حياك الله اختي وان شالله تكونون من الحيين وتسافرون وتنبسطون ..
خططنا انو (نروح بنك سامبا ونسدد المبلغ 380ريال ) السؤال : المبلغ طبعا عن كل جواز والمرافقين لان ثلاث من خواتي مع الماما يندفعلهم والا لا ؟؟؟
- بغض النظر عن العمر او الجواز يجب تقديم تأشيرة مستقلة لكل شخص ... وفي حالتكم نعم يجب سداد الـ 380 ريال عن كل فرد من افراد العائلة حتى الأطفال المضافين مع الوالدة .. وتأكدي ان جواز سفر الوالدة فيه صفحات فارغه تكفي ... لأن كل متقدم يجب ان يكون له صفحتين فارغتين وفي حالتكم يجب ان تكون هناك ثمان صفحات فارغة في الجواز عشان يكفي للوالدة واخواتك ... واذا الجواز مليان جددوه ..
وبعدين بندخل الموقع ونعبي الأبلكيشن B156 السؤال : هل لازم اشتري يوزر نيم وباس وورد ب 45 ريال والا لا؟؟؟
- نعم ضروري وشرط اساسي تشترين يوزر نيم ولازم تكون معك بطاقة ائتمانية تشترين عن طريقها اليوزر نيم بـ 45 ريال ( يبيلك مساعده من الوالده :101: ) ..
وعلى فكرة نظام الموقع يسمح لصاحب اليوزر إضافة اربعة اشخاص آخرين لأخذ موعد بشرط يكونون من الأقرباء المباشرين ( الأب , الأم , الأخوة , الأخوات , الزوج , الزوجة , الأطفال ) ..
وايضا نظام السفارة يعفي الأطفال الي هم اقل من 12 سنة من الحضور للموعد واجراء المقابلة ..
على هالأساس انتي سجلي الأسماء في يوزر المواعيد ... واخواتك الي اقل من 12 سنة ما يحتاج يروحون للسفارة لكن انتبهي : لازم اوراق كل طفل دون ال12 تكون كاملة مثلكم بالضبط لكن الفرق انهم ما يحضرون ويكتفى بحضور والدك ووالدتك بالنيابة عنهم ...
عبيت الابلكيشن السؤال وش يسير بعدها ؟؟؟ يعطوني موعد للمقابلة على طول ؟؟؟
اجهز صور للجميع 5*5 وكشف حساب الوالد لثلاث اشهر والجواز القديم غير متوفر لدينا واجهز قلم بس؟؟؟؟
- اذا انهيتي شراء اليوزر عن طريق الموقع التالي :
https://ksa.us-visaservices.com/Forms/default.aspx
- ادخلي الموقع وختاري من اعلى الصفحة يسار خيار اللغة العربية وبعدين دخلي اليوزر الي اخترتيه والباسوورد واذا دخلتي اول صفحة بتقابلك هي خيارات الفيزا .. وبما انكم رايحين سياحه اختاري اول وحدة الي هي :
(B1/B2) ترفيه/عمل ...
- بعدها بتجيك صفحة ( التأشيرات التي تحتاجونها ) اذا ما كانت عندكم جنسيات اخرى تجاهلي الصفحة وانزلي تحت واختاري ( لست اهلا حسب هذه المعايير ) بعدها التالي ..
- بعدها بتفتحلك صفحة معلومات عن التأشيرات اتركيها وانزلي تحت واختاري ( قرأت وفهمت المعلومات ) بعدين التالي ..
- بعدها بتفتحلك صفحة رقم جواز السفر دخلي رقم جواز مقدم الطلب الرئيسي ( مثلا الوالد ) وبعدها صفحة ادخال البيانات ..
- اذا انهيتي ادخال البيانات بعدها ممكن تختارين الموعد ... بتفتحلك صفحة موجود فيها زي شكل التقويم تقدرين من خلال هذا التقويم تختارين الموعد .. وطبعا الايام الي فيها امكانية لأخذ موعد فيها بتلقينها باللون الأخضر ومكتوب عليها شاغر ..
- بعد ما تاخذين الموعد بيصير كل ما دخلتي الموقع عن طريق اليوزر حقك بتلقين صفحه اسمها صفحة بياناتي ... فيها كل المعلومات .. وعلى فكرة الموقع يعطيك فرصتين لتغيير الموعد بشرط ما يكون قبل الموعد بيومين او اقل ...
##### الأوراق المطلوبة ##### ( يجب تقديمها بالكامل باللغة الانجليزية )
1- كشف حساب لوالدكم لآخر ثلاث اشهر قبل تاريخ المقابلة .
2- خطاب من جهة عمل الوالد يوضح راتبه وتاريخ التحاقه بالعمل والمسمى الوظيفي وهل هو مرتبط بعقد او لا واذا مرتبط متى ينتهي .
3- احضار ورقة تأكيد المقابلة من الموقع .. اذا حددتي موعد من صفحة البيانات فيه خيار اسمه طباعة صفحة تصريح ..
4- تعبئة الاستمارة DS 156 لكل افراد العائلة بغض النظر عن العمر ويمكن تعبئتها ثم طباعتها من خلال صفحة البيانات ( اعلى الصفحة على اليسار يوجد رابط لتعبئة وطباعة الاستمارات ) .
5- تعبئة استمارة DS 157 للرجال بين سن الـ 16 والـ 45 وحسب وضعكم ما يحتاج يعبيها إلا والدكم فقط اذا كان عمره بين الـ 16 والـ 45 وتقدرون تعبونها ايضا من الرابط الي اعلى يسار صفحة البيانات .
6- احضار جميع الجوازات القديمة ( في حال توفرها ) .
7- دفع رسوم الفيزا عن طريق البنك الأمريكي ( سامبا ) واحضار وصولات الدفع .
8- صورة لكل شخص ( حتى الاطفال ) مقاس 5*5 خلفية بيضاء بدون شماغ ومقابل للكاميرا ( الاستوديوهات عموما صارت تعرف شروط الصورة للسفارة الأمريكية ) وبالنسبة للنساء عادي تلبسون الحجاب بشرط ما يغطي اي جزء من الوجه والفك يكون واضح وممكن عادي تغطية الأذنين .
9- جوازات سفر صالحة لمدة لا تقل عن 6 اشهر من تاريخ وصولكم لأمريكا .
10- يفضل اذا انتم حاجزين تاخذون التذاكر او برنت الحجز معكم ..
الله يوفقكم ويحفظكم ..
المفضلات