اتمنى منكم المشاركه بتجاربكم الشخصيه في
افضل دولـه في الخليـــج زرتها
من حيث التالي .
ــ الاهتمام بالتراث والمحافظه عليه:
ــ سياحياً وترفيهياً :
ــ التنميه والترتيب والنظام :
ــ تعامل الشعب واخلاقه:
وذكر الاسباب لما سبق إن امكن ذلك ؟؟
واستثناء الحرمين الشرفين من المفاضله
مع مراعات عدم التهكم على شعب اودوله
وفي النهايه خليجنا واحد وشعبنا واحد
الإجابة:
سلطنة عمان صراحة هي تهتم بالتراث و المحافظة عليه ,
طبعا و كذلك دولة قطر
إجابة اخرى:
بنسبة لي انا زرت كل دول الخليج ماعدا عمان لهشي بشيلها من القائمه الي بذكرها ومن غير ذالك سمعت ان مافيها مقومات لسياحه
وبنسبة لدول الثاني فانا زرتهم وايد لهشي بقولكم وجهت نظري فيهم
ــ الاهتمام بالتراث والمحافظه عليه:
انا اشوف من هناحية ان قطر تهتم وايد بتراث وفي له مهرجانات وقراى تراثيه ومسلسلات تاريخيه يسويها التلفزيون القطري لهشي اعتبر ان قطر افضل دولة تهتم بتراث بطريقه انها تبرزه وتمنحه جمالية وابداع
ــ سياحياً وترفيهياً :
سياحه وترفيه ماقدر اقول الامارات بس اقدر اقول دبي لانها الوحيده الي فيها مقومات السياحه من وجهة نظري في كل امارات الدوله وتمتاز دبي بمولاتها وابراجها وفنادقها ومدن الترفيه المائية وغيره من المجالات الثانية الي احتلت المركز الاول من بين دول الخليج
وبعدها اقدر اقول الدوحه اكيد تخطو على خطى دبي ولاكن ماقدر اقول انهم بنفس المستوا علشان ما اظلم كل مدينة
ــ التنميه والترتيب والنظام :
دبي اكيد مرتبه وايد ومنظمه وبعدها الدوحه اكيد هم اكثر مدينتين في الخليج اشوف فيهم نظام وتنمية وفكرة تطويريه
انا رحت دول خليجية شقيقة وانصدمت من التجاوزات الي اشوفه اوالله حسيت روحي في مصر للستهتار وعدم مراعات الانظمه
ــ تعامل الشعب واخلاقه:
لا عاد هنا الظلم ظلمات وكل شعب فيه الزين وفيه الشين وماعمري رحت لدوله خليجية واسائلي حد فيهم او ضايقوني بكلمه بلعكس لهشي اقول كل شعوب الخليج فيهم الخير
وذكر الاسباب لما سبق إن امكن ذلك ؟؟
مافهمت هسؤال على العموم انا جاوبت من وجهت نظري وبحكم سفري الدايم لكل دول الخليج لهشي قيمتهم من وجهت نظري
واختلاف الراي لا يفسد للود قضية