شالالات نياجرا

راح اكتب عن شالالات نياجرا .. الي تعتبر وحده من اهم واجمل المظاهر الطبيعيه الموجود في امريكا و كندا ..

الموقع ..

الشلالات بين ولايه نيويوروك الامريكيه و ولايه انتوريو الكندية

الانتقال من الجانب الكندي الى الامريكي و العكس يطلبون جواز بالاضافه فيزه للدولتين .. واذا كنت طالب لازم تكون اوراقك كامله مثل الاي توني و I-94

___________________

للوصول الى الشلالات ..

في اكثر من طريقة :

1 عن طريق السياره او اجار سياره. ميزتها انك تتحكم في الوقت. ومده الاقامة.
مثال للمسافه بين بعض المدن الامريكيه و الشلالات:
– مدينة نيويورك : 7 ساعات . 400 مايل.
– واشنطن دي سي: 8 ساعات. 480 مايل.
-بوسطن: 7 ساعات ونص. 460 مايل.
-فيليدلفيا: 7 ساعات. 416 مايل.
– كليفلند: 3 ساعات ونص. 200 مايل.

2- عن طريق رحله بالباص وفي رحلات بالباص خصوصا بالمدن الكبيرة والي يكثر فيها السواح.
من المواقع الي تقدم رحلات بالباص.

تختار قسم Tours

الرحلات هذي تكون بالمواصلات والاقامه وتختلف مده الاقامه وبعضها يشمل اكثر من مكان تزوره بنفس الرحلة. مثل الشلالات و منطقه 1000 جزيره الي بين امريكا وكندا.

3- اغلى طريقه وهي بالطياره اما عن طريق الحجز و السفر لحالك او عن طريق رحلات تنضمها شركات من نيويورك الى شلالات نياجرا و الرحله يوم واحد فقط السفر والرجعه بنفس اليوم. اشوف انها متعبه وغاليه.

____________________

االشلالات من الجانب الامريكي ..

الي يميز الجانب الامريكي الحديقة الي تطل على الشلالات. تنضيمها ممتاز و فيه مركز للزوار فيه معلومات و بعض الصور و سينما تعرض فلم عن الشلالات.. والي يميز الجانب الامريكي بعد انك تقدر تشوف المويه الي تنزل من الشلال الي يسمونه “American falls” الخريطه الجايه توضح الجانب الامريكي ..

الخريطة من موقع

http://www.niagarafallsstatepark.com/

وهذي بعض الي صورتها من الجانب الامريكي ..

و في الجانب الامريكي مبنى مثل الجسر اسمه

Niagara Falls Observation Tower

للي يبي يشوف للشلال الامريكي من قرب المبنى هذا في مصعد ينزل الزوار تحت قريب. سعره 1 دولار واحد و الاطفال مجانا يفتح كل الفصول ما عدا فصل الشتاء.

و سعره شامل لو تبي تركب قارب يطلع مجانا.

صوره للجانب الامريكي وفيها المطعم ..

هذا اهم شي بخصوص الشلال .. و بالنسبة للمدينه صغيره نسبيا و سمعت ان ما فيها شي الواحد يقدر يسويه .. في محلات بسيطه و مجمع تجاري بس ما دخلته ..

_____________________

الشلالات من الجانب الكندي ..

ميزتها ان في ممشى على جنب الشلالات وفي فنادق اكثر و قريبه من الشلال و بالليل في حركه بشارع واحد فيه مطاعم و العاب.

المنظر من الجانب الكندي افضل خصوصا ان الواحد يشوف الشلالات اقرب.

بعض الصور من الجانب الكندي ..

صوره الجسر الي يربط امريكا مع كندا..

هذي صوره للشلالات الامريكيه

و في ملاهي في الجانب الكندي بس ما رحت لها ..

و في الجانب الكندي في العاب ناريه بس للاسف ما ادري وين يطلقونها ..

اتوقع الي من الجانبيين يقدر يشوفها .. بالنسبه للايام الي فيها عرض الالعاب الناريه:

كل يوم جمعه و احد الى 31 اوقست 2008

كل يوم اربعاء خلال شهرين جولاي و اوقست 2008

كل يوم جمعه من 5 سبتمبر الى 10 اكتوبر 2008

وايام العطل :

Canada Day, July 1
Independence Day, July 4
Civic Holiday, August 6

__________

الحلو ان رحلات القارب موجوده على الجانبيين الامريكي و الكندي و تمشي الى جنب الشلالات ..

Maid of the Mist

سعر التذكره 12.50 $

,وفي رحلات بالقارب سريع “موجوده على الجانبين” :

Whirlpool Jet Boats

سعر التذكره 56 دولار

ولكن عيبها انها ما تقرب من منطقه الشلالات.

_________________

السكن ..

الفنادق في الجانب الكندي اكثر و احلى و بعضها يطل على الشلالات. و ليله وحده تكفى لشلالات نياجرا ..

و في الاخير احب اوضح ان البعض بيقولك الجانب الكندي او الامريكي افضل من الثاني .. كلهم واحد وكلهم راح تستمتعون بالشلالات خصوصا لمن تركبون القارب راح تكونون بالنص و تشوفون الجهتين..