الموضوع: جدول رحلة من الكويت الى امريكا

حياك الله اخوي

وين لك نية تروح شرق ولا غرب

لان امريكا كبيرة الله يحفظك يبيلها فوق الشهرين لين ماتخلصها !!

شوف وين اي وجهه تبي تروح لها وإن شاء الله الاخوان ماراح يقصرون معاك ويعطونك المفيد

جزاك الله خير وحياك الله انا ودي اروح الأماكن المشهورة مو شرط اخلصها كلها يمكن ازيد اكثر من شهر والرحلة لوحدي

عليكم السلام

اخوي اذا انت رايح لوحكك انصح بــ

3 ايام نيويورك
4 اورلاندو
3ايام ميامي
11يوم في لوس انجلوس
يومين في سان ديغوووو
3 ايام في سان فرانسسكو
3 ايام في فيقاس
يوم في نيويورك والرجوع للوطن
اخوي حاول انك تقرا التقارير المصوره عشان راح تساعدك انك تحدد الي تبغاه
بالتوفيق ...

اخوي في المستقبل نتمنى انك تضع استفساراتك في البوابة المخصصة لذالك
http://www.arabtravelersforum.com/travelarab176/

بالتوفيق ...

شكرا لك يا ahmad059 ان شاء الله باروح والله يستر

امريكا كبيرة جداً واتمنى ان تحدد ماتريده لكي نعمل لك الجدول المناسب
فهل تحب الطبيعة او المدن الضخمة او الحياة الليلية او غيره ..
بالنسبة لجدول الأخ احمد جميل لكني اقترح الغاء سان دييغو وتقليل يومين من لوس انجلوس
وبالتالي الذهاب إلى شيكاغو الجميلة لمدة 4 ايام
وبالتوفيق لك عزيزي

السلام عليكم جميعا
وشكرا لك يا
عاشق اللوفثانزا
معاك عبدالله الحربي من الكويت العمر 40 الحالة المادية جيدة وبروح لحالي
انا احب كل شي ما عدا حديقة الحيوان والمتحف

هذه خطة جيدة لك
3 ايام في نيويورك
4 ايام شيكاغو
4 ايام اورلاندو
4 ايام ميامي
6 ايام لوس انجلوس
4 ايام لاس فيجاس
يوم بنيويورك ومن ثم العودة
المدن الضخمة التي تتمتع بناطحات السحاب هي نيويورك وشيكاغو
بينما المدن التي تتمتع بحياة ليلية جميلة هي لاس فيجاس وميامي
بالنسبة لسان فرانسيسكو هي مدينة جميلة وفريدة من نوعها
اورلاندو ولوس انجلوس مدن متنوعة وعادة مايذهب إليها العائلات
والناس تختلف بالأذواق
لواني شخصياً سأذهب لمدة شهر بامريكا لقضيتها 5 ايام نيويورك 5 ايام شيكاغو
4 ايام ميامي 4 ايام سان فرانسيسكو 4 ايام سياتل 4 ايام لاس فيجاس
وبالتوفيق لك عزيزي

الى الصديق الجديد والعزيز عاشق اللوفثانزا والاخوة الجدد
الجدول وعرفناه بس ما اثقل عليكم
ابي فندق في كل ولاية
استاجار السيارة
كيف استعمل التلفون هل من الكويت مثل اي فون الجديد او اشتري اي فون من امريكا والخط شلون اخذه من المحلات ولا في مكان معين

بالنسبة للشريحة ، المحلات والكشكات كثيرة بامريكا
وهنالك شركات كثيرة ابرزها T-mobile و AT&T
وبالنسبة لحجز الفنادق إليك هذا الموقع اللي يجمع لك كل الشركات بموقع واحد
http://www.hotelscombined.com/
او بإمكانك تاخذ Package من موقع اكسبيديا بحيث تحجز الطيران الداخي مع الفندق بنفس الوقت
بالنسبة للسيارة
تحتاج إلى سيارة في لوس انجلوس وسان فرانسيسكو واورلاندو وربما ميامي
اما نيويورك ولاس فيجاس وشيكاغو فانك لاتحتاج
وكل التوفيق لك برحلتك

السلام عليكم جميعا
وشكر خااااااااااااااااااااص جدا الى عاشق اللوفثانزا
الحين ما في بخاطري سوال