بسم الله الرحمن الرحيم حبيت اليوم اشارك معاكم واعطيكم معلومات انشالله اقدر افيدكم فيها عن رحلتي مع العايلة الى امريكا الي كانت في تاريخ 12-5-2012
اولا: كانت الرحلة على طيران اليونايتد والمغادرة كانت في تاريخ 12-5-2012
في تمام الساعه 12:30 ليلا وصلا الى واشنطن في تمام الساعه 6:35 صباحا بتوقيت واشنطن
كانت اجرآت السفر في مطار واشنطن جدا سهله ، فترة الترانزيت كانت 1:35 ومن ثم المغادرة الى اورلاندو مطار ( mco) تقريبا الساعه 8:35.
استاجرت سياره من ( DOLLAR RENT CAR) في المطار كانت السيارة جيب رانجلر اربع بيبان واحنا عدد افراد العايلة كان 4 (3كبار و1طفل عمره 4 سنوات) .
السيارة: كان اجارها باليوم 80 دولار +فول انشورنس +اكسبرس باس
السكن كان في استار ايلاند ريسورت في شارع الكيسيمي ( STAR ISLAND RESORT AND CLUB IN KISSIMME ,FLORIDA )
يتكون السكن من غرفتين وصالتين وحماميين ،الغرفه الرئيسية يكون الجاكوزي يم السرير ، الغرفة الثانيه فيها صاله ومطبخ ،انتو بكرامه حمام وتك،ن سريرين كنج زايز ، مدة الاقامه كانت (26) ي،م الليلة طلعت علي (35) دينار كويتي . طريقة الحجز كانت عن طريق الموقع نفسه للفندق طبعا اهو شقه بس اهم يسمونه (VALLAS) ،
اول ما وصلنا تقريبا كانت الساعه 11ونص صباحا طبعا شاور علا السريع وطلعنا على طول
اول يوم كان في فلوريدا مول ، والصراحه كان وايد عجيب وكبير حيل (THE FLORIDA MALL) وعنونه ( 8001 SOUTH ORANGE BLOSSOM TRAIL ORLANDO,FLORIDA,23809)
اول ما وصلت المجمع شريت خط (T-MOBIL) مع انترنت مده شهر تقريبا طلع 50 دولار ولا انصح فيه لان النت وايد بطيئ الي افضل منه T&T وايد افضل منه
الموقع الرسمي للمجع على شان تتعرفون عليه اكثر (http://WWW.SIMON.COM/MALL) واذا ماطلع معاكم دشو قوقل وكتو فلوريدا مول ، بعد ما خلصنا من المجع والتسوق رحنا الول مارت نجيل ماجله حق البيت طبعا هـا يعتبر نفس مركز سلطان والسوبرماركت الكبار كل شي فيه حتى الملابس
وراح تلقونه في كل مكان متروس ( WALMART.COM) هم تقدرون تدش،ن عليه وتشوفون تتعرفون عليه اكثر، بعد ما شريت الماجله منه وانا طالع ولا يلفت انتباهي مطعم اسمه القدس قريب حيل من الول مارت رحت اشوف شنو عنده ولا اكل عربي وفي بقاله عربيه وشريت منه باجي احتياجاتي ، بعد مارجعنا الفندق وتعشينا سويت جدول الرحله واشلون نقسم الايام
الصبح الساعه 9 رحت الاستقبال واستفسرت عن تذاكر الدزني لاند وكل سكن تلقون سكشن يبيع التـذاكر ويسون عروض وخصومات وحجزت حق 3 حدايق وراح اعطيكم تفاصيلها ، موقعهم الرسمي ( walt disney world resort) من خلال الموقع راح تتعرف،ن على تفاصيل كل حديقه ومميزاتها والعابها واسعار التذاكر وساعات العمل ، طبعا الحدايق اهم كلالاتي :-
- theme parks :-
1- magic kingdom
2- epcot
3- disny's hollywood studios
4- disny's animal kingdom
- water park :-
1- disny's blizzard beach
2 - disny's typhoon lagoon
عن نفسي انا حجزت 3 حدايق عطوني الرابعه ببلاش
اخترت من الثيم بارك 3 اهم ( ماجيك كنج دوم ودزني هاليود ستيديو و انيمال منج دوم الرابعه الماجنيه اخترت دزني تاي لجون اهي مدينه مائيه
سعرهم طلع علي كلهم لمده 3 ايام +الرابعه تقريبا 272 دينار شامل جميع الالعاب وطبعا اختيارك انت اي يوم تبي تروح مو شرط يوم معين المهم نك تروح اي يوم خلال 14 يوم مدة التذكره 14 يوم اي يوم تروح كيفك عادي
انا خليت يوم حديقه ويوم سوق او تمشي يعني كل واحد شنو يبي يرتب جدوله
اليوم الاول حق الحدايق رحنا الماجيك كنج دوم وكانت خياليه جدا والعابها وايد حلوه ، يستحسن تروحون امبجر يعني بالكثير 11 الصبح انتو موجودين
ملاحظه :-
- جميع الالعاب يكون فترة الانتظار فيها تقريبا 40 دقيقه في العاب 20 في العاب سريعه يمكن تنطر 5 دقايق لانسبه للالعاب الي تطول في طريقه اسمها الفاست باس كل لعبه يمها جهاز تحط التذكره ويعطيك وقت تيي حق اللعبه وتدخل من غير ما توقف بالدور المده كلها وايد ممتازه الحركه على ما يجي دورك تكون انت لاعب لعبه ثانيه
طبعا طول اليوم طول ما انت في الحديقه راح تلاقي عروض وشخصيات يعني كبار وصغار راح يستمتعون وايد وايد واخر اليوم يسون عروض العاب ناريه خياليه جدا جدا لا تفوتونها نصيحه
اليوم الثاني خليته تسوق وتمشي ورحت منطقه اسمها تامبا ( tampa) المنطقه هذه وايد حلوه وتبعد عن السكن الي انا فيه 199 كيلو حركت الساعه 10 الصبح وهناك رحنا مجمع اسمه انترناشيونال بلازا مول ، وايد حلو وكبير وفي قعده بره خياليه فيها مطاعم وكافيهات وكل المطاعم المشهوره في امريكا ومن احبها على قلبي جيس كيك فاكتوري ،
اليوم الثالث كان بعد حق منطقه تامبا ورحنا حديقه اسمها بوش قاردن وايد حلوه وخياليه والعابها وايد حلوه ( bush garden)
اليوم الرابع خصصتا حق التسوق في الاوت لت وكانو وايد حقيقه الي يبي اساميهم واي استفسارات عنهم راح اكتبهم لكم انشالله
المطاعم الي اكتشفتها هناك كانت وايد حلوه منها المطعم التركي انتوني ( anatonlia) وطبعا نفس الحكايه تدخولون موقع المطعم وتكدرون تشوفون قائمه الطعام طبعا ذبح اسلامي واكله جدا جدا رائع وسعره بالنسبه لي كان معقول وعنوانه ( 7600 doctor philips boulevard #108 orlando , flprida .tel# (407)352-6766
مطعم سيدار لبناني (cedars restaurant ) عنوانه ( 7732 w sand lake rd , orlando, fl 32819-5114) رقم التلفون ( 407-351-6000) ويكون قريب من المطعم التركي نفس الشي المنطقه هذه في وايد مطاعم ووايد القعده فيها حلوها وفيها كافيهات يعني وايد انصح فيها تروحون تقعدون فيها بالليل يعني علر الساعه 8 خلك هناك والجو العام وايد حلو
مطعم احمد الهندي للي يحبون العيوش والاكل الهندي اكله حلو وايد ونظيف وفي يمه بقاله هنديه فيها كل شي والي ماسكينها مسلمين وفيها كل شي
وفي مطعم في الكيسيمي ستريت اسمه انديان رسترنت هم اكله ،ايد حلو .
وفي بعد حديقتين رحت لهم اهم اليونيفرسال هذول عاد شي خيالي ووااااااااااايد حلوين
نفس الشي رحت امبجر بس حجزت التذاكر من السكن بس سويت شي واحد لما وصلت الحديقه اني سويت اب قريد حق تذاكر الدخول يسمونه فاست باس انك ماتنطر بالدور تدخل اللعبه على طول
وفيها ستي ولك ، السيتي هذه فيها مطاهم وكافيهات وسينما وبحيره كبيره حلوه ويسون مسابقات وعروض ترفيهيه وايد حلوه
طبعا اهم حديقتين كل وحده يكون لها يوم على شان تخلص كل الالعاب الي فيها
وموقعهم ( universalorlando.com ) طبعا تدخل الموقع وتتعرف على الحديقه بشكل عام
الاماكن السياحيه فيها وايد
من ضمنها شارع اسمه الانتر ناشينال درايف هذا شارع كبير فيه كل شي حتى مدينه ملاهي مطاعم محلات كل شي بخاطرك تلقاه
السكن :-
السكن طبعا كثير وفي الفلل وفي الفنادق وفي الشقق انت وختيارك طبعا شنو تبي وشنو الي يناسبك
طبعا الريزورت اهو يكون نفس المنتجع اما البارك فلل اهو مكان يكون فيه فلل الفلل من 3 غرف نوم الى 7 غرف نوم ، الي يميز الفلل انهم يكونون برايفت سويمنج بول ( حمام سباحه برايفت ) والديكور والفلا اساسا وايد رايقه انا خذيت فره كامله عليهم وشفت الاسعار طبعا الفلل فيها سيكيورتي ومحد يدخل السكن لان فيه بوابه وفيه داخل بعد سيكيورتي يعني امان ولا تحاتون شي واي استفسار عن الفلل واماكنهم انا حاظر
انشالله قدرت افيدكم في بعض المعلومات المتواضعه عن اورلاندو
،اي استفسارات عن السكن عن الاماكن الترفيهيه واي ستفسار عام عن اورلاندو والاماكن المحيطه فيها انا حاظر وبالشوفه واذا تبون ارتب لكم جداول الرحلات او اي شي هم انا حاظر وباسعار ممتازه وانشالله ما اقصر معاكم
اخوكم بوغاليه
مواضيع عشوائيه ممكن تكون تعجبك اخترناها لك:
- تايه متى ابدا بالاجراءت ساعدوني لوجه الله
- اخوي قدم عالسفاره الامريكيه اليومتكفون الي عنده حل
- ممكن معلومات عن ولاية اوريجن اذا سمحتو
- أخ ايش المشورة ؟؟؟؟
- ممكن مناطق حلوة للسياحة قريبة من لوس انجلوس
- الفزعة يالربع
- ماهو افضل فندق لديزني لاند اورلاندو وبعض الاسئلة الاخرى
- بخصوص تسديد رسوم الفيزا من الوزاره اليوم رحت للوزاره تعالوا أقول لكم
- هل في جامعات تعادل دراستي في كليه الاتصالات بجده
- استفسار مهم جدا ارجوا من الجميع الدخول
- ابي احسن طريقه للسياحه بامريكا
- ابي مساعدتكم بخصوص الفيزا الامريكيه
- ساعدونى يا شباب وصلنى الايميل ده ضروري
- استفشار عن الترفيه في اورلاندو
- استفسار
- مقررين نروح امريكا نيويورك كاليفورنا ونيفادا فلوريدا
- اسعار الشقق في دنفر
- هل تتطلب الفيزة السياحية لأمريكا مقابلة لي ولزوجتي؟
- سؤال
- استفسار عن الامن والامان في امريكا
رد مع اقتباس
فقط
المشاركة الأصلية كتبت بواسطة شكبم
المفضلات