الله يعطيك الف عافية على المجهود الخوراااااااااااااااااافي والاسلوب السحري والشيق في وصفك لرحلتك الاسطورية وتستحق مني لقب ( القبطان ) سر ونحن من خلفك ياقبطان !
عندي سؤال بسيط عن الفيزا ، هل تطلب منك احضار تاشيرة الخروج والعودة مع الاوراق الاخرى ؟
انا مقيم في المملكة وارجة ان تنورني باجابتك واذا في نصائح اخرى لاتبخل علينا فيها
وشكرا
ماشاء الله تقرير ممتع ربنا يوفقك افدتني كثير وحمستني اني اروح للحلم امريكابعد ماكنت اقول اروح لا ما اروح حيكفي المبلغ اللي معايا او لا
ولكن بعد تقريرك هذا ابشرك حجزت اليوم لي انا وام لارين ولارين
وسعر التذاكر كان خيالي ولله الحمد على الخطوط السعودية بـ 8243 ريال
مع ان ماشاء الله التقرير كامل مكمل لكن بسالك عن كم شغله
اولهم موقع الباص اللي في نيويورك ياريت ترسل لي الرابط تبعه
والاختيار اللي خلاك تدخل كل الاماكن لانه بصراحه عرض خطير وموفر
اسف على الاطاله
التعديل الأخير تم بواسطة hibaa ; 07-24-2017 الساعة 09:38 PM
اخوتي الكرام ,,,
رجعت لكم مع تكملة التقرير والمعذره ثم المعذره منكم على التأخير الخارج عن الإرادة ...
واليوم بكمل لكن رحلتنا لمدينة ملاهي Universal Studios وزيارة ثاني المدن وهي
Universal Studios Florida
وهذي المدينة طريقها نفس طريق مدينة Island Of Adventureومجرد ماتدخل وتوصل الـ City Walk امش قدام الييييين تلقى مفترق وتلقى لوحة الطريق الأول Island Of Adventure والطريق الثانيUniversal Studios Florida, بسم الله صحينا بدري وفطرنا فطور خفيف بفندقنا الجميل وشغلنا برنامج Sygic وتوجهنا للملاهي وكالعادة الجو خياااااال ومو طبيعي صاااافي والمناظر ترد الروح
ياعيني ياعيني من اولها سحب وغيوم يعني المطر جاي جاي
صار لنا يومين غيوم في غيوم
قربنا من البوابة
لوحة الملاهي
السواقة عندهم فن وذوق واخلاق يعني مايعطونك مجال انك تعصب لأنه مافيه شي عندهم يخليك تعصب الا التشخلع
لوحة المواقف
حجزنا موقف بـ 15 $
ومشينا اليييين وصلنا للبوابة وتلقى شعار المدينة يستقبلك
بوابة الدخول
واكيييد على خريطة المدينة ومتوفرة بلغات كثير الا العربية
وهذي الخريطة
واول لعبة قابلتنا اسمها
Despicable Me
اللعبة عبارة عن مركبة ثلاثية الأبعاد شييييييييييييييييييييييييييييي رهييييييييييييييييبة وقت الإنتظار كان دقيقة مثل ماشفتو بالصورة اللي فوق, وهذي النظارات
العرض واللعبة خيااااال انا اتوقع انها 4D مو 3D , وهنا مكان الانتظار وانتظرنا تقريباً 20 دقيقة
بعدها رحنا اللعبة اللي جنبها وهي
Shrek 4D
واللعبة عبارة عن عرض سينمائي 4D الييييييييييييم حلو حبيناه كثير وهذي النظارات
وبعد ماطلعنا تفاجأنا بالجو مطر
سبحان الله ربي منعم عليهم وتلاحظون المطر نظيييييييييييييييييييف
وطبعاً احنا جبنا مظلتنا وبعد 10 دقايق خف المطر و توجهنا لعرض اسمه
Twister
والعرض عبارة عن تجربة حية للأعاصير والمطر حلللللللوة تستاهل التجربة تعيش جو الإعصار وقوته وهنا مكان الانتظار
وبعد ماطلعنا لقيت هالعبة وقلت ياالله يا ام لانا مشيييينا
وجنب اللعبة لقينا هالسيارات
اللعبة اعتقد انها كانت تحت الصيانة او انها جديدة ياخسااااااااااااارة لكن عادي المدينة في العاب ثانية, لقينا لعبة رعب اسمها
Revenge Of The Mummy
لعبة عبارة عن مركبة تمشي بين مومياء وفراعنة وتسرررررع وتخف وكله كوم ومكان الإنتظار المظلم كوم
ثاااني قمة في الإبداع والتصميم
طبعاً لاازم قبل ماتدخل تحجز لك خزانة مجانية ببصمة يدك لأنه ممنوع تدخل وبيدك كاميرا او اي شي وعلشان كذا ماصورت داخل
اللعبة تستحق التجربة وبقوة, وبعدها مرينا على لعبة
Transformers
واللعبة توها وكاااالة جدييييييدة لكن للأسف قالولنا انهم بيفتحونها نهاية سنة 2013
مشينا ندور العاب ولقينا هالبحيرة وفيها مسرح وشعار الملاهي
صورة عامة للمدينة
يتبع ...
بعدها لقينا عرض اسمه
BeetleJuice's
وهذي اوقات العرض
العرض كوميدي + موسيقي وهذا المسرح
وطلع لنا هالمومياء
وهذا مقدم العرض يقعد ينكت ههههههههههه رهيييب بس يبيلك تركز معاه علشان تفهم النكته
وبعدين دخلوا علينا فرانكشتاين
صورة ثانية
بعدها دخل دراكولا والساحرة والذيب
قبل بداية العرض
مؤثرات
اول مااختفى الدخان طلعوا كذا !! مسرع بدلو ملابسهم
وبعد العرض الحلو لقينا لعبة اسمها
Disaster
عبارة عن عرض مسرحي وقطار رهيييييب يختارون ناس من الجمهور ويخلونهم يدخلون قبلكم ويجهزونهم وبعدها يقولون لهم صارخو وسوا حركات كانكم بتغرقون وكذا, المهم بعد مايخلصون نركب القطار ويهتز علينا وعن يميننا ناار وماء كثييييييييييير عيشونا الجو هههههههههه وبعدها يسوون مونتاج للناس اللي اختاروهم ويعرضون لك الفلم وضحححححححححححححححححك عليهم حطوهم في لقطات مصخره هههههه, طبعاً ممنوع التصوير وهنا مكان الانتظار
صورة ثانية
صورة من الجهة الثانية
وبعد ماخلصنا هالعرض الحلو لقينا عرض اسمه
Fear Factor
وبيني وبينكم مادخلته لأني شفت تقرير عنه والعرض يمكن 45 دقيقة فما حبيت اقضي هالوقت كله بالعرض, وهذي اوقات العرض
لقطنا صورة للبحيرة
ورحنا لعبة
MIB Men In Black
وهذا مكان الدخول
ولازم تحجز لك خزانة وطبعاً مجانية لأنه ممنوع الدخول بالشناط او الكاميرات
واللعبة عبارة عن مركبة لشخصين وفيها مسدس ليزر وقدامك مجسمات وحوش ولازم تصيدها وتجمع نقاط ومافي الا قوووووووة طلق وطلق اليييين جانا شد عضلي هههههههه ونااااسة ومكان الإنتظار ابداع تشوف الوحوش تتكلم وتتحرك نفس اللي بالفلم, وبعد ماتونسنا رحنا للعبة اللي بعدها واسمها
The Simpsons
وهذي اللعبة دخلناها واحنا مترددين لأنها باين عليها حق اطفاااااااااااااال وهنا مكان الدخول
لكن طلعنا غلطانيييييين اللعبة خيااااااااااااااااااال رهيييييييييييييييييبة وبدون مبالغة ثاني اجمل لعبة بالمدينة حلللللللللوة تركب مركبة لـ 5 اشخاص او 6 وترقون فوووووق وحوالينك شاشات سينمائيه وتمشي بسررررررررعة كانك في قطار وتشوف شخصيات سمبسونز واللعبة عجبتنا كثيييييييييييير وتستحق التجربة, وبعد ماخلصنا مرينا على عرض اسمه
Animal Actors
عبارة عن عرض اكرمكم الله للقرود والكلاب والطيور حلو لكن ماحضرناه لأن وقت العرض ماناسبنا وهذي اوقات العرض
بعد ماطلعنا من اللعبة الحلوة المطر رجع مرة ثانية ورحنا بسرعة و مرينا على لعبة
E.T. Adventure
اللعبة حلوة ركبنا سياكل تطير وشفنا القمر والنجوم اللعبة حلوة وتستحق التجربة, وبعد ماطلعنا منها لقينا قسم خاص بالأطفال
الجهة الثانية
وجنبة عرض خاص بـ بارني
وهذي اوقات العرض وماحضرناه لأن العرض حق اطفال بحت فحبينا نروح العاب اكبر شوي
رجعنا لقسم الأطفال لأن فيه قطار سريع للأطفال ركبناه ولقينا واحد سعودي مع بنته الصغيره الله يحفظهم واخييييييييييراً لقيت ابو سروال وفنيله ارتححححححححت لما شفته اله يسعده هو وبنته
بعد القطار الصغير رحنا لآخر عرض بالمدينة اسمه
Terminator 2 3D
من الجهة الثانية
العرض عبارة عن مسرح فيه شاشات سينمائية وفيه ممثلين بنفس الوقت والعرض حلو ويستاهل التجربة لكن وقت الإنتظار كان طويل فقررنا نطلع من الملاهي ونروح للفندق لأننا تعبنا ونبي نرتاح وكان فيه عرض في البحيرة والعاب نارية بالليل فقالت لي أم لانا مادام عندنا يوم ثالث مجاني وش رايك نرجع له بكره بالليل علشان العرض بس وبعدها نطلع ؟؟ قلت لها ممتااااز جداً وطلعنا وتعشينا في مطعم حلو بذكره لكم في وقت ثاني وبكمل لكم مباشرة من اليوم الثالث
يتبع ...
اخوتي الكرام ,,,اشكركم من كل قلبي على تعليقاتكم وتفاعلكم مع تقريري المتواضع وارجو منكم العذر والسموحة لأني مارديت على تعليقاتكم لكن بإذن الله تعالى بس اخلص التقرير ارد عليكم واح واحد اذا الله عطانا عمر ...
مثل ماذكرت لكم من قبل اننا ماكنا نروح للملاهي يومياً وكنا نروح يومين ونرتاح يوم وكذا لأن التذاكر اللي حجزناها تعطينا صلاحية لمدة 14 يوم لكن الدخول مرة وحده وانت بكيفك عاد قسم الـ 14 يوم على كيفك مثل ماتبي ...
وفي يوم من ايام الراحة طلعنا تقريباً الصباح الساعة 9 ومافطرنا في الفندق فقلت لأم لانا وش رايك اليوم نفطر في مطعم ؟؟ قالت مشيييينا لأني جوعااااانه فقلت خليني اروح محطة واسال هناك, طبعاً شغلت برنامج Sygicودخلت على خيار المجموعات واخترت اقرب محطة بنزين وطلعت لي محطة Shell وموقعها جنب ماك مباشرة
ومثل ماتلاحظون اسعار البنزين وانواعه, انا ما اعرف اي نوع اعبي ؟؟؟ رحت ووقفت السيارة جنب مدخل السوبر ماركت ونزلت وسألت الموظف :
أنا : اي نوع اعبي؟الموظف : سيارتك اجار ؟انا : نعمالموظف : جميع سيارات الاجار تعبي نوع Regularانا : اوكي, لكن كيف اعبي ؟الموظف : وقف سيارتك قدام اي مضخه وبتلقى فيها رقم جيب الرقم وعطني فلوس بكم بتعبي وانا افك المضخة من عندي وانت تروح تلقى المضخة شغالة وعبي الييين يوقفانا : اوكي
رحت ووقفت سيارتي عند هالمضخة ومثل ماتلاحظون فوقها مكتوب رقم 3
بعد ماوقفت السيارة رحت للموظف وعطيته فلوس وفتح المضخة من الكمبيوتر ورحت علشان اعبي وتلاحظون بهالصورة انواع البنزين
لااااازم تضغط الزر اللي مكتوب عليه Push علشان يتصفر العداد ويبدأ
وبعدها افتح التانكي وعبي من نفسك الله لا يهينك, وهذي اول مرة في حياتي اعبي بنزين من نفسي ههههههههه كنت مرتبك لكن الحمد لله عبيت التانكي الييين خليته يكح, والمضخة تعبي لك قد فلوسك وبس لا زيادة ولا نقص بالمللي, طبعاً الأسعار تختلف من محطة لمحطة ومعظم المحطات تفرق بالسعر مبلغ بسيط حول 30 سنت بس لكن احنا سياح ماتفرق معانا لكن المواطنين والمقيمين بأمريكا تفرق معاهم الـ 30 سنت ...
بعدها فرفرنا في شارع الإنترناشيونال درايف وطاحت عيننا على مطعم يسوي فطور اسمه
World Cafe
طبعاً الجو كان خياااااااااااااااااااااال وهذا المطعم من برى
صورة واجهة المطعم وتلاحظون الجو الخرااافي
فيه كم جلسة برى لكن احنا دخلنا داخل
صورة ثانية وتلاحظون صور الأكل والفطور على القزاز
فيه اكثر من طاولة وهذي صورة من الداخل
صورة ثانية
وهذا المينيو حق الفطور
مينيو ثاني
المينيو الكامل
تكملة المينيو
وقبل ما أطلب سألت الموظف وجنسيته سيريلانكي عن الأكل هل هو حلال والا لأ؟ قالي عندي بقري وعندي هام قلت له عندك بيف برجر؟ قالي فيه قلت له عطني وجببتين , وسألته عن الهوت دوج قالي لحم بقري وقلت له عطني واحد, وهذي صورة الطلبات وأول الواصلين الهوت دوج
الييييييييم لذيذ صراحة, وحطينا ماسترد وكاتشب ووصلت المشروبات
وسمينا بالله وأكلنا الهوت دوغ ووصل بعدها الشيخ برجر
بصراحة حلو مرة يستاهل التجربة طعمه حلو, عندي ملاحظة انا طلبت منه يبدل المشروبات الغازية بمشروبات بلاستيك لأن طعمها غييييييييييييير وخصوصاً حبيب قلبي الـ Sprite
والحمد لله فطرنا وكانت تجربة مميزة وحلوه ...
يتبع ...
اخوتي الأعزاء الكرامرجعت لكم بعد ماتغليت عليكم وزرعتكم الييين قلت بس ...
وهذا الجزء عبارة عن فرفرة منتاااااازة والفكرة جات مني لما كنا سهرانين في ساحة الفندق ونطقطق على النت انا وام لانا فقلت لها وش رايك بكره نخليها مجمعات تجارية؟؟ فوافقت على طول ام لانا ...
وهذا الجزء من التقرير بسميه :
مجمعات أورلاندو
طبعاً زيارتنا كانت لعدد 3 من اكبر مجمعات اورلاندو فبسم الله نبدأ معاكم التقرير ...
صحينا تقريباً حول الساعة 10:30 الصباح وفتحت الشيخ جوجل وبحثت عن المجمعات في اورلاندو وطلع لي افضل 3 مجمعات وتقييمهم العام وهذي صورة للمجمعات وتقييمها
المجمع الأول :
The Mall At Millenia
وطبعاً أفضل برنامج ملاحة على الإطلاق وبدون منازع وعن تجربة شخصية هو Google Maps اقوى برنامج يطلع لك اي شي تبيه وأقوى من Sygic لكن عيبه انه يحتاج نت بعكس Sygic فيه ميزة انه يشتغل بدون نت لكن البرنامجين مااستغنا عنهم ابداً ابداً وهذي صورة من Google Maps طلع لنا المجمع وبسم الله توجهنا للمجمع والوقت للوصل 7 دقايق بس
واحلى مافي برنامج Google Maps انه يعطيك اكثر من طريق وكم الوقت للوصول مثل هالصورة وانا اخترت اول خيار 7 دقايق
وبعد تحديد الموقع انطلقنا
شقولكم بس قرييييب واحلى شي شوارعهم تحس انها صاااافية HD ماشاء الله كل شي يلق ونظييييييييف وهذي صورة لبداية الوصول للمجمع
شعار المجمع
المجمع كبير ومرتب ومواقف متوفره ومرتبه وافضل شي ان الواحد يتوجه للبوابة الرئيسية افضل وهذي لقطات ومناظر حلوة للنوافير جنب البوابة
كلاااااااااااااام كبيييييييييير وترتيب مابعده ترتيب
وهذي البوابة الرئيسية
صورة اقرب
مناظر تسر العين قبل ماتدخل
من جنب بوابة الدخول وتلاحظون النظام والترتيب
اول مادخلنا قابلنا هالمنظر
وهذي ساحة المجمع حلوة وشرحة وتدخل اشعة الشمس لأن السقف قزاز
مشينا من هذي الجهة
طبعاً احنا مافطرنا فكنا جوعانين وكانت حزة الغداء فتوجهنا لقسم المطاعم وهذا هو القسم
الجهة الثانية
فرفرنا بالمطاعم ندور على مطاعم حلال وطاحت عيننا على مطعم اسمه
Great Wraps
يعني سندوتشات خطيييرة وفعلا لقينا عنده سندوتشات كثيير حلوة ومتنوعة واكثرها دجاج ولحم بقري وخروف وعندهم سلطات وشغل حلو
لكن احنا حبينا نجرب مطعم غيره وفرفرنا ولقينا هالمطعم
China Town
المطعم هذا نسخة طبق الأصل من مطعم كانتون بالسعودية وهذي هي الاطباق عندهم
انواع الدجاج واللحم البقري والفطر
صورة لواجهة المطعم
فطلبت لأم لانا وجبة لحم بالخضار مع البروكلي شغل لذييذ وحلو
زووووووم
بعد ماطلبت لأم لانا انا بعد دورت لي مطعم وللأسف فيه مطاهم ايطالية وبيتزا وحركات لكن للأسف كله لحم خنزير ولقيت مطعم حلة جداً اسمه
Chick Lilia
مدري اذا كتبت اسمه صح او لأ
هذا المطعم مثل كنتاكي كل شي عنده دجاج وبس فطلبت هالوجبة
اممممم اتعب وانا اقول لذييييذ وخطيير ومافيه دهون مثل كنتاكي واحلى زووووووووووم
وبعد الأكل حمدنا الله سبحانه وشكرانه على النعمة الجزيلة ولقطنا لكم صورة جوية للمجمع
احلى شي بالمجمع محل أبل بشووووشييييين كثييير اول ماشافوني اصور وقفوا وسوو حركات, واحلى شي انك لما تشتري من عندهم شي يحط الآيبود اللي في صدره عالقطعة ويقول لك خلاص وتطلع الفاتورة من تحت الطاولة !!!!! ابداااااااع والله التكنولوجيا تطروت كثيير عن اول
طبعاً خدمة الإنترنت الواي فاي متوفره بالمجمع مجاناً, وهذي صورة للنافورة
ولاحظنا ان نوافيرهم كلللها مليانة قروش وهلل الظاهر عندهم اعتقاد انها تجلب الحظ !!!
يتبع ...
المفضلات