الموضوع: كندا واللغه

المشاركة الأصلية كتبت بواسطة atf754
http://www.arabtravelersforum.com/tr...1/#post1810531

ياجنرال ممكن تساعدني
انا ابي اروح شهر ونص وودي تشرح لي بالتفصيل اذا سمحت شلون خطوات البداية يعني اول شي اخاطب المعهد
ياليت تشرح لي بالتفصيل خطوة خطوة مع كم تاخذ الخطوة من وقت
ولك مني احلى سلام




شوف اخوى
بسم الله
انت الاول تخاطب معهد اللغة الا تبى تروحلوا وتدفعلوا تقريبا تختلف من معهد لاخر بس250 دولار كندى رسوم تسجيل وهوم ستاى والمعهد راح يبعتلك رسالة القبول على عنوانك


(المدة لو انت تراسلهم من نفسك بدون مكاتب ولا شىء او انك لك احد فى كندا راح تاخد منك حوالى 20 يوم)لاين يوصلك ورقة القبول لان التحويل الفلوس ياخد 15 يوم تقريبا
بس لو انت رحت لمكتب اعتقد المدة تقل بس المكتب راح ياخد منك فلوس ماعرف سعرهم


بعد ماتحصل رسالة القبول حقا المعهد ان شاء الله ووفقك الله تاخدها وتظبط امورك مثل(ضمان مالى واخر شهاة لك- وصور وو) امور السفارة اقصد وتقدمها فى السفارة
تقريبا التاشيرة تاخد 3 اسابيع تقريبااو ازيد او اقل حسب ظروفك غير مدة مراسلة المعهد وتحصيل رسالة القبول منهم
احسبها انت
واتمنالك التوفيق ان شاء الله

شكرا galpgaree2
تصق ان المدة طويلة
برأيك اني الدراسة افضل بكندا ولا نيوزيلاندا لان كندا شغلتها طويلة

مرحبا أخوي


أنا كنت أدرس بمعهد ال VEC


بفانكوفر ... ما أنصحك فيه لأنه أغلب الشباب اللي درسوا فيه حولوا الى معاهد ثانيه ومنهم أنا
والفلوس ( رسوم الدراسه ) بقولون لك أدفع مقدم كامل المبلغ حق الفتره عشان نعمل لك خصم واذا عرفت أنك أنخدعت فيهم وتبي تسترجع باقي الرسوم الدراسيه وتحول لمعهد ثاني يقولون المعذره مانرجع المبلغ المتبقي لأننا عملنا لك خصم بالبدايه ... ونصيحتي سجل بأي معهد من بعد وصولك لكندا لأن السعر من السعوديه أو أي بلد غير كندا يحسبون عليك تكاليف باهظه .. أنا دفعت مقدم حق ستة شهور بمعدل 1250 دولار شهريا من غير السكن .. ويوم عرفت البلد زين لقيت كليه أفضل منه بتكلفة 400 دولار شهري ...


إذا تبي نصيحة أخو أسمعني زين ... تبي تقوي القراءاة والكتابه وتتمرن على اللغه الأكاديميه ( أقصد نظام الجامعات ) أنصحك تروح الى جامعة برتش كولومبيا UBC

أما اذا كنت تبي تطور المحادثه بشكل ملحوظ وسريع لا يفوتك معهد ال( PLI ) بالداون تاون شارع Burrard St يعني اذا أنت جاي لغه عشان البعثه والجامعه أبدأ بجامعة UBC واذا جاي بس كورس لغه لتطوير محادثتك فكما ذكرت لك سابقا معهد ال PLI وبتدعي لي

لاتستعجل وهذا واجبنا نبلغ بعض بالأخطاء الوارده لعدم تكرارها مع الغير

أي استفسار أنا حاضر باللي أقدر عليه

والديره حلوه تبي تنبسط فيها


بس غاليه نوعا ما لأرتفاع نسبة الTax الضريبه

عندك بعد تورونتو مدينه أكبر من فانكوفر وأرخص نسبيا وفيها مطاعم عربيه كثيره

طيب اخي العميد ممكن تقول لكنا عن التكلفة الشهرية ( المعهد والسكن ) بالنسبة لمعهد Pli

هلا أخوي عبودي تشلساوي ترا معهدك في الداون تاون مين قالك إنه ماهو في الداون تاون وهذي الصوره توضح مكان معهدك والشارع إللي هو فيه المعهد

وسوالك الثاني مافهمت قصدك إعذرني

هلا أخوي atf754 الظاهر ماتحتاج إلى إجابتي لأن أخوي galpgaree2 ماقصر

أي سوال ثاني حاااااااضر,,,

المشاركة الأصلية كتبت بواسطة atf754
http://www.arabtravelersforum.com/tr...3/#post1810683

شكرا galpgaree2
تصق ان المدة طويلة
برأيك اني الدراسة افضل بكندا ولا نيوزيلاندا لان كندا شغلتها طويلة



حياك الله يا غالى

والله للامانة مااعرف اخبار عن نيوزيلاندا او سفارتها وكم مدتها بس شوف كندا افضل اكيد


انت بس شوف امورك وقرر ونصيحة منى زود المدة شوية شهر ونص قليلة جدا بسبب السفارة ممكن تقلق حاول تزود شوى.


:101: وبالتوفيق ان شاء الله

معليش الرد متاخر بس سامحنا مشكووووووووووور على الرد اخوي جنرال الله يجعلها في موازين حسناتك.





تحياتي.

طيب كيف التخصصات مثل المحاسبه مثلاً في ايش تنصحووني "للماجستير "

ما أحد عبرني يعني ؟

مشكوووور اخوي الجنراال عـالإجابات وما قصرت ،،
فرحتني والله يوم قلتلي ان مكان المعهد بالداون تاون ..

وبالنسبة للسؤال الثاني اللي مافهمته ،، ان اقصد التأمين الطبي متى يفيدني ؟؟
يعني بس في الحالات الخطرة لا سمح الله يفيد ،، او حتى بالحالات العادية يعني مثلاً يفيدني عند الدخول على الطبيب عشان اكشف كشف عادي

جزاك الله خير



وابشرك طلعت التذاكر

هلا أخوي أبو وليد لا شكر على واجب ماقمنا إلإ بالواجب

هلا أخوي عبودي تشلساوي بالنسبه للتأمين الطبي والله مادري أنا عندي تأمين طبي بس والله مادري متى يفيدني لأني ولله الحمد مارحت للدكتور إلى ألحين ولله الحمد والمنه (وأما بنعمة ربك فحدث) فأعذرني على الإجابه ومبروك التذاكر بس كم كلفتك؟؟؟

وإعذروني على القصور

هلا اخوي الجنرال ..
أولاً // الحمد لله انك ما احتجت للتأمين الطبي ،، وان شاء الله ما تحتاج له ابد يالغالي ..
ثانياً // بالنسبة للتذاكر ،، كلفتني 6000 ريال ..

وترى حتى الان ما بعد حجزت العائلة ،، ان شاء الله بحجزها وفي بالي كم شرط مثل ..
1- يكون سكنهم قريب من الداون تاون ..
2- ماعندهم حيوانات ههههههههههههههههه ..
3- يكونون كنديين أصل

هلا اخوي laith04 على ماعتقد شفت الرد على سوالك في موضوعي الأخر

هلا أخوي عبودي تشلساوي بالنسبه للتذاكر والله سعرها حلو مره أنا كلفتني 6700 بعد ماصرات مشكله بيني وبين المكتب إللي حجزت منه لأن التذاكر كلفتني 6250 ريال ويوم رحت المطار أبغى أسافر قالوا حجزك ملغي الموظف إلى قطعلك التذكره ما أدخل رقم التذكره يعني ما أكد الحجز فصار الحجز ملغي ورحت اليوم الثاني للمكتب وتمشكلت معهم وبعدين قصولي تذاكر جديده وقالو لازم تدفع 800 ريال زياده عشان التذاكر غليت وتمشكلنا ثاني مره لين في الأخير خلوها النص بالنص أنا400 وهم 400 طبعاً أنا ماني راضي بس الوالد قال خلاص بس توكل على الله
وتراني ماقلتلك القصه إلى عشان ماتصير زيي يعني روح المكتب إلى قصيت منه التذكره وقله الحجز مأكد ولا لا

بنسبه لشروطك حلوه مره بس الشرط الثالث ماظنيت تلقى كنديين أصل لأن كل الطلاب إلى في معهدي كلهم عائلات أسيويه والله يمكن تحصل إنت وحظك وكمان لما تشرط إشرط إنه يكون عندهم إنترنت وتكون في السكن لحالك أو واحد معك بس لا تخليهم زي سكني يمكن فيه أربعه و إشرط عليهم إنهم يغسلون ملابسك..

إنشاء الله إستفدت أخوي عبودي وبالتوفيق إنشاء الله وتوصل بالسلامه,,,,

هلا أخوي عبودي تشلساوي بالنسبه للتذاكر والله سعرها حلو مره أنا كلفتني 6700 بعد ماصرات مشكله بيني وبين المكتب إللي حجزت منه لأن التذاكر كلفتني 6250 ريال ويوم رحت المطار أبغى أسافر قالوا حجزك ملغي الموظف إلى قطعلك التذكره ما أدخل رقم التذكره يعني ما أكد الحجز فصار الحجز ملغي ورحت اليوم الثاني للمكتب وتمشكلت معهم وبعدين قصولي تذاكر جديده وقالو لازم تدفع 800 ريال زياده عشان التذاكر غليت وتمشكلنا ثاني مره لين في الأخير خلوها النص بالنص أنا400 وهم 400 طبعاً أنا ماني راضي بس الوالد قال خلاص بس توكل على الله
وتراني ماقلتلك القصه إلى عشان ماتصير زيي يعني روح المكتب إلى قصيت منه التذكره وقله الحجز مأكد ولا لا

بنسبه لشروطك حلوه مره بس الشرط الثالث ماظنيت تلقى كنديين أصل لأن كل الطلاب إلى في معهدي كلهم عائلات أسيويه والله يمكن تحصل إنت وحظك وكمان لما تشرط إشرط إنه يكون عندهم إنترنت وتكون في السكن لحالك أو واحد معك بس لا تخليهم زي سكني يمكن فيه أربعه و إشرط عليهم إنهم يغسلون ملابسك..

إنشاء الله إستفدت أخوي عبودي وبالتوفيق إنشاء الله وتوصل بالسلامه,,,,



اهلين اخوي الجنرال ..
الله يسلمك ،، وبالتوفيق للجميع ان شاء الله ..

بالنسبة للسعر كان مناسب الحمد لله ..
وكلامك سليم بتأكد من الحجز ،، وبصراحة زين انك دبرت عمرك ..
بالنسبة لشروطي ،، بصراحة اتوقع اني بطيح في فلبينيين او كوريين ومن هـالطقة خخخخخخخ

عـالعموم انا حجزت العائلة ،، والمكتب الله ياخذه حاط ان العائلة تكون بدون اطفال ،، وانا بصراحة عادي عندي الأطفال ،، بالعكس احس كوويس كذا .. ورحت له اليوم كلمته وربك يعين وقالي انه حجر ،، بس يمديني اظاهر اغير العائلة قبل ما امشي لـفانكوفر..


ومشكووووور اخوي عـالإجابات على استفساراتي وما قصرت ..

السلام عليكم ورحمة الله وبركاته
مسى الخير اخوي... الجنرال اتش

والحمدلله على السلامة
وان شاء الله تتوفق في هدفك

اخوي ما عليك امر
اريد شوية معلومات ان امكن ولك جزيل الشكر والامتنان...


ان شاء الله اذا الله كتب إلنا عمر احتمال في هالشهرين نسافر كندا وبالضبط الى فانكوفر
وإحتمال بالتوفيق من الله ان نكمل 3 سنوات على الاقل

اريد جميع المعلومات ان امكن عن
Institute of British Columbia justice

وفي اي مكان يقع هذا المعهد و هل معترف عالميا.. ولامانع لدي من وضع صورة من جوجل ايرث ان امكن

وشو اسعار الغرف والشقق...

والسؤال الاهم هل يسمح للخليجيين بشراء الشقق وتملكها وهل توجد ضوابط وقوانين معينة؟؟؟

اخوي تحت السؤال

اكيد تقدر تجيب قبول من جامعه بكندا .. وتدرس طبعا بالبدايه على حسابك الخاص وبعدين تنظم للبعثه

ومن ناحية القبول .. البكلوريس مو قد كدا مشديدين معاه في كندا
بس الماستر جدا صعب ومشديدين عليه مره

ولو تبغا قبول جامعه لا تحاول مع المكاتب لأنها بس راح تاكل فلوسك على الفاضي
وبعدين يجو يقولو لك انو مافي جامعه قبلتك

لكن في اشخاص من داخل كندا نفسها يجيبون ان شاء الله القبول لك
وراح اديك ايميلاتهم تكلمهم شخصيا بس ان شاء الله الإداره ترضى

وبسألك
انت عندك جامعه محدد ولا مدينة محدد

وهل تفرق معاك تدرس بجامعه ولا كليه
لأن الكليه تكون متساهل اكتر



ومافي شي مستحيل
وكل حلم لك تقد تحققو طالما عندك امل
وخلي املك في الله كبير

ان شاء الله اكون افدتك

تحياتي لك

اختك / سابي

هلا أخوي حمد 2008 بالنسبه للمعهد إللي تسأل عنه ماتوقع إنه معهد لغه أتوقع إنه معهد تدريب عسكري وإنقاذ وشرطه وأشياء من هذا القبيل وموقع المعهد هذا هو ويمكن تتأكد بنفسك:- http://www.jibc.bc.ca وهذا عنوانهم في فانكوفر

715McBride Blvd,New Westminster, BC V3L 5T4, Canada
بالنسبه لموقعه هذي صوره من قوقل إيرث تبين موقعه:-



طبعاً الدائره الصفراء الداون تاون والعلامه الحمراء المعهد إللي تسأل عنه
وهذي صوره أقرب


بالنسبه لسوالك هل يستطيع الخليجيين التملك في فانكوفر ولا لا والله مالي علم بالهسوالف إعذرني وإنشاء الله أحد في المنتدى يقدر يساعدك

تحياتي,,,

السلام عليكم أخوي (( جنرال أتش))

رجل معه أربعة اطفال وزوجه يريد دراسة اللغة الانجليزية في فنكوفر لمدة تسعة اشهر من وجهة نظرك تصلح له وإلى لا ؟

فيه حي أسمه رتش مون يقولون ان اغلبه خليجين هل هذا الكلام صحيح ؟

هل لازم يكون عندي تأمين طبي من السعودية وإلى إذا جيت أأمن علي وعلى الاطفال ؟
هل ريت وانت تتمشى في فنكوفر حريم بعباياتهم وهل هو عادي وإلى يصير مضايقات ؟
العفش حقك هل طلبت أستلامه من فنكوفر وإلى استلمته من مطار هثرو ووديه للطيران الكندي للشحن؟
عند وصولك لفنكوفر هل احد استقبلك وإلى اخذت تكسي وكم كلفك ؟
عند انتظار في مطار هثرو هل حسيت أن الوقت طويل وإلى فيه أدوات تسليه تقطع عليك ألوقت ولاحظ أربعة اطفال ؟

ودمتم بصحة وعافية / والله يحفظك ويرعاك

هلا اخوي عبد المتجلي خلنا نبداء نجاوب على سوال سوال





فيه حي أسمه رتش مون يقولون ان اغلبه خليجين هل هذا الكلام صحيح ؟



نعم هذا صحيح وهو حي قريب من المطار ((حسب ما سمعته من كثير من الطلاب الخليجيين هنا يعني مارحت وشفت بعيني))





هل لازم يكون عندي تأمين طبي من السعودية وإلى إذا جيت أأمن علي وعلى الاطفال ؟



لا مو لازم يكون عندك تأمين طبي من السعوديه تقدر تطلع تأمين من كندا






هل ريت وانت تتمشى في فنكوفر حريم بعباياتهم وهل هو عادي وإلى يصير مضايقات ؟



لا والله ماشفت ولا وحده لابسه عبايه بس شفت بعض المحجبات وهل يصير مضايقات ماضنيت كل واحد هنا بعد حاله




العفش حقك هل طلبت أستلامه من فنكوفر وإلى استلمته من مطار هثرو ووديه للطيران الكندي للشحن؟



بالنسبه للعفش تقول لموظف البوردنق في المطار في السعوديه إنك تبغى الشناط في فانكوفر وخلاص ماراح تاخذ الشناط إلى في فانكوفر.




عند وصولك لفنكوفر هل احد استقبلك وإلى اخذت تكسي وكم كلفك ؟



لا والله ماحد إستقبلني على طول طلعت من المطار حصلت تاكسي وعطيته العنوان ومشينا ووداني لحد باب البيت وكلفني تقريبا بحدود 20 دولار كندي.




عند انتظار في مطار هثرو هل حسيت أن الوقت طويل وإلى فيه أدوات تسليه تقطع عليك ألوقت ولاحظ أربعة اطفال ؟



والله بالنسبه لي إنتظرت حوالي 6 ساعات وصراحه ماحسيت بالملل مره يعني بس إنت معاك أطفال ويمكن تنتظر أكثر من 6ساعات يعني يمكن تكون ممله بالنسبه لك وبالنسبه للمكان إلي تنتظر فيه هو مكان جميل فيه كل إللي تبغى من طعام وشراب وتسوق ومحلات العاب يعني يبعون ألعاب ماهو ملاهي أطفال وأماكن لصرف العمله وإنترنت ومنطقه فيه سراير نوم.




رجل معه أربعة اطفال وزوجه يريد دراسة اللغة الانجليزية في فنكوفر لمدة تسعة اشهر من وجهة نظرك تصلح له وإلى لا ؟



والله شف كندا غاليه وفانكوفر غاليه يمكن في مناطق أرخص والله مدري يعني يبغالك مصاريف كثيره والسكن يمكن يكون غالي أنا شخص واحد ساكن مع عائله كلفتني بالسعودي بحدود 18000 ريال سعودي بدون رسوم المعهد وبدون المواصلات وبدون الأشياء الأخرى أما بالنسبه للدراسه حلوه في فانكوفر بس والله مادري في مناطق أفضل ولا لا مادري بكل اسف يعني إن شاء الله أخوانا في المنتدى يفيدونك أسف على إجابتي الغير واضحه على هذا السوال..

وعذرنا ثاني مره على القصور

هلابك اخوي جنرال

ما قصرت والله يجزاك خير الجزاء

اخوي لو ما عليك امر

المكتب اللي تعاملت معه وين موقعه او بالاحري رقم اتصال له
واين يقع في مدينه الرياض

ودي اروح يمهم

وممكن المنتدي مايرضى وضع الاسماء او الموقع او ارقام هواتف المكاتب

اذا ما عليك امر ارسلها على الخاص

شاكر ومقدر ،،،،

وعلى فكره رحت يم مكتب في الرياض على شارع الستين .........

قالي تكاليف الدراسه شهرين بدون التذاكر 15300 ريال

والتذاكر ممكن 6000 ريال

هل الاسعار مناسبه ام لا

هلا أخوي بوح الصمت الظاهر المنتدى ماعنده رسائل خاصه بس يمكن أرسلك المعلومات على الإيميل لو حبيت بس ماعندي إيميلك

هلا أخوي عبودي تشلساوي أول ماتطلع من الطائره تمشي مع الناس الطالعين من الطائره تروح لمنطقه تختيم الجوازات لما توصل عند موظف تختيم الجوازات راح يسألك ليش جاي كندا وهل معاك فلوس كنديه ولا لا وكم المبلغ إللي معاك وفي أي معهد تدرس ولازم توريه ورقه قبول المعهد ولا ترتبك وحاول تحسن لغتك لأني لما وصلت عندها كلمتها وبعدين قالتلي إنت وين تعلمت إنقلش قلتلها في المدرسه في السعوديه وبعد ماتخلص من الموظف بعد ماتطلع من عنده تحصل السيور إلى تنقل الشنطات وخذلك عربيه عشان تشيل الشناط وتراها بلاش وبعدين شف وين السير تبع طائرتك وإنتظر شناطك وخذها وعلى طول تطلع من المطار ولا أحد حولك ماعندك أي مشكله.

بالنسبه للفلوس ياطويل العمر أنا صرفت ألف دولار كندي وثلاث مئة جنيه إسترليني في السعوديه وخلاص ما حتجت أصرف في لندن ولا في فانكوفر بس إذا مابغيت تصرف في السعوديه يمكن تصرف في مطار لندن أو مطار فانكوفر موجودين الصرافين يعني لا تخاف وبالنسبه لمطار لندن ترا ماراح تحتاج غير 50 جنيه إسترليني وكثيره كمان يعني لا تصير زيي وتصرف 300 جنيه إسترليني وتراء 1000 دولار كندي تكفيك في الفتره الاولى يعني بعد ماتوصل كندا بالسلامه اليوم الثاني رح البنك وإفتحلك حساب بس لازم يكون معاك ورقه تعريف من المدرسه إللي تدرس فيها بعد ماتفتح الحساب راح يعطونك بطاقه موقته يعني بعد إسبوع إسبوعين بالكثير راح يرسلون لك بطاقتك الأصليه على البيت إللي إنت ساكن فيه وبعد ماتفتح الحساب حط الفلوس إللي معاك في حسابك ورقم حسابك يمكن تعطيه الوالد أو أي واحد في السعوديه وكل ماحتجت فلوس خله يرسلك على حسابك وخلاص.

بالنسبه للجو ياطويل العمر من أبدع مايكون مطر خفيف وجو ماهو بارد مره يعني على كيفك بس أحيانا ينزل ثلوج ويصير برد

بس تراء البرد في أخره يمكن الشهر الجاي يعني مارس راح يكون الجو أحلى مافي برد مره وشهر أربعه وخمسه وسته مافي برد يعني جب معاك ملابس برد تمشيك شهر ونص تقريبا والباقي ماظنيت راح تحتاج ملابس برد (ماني متأكد جو البلاد هذي ماعرفله لاتقول ورطني الجنرال إتش هذا إللي سمعته من إللي ساكنين في كندا)وتحياتي وتوصل بالسلامه

إنشاء الله وفيت وأي سوال ثاني حاضر,,,,

يعطيك العافية يالجنرال لكن عندي استفسار

شوف يالغالي انا ان شاء الله رايح لتورنتو بعد ثلاث اسابيع تقريبا او اقل ان شاء الله لكن بسالك يالغالي الامجراشين وش اسئلتهم بالضبط يعني وش يسالونك لاني بصراحة رايح بفيزة ستيودنت وماعندي ورقة قبول من معهد ناوي اسجل بنفسي هناك وش السوات ؟؟

السؤال الثاني سلمك الله انا بصراحة ماودي اخذ فلوس كاش كثير بمخباتي فنصيحتك كم اخذ معي في مخباتي يعني الخوف يطلبون منك رسوم او شي ؟؟

السؤال الاخر وليس الاخير كم تقريبا تكلفة الدراسة في المعهد لمدة شهر ؟؟ وأذا بحثت عن سكن خاص يعني مثلا شقة غرفتين أو غرفة كبيرة مع حمام ومطبخ هل اجد وبكم تقريبا ؟؟

ارجو الاجابة بالتفصيل وانتظر باقي الاسالة

المشاركة الأصلية كتبت بواسطة rshoody
http://www.arabtravelersforum.com/tr...1/#post1824241

يعطيك العافية يالجنرال لكن عندي استفسار

شوف يالغالي انا ان شاء الله رايح لتورنتو بعد ثلاث اسابيع تقريبا او اقل ان شاء الله لكن بسالك يالغالي الامجراشين وش اسئلتهم بالضبط يعني وش يسالونك لاني بصراحة رايح بفيزة ستيودنت وماعندي ورقة قبول من معهد ناوي اسجل بنفسي هناك وش السوات ؟؟



اخي الكريم رشودي

ما عندك ورقة قبول لا من معهد ولا جامعة هناك اجل كيف طلعت لك فيزة ستيودنت (فيزة طالب)؟؟؟؟ :114:

ممكن لو سمحت توضح

يسلم حبيب بيبو على الرد السريع

شوف يالغالي انا متفق مع مكتب يطلع لي فقط الفيزا فأكيد صاحب المكتب جايب ورقة قبول معهد وباقي الاوراق المهم طلعت الفيزا وخذيت الجواز ونسيت عنده ورقة القبول للمعهد مع العلم ان الفيزه طالعه لي من اكثر من اربع شهور المشكلة ياطويل العمر انا لاقي حجز لي بمبلغ مناسب وماودي اروح للمكتب واحرج نفسي قدامه لانه بيقولي احجز عندنا خاصة ان الرجال ماقصر معي فهمتني ؟
لهذا السبب اقول وش الحل لو اكلم زميلي اللي بيسافر بعد يومين يجيب لي ورقة قبول يقدر او لا ؟ وكم يأخذون ؟
واذا ماقدر الله يعين .

أرجو الرد على باقي اسئلتي ايضا ولكم الشكر

المشاركة الأصلية كتبت بواسطة rshoody
http://www.arabtravelersforum.com/tr...8/#post1824298

يسلم حبيب بيبو على الرد السريع

شوف يالغالي انا متفق مع مكتب يطلع لي فقط الفيزا فأكيد صاحب المكتب جايب ورقة قبول معهد وباقي الاوراق المهم طلعت الفيزا وخذيت الجواز ونسيت عنده ورقة القبول للمعهد مع العلم ان الفيزه طالعه لي من اكثر من اربع شهور المشكلة ياطويل العمر انا لاقي حجز لي بمبلغ مناسب وماودي اروح للمكتب واحرج نفسي قدامه لانه بيقولي احجز عندنا خاصة ان الرجال ماقصر معي فهمتني ؟
لهذا السبب اقول وش الحل لو اكلم زميلي اللي بيسافر بعد يومين يجيب لي ورقة قبول يقدر او لا ؟ وكم يأخذون ؟
واذا ماقدر الله يعين .

أرجو الرد على باقي اسئلتي ايضا ولكم الشكر



نصيحتي لك اخي الكريم انك تاخذ معك ورقة القبول لأنهم هناك راح يسألوك عنها

وبالنسبة انك تجيب ورقة قبول بدل فاقد راسل المعهد او الجامعة واح يرسلو لك غيرها :24:

وتحياتي لك و لصاحب الموضوع اخوي الكريم جنرال H :101:

السؤال الثاني سلمك الله انا بصراحة ماودي اخذ فلوس كاش كثير بمخباتي فنصيحتك كم اخذ معي في مخباتي يعني الخوف يطلبون منك رسوم او شي ؟؟

السؤال الاخر وليس الاخير كم تقريبا تكلفة الدراسة في المعهد لمدة شهر ؟؟ وأذا بحثت عن سكن خاص يعني مثلا شقة غرفتين أو غرفة كبيرة مع حمام ومطبخ هل اجد وبكم تقريبا ؟؟

ارجو الاجابة بالتفصيل وانتظر باقي الاسالة

هلا أخوي rshoody لا يالغالي مانت بنشبه ومستعد لأي سوال بس إسال وماعليك

بالنسبه للسوال الأول خلاص ماتحتاج جواب مشرفنا BeeBoo ماقصر

والله أخوي بالنسبه للفلوس في المطار ماراح ياخذون منك ولا دولار واحد وإذا في أحد راح يستقبلك في المطار ماراح تحتاج فلوس للتاكسي يعني إذا بتروح وتفتح حساب اليوم الثاني والوالد أو أي واحد راح يرسلك على حسابك يعني يمكن تحتاج 250 إلى 300 وراح تكفي وزياده

بالنسبه لتكلفه المعهد والله تختلف من معهد إلى أخر إذا كنت حاط في راسك معهد من قبل إدخل على موقع المعهد وتشوف كم تكلف في الشهر أو عطني إسم المعهد وأنا اشوف لك كم تكلف
وبالنسبه للسكن في تورنتو والله ماعرف شي عنه أعذرني

ومنتظر أسالتك الباقيه.....

المشاركة الأصلية كتبت بواسطة THE GENERAL H
http://www.arabtravelersforum.com/tr...6/#post1816366




هلا أخوي حمد 2008 بالنسبه للمعهد إللي تسأل عنه
ماتوقع إنه معهد لغه أتوقع إنه
معهد تدريب عسكري وإنقاذ وشرطه وأشياء من هذا القبيل
وموقع المعهد هذا هو ويمكن تتأكد بنفسك:-

http://www.jibc.bc.ca وهذا عنوانهم في فانكوفر

715McBride Blvd,New Westminster, BC V3L 5T4, Canada
بالنسبه لموقعه هذي صوره من قوقل إيرث تبين موقعه:-



طبعاً الدائره الصفراء الداون تاون والعلامه الحمراء المعهد إللي تسأل عنه
وهذي صوره أقرب


بالنسبه لسوالك هل يستطيع الخليجيين التملك في فانكوفر ولا لا
والله مالي علم بالهسوالف إعذرني وإنشاء الله أحد في المنتدى يقدر يساعدك

تحياتي,,,



مشكور اخوي العزيز/THE GENERAL H
على المعلومات القيمة وصحيح كما ذكرت
انهJustice Institute of British Columbia
معهد تدريب عسكري وإنقاذ وشرطه
وليس معهد لغة....



اخويTHE GENERAL H
شو نصايحك لي من.... (( الألف )) لل...... (( الياء ))

لانه بإذن الله تعالى في أواخر شهر 3 بنسافر إلى كــــــــــنــدا لمدة 3 سنوات

وخطة الدراسة حاليا...
اول سنة دراسة اللغة الانجليزية والسكن مع عائلة
وثاني وثالث سنة دراسة تخصصية في مجال العمل Justice Institute of British Columbia


شو نصايحك...
هل دراسة اللغة الانجليزية صعبة لمن مستواه صفر............................................... ..؟
هل الشهادة معترفة دوليا من معهدJustice Institute of British Columbia...................؟
هل يوجد مطاعم وحلاقين عرب في منطقة هذا المعهد و هل توجد صالات حديد ورياضة.....؟
ما الملابس التي تفضلها في كندا في فانكوفر... الجنزات ولا ملابس الرياضة والسبورت......؟
ايهما تفضل شراء الملابس والمستلزمات من كندا ولا من الامارات................................؟

السموحة غثيتك بالاسئلة
ولكن هاي اول مرة اسافر فيها للدراسة وبمدة طويلة جدا ........
وارجو منك النص بأي شئ يخطر في بالك


بإنتظار اجوبتك... وكل الشكر ولامتنان لك

هلا فيك اخوي الجنرال ..
وش دعوووة يالغالي يكفيني مساعدتك وماقصرت والله






وبعدين شف وين السير تبع طائرتك



طيب كيف اعرف السير اللي فيه شنطتي ؟؟
يعني مكتوب عنده رقم رحلتي اللي من السعودية لـلندن ،، او اللي من لندن لـفانكوفر ؟؟ او كيف اعرف ؟؟؟







يمكن تصرف في مطار لندن أو مطار فانكوفر موجودين الصرافين يعني لا تخاف



هنا بصراحة مبتلش اخوي ..
يعني انا يمكن ما اصرف من السعودية ابد .. يعني بطلع من السعودية ما معي لا دولار كندي ولا جنيه استرليني ..
اذا وصلت للندن كيف اسحب الجنيهات الاسترلينية ؟؟
يعني من مكاين الصراف ،، ولا محلات فيها صرافين هم اللي يصرفون لي بعد ما اعطيهم بطاقتي او كيف ؟؟.؟؟
وهل نفس الكلام ينطبق على فانكوفر اذا وصلت هناك او لا ؟؟


=====================
وبعدين انا معاي بطاقة صراف الراجحي الدولية وبحط فيها الفلوس من هنا قبل ما اسافر لـفانكوفر ،، ويمكن ما افتح حساب ابد في فانكوفر ،، سؤالي الحين لو انا بـوسط فانكوفر واروح لـمكاين الصراف اقدر اسحب دولارات كندية من مكاين الصراف ،، ولا لازم اروح للبنوك او محلات الصرافة واخليهم يحولون الريالات السعودية الا دولارات كندية ؟؟؟


واّســـــــــــــــــــــــف جــــــــــــــداً اخوي الجنرال شكلي اشغلتك بـكثرة اسئلتي ..

اخي الكريم بوح الصمت





اخوي المشكله انو الموقع مقفل كل شي حتى الايميل حطيته في الملف الشخصي مارضى يطلع



واخي الكريم جنرال H





هلا أخوي والله مادري وش سالفه الموقع عنوان المكتب ورقم التلفون كل مره يمسحونه ماعلينا



السلام عليكم ورحمة الله وبركاته

اخواني الكرام :101:

موقع منتدى العرب المسافرون له شروط للتسجيل والكتابه فيه

لذلك اخواني الكرام اتمنى منكم زيارة هذا الرابط وقرآءة الشروط جيدآ

هذا الرابط
http://www.arabtravelersforum.com/announcement121-45/

والرجاء التركيز على هذه الشروط جيدآ

[ يمنع منعا باتا نشر ووضع الإيميل أو أرقام الهاتف الشخصية سواء داخل المشاركات أو على الصور ]

[ يمنع منعا باتا الدعاية للمكاتب السياحية والأفراد بشكل مباشر أو غير مباشر ]


متمنيآ من الجميع التعاون

:24:

وتمنياتي لكم بالتوفيق

اخوكم BeeBoo

هلا أخوي BeeBoo
والله أسف مادريت إنه ممنوع إلى منك
واســـــــــــــف مره ثانيه

أخوي عبودي سألت واحد من الشباب هنا في فانكوفر يقول شف البطاقه إللي معاك من ورا فيه علامه مستركارد وفيزا ولا لا إذا كان فيها تقدر تصرف من أي صراف في الشارع يحمل نفس العلامه لأنه هو معاه بطاقه ساب من السعوديه ويصرف هنا بس ياخذون منك فرق العمله بس
وإنشاء الله موفق

اخوي الجنرال

ماعندي معهد معين بس ما شاءالله المعاهد الكويسه كثيرر وبصراحه تعبت اختار فيهم

سوالي اخوي بشكل عام كم تكلف الدراسه شهرين

يعني المعهد الكويس تدرسيه وما يكون في عرب


وشاكرلك رحابه صدرك

والله يجزااااااك الفردوس الاعلي

هلا أخوي بوح الصمت
تقريبا الدراسه تكلفك مع السكن والتأمين الطبي 18500 ريال(تقريباً)طبعا هذا بدون التذاكر وبدون بدون المصاريف وبدون النقل
بعدين أخوي الصراحه والله شهرين أشوفها ماتكفي لدراسه اللغه الإنجليزيه
على العموم الله يوفقك حبيبي,,,,

الله يجزاك ألف خير اخوي الجنرال عـالخدمة ،،
والحمد لله ما بقا الا القليل عـالسفر ،، وكل الأمور جاهزة ولله الحمد ..
وما قصرت معاي اخوي ،، والله يجزاك خير ..

وعندي استفسار شاغل بالي شووي ،، انت ما تذكر كم قالوا وزن الشناط المسموح فيه بـرحلتك لـفانكوفر ..؟؟؟

جزيت خيراً

هلا عبودي والله الشناط ياطويل العمر ماحد قالي شي عليها لأني حاسب حسابي من السعوديه حاط شنطتين كل وحده أقل من 23كيلو ومعاي شنطه في يدي يعني ماواجهت أي مشكله بس مادري إذا تقدر تأخذ أكثر من شنطتين ولا لا وكم الوزن فلذلك إعذرني

على العموم توصل بالسلامه إن شاء الله وتتوفق في ماتسعى إليه وتقبل تحياتي
أخوك الجنرال إتش,,,,,

الله يجزاك خير اخوي الجنرال عـالرد السريع ..
وحبيت اعلمك ان عائلتي تسكن في شمال فانكوفر ،، بس مشكلتها بعيدة شووي عن الداون تاون ،، مسافة 30 دقيقة تقريباً ..
وهم 3 أنفار وعندهم حيوانات

هلا أخوي عبودي شف حبيبي
أول شي عطني إسم معهدك وعنوان بيتك بالضبط عشان في فانكوفر عشان أشرحلك بالتفصيل وبالصور
لاكن هذا شرح مبسط:-
إنت ساكن في شمال فانكوفر إنت ماعندك سكاي ترين يعني قطار
إنت لازم تركب باص إلى السي باص يعني إلى الباص البحري زي القارب تركبه إلى الداون تاون أوكي بعدين تركب باص ثاني إلى أقرب محطه من معهدك أوووو تركب القطار إلى أقرب محطه من معهدك وتكمل المشوار رجليه زيي وزي كل الطلاب.
وعندك حل ثاني إنك تركب الباص من شمال فانكوفر إلى الداون تاون.
وبعدين لاتخاف إنت أول ماتوصل فانكوفر العائله إللي إنت ساكن معها لازم تعلمك كيف تروح المعهد يعني لالالالاتخاف سهل الأمور مررررره
لاتنسى عطني بس إسم معهدك وأنا أشوفلك بالضبط وش تركب أوكي

مشكوووور اخوي الجنرال عـالإجابة ..

وشوف هذا عنوان معهدي ( Alberni campus , 1080 Alberni Street ) ..
وطبعاً العائلة حقتي تسكن في شمال فانكوفر ..
كيف بالضبط أوصله ؟؟؟

وثانياً هل فيه بطاقة شهرية للباصات ،، يعني خلاص اشتريها واركب الباص بواسطتها لـمدة شهر كامل بدال ما اقعد ادفع كل شووي تذكرة باص ؟؟
وهل نفس الكلام ينطبق بالقطارات ،، يعني لهم بطاقة شهرية ؟؟

جزاك الله خير

ياهلا ومرحبا فيك اخوي الجنرال

انا صراحة ودي اسالك سؤال

واحد من اصدقائي عطاني هذا المعهد Canadian College of English Language CCEL

وهذا رابط الموقع http://www.canada-english.com/arabic...sh-course.html

وانا ودي اعرف من مصداقية هذا المعهد يعني اسجل ودادفع لهم الرسوم عن طريق النت وكل شئ يصير تماام

وكم بتكلفني هاذي السفرية لمجة شهر ونص او شهرين؟

هلا اخوي عبودي لو سمحت عنوان بيتك في فانكوفر عشان أعطيك بالتفصيل وبالصور وش تركب وين تروح
بالنسبه لركوب الباص أو القطار أو السي باص شف حبيبي في بطايق تطلع كل شهر فيه 1زون و2زون و3 زون بالنسبه لك تشتري 2زون عشان إنت ساكن في شمال فانكوفر البطاقه هذي تقدر تركب أي شي باص قطار سي باص أي شي بس لا تشتريها إلى بدايه كل شهر يعني لو تشتريها في نص الشهر ماراح تستفيد منها إلى 15 يوم لانه كل شهر تطلع بطاقه جديده مكتوب عليها الشهر.....

هلا أخوي دحوم والله أخوي بالنسبه للمعهد عشان أكون معاك صريح والله مادري عنه لاكن إللي سمعته من الطلاب إنك إذا تبغى تدرس روح vcc أو UBC هم أفضل معهدين في فانكوفر
بالنسبه لتكلفه الدراسه راح تكلفك 12000(تقريبا)لمده 8 أسابيع طبعاًً رسوم المعهد والسكن بس يعني بدون التذاكر وبدون التأمين الطبي وبدون المصاريف الشخصيه أما بالنسبه تدفعلهم المبلغ كامل ولا لا أخوي أدفع رسوم التسجيل في المعهد فقط يعني يمكن 120دولار عشان يعطونك ورقه قبول في المعهد عشان تقدر تطلع الفيزا يعني لا تدفع المبلغ كامل في السعوديه إذا وصلت فانكوفر عطهم حق شهر واحد بس عشان تتأكد يمكن مايعجبك المعهد وتبغى تغيره.... وأخوي ثاني مره أقول,
لك و لغيرك لالالالالاتدفع كامل المبلغ لاي معهد إدفع شهر واحد بس عشان إذا ماعجبك المعهد تقدر تغيره لاكن إذا دفعت كامل المبلغ ماتقدر تسترجع المبلغ هذي هي مشكله جميع الطلاب هنا
وأقولك ترى مده شهران لاتكفي لدراسه اللغه....!!!

الله يعطيك الف عافية اخوي الجنرال وماتقصر والله

بس انت قلت بتكلفني 12000 مع السكن السكن هل هو مع العائلة او سكن الجامعة

ثاني شئ اذا ماعليك امر تعطيني روابط المعاهد الي فوق قلتلي عليهم والله تسوي فيني خير

لاني ناوي ان شاء الله بعد 4 شهور وبظبط كل شئ من اللحين

ولا اقولك هذا ايميلي وياليت تظيفني ونظقظق شوي بهذا الموضوع ########

دحوووم

المشاركة الأصلية كتبت بواسطة Da7oOoM
http://www.arabtravelersforum.com/tr...4/#post1835064

الله يعطيك الف عافية اخوي الجنرال وماتقصر والله
بس انت قلت بتكلفني 12000 مع السكن السكن هل هو مع العائلة او سكن الجامعة
ثاني شئ اذا ماعليك امر تعطيني روابط المعاهد الي فوق قلتلي عليهم والله تسوي فيني خير
لاني ناوي ان شاء الله بعد 4 شهور وبظبط كل شئ من اللحين
ولا اقولك هذا ايميلي وياليت تظيفني ونظقظق شوي بهذا الموضوع ########
دحوووم









المشاركة الأصلية كتبت بواسطة THE GENERAL H
http://www.arabtravelersforum.com/tr...7/#post1835467

هلا أخوي دحوم
بالنسبه للسكن مع العائله
بالنسبه للروابط المعاهد هذي هي:-
http://www.study.vcc.ca
http://www.eli.ubc.ca
وبالتوفيق حبيبي وأسف ماقدر أطقطق معاك عشان فارق التوقيت للأسف يعني عندك 9 في الليل عندي 10 في النهار وتعرف عندي معهد وأســـــف ثاني مره وإذا تبغى إيميلي #####
وأي إستفسار حاضر,,,,,



[لقد تم حذف الإيميل ويمنع وضع الإيميلات الخاصة]

لقد تم التحذير سابقآ وهذا ثاني تحذير الآن وشكرآ على تفهمكم :101:

أســــــــــــــــــف

المشاركة الأصلية كتبت بواسطة THE GENERAL H
http://www.arabtravelersforum.com/tr...3/#post1835603

أســــــــــــــــــف



هذا الامر تكرر مرتين فمتى ما تكرر اعذرنا على اتخاذ الاجراء من الادارة

وهو ايقاف العضوية لتخطي القوانين

لذلك نأمل من الجميع التعاون

اخوكم BeeBoo

هلا أخوي BeeBoo
أخوي ترى هذي أول مره أحط فيها الإيميل
وإنت تقول الأمر تكرر مرتين
على العموم أســــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ف وأوعدك لن يتكرر

المشاركة الأصلية كتبت بواسطة THE GENERAL H
http://www.arabtravelersforum.com/tr...7/#post1836187

هلا أخوي BeeBoo
أخوي ترى هذي أول مره أحط فيها الإيميل
وإنت تقول الأمر تكرر مرتين
على العموم أســــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ف وأوعدك لن يتكرر



اخوي الكريم THE GENERAL H

نعم هذه اول مرة تضع فيها الإيميل الشخصي ولكن تكرر الأمر بالتحذير لكم مرتين

التحذير الأول وكان تنبيه لكم وبعدها اعتذرت بمشاركة وقلت انه لا علم لديك بقوانين المنتدى

وبعدها بكم مشاركة كتب Da7oOoM ايميله وخالف الأنظمه وانت تجاوبت معه وكتبت ايميلك

لذلك احبائي ارجو عدم التجاوب مع الأعضاء في طلبات الأرقام والإيميلات الخاصة

حتى لا تتعرضو للإيقاف متمنيآ من الجميع التعاون

اخوكم BeeBoo

الله يعطيك العافية اخوي الجنرال وماتقصر والله

واسف اذا كنت مخالف لقوانين المنتدى اخوي Bee Boo

واسف مرة ثانية

مرحبتين اخوي الجنرال ،، المعذرة على التأخير في الرد ،، لأني بصراحة كنت مشغول شوي هـالأيام وحوووسة السفر لاعبة فيني لعب ..

عـالعموم يالغالي هذا عنوان العائلة حقتي :
4753Woodrow Crescent , North Vancouver , V7K 3A6

وهذا عنوان المعهد حقي :
Alberni campus , 1080 Alberni Street

وعندي استفسار اّخر :
انت اشتريت شنطة المعهد ( اللي تحط فيها الكتب واللاب توب ) من السعودية ولا كندا ،، لأني محتار من وين اشتريها


والله يجزاك كل خير اخوي على تجاوبك

صبحكم الله بالخير
يعطيك العافيه اخوي جنرال والله انك ماقصرت
اخوي جنرال انا جايك بعد اسبوعين
نفس المعهد اللي انت فيه

هلا أخوي عبودي تشلساوي
أخوي إعذرني حاولت أجيب لك الطريق إللي تمشيه لاكن مافي فايده حاولت وحاولت بس مالقيت شي أنا قبل ماجي فانكوفر دخلت موقع قوقل خرائط وحطيت عنوان البيت إللي أنا ساكن فيه وحطيت عنوان المعهد وطلع لي الطريق إلي أمشيه ووين أرحوح وش أركب وين أنزل وكم المده لاكن حولت مع عنوانك لاكن ماحصلت للأسف لاتخاف أصلا العائله إللي إنت ساكن معها لازم توريك وش تركب من باصات وقطارات وسي باص وإعــــــــــــــذرني ثاني مره أما بالنسبه للشنطه أنا شريتها من الرياض بس يوم دخلت المعهد أعطوني وحده مجاناً بس مادري عن معهدك,,,,

هلا أخوي عبدالله
توصل بالسلامه إنشاء الله وحياك في فـــــــانكوفر

الله يسلمك ويعافيك جنرال
اخوي BeeBoo
وش فايده ردي اذا كان ناقص انا ترا ماغلطت بشي ولا طلبت ايمله يحطه هنا انا قلت اذا ممكن يرسله رساله خاصه
يعني اشوف ماله داعي تختصر ردي يعني بالله ردي وش المغزى منه اذا كان كذا
بس انا حبيت اتعرف عالرجال لأني لاحقه والراي رايه اذا مايبي ولا اذا يبي اعتقد انا ما خالفت شروط المنتدى
يعطيك العافيه اخوي BeeBoo واتمنى يرتقي المنتدى للأفضل يعني اي احد يبي يستفيد تخلونه يستفيد مهب كذا



ودمتم بود...

هلا أخوي دحوم

ياخوي لاتقول الكلام هذا أنا ماكتبت الموضوع إلى لمساعدكم,,,

نعم أخوي تكون مجهز أسم المعهد وهم يسجلوك ويسون لك كل شي يروحون السفاره ويطلعون لك الفيزا وإنت ماتسوي شي غير تعبي الأوراق وبس ويمكن تروح المكاتب وتسألهم وش عندهم معاهد.
أما بالنسبه للنسبه المفروض إنه مايخذ ولا ريال وأغلب المكاتب كذا لأنه ياخذ نسبه من المعهد إللي سجلت فيه وراح تدرس فيه فاهم علي.
أما بالنسبه للمعهد إللي أنا أدرس فيه هو vec ورابط الموقع هذا هو:-
http://www.vec.ca/arabic/1/

أخوي إذا تبغى معاهد صح خذلك vcc أو UBC صراحه هم أفضل معهدين في فانكوفر على كلام جميع الطلاب هنا..

على العموم أي سوال ترى حاضرين,,,

مع التحيه,,,,

السلام عليكم ورحمه الله وبركاته بغيت اسئلك اخوي المعهد كم يكلف و التيرم هل هو شهر او شهرين او ثلاثه

هلا أخوي عبدالله هدي أعصابك ياخوي:112: بس عندي إقتراح

مشرفنا الغالي ليش ماتحطون رسائل خاصه ياخوي عشان نستفيد ويكون المنتدى
كااااامل لأن صراحه المنتدى من أبدع مايكون إلى في الرسائل الخاصه على العموم هذا إقتراح
ويعطيك العافيه...

أخوي عبدالله أي شىء إسال ولا يردك شي وأنا في الخدمه ومستعد ويعطيك العافيه,,,,

هلا أخوي عمر بالنسبه للمعهد يكلف ياطويل العمر والسلامه:-

البرنامج المكثف
من يوم الأثنين الى يوم الخميس,3-6 ساعات يوميا (26 ساعة في الأسبوع)

275 دولار كندي(1-11 أسبوع) / الأسبوع 255 دولار كندي(12-23 أسبوع) / الأسبوع 225 دولار كندي(24-32 أسبوع) / الأسبوع 210 دولار كندي ( 33+ أسبوع)

طبعا الأسعار تختلف من معهد إلى أخر

أما بالنسبه للترم يعني المستوى الواحد مدته شهر 4 أسابيع,,,,

أي سوال ثاني حــــــــــــــــــــــــــــــــاضر,,,,:36_1_39:

يعطيك العافيه اخوي BeeBoo
معليش والله ماتوقعت ان منتدى زي هذا مافيه رسايل خاصه لأني ما اعرفلها
بس كان المفروض تخلي ردي زي ماهو وتقولي ان مافيه رسايل خاصه
لأن لو ادري ان مافيه رسايل خاصه ماطلبته يحط ايميله برساله خاصه يعني ما اعتقد اني بصير عبيط
عالعموم ماقصرت ويعطيك الف عافيه
واخوي جنرال مشكور ولاهنت يالغالي ماتقصر

مرحبتين اخوي الجنرال ،، مشكوووور يالغلا على ردكـ
وما فيه مشكلة ان شاء الله العائلة يعلموني كيف اروح للمعهد ..


والشنطة اللي سألتكـ عنها (حقت المعهد اللي احط فيها الكتب والمحمول ) اتوقع راح اشتريها من كندا ،، بصراحة احترت فيها ولكن قلت خلاص يمكن من كندا أفضل ..

وعندي استفسار بسيط ،، انا رحلتي من الرياض الى لندن ومن لندن الى فانكوفر ،، اذا وصلت مطار هيثرو ،، بيسوون لنا تفتيش وخرابيط قبل ما نركب الطيارة اللي تودينا لفانكوفر ،، ولا التفتيش اللي كان بالسعودية بـمطار الملك خالد يكفي ..



على فكرة اخوي ،، انت متى تطلع من المعهد ،، الساعة 12 الظهر

هلا والله عبودي
بالنسبه للعفش إللي في الطائره الشحن يعني مارح يفتشونه إلى في الرياض بعدين ماراح تشوفه إلى في كندا أما بالنسبه للشنطه إللي تشيلها معاك داخل الطائره لما توصل لندن وقبل ماتدخل صاله الإنتظار راح تحصل طوابير وقف مع واحد منها وحط الشنطه في السير وحط جوالك و الجاكيت إللي لابسه ولازم تفصخ الجزمه وإنت وإللي يقرون بكرامه وتحطها في السير وتمشي إذا طلع صوت راح يفتشونك زيي أنا أول ماعديت السير صفر الجهاز قلت بس راحت عليك يالجنرال خلانا ننادي الجنود بس قلت هدي أعصابك وجاء واحد وقال هلو سير قلت هلو أني بروبلم قال نو جوست وان منت بليز وفتشني مالقا شي قالي سوري سير قلت نو بروبلم وأخذت شنطتي وجزمتي وجاكتي ومشيت وبس... على فكره بالنسبه للشنطه نصيحه إشترها من الرياض عشان الأسعار هنا مره نـــــــــــــــــااااااااار
أما بالنسبه للدوام أنا دوامي من الساعه 9-4 يعني مكثف زي كل الطلاب هنا عندنا من الساعه 12 إلى 1 بريك للغداء وبعدين نكمل اما بالنسبه لك على مأظن إن دوامك بس في الصباح والله شف تقدر تروح تتغدى وبعدين تتمشى في الداون تاون بس ماتوقع راح تقعد الفتره كلها على هذا الحال إلى إذا كان معاك أصحاب تروح تتمشى معهم بس نصيحه خذلك دوام مكثف عشان ماتشعر بالملل وعشان تستفيد على العموم يعطيك العافيه,,,,

توصـــــــــــــــــل بالسلامه,,,,
تــــــحياتــــــــــي,,,,

حيا الله اخوي الجنرال

الجنرال بسالك اللحين المكاتب الي تظبطلي اوضاع الفيزة والمعهد والسكن

وشلون اتعامل معها عندك رقم تلفون لها او وين مكانها بالرياض او اي شئ يخليني اتواصل معهم؟

جزاك الله خير

يعطيكـ ألــف عافية اخوي الجنرال ..
طيب اخر استفسار قبل ما امشي لـكندا ..

اذا وصلت لـمطار هيثرو ،، انا عندي الترانزيت تقريباً 6 ساعات ،، متى اتجهز عشان اركب الطيارة اللي توديني لـفانكوفر ،، يعني اروح لـصالة الانتظار وابدا التجهيزات بـشكل عام .. يعني قبل الإقلاع بـساعتين ،، أو اقل أو اكثر ؟؟
لأني بصراحة خايف ان الرحلة اللي توديني لـفانكوفر تفوتني


ومن ناحية الشنطة خلاص بشتريها من هنا ..

والله يجزاك خير اخوي وما قصرت معاي ،، وتعبتك معاي بـكثرة الاستفسارات ..

يا الجنرال مشكور وما قصرت والله لا يحرمك الاجر موضوعك يستاهل التثبيت


يعجبني فيك جدك وجتهادك




همسة في اذن المشرف الكريم beeboo اتمنى اتمنى من اعماق قلبي ان يكون في المنتدى رسائل خاصة او طريقة اخرى يستطيع الاعضاء عن طريقة التواصل اقصد برايفت