواسطة ال atm
عشان اسحب منها بدل الماستر كارد

شـوف أخوي ..


الأفضل .. تخلي كاش خفيف على حسب عدد الأشخاص إلى معاك يعني 1000 إلى 1500دولار يفضل فئة 50 و 20 .. لان بعض المحلات لا تستعمل الشبكة أو يكون فيها مشكلة ..

أنا 90 ٪ من مشترياتي عن طريق البطاقة فيزا ..

(طبعاً بعض الأحيان تضطر إنك تدفع كاش .. إما المحل ما يقبل أو البطاقة تمسك معاها ما تقبل) ..

لا تنسى تحمل أي بطاقة تثبت هويتك إذا ما كان على الفيزا صورهـ .. مثل رخصة السواقة حتى لو كانت من بلدك ..

السحب عن طريق atm الغالب يأخذ دولارين على كل عملية سحب من الصراف .. طبعاً غير سعر الصرف ..


أنا أحمل دائماً بطاقتين .. بطاقة سعودية (بنك الراجحي ) و بطاقة أمريكية ( بنك أوف أمريكا) .. ،كلها تمشي في أي مكان ..

قسم المبلغ على بطاقتين أفضل .. لو خربت وحدة ما تتورط يكون عندك وحدة ثانية ..



بالتوفيق ..

المشاركة الأصلية كتبت بواسطة lawyer-kwt
http://www.arabtravelersforum.com/tr...5/#post4146805

اخوي
انا راح اخذ غير السكن 18 الف دولار وراح احطهم في الماستر كارد هذا للصرف غير السكن
والسكن مع الطيران الداخلي وايجار السياره 9 الاف دولا راح اخليهم في فيزا
وراح يكون معاي كاش الف دولار
هذا النقسيم احس فيها غلط او اخلي جزء من 18 الف دولار في حساب البنك العادي عشان السحب بواسطة ال atm
عشان اسحب منها بدل الماستر كارد




انتبه الكاش الي حا تاخذه معك لاتخليه فئة واحده او فئات كبيره قسموا 20$ و 100$ ....الخ


بالتوفيق...

خذ 1000 دولار نقد.... بالجيب.... خمـــســـائه خلهم ورقه قئة مائه دولار
ثــــلاثمائه خلهـــــم فئة خمســـــين
والبــــاقي صرفهم بين عشــــرين وعشـــرة وخمســـــــــه ودلار...........
ووقت تصف الورق بالمحفظــــــه.... خل الفراطه الصغيرة بجهــــه والكبيرة بجهه
حتى وقت تحــــاسب مايلتفت لك أحد أو تثير إنتبــــــــاهه الدولارات اللي معك

المشاركة الأصلية كتبت بواسطة lawyer-kwt
http://www.arabtravelersforum.com/tr...5/#post4146604

السلام عليكم
انا ان شاءالله رايح امريكا
بس ابي شلون اخذ معاي الفلوس
شنو الطريقه الافضل والاوفر

انا حاط مبالغ السكن والطيارن الداخلي وايجار السياره في فيزا بروحهم
ومبلغ المصروف اليومي في ماستر كارد

ازين اذا ابي اسحب انا اعرف السحب من الفيزا او الماستر كارد ياخوذ فايده وفرق العمله

واخذ معاي كاش شكثر غير الفيزا والماستر كارد
ابي طريقه زينه تكون لي اذا استعمل الفيزا او السحب الكاش



الامور سهاله ليش محتار الكاش 3000 دولار بس طلع منهم 300 $ للتكاسي والباقي حط لك فيزاء او ماستر كارد مسبقت الدفع ماراح ياخذون منك عمولة علي المشتريات والفندق وتاجير السيارة والمطاعم بس احرص عليها وحط فيها ثلاثة ارباع المبلغ الي معاك بس ماراح تقدر تسحب كاش منها وحط لك بطاقه البنك العادية للضرورة فقط وانسي الفيزا والماستر لانه راح يلعبون فيك قص وعمولة علي فكرة جربها قبل لاتسافر لاتوهق وكلم البنك وتكد من صلاحيتها ومافيها رقم سري بس توقيعك يكون علي ظهر البطاقه واثباتك توريها للبائع عند ماتشتري اي شي وبالسلامه لك وللجميع