شحالكم اعضاء منتدى المسافرون العرب؟
عندي استفسار ومحتاج خبرتكم فيه واعرف أنكم ماراح تقصرون في الرد؟
انا زوجتي حامل وحاليا زوجتي في نهاية الشهر الرابع وناوين ان شاء الله نسافر في شهر 5 .. وبيني وبينكم محتار وين أسافر كون ان المسافات الطويله تسبب تعب وإجهاد للحامل وهذا اول حمل لزوجتي الله يخليها..علما ان في شهر 5 راح تكون في الشهر السادس
وابغي فزعتكم في اختيار الوجهه … كنا ناوين نسافر عالمالديف بس بعد التسونامي الي ضرب اليابان غيرنا راينا .. والمده الي ناوين نسافرها اسبوع…
ابغي فزعتكم ياجماعه والله محتار كل يوم نختار مكان ونغير..*
الأجابة
الله يتمم عليها ويرزقكم الذريه الصالحه
اول شي راي الدكتورة اذا عطتكم الضوء الاخضر توكل على الله
بما انها بكريه لازم تنتبهون اكثر
واجازتكم قصيره يعني اسبوع مايمديها تريح من مشوار الطياره اذا كانت الرحله طويله
انا عندي افضل شي كوخ في الريف الاوروبي ( النمسا او سويسرا او بلجيكا) والله انها راااحه ومتعه حقيقيه
لكن المسافه وقصر المده لذلك أنصحكم لبنان
وأكيد اللاعضاء ما راح يقصرون
إجابة أخرى
انا طبعا مع وبشده انكم اتسافرون وانا اعرف بنات اشكثر مسافرين وهم بواخر حملهم لا وحده منهم كانت حامل بتؤام وفي الشهر السادس ورايحه امريكا سياحه يعني الموضوع باذن الله مافيه خطوره على المدام
واختيار الجزر فعلا اختيار موفق واحيكم عليه
انا طبعا مع المالديف واحس ان اتسونامي اليابان بعيد عنها وماراح ياثر
واذا خايفين شوفو سيشل او موروشيس
او شوفو جزيرة مالطا الصراحه وايد يمدحونها
او ممكن اتروحون على ايطاليا واتزورون بعد جزيرة سقليه
او مثل ما قالو لبنان حلوة
بس انا مع الجزر والراحه والرمنسيه اكثر