انا بنزل الكويت انشاء الله
وحابه اسأل عن المواعين ( الاواني المنزليه )
مثلا القدور صحون- التقديم- اطقم الضيافه عموما
وبرضوه حابه اسأل عن الاسواق الشعبيه : اسماءها
اش الموجود فيها
اش تتميز فيه
اش الاشياء اللي ممكن يشتري منها الواحد هدايا
الإجابة
انتي عارفه الاسواق الشعبيه كل مستلزمات البيت فيها يعني تقدرين تختارين اي هديه طالما انها تعتبر من مستلزمات البيت
مثل اواني بطانيات شراشف وهكذا
سوق الميره الشعبي كبير جداااااااا وفيه كل المطلوب
وبذكر لك المناطق الي تتوفر فيها الاسواق الشعبيه بكثره بما اني مو عارفه منطقه سكنك فأختاري الاقرب
السالميه – فحيحيل – خيطان- الفروانيه
اي شخص ممكن يدليك بهالمناطق على السوق الشعبي
ملاحظه
هذه الاسواق مو راقيه افضلهم الميره
ممكن بعد ولمتعه تسوف افضل انصحك بزياره a2z وترفاليو
يعتبر سوق لمستلزمات البيت بس راقي شوي
إجابة أخرى
الأسواق الشعبيه كثييييييييييييره بالكويت وتحصلينها بهالمناطق بكثره{خيطان -الفروانيه -الجهرا -وفحيحيل} ون اسمائهم طيور الجنه -المعلم-الامتياز-المحاميد-الباشا-زمزم-ميقات-مستوره وغيرها كثير منتشره بالمناطق اللي ذكرتها، بس عندج الري بجانب المشاتل سوق دريم مول وبجانبه مجموعة أسواق شعبيه حلوه ،وايد أشوف خليجين يتشرون منه، وايضا سوق السالميه سيتي سنتر هذا مجمع كبير وحلو وفيه سوق المعلم الشعبي وسيتي سنتر ومطاعم وكافيهات والعاب للأطفال.