حبيت استفسر عن كاميرات السرعة اللي عندكم بقطر (اكيد تسمونها ماهر
لا عندنا بالسعودية نسميها ساهر) ياااااااااااو ياكثر كاميرات السرعه عندكم اكثر من المواتر كل شبرين كاميرة
السؤال اللي يبطح نفسه: هل يتم احتساب مخالفات على السيارات الخليجية ( اذا كان الجواب نعم عز الله رحنا فيها)
لان الشوارع جديدة علينا وما نعرف حدود السرعة القانونية صراحة لوحات السرعة قليلة واخوكم والله قسم بالله مايسرع بس احيان تفلت الرجل شوي واسحبها
الاجابة
على العموم السرعات في الدوحة 3 انواع
شوارع ضيقة وفي مناطق الاسواق والمناطق القديمة 60
والشوارع العادية بس زحمة تكون فيها 80
والشوارع الفسيحة والطويلة نوعا ما تكون 100
مثلا طريق سلوى.. خارج الدوحة 120 واول ماتدخل الدوحة يصير 100 لحد ماتعبر اخر جسر ثم تصبح 80 وبعدها تدخل الدوحة القديمة وبيكون 60
اضافة اخرى مهمة جدا..اسعار المخالفات نار ومبالغ فيه بشكل كبير مثلا السرعة عليها 500 ريال وكل 10 كيلو اضافية يزيد المبلغ 100
الوقوف الخاطئ 500
عدم لبس الحزام 500 (مخالفة غيبية ممكن وانت ماتدري يتسجل رقم السيارة)
قطع الاشارة 6000 ريال
معظم الاشارات فيها كامرتين وحدة للسرعة والثانية لتجاوز الاشارة فما تقدر تسرع لتجاوز الاشارة الصفراء
إجابة اخرى
أجل الله يعينك أبوطااارق (لانها محسوبة على حسب علمي)
خل راتبك الشهر الجاي على صوب شكلك بتدفع المخااالفااات ههههههه (الله يعينك)
تعرف ليش الكاميرات عندنا كثيرة لانه ربعنا متهورين زيادة عن اللزووم فلازم ضبط النفس يااااخي