تسلم ابو سعود على هالتقرير الاكثر من رائع ممتع شامل و غني بالمعلومات الجديدة
من بعد التقرير قررت استخدم البطاقة و عندي بعض الاستفسارات بخصوصها
انا حاولت احجز التذكرة عن طريق النت وما طلب مني تحديد تاريخ او يوم محدد ليش وكيف يتم الحجز ؟
التذكرة اذا دفعت قيمتها عن طريق النت مثل ما تفضلت ما تقدر تطبع التكت وتستخدمه ؟ وليش اضطريت انك تروح تستلمها هناك ؟
وهل اذا استلمتها صلاحيتها تبدأ من وقت الاستلام ، أم من بداية استخدامها ، ام يجب علي أن احدد تاريخ اليوم للبداية والنهاية عند الاستلام ؟لأني حسب برنامجي افكر اشتريها وأستفيد من بعض مزاياها اول يوم واستخدمها ثاني يوم يعني اول يوم في برنامجنا بيكون الآوت لت وابغى احصل عليها من اول يوم لأن احد مميزات البطاقة هي كوبونات vip وخصومات في الآوت لت .
هل بمجرد استفادتي من الخصومات يعتبر تفعيل للبطاقة ؟ لأني ببدأ برنامج الجولات بالبطاقة ثاني يوم ولمدة 3 ايام ؟
ثم ما هي فكرة فود اون فوت وهل له اوقات او ايام محددة لأني حاولت ابحث عنه وما وجدت جواب شافي
وفيما يخص الأحياء مثل -SoHo-*Little Italy-*Chinatown Walking Tour - و- Greenwich Village Walking Tour - هل يجب علي حجز يوم بعينه ام احضر في اي وقت وابرز البطاقة واطلع الباص فقط؟
البطاقة احس انها رائعه وممتعة لكن احس للحين ما فهمتها مظبوط فيما يخص اللي لي واللي علي
الف شكر على هالإبداع
أخي الكريم أبوسعود أود تسجيل شكري وامتناني لتقريرك الرائع الي استفدت منه في رحلة عائلية تونا رادين قبل يومين في نيويورك ثم ميامي وأورلاندو
استفدت كثيرا من النصائح في تقريرك وخاصة عند الوصول مطار كنيدي وبطاقة نيويورك باس وزيارة مكتب فيزيت أولاندو الي اشتريت منه جميع تذاكر الحدائق الترفيهية عند الوصول
شكرا لك جزيلا على جميع النصائح المفيدة الي وفرت علينا الكثير من الجهد والوقت
تسلم ابو سعود
ابشرك تم حجز 3 ايام بالباص
انا سفرتي ان شاء الله 28/1 قريب من توقيت سفرتكم يعني في عز البرد الله يستر بس
يقولون 9 حالات وفاة بسبب هالعواصف الثلجية اللي ضربت نيويورك
سفرتي مدتها 5 ليالي
الوصول الساعة 7 صباحا وأول يوم ناوي امر الآوتلت (اليوم كامل) وأبدأ افعل البطاقة الايام 2-3-4
واليوم الاخير رحلتي الساعة 7 مساء
عاد بغيت ارتب افضل برنامج بالثلاثة ايام وشكلي بختار الاماكن اللي انت رحتلها واللي كان ودك تروحلها مثل ما ذكرت لأن شكلها نقوة وهي اشهر ما فيك يانيويورك
هذي الاماكن اللي ذكرتها لنا بنهاية تقريرك:
1- Circle Line Sightseeing Cruise
2- 9/11 Tribute Center
3- Food On Foot NYC Tour
4- NBC Studio Tour Tickets
5- Hop-on Hop-off Water Taxi Cruise
6- Metropolitan Museum of Art
7- Intrepid Sea, Air & Space Museum
8- Top of the Rock
9- Harry Potter: The Exhibit
10- Statue of Liberty
12- FDNY Fire Zone
لكن بودي لو ذكرت لنا أماكنها واوقات زيارتها ونبذة مختصرة عن مايميزها يعني مثل Circle Line Sightseeing Cruise هل هي نفس العبارة ونفس الرحلة ومن نفس المكان للرحلة اللي تاخذك لزيارة Statue of Liberty او لا ؟
يا حبذا لو توضح مثل هذي الاموروجزاك الله كل خير
المشاركة الأصلية كتبت بواسطة Travel2014
http://www.arabtravelersforum.com/tr...8/#post8159328
أخي الكريم أبوسعود أود تسجيل شكري وامتناني لتقريرك الرائع الي استفدت منه في رحلة عائلية تونا رادين قبل يومين في نيويورك ثم ميامي وأورلاندو
استفدت كثيرا من النصائح في تقريرك وخاصة عند الوصول مطار كنيدي وبطاقة نيويورك باس وزيارة مكتب فيزيت أولاندو الي اشتريت منه جميع تذاكر الحدائق الترفيهية عند الوصول
شكرا لك جزيلا على جميع النصائح المفيدة الي وفرت علينا الكثير من الجهد والوقت
أخي انا ايضا أود تسجيل شكري لك على متابعتك للتقرير ومشاركتك وكلامك الجميل
والحمد الله على سلامتكم
والحمد الله ايضا ان رحلتكم كانت موفقة وانك استفدت من التقرير للتخطيط لرحلتك
وأتمنى لو تتحفنا بتقريرك عن الرحلة لكي نسترجع أحلى الذكريات في أمريكا
مع خااااااالص التحية
السلام عليكم
اعجبني تقريرك جدا
وسجلت بالمنتدى بسببك
عموما انا بروح مع زوجتى ان شاءالله في مارس
ولاحظت بتقريرك انها عائلية وخاصة للاطفال
انا رايح عمل في اورلاندو بعدها بزور نييورك
عملي ينتهي بنهاية النهار يعني طلعاتي باليل
وش الامكان الحلوه دون الاطفال في اورنلادو؟
سيارة الاجار هل ياخذون اكثر اذا متوفر فيها gps?
في نييورك هل فيه مشكلة لزوجه وهي بعباتها ونقابها؟
وشكرا على المعلومات القيمة في الموضوع
المشاركة الأصلية كتبت بواسطة alfars2014
http://www.arabtravelersforum.com/tr...8/#post8167458
السلام عليكم
اعجبني تقريرك جدا
وسجلت بالمنتدى بسببك
عموما انا بروح مع زوجتى ان شاءالله في مارس
ولاحظت بتقريرك انها عائلية وخاصة للاطفال
انا رايح عمل في اورلاندو بعدها بزور نييورك
عملي ينتهي بنهاية النهار يعني طلعاتي باليل
وش الامكان الحلوه دون الاطفال في اورنلادو؟
سيارة الاجار هل ياخذون اكثر اذا متوفر فيها gps?
في نييورك هل فيه مشكلة لزوجه وهي بعباتها ونقابها؟
وشكرا على المعلومات القيمة في الموضوع
وعليكم السلام
اهلا عزيزي الفارس
اشكرك على مرورك وعلى مشاركتك الرائعة بالتقرير
بالنسبة لاستفساراتك :
اورلاندو مدينة عائلية تكثر فيها الملاهي والالعاب للأطفال لكن هذا لا يمنع مشاركت الكبار لهم
في وايد أماكن ممكن تدخلونها انت وزوجتك بدون أطفال ، منها على سبيل المثال لا الحصر
1- السيرك العالمي
2- مدينة السي وورلد
3- آي فلاي أو الطيران الحر
4- مدينة اليونيفيرسال ستوديوز
5- الديزني داون تاون
6- البيت المقلوب أو الووندر وورك
7- في رحلة تكون بين المستنقعات لمشاهدة التماسيح باستخدام الزوارق السريعه أو الزوارق ذات المراوح الكبيره لكن ما رحت لها وكان ودي اروح لها
8- رحلة بطائرة الهليكوبتر
9- في بشارع الانترناشونال درايف متحف التايتانيك ومتحف جسم الانسان ومتحف csi لكن ما دخلت لهم لأني اتوقع انهم للكبار افضل
10- في منطقة كيسيمي توجد حلبة سباق خارجية للكبار
طبعا هذا بخلاف المجمعات والاوت لت والتسوق والمطاعم والكافيهات الموجودة بكثرة هناك
بالنسبة للسيارة ، نعم ياخذون أكثر إذا متوفر فيها gps لذلك انا افضل انك تشتري جهاز جي بي اس خاص فيك وسعره رخيص من هناك أقل من 90 دولار وتستخدمه بكل مكان سواء بأمريكا أو غيرها من الدول
أما بالنسبة لنيويورك ، فلا يوجد أي مشاكل نهاااااااااائيا مع الحجاب والمسلمين ، لكن طبعا ينصح انك ما تتأخر بالخروج ليلا !!
والعفو عزيزي والشكر لك على مرورك
المشاركة الأصلية كتبت بواسطة HSN70009
http://www.arabtravelersforum.com/tr...8/#post8166488
الله يحفظ الشباب ويبلغك فيهم
يا حلو نظامك وتخطيطك وشرحك لكل الخطوات
فعلا تعيش القارئ الرحلة
الله يحفظكم
وجزاك الله خير
يالمبدع الغالي
الله يسلمك ياخوي على دعواتك هذي
والله يرزقك الذرية الصالحية ان شاء الله
وان شاء الله بعد شهر العسل تعطينا أحلى التقارير عن سفرتك
مع خالص التحية
المشاركة الأصلية كتبت بواسطة سوسو الصغيرة
http://www.arabtravelersforum.com/tr...3/#post8160673
ما شاء الله
على كثر ما التقرير حلو و الاحداث اللى صارت حسيت عمري هناك
صح رد متأخر لاني كل اقرأ فيه و اعيده كمن مره
عجبني الــ Wall Mart اي شي يخطر ببالك تلاقيه ... شو رايك تفتح فرع بالكويت و فرع في دبي
جاري التخطيط لامريكا ظمن الخطة المستقبلية
يعطيك العافية
هلا أختي ام سلطان
أشكرج على مرورج لأكثر من مره على التقرير
يارب يكون عاجبكم وتستفيدون منه
أما وول مارت .... ماشاء الله دبي الغالية فيها أحلى من وول مارت
عشان جذي بفتح له فرع بالكويت فقط
يعطيك العافية بوسعود صراحة بدعت بالتقريروماكان ودي ينتهي للاسف خلص كان ممتع وشيق وكفيت ووفيت وصراحة من شفت تقريرك وانا حدي متشوق صج اني بروح بالصيف والصيف وايد حر بس الحر كنت انساه بعد خروجي من اي شو او لعبة وصراحة ماشالله سعر التذاكر وايد حلو اانا حجزت للصيف بسعر وايد اغلى من سعرك واحنا خمسة بس وانشالله تروح مرة ثانية وتكتب تقرير احلى واطول
بالمناسبةفي تقريرك دائما تبحث عن المطاعم الحلال
حصلت موقع من احد المشاركاات ولا اعلم جودة ومصداقيه هذا الموقع
http://www.zabihah.com
مشاءالله مشاءالله كلمه روووووووعه شوي وتسلم هالانامل الذهبيه ولد ديرتي والله يحفظ لك العيال من كل عين وشر ياااااارب والله يوفقك ويسعدك انت وام سعوووود ولبى قلبه يويو عسل والتقرير لاااااازم يتثبت بصراحه يعتبر كمرجع حق اورلاندو وانا احب اقرى تقاريرك رووووعه لكن الصور ماتطلع عندي كلش بس من غيرت طريقتك برفع الصور من اخر صور نيويورك استمتعت بالتقرير حتى عيالي شافوووه وقالوا يمه نبي نرووووح مع انهم رايحين من قبل لندن وشايفين الثلج بس يبون اورلاندو هالمره وتقريرك عن جزيره سانتوزا ماطلعت عندي ولا صووووره كنت بوديهم هالصيفيه من بعد بانكوك وبوكيت نروح سانتوزا وهونغ كونغ وكوانزو بس ماطلعوا عندي
الحين بدوخك معاي ياخوي اذا ابي ارووح تقريبا نفس رحلتكم وهم يبون الثلج بس مابي بوقت كل شي مصكر ودي بكريسمس ابي تواريخ حلوه وانا بالسفر يوم الروحه والرده ما احسبه ضمن المده وحتى التنقل طيران داخلي ما احسبه لانه معاي عيالي 10 سنوات و6 وسنتين وعطني شكثر اقعد بنيويورك واورلاندو ابيهم يسناتسوون وطبعا اكيد برجع نيويورك حق رجعه الكويت بس شرايك اقسم ايامها ثلاث ايام قبل اورلاندو وثلاثه بعدها من الموبايل
المشاركة الأصلية كتبت بواسطة xal3noodx
http://www.arabtravelersforum.com/tr...0/#post8192080
كنت ابي اسألك عن بطاقات فاست باس
هل نقدر نستخدمها لكذا لعبه او بس للعبه واحده ؟؟؟؟
وكم مسموحه الافراد يستخدمونها ؟؟ يعني ينفع العايله تستخدمها ؟؟؟
هلا اختي
في نوعين من البطاقات
نوع يستخدم لكل لعبة مره وحده فقط لا غير وهذا سعره ارخص
والنوع الثاني يستخدم لعدد غير محدود ، يعني تقدرون تتستخدمونه لنفس اللعبة أكثر من مره وطبعا هذا سعره اغلى بكثير من النوع الأول
أما عن عدد الأفراد فهو شخص واحد فقط
يعني لكل شخص تشترون بطاقة وحده
وماينفع العائلة تستخدم بطاقة وحده !!
لازم كل شخص يكون عنده بطاقة عشان يقدر يلعب
تقرير راااااااائع جداااااااااااا الله يخليلك اعيالك ويخليك لهم وما انسى ام سعود الله يحفظها اهي المظلومة بينكم "ما شاء الله كلكم شباب"
الله يرزقكم ببنوتة تسليها وتكون خير مساند لأمها خخخخخخخ
بخصوص متحف الشمع وايد عيبني خاصة تمثال نيكولاس كيج وبطل توايلايت روبرت باتينسون
واعتقد اللي تصور وياها سعود ظني مب اوبرا وينفيري يمكن وزيرة الخارجية كوندوليزا رايس والله اعلم
واللي تصورت وياه "ريال ع اليمين وحرمة ع اليسار " اعتقد مايكل دوغلاس اذا ما خاب ظني ..
الرحلة ما شاء الله رائعة والثلج حلو بس البرد يذبح انا بس جربت سكي دبي بغيت اموت ثلجنا وخشم اختي صار بنفسجي واصلا اندفن بين خدودها " كانت وارمه" خخخ..
وبخصوص سنترال بارك فهي بالنسبة لي مميزة وتستحق الزيارة من شفتها ايام كيفن "ماكولي كولكين"
Home Alone 2 Lost in New York
ممكن سؤال .....ليش تفضل السفر في الشتاء ؟ شو الميزة ؟
وشكرا ع الاجابة مقدما والله يعطيكم الف عافية
ما شاء الله تبارك الله
مشكور على هالتقرير ابوسعود يا سميي (فيصل)
انا شفت واحد من المشاركين سأل سؤال بس ما لقيت ردك بخصوص الفاست باس
هل 30$ لكل لعبة أو هو كرت تشتريه مره وحده وتستخدمه لجميع الالعاب؟
يا ليت تفيدنا يالغالي ولو عطيت تفاصيل اكثر بهالموضع ما نقول لا.. انت كريم وحنا نستاهل
وأسأل الله لك التوفيق ويصلح عيالك ويبارك لك فيهم.
ابوسعووووووووود
لاعمرك تكتب تقارير ثاني مره
انت بتحمسنا في كل مره وتخسرنا ههههههههه
تم الانهاء من قراءه التقرير كااااامل حرف حرف وكلمة كلمة
من اول مميزاته او ( الخساير من وراك) غيرت حجزي من ترانزيت في نيويورك الى جلسة اربع ليالي في نيويورك وحجزت الستي باس برضوا لي والمدام وطفل 5 سنوات
رحلتي في نهاية سبتمبر الجاي بإذن الله وبزور نيويورك واورلاندو وميامي
تقريرك وحش وماعمري قريت تقرير بجمال و روعته تقريرك..
طبعاً بسألك مو معقولة امدح ولا اسأل
هههههههههه
لا لا امزح والله تقريرك كل شي مفصل فيه ماشاء الله ومتأكد لو كل واحد قراه كان نص الاسئلة الي وصلتك ما انسألت
فحبيت اقول لك شكراً وبس.
المفضلات