اخواني لدي رحلة على مطار الدوحة بجي من السعودية والرحلة على الخطوط التركيه
السؤال :
هل مواقف السيارة بالمطار مجاني ولا بفلوس وكيف اسعارها؟؟
وهل تبعد عن الصالة يعني كيف انزل العفش والعيال وارجع اوقفت ولا كيف ؟؟
وومكن احداثية المطار لا هنتو
الإجابة:
مواقف مطار الدوحة الدولي غالية (5 ريال في الساعة) والمواقف طويلة الأمد أرخص بقليل بعض الشيء بنظام اليوم أو اعتقد 2 أو 3 ريال في الساعة مب متأكد.
المواقف هي مع مبنى المغادرين a و b ماتحتاج لتاكسي حتى تصف وتروح المبنى.
لاتوقف سيارتك عند المسجد بتتخالف واحتمال يتم سحبها. صارت للوالد مرة كان مسافر أسبوع ولما رجع لقى سيارته سحبها المرور للحجز.
عند إشارات المطار بتلاقي مواقف لمطاعم وخلف هالمطاعم سوبرماركت كبير (سفير) وعنده مواقف… لكن أنت وحظك… عن تجارب… أنا صفيت كذا مرة ولله الحمد ما صار شي… لمدد ما بين يوم ويمين و4 أيام وأسبوع.
وعموماً.. إذا اتخذت هالقرار انك تصف عند هالمطاعم أو المحلات أو السوبرماركت… تقدر في أسوء الأحوال أنك توصل مبنى المغادرين مشي لمدة 5-8 دقائق والله يعينك على الجو هالأيام..